رسولؤن اعمال 22
22
1«ای برأرؤن و ای پئرؤن، می دفاعیه که الؤن شیمه خدمت عرض کوئنم، گوش بدین.»
2وختی ایشون بشتؤسَن پولُس عبرانی أن زبؤن امره ایشونِ أمره گب زئنه ساکت تر بوبوئن.
بازین پولُس بوته: 3«مو یکته یهودی مرداکم، تارسوس کیلیکیه شهر میئن بدنیا بومَئم. ولی هی شهر دیرون پیلّه بوبوم. مو می اجدادِ شریعتِ تمؤم کمال، گامالائیل ورجه یاد بیتَم و خدا بِه با غیرت بوم، هوطو که امروز شمه همته ایطور ایسّین. 4مو اوشونی که ’طریقت‘ اهل بوئن تا سرحد موردن آزار دَئم و زن و مردِ گیتم و زندونِ میئن توئدَم. 5پیله کاهن و تموم شیخون شوراء تینن ایی جریون گواهی بدئن، چون ایشؤن اجی نؤمه انی برأرؤن به که دمشق دیرون ایسابوئن هیتم تا اوره بوشؤم و ایی ’طریقت‘ اهل دستگیر بکونم و مجازات بِه اورشلیم بأرم.
6«ولی وقتی راه دیرون دمشقِ نزدیک بودبؤم، زواله دَم، یدفاری یکته پیله نور آسمونَ جی که چیشمِ زی می دور فوتوسه. 7گلِ سر بکَتم و یکته صدا بشتؤسَم که مه گوت: ”شائول!شائول! چرا مه عذاب دئنی؟“
8بپورسئم:”خداوندا، تو کی ایسی؟“
«جواب بده: ”مو او عیسای ناصری یم که تو اونه آزار رسونبئنی.“ 9اوشونی که می همراه بوئن، نورِ بدِئن، امّا او صدا که می أمره گب زی، نشتؤسَن.
10«و مو بوُتم: ”خداوندا، چی بکونم؟“
«خداوند مه بوته: ”ویریس و دمشق بشو. اوره هر چی که با انجوم بدی ته گوته بنه.“ 11از اوره که مو او نور روشنایی وسه کورَ بوبؤم، اوشونی که می همراه بوئن می دست بیتن و دمشق سو بمایم.
12«دمشق دیرون، یکته دیندار مرداک که شریعت حکمؤنِ همه انجوم دَه زندگی گود، اینه ایسم حنانیا بو، که یهودی أن میئن، خوشنام بو. 13حنانیا می دئن به بومَه و می ورجه بیسه بوته: ” شائول برار! بَینا بوبو!“ هو لحظه، می چیشمون سو دکته و اونه بدئم.
14«حنانیا بوته: ”اَمه پئرؤنِ خدا تَه انتخاب بُوده تا اونه اراده بودؤنی و او صالحِ بَینی و اونه دَهانای گبؤنی بشتوئی. 15چونکه تو همه مردم جلو اونه شاهید بنی و اوچیه که بدِی و بشتؤسی، گوایی دئنی. 16الؤن چی ریفا ایسای؟ ویریس و اونه ایسم دوخؤن و غسل تعمید بگیر. و تی گوناهؤن جی پکا بو!“
17«وقتی اورشلیم وگرسم، معبد دیرون دعا گودنِ مشغول بوم که خلسه دیرون بوشوم 18و خداوندِ بدِم که مه بوته: ”تاتادی بکون و زودتر اورشلیمای بشو، چونکه اوشؤن تی گوایی می باره قبول نوکؤنن.“
19« مو بوُتم: ”خداوندا، ایشون دؤئنَن که مو عبادتگاه به عبادتگاه دیرون شوئم و اوشؤنی که تَه ایمؤن دأشتَن، زندؤن میئن تؤودم و زئم. 20و وختی تی شاهد خون استیفان فودبون، مو اوره ایسا بوم، او کار أمره موافقت بودَم و اونه قاتلؤن رختؤنِ مواظب بوئم.“
21خداوند مه بوته: ”بشو؛ چون مو تَه دوردکته جاأن، غیر یهودی أنِ ورجه سرا دِئنم.“»
22مردم تا اِره پولُس گبؤنِ گوش دئدبون، امّا وختی اینه بوته، خوشؤنِ صدا بلندَ گودَن، داد بزئن: «زمینِ ایجور کس وجودَ جی پکا کونین، چونکی نه بأ ایجازه هدن ای جور آدم زینده بموئنه»
23هووخت که اوشؤن داد زئن و خوشؤنِ رداأنِ خوشؤنِ سر جور توکون دئن و گرد خاک گودن، 24فرمانده دستور بده پولُس قلعه دیرون ببورن و اونه شلاق بزنن و اونای بازخواست بکونن تا معلوم ببی چی وَسه مردم ایطوری اونه ضد فریاد کشِئدرن. 25ولی وقتی که پولُسه شلاق زئن وَسه دوسّه دبون، پولُس افسریِ که اوره ایسا بو، بوته:«مگه قانون شمره اجازه دئنه که ینفره که روم شهروند ایسه بی اونکه محاکمه ببی شلاق بزنین؟»
26او افسر وختی اینه بشتؤسه، خوشه فرمانده ورجه بوشو و اونه بوته: «تو دوئنی چی کائدری؟ ای مرداک روم شهروند ایسّه!»
27پس فرمانده پولُس ورجه بومَه و اونای بپرسه: «بگو بینم، تو روم شهروند ایسّی؟» جواب بدا: «بله»
28هووخت فرمانده بوته: «مو این واسه که روم شهروندی بدست بأرم خیلی پول هدم.»
پولُس اون جواب دیرون بوته: «امّا مو روم شهروند بدُنیا بومَئم!»
29اوشؤنی که قرار بو پولُس بازخواست بکونَن، هو لحظه خوشؤن کنار هکشِئن. فرمانده هم که بفَهمسه بو یکته رومیِ اسیرَ گوده، خیلی بترسه.
پولُس یهود شورا ورجه
30فردایی، چون فرمانده خوأس راست راسه بفهمی که چرِء یهودی أن پولُسِ متّهم بُودن، اونه زندونای آزادَ گوده و دستور بده که کاهنؤن سرون و همته یهود شورا آدمون جومَه بوئن. بازین، پولُس جیر بأرده و اوشؤن جلو حاضر بوده.
ទើបបានជ្រើសរើសហើយ៖
رسولؤن اعمال 22: EGB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
رسولؤن اعمال 22
22
1«ای برأرؤن و ای پئرؤن، می دفاعیه که الؤن شیمه خدمت عرض کوئنم، گوش بدین.»
2وختی ایشون بشتؤسَن پولُس عبرانی أن زبؤن امره ایشونِ أمره گب زئنه ساکت تر بوبوئن.
بازین پولُس بوته: 3«مو یکته یهودی مرداکم، تارسوس کیلیکیه شهر میئن بدنیا بومَئم. ولی هی شهر دیرون پیلّه بوبوم. مو می اجدادِ شریعتِ تمؤم کمال، گامالائیل ورجه یاد بیتَم و خدا بِه با غیرت بوم، هوطو که امروز شمه همته ایطور ایسّین. 4مو اوشونی که ’طریقت‘ اهل بوئن تا سرحد موردن آزار دَئم و زن و مردِ گیتم و زندونِ میئن توئدَم. 5پیله کاهن و تموم شیخون شوراء تینن ایی جریون گواهی بدئن، چون ایشؤن اجی نؤمه انی برأرؤن به که دمشق دیرون ایسابوئن هیتم تا اوره بوشؤم و ایی ’طریقت‘ اهل دستگیر بکونم و مجازات بِه اورشلیم بأرم.
6«ولی وقتی راه دیرون دمشقِ نزدیک بودبؤم، زواله دَم، یدفاری یکته پیله نور آسمونَ جی که چیشمِ زی می دور فوتوسه. 7گلِ سر بکَتم و یکته صدا بشتؤسَم که مه گوت: ”شائول!شائول! چرا مه عذاب دئنی؟“
8بپورسئم:”خداوندا، تو کی ایسی؟“
«جواب بده: ”مو او عیسای ناصری یم که تو اونه آزار رسونبئنی.“ 9اوشونی که می همراه بوئن، نورِ بدِئن، امّا او صدا که می أمره گب زی، نشتؤسَن.
10«و مو بوُتم: ”خداوندا، چی بکونم؟“
«خداوند مه بوته: ”ویریس و دمشق بشو. اوره هر چی که با انجوم بدی ته گوته بنه.“ 11از اوره که مو او نور روشنایی وسه کورَ بوبؤم، اوشونی که می همراه بوئن می دست بیتن و دمشق سو بمایم.
12«دمشق دیرون، یکته دیندار مرداک که شریعت حکمؤنِ همه انجوم دَه زندگی گود، اینه ایسم حنانیا بو، که یهودی أن میئن، خوشنام بو. 13حنانیا می دئن به بومَه و می ورجه بیسه بوته: ” شائول برار! بَینا بوبو!“ هو لحظه، می چیشمون سو دکته و اونه بدئم.
14«حنانیا بوته: ”اَمه پئرؤنِ خدا تَه انتخاب بُوده تا اونه اراده بودؤنی و او صالحِ بَینی و اونه دَهانای گبؤنی بشتوئی. 15چونکه تو همه مردم جلو اونه شاهید بنی و اوچیه که بدِی و بشتؤسی، گوایی دئنی. 16الؤن چی ریفا ایسای؟ ویریس و اونه ایسم دوخؤن و غسل تعمید بگیر. و تی گوناهؤن جی پکا بو!“
17«وقتی اورشلیم وگرسم، معبد دیرون دعا گودنِ مشغول بوم که خلسه دیرون بوشوم 18و خداوندِ بدِم که مه بوته: ”تاتادی بکون و زودتر اورشلیمای بشو، چونکه اوشؤن تی گوایی می باره قبول نوکؤنن.“
19« مو بوُتم: ”خداوندا، ایشون دؤئنَن که مو عبادتگاه به عبادتگاه دیرون شوئم و اوشؤنی که تَه ایمؤن دأشتَن، زندؤن میئن تؤودم و زئم. 20و وختی تی شاهد خون استیفان فودبون، مو اوره ایسا بوم، او کار أمره موافقت بودَم و اونه قاتلؤن رختؤنِ مواظب بوئم.“
21خداوند مه بوته: ”بشو؛ چون مو تَه دوردکته جاأن، غیر یهودی أنِ ورجه سرا دِئنم.“»
22مردم تا اِره پولُس گبؤنِ گوش دئدبون، امّا وختی اینه بوته، خوشؤنِ صدا بلندَ گودَن، داد بزئن: «زمینِ ایجور کس وجودَ جی پکا کونین، چونکی نه بأ ایجازه هدن ای جور آدم زینده بموئنه»
23هووخت که اوشؤن داد زئن و خوشؤنِ رداأنِ خوشؤنِ سر جور توکون دئن و گرد خاک گودن، 24فرمانده دستور بده پولُس قلعه دیرون ببورن و اونه شلاق بزنن و اونای بازخواست بکونن تا معلوم ببی چی وَسه مردم ایطوری اونه ضد فریاد کشِئدرن. 25ولی وقتی که پولُسه شلاق زئن وَسه دوسّه دبون، پولُس افسریِ که اوره ایسا بو، بوته:«مگه قانون شمره اجازه دئنه که ینفره که روم شهروند ایسه بی اونکه محاکمه ببی شلاق بزنین؟»
26او افسر وختی اینه بشتؤسه، خوشه فرمانده ورجه بوشو و اونه بوته: «تو دوئنی چی کائدری؟ ای مرداک روم شهروند ایسّه!»
27پس فرمانده پولُس ورجه بومَه و اونای بپرسه: «بگو بینم، تو روم شهروند ایسّی؟» جواب بدا: «بله»
28هووخت فرمانده بوته: «مو این واسه که روم شهروندی بدست بأرم خیلی پول هدم.»
پولُس اون جواب دیرون بوته: «امّا مو روم شهروند بدُنیا بومَئم!»
29اوشؤنی که قرار بو پولُس بازخواست بکونَن، هو لحظه خوشؤن کنار هکشِئن. فرمانده هم که بفَهمسه بو یکته رومیِ اسیرَ گوده، خیلی بترسه.
پولُس یهود شورا ورجه
30فردایی، چون فرمانده خوأس راست راسه بفهمی که چرِء یهودی أن پولُسِ متّهم بُودن، اونه زندونای آزادَ گوده و دستور بده که کاهنؤن سرون و همته یهود شورا آدمون جومَه بوئن. بازین، پولُس جیر بأرده و اوشؤن جلو حاضر بوده.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company