رسولؤن اعمال 2
2
روح‌القدس هنه
1وختی پِنتیكاست روز برسه، همه یکدیل یه جا جومَه بوبوئن 2که یدفاری یکته صدا تندِ باد مورسون آسمونَ جی بومَه و تمام او خونه ای که اونه میئن نیشته بوئن، پُورَه گوده. 3هووخت، یه چی بدئن که آتش بلِ مورسون تقسیم بوبؤ و هرته سر بنیشته. 4بازین همته روح‌القدسَ جی پورا بوئن و بینا بودَن به زبؤنؤنِ دیگه گب زِئن درست اوجوری که روح القدس ایشؤنِ قوت بدَه.
5او روزؤن میئن، دیندار یهودی أن، از همه مملکتون که آسمون جیر هنه بو، اورشلیم شهر دیرون ایسا بوئن. 6وختی ایی صدا بلند بوبوء، یکته جمعیت جومَه بوئن و ایشؤن مات بخوشته، چون ایشون هرته ایشتؤسَن که اوشؤن، اون زبؤن أمره گب زِئدرن. 7پس مات و حیرون، بوتَن: «مگه همه ایشون که گب زِئدرن جلیل شی نییَن؟ 8پس چوطو امه هر كس ایشتؤنیم که به اَمه مَئری زبؤن گب زِئدرن؟» 9پارتؤن و مادؤن و عیلامی أن، بین‌النهرین مردمؤن و یهودیه، كاپادوكیه و پونتوس، آسیا 10و فْریجیه، پامفیلیه و مصر و لیبی سامؤن سر که قیرَوانِ شی بو، و رومی زائرؤن 11چی یهودی و چی اوشنی که یهود دینَ قبول بوده بوئن؛ و هیتو كْرتِ مردمؤن و عربستان - همه ته ایشتؤنیم، که ایشون به اَمه زبؤن أمره خدا پرقدرت کارونَ جی گب زئدرَن.» 12پس همته حیرؤن و سرگردون همدیگرِ گوتن: «ایی اتفاق معنی چی‌ایسه؟»
13اما بعضی أنم روشخنیتن و گوتن: «ایشون تازه شرابَ أمره مست بوبوئن!»
پطرس پیغؤم پنطیکاس دیرون
14بازین پطرس او یازده ته رسول أمره ویریسَه و خو صدا جؤر بأرده، اوشونه بوته: «ای یهودی أن و ای همه کسونی که اورشلیم دیرون زیندگی کأدرین، اینه بفهمین و اوچیِ که گونم دقّت أمره گوش بدین! 15ایی مرداکؤن، اوجور که شمه فكر کوئنین مست نیئن، چون حلِه ساعت نُه صبح ایسه! 16بلكه ایی هونه که یوئیلِ پیغمبر اونه باره ایطو پیشگویی بودِه بو که:
17«”خدا گونه: آخری روزؤنِ میئن
می روحَ جی تموم مردوم سر فوکؤنم.
شیمه ریکاکؤن و لاکوکؤن نبوت کوئنن،
شیمه جوؤنؤن رویاأنی اینن
و شیمه موسندون خوئؤنی اینن.
18و او روزؤن میئن،
حتی غلامؤن و كلفتؤن سرم
می روح فوکؤنم و
اوشؤن نبوت کوئنن.
19جؤر، آسمؤنون میئن، عجایب چی أن،
و جیر، زمین سر، نشؤنه‌أنی آشكارَ کوئنَم،
خون و آتش و دودَ جی.
20پیش از اونکه خداوندِ روز برسی، او باشکوه و پیله روز ،
آفتاؤ تاریک بنه و ماه رنگ
خون مورسون بنه.
21و ایطو بنه که هر کس خداوندِ ایسم دوخؤنی نجات پیدا کوئنه.“
22«ای یهودی مردوم، ای گبون بشتوئین: هوطو که خودتون دؤنین، عیسای ناصری یکته مرداک بو که خدا، معجزه أن و عجایب چیون أمره و نشؤنه‌أنی که اونه دست أمره شیمه میئن آشكار گود، گوایی بدَه که او حّقیقت ایسّه. 23هی عیسی، طبق خدا اراده و نقشه، شیمه دست تسلیم بوبؤ و شمه شریر آدمون دستون أمره، اونه صلیب سر هکشِیئن و بکوشتین. 24خدا اونه مرگ عذابؤنای نجات بدا، زنده بوده، چون غیر ممكن بو که مرگ بتؤنی اونه خوشِ چیکال میئن بدأری. 25هوطو که داوود پادشاه عیسی باره گونه:
«”خداوندِ همیشه می جلو بدِئم،
چون او می راست دست ور ایسا تا نلرزم.
26هینه وَسه می دیل شاد و می زبؤنم خوشحال؛
می تن أم امید میئن موئنه.
27چون که می جونِ مُرده‌أن دنیا میئن ویلَه نوکوئنی،
و نوگزانی که تی انتخاب بوبؤکه تن بپیسی.
28تو زیندگی راهونِ مَه باموتی،
و تو تی حضور أمره مَه شادی جی پورا کوئنی. 29«ای برأرؤن، تینم اطمینون أمره شمره بوگوم که أمه جد داوود هم بمورده و هم دفنَ بو و اونه مقبره تا امروز اَمه ورجه هَنّه. 30داوود یکته پیغمبر بو و دؤنس که خدا اونه بِه قسم بوخورده که یه نفرِ اونه نسلای اونه سلطنت تختِ سر نیشونبئنه. 31داوود که پیشتر آینده‌َ بدِه بو، مسیح زنده بوئن باره بوته که اونه جؤن مُرده‌أنِ دنیا میئن نوموئنه و اونه تنم نپیسنه. 32خدا هی عیسی زنده بوده و أمه همه اونه شاهدونیم. 33عیسی خدا راست دستِ ور جؤر ببورده بوبؤ و او آسمونی پئرای، روح‌القدسِ موعودِ هیته و أمه سر فوده، هینی که الؤن اینین و ایشتؤنین. 34چون داوود خودوش به آسمونؤن جؤر نوشؤ، ولی خودوش بوته:
«”خداوند، می خداوندِ بوته:
’می راست دست ور بنیش
35تا اوزمونی که تی دشمنؤنِ تی پا جیر توئدنم.“‘
36«پس یهود قوم، همته حتم بودوئنن که خدا، ایی عیسی که شمه اونه صلیب سر هکشِئین، هم خداوند و هم مسیح موعود بوئده.»
37وختی اوشؤن اینه بشتؤسَن، اینه مورسون بو که ایشون دیلِ میئن خنجر فوقاسَن و پطرس و بقیه رسولؤن بوتَن: «ای برأرؤن، الون چی بکونیم؟»
38پطرس ایشؤنِ بوته: «توبه بکونین و هركدؤم از شمه، شمه گناهون ببخشه بوئن به، عیسی مسیح ایسم أمره غسل تعمید هگیرین که روح‌القدس هدیه هگینین. 39چون ایی وعده شیمه بِه و شیمه زأكؤن بِه و تموم كسؤنی بِه ایسّه که دور ایسَئن، یعنی هر کی که اَمه خداوند خدا اونه خو ورجه دوخُوئنی.»
40پطرس خیلی گبؤن دیگرِ أمره گوایی بده و اوشونه تشویق بودِه، بوته: «شمره ایی نسلِ جی که کج راه میئن شوئدرن نجات بدین!» 41پس اوشونی که پطرسِ پیغؤم قبول بودن، غسل تعمید هیتن. هو روز میئن حدود سه هزار نفر، ایشؤنِ اضافه بوبوئن.
ایماندارون زیندگی
42اوشؤن خوشؤنِ، وقف تعلیم گیتن رسولؤن جی و وقف مشارکت دیگر ایماندارونِ أمره و نون پَئره گودن و دعا بودن. 43همته حیرونَ بوبوئن، چون خیلی عجایب چیزون و نیشونه أن رسولؤنِ دستَ جی آشكارَ بوی. 44ایماندارون همته همدیگر أمره یکدل بوئن و همه چی میئن شریك بوئن. 45خوشؤنِ مال و مینالِ فورتن و اونه پولِ هركسِ نیاز قد، همته میئن سهم گودن. 46ایشون هر روز، معبد میئن همدیگرِ أمره جومَه بوئن و خوشؤنِ خونه أنِ میئنم نون پئرَه گودن و دست دلبازی و شادی أمره غذا خوردن 47و خدا ستایش گودن. تموم مردم ایشؤنِ احترومِ داشتن؛ و خداوند هر روز اوشونی که نجات گیتنِ، ایشؤنِ جمعِ میئن اضافه گود.
ទើបបានជ្រើសរើសហើយ៖
رسولؤن اعمال 2: EGB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
رسولؤن اعمال 2
2
روح‌القدس هنه
1وختی پِنتیكاست روز برسه، همه یکدیل یه جا جومَه بوبوئن 2که یدفاری یکته صدا تندِ باد مورسون آسمونَ جی بومَه و تمام او خونه ای که اونه میئن نیشته بوئن، پُورَه گوده. 3هووخت، یه چی بدئن که آتش بلِ مورسون تقسیم بوبؤ و هرته سر بنیشته. 4بازین همته روح‌القدسَ جی پورا بوئن و بینا بودَن به زبؤنؤنِ دیگه گب زِئن درست اوجوری که روح القدس ایشؤنِ قوت بدَه.
5او روزؤن میئن، دیندار یهودی أن، از همه مملکتون که آسمون جیر هنه بو، اورشلیم شهر دیرون ایسا بوئن. 6وختی ایی صدا بلند بوبوء، یکته جمعیت جومَه بوئن و ایشؤن مات بخوشته، چون ایشون هرته ایشتؤسَن که اوشؤن، اون زبؤن أمره گب زِئدرن. 7پس مات و حیرون، بوتَن: «مگه همه ایشون که گب زِئدرن جلیل شی نییَن؟ 8پس چوطو امه هر كس ایشتؤنیم که به اَمه مَئری زبؤن گب زِئدرن؟» 9پارتؤن و مادؤن و عیلامی أن، بین‌النهرین مردمؤن و یهودیه، كاپادوكیه و پونتوس، آسیا 10و فْریجیه، پامفیلیه و مصر و لیبی سامؤن سر که قیرَوانِ شی بو، و رومی زائرؤن 11چی یهودی و چی اوشنی که یهود دینَ قبول بوده بوئن؛ و هیتو كْرتِ مردمؤن و عربستان - همه ته ایشتؤنیم، که ایشون به اَمه زبؤن أمره خدا پرقدرت کارونَ جی گب زئدرَن.» 12پس همته حیرؤن و سرگردون همدیگرِ گوتن: «ایی اتفاق معنی چی‌ایسه؟»
13اما بعضی أنم روشخنیتن و گوتن: «ایشون تازه شرابَ أمره مست بوبوئن!»
پطرس پیغؤم پنطیکاس دیرون
14بازین پطرس او یازده ته رسول أمره ویریسَه و خو صدا جؤر بأرده، اوشونه بوته: «ای یهودی أن و ای همه کسونی که اورشلیم دیرون زیندگی کأدرین، اینه بفهمین و اوچیِ که گونم دقّت أمره گوش بدین! 15ایی مرداکؤن، اوجور که شمه فكر کوئنین مست نیئن، چون حلِه ساعت نُه صبح ایسه! 16بلكه ایی هونه که یوئیلِ پیغمبر اونه باره ایطو پیشگویی بودِه بو که:
17«”خدا گونه: آخری روزؤنِ میئن
می روحَ جی تموم مردوم سر فوکؤنم.
شیمه ریکاکؤن و لاکوکؤن نبوت کوئنن،
شیمه جوؤنؤن رویاأنی اینن
و شیمه موسندون خوئؤنی اینن.
18و او روزؤن میئن،
حتی غلامؤن و كلفتؤن سرم
می روح فوکؤنم و
اوشؤن نبوت کوئنن.
19جؤر، آسمؤنون میئن، عجایب چی أن،
و جیر، زمین سر، نشؤنه‌أنی آشكارَ کوئنَم،
خون و آتش و دودَ جی.
20پیش از اونکه خداوندِ روز برسی، او باشکوه و پیله روز ،
آفتاؤ تاریک بنه و ماه رنگ
خون مورسون بنه.
21و ایطو بنه که هر کس خداوندِ ایسم دوخؤنی نجات پیدا کوئنه.“
22«ای یهودی مردوم، ای گبون بشتوئین: هوطو که خودتون دؤنین، عیسای ناصری یکته مرداک بو که خدا، معجزه أن و عجایب چیون أمره و نشؤنه‌أنی که اونه دست أمره شیمه میئن آشكار گود، گوایی بدَه که او حّقیقت ایسّه. 23هی عیسی، طبق خدا اراده و نقشه، شیمه دست تسلیم بوبؤ و شمه شریر آدمون دستون أمره، اونه صلیب سر هکشِیئن و بکوشتین. 24خدا اونه مرگ عذابؤنای نجات بدا، زنده بوده، چون غیر ممكن بو که مرگ بتؤنی اونه خوشِ چیکال میئن بدأری. 25هوطو که داوود پادشاه عیسی باره گونه:
«”خداوندِ همیشه می جلو بدِئم،
چون او می راست دست ور ایسا تا نلرزم.
26هینه وَسه می دیل شاد و می زبؤنم خوشحال؛
می تن أم امید میئن موئنه.
27چون که می جونِ مُرده‌أن دنیا میئن ویلَه نوکوئنی،
و نوگزانی که تی انتخاب بوبؤکه تن بپیسی.
28تو زیندگی راهونِ مَه باموتی،
و تو تی حضور أمره مَه شادی جی پورا کوئنی. 29«ای برأرؤن، تینم اطمینون أمره شمره بوگوم که أمه جد داوود هم بمورده و هم دفنَ بو و اونه مقبره تا امروز اَمه ورجه هَنّه. 30داوود یکته پیغمبر بو و دؤنس که خدا اونه بِه قسم بوخورده که یه نفرِ اونه نسلای اونه سلطنت تختِ سر نیشونبئنه. 31داوود که پیشتر آینده‌َ بدِه بو، مسیح زنده بوئن باره بوته که اونه جؤن مُرده‌أنِ دنیا میئن نوموئنه و اونه تنم نپیسنه. 32خدا هی عیسی زنده بوده و أمه همه اونه شاهدونیم. 33عیسی خدا راست دستِ ور جؤر ببورده بوبؤ و او آسمونی پئرای، روح‌القدسِ موعودِ هیته و أمه سر فوده، هینی که الؤن اینین و ایشتؤنین. 34چون داوود خودوش به آسمونؤن جؤر نوشؤ، ولی خودوش بوته:
«”خداوند، می خداوندِ بوته:
’می راست دست ور بنیش
35تا اوزمونی که تی دشمنؤنِ تی پا جیر توئدنم.“‘
36«پس یهود قوم، همته حتم بودوئنن که خدا، ایی عیسی که شمه اونه صلیب سر هکشِئین، هم خداوند و هم مسیح موعود بوئده.»
37وختی اوشؤن اینه بشتؤسَن، اینه مورسون بو که ایشون دیلِ میئن خنجر فوقاسَن و پطرس و بقیه رسولؤن بوتَن: «ای برأرؤن، الون چی بکونیم؟»
38پطرس ایشؤنِ بوته: «توبه بکونین و هركدؤم از شمه، شمه گناهون ببخشه بوئن به، عیسی مسیح ایسم أمره غسل تعمید هگیرین که روح‌القدس هدیه هگینین. 39چون ایی وعده شیمه بِه و شیمه زأكؤن بِه و تموم كسؤنی بِه ایسّه که دور ایسَئن، یعنی هر کی که اَمه خداوند خدا اونه خو ورجه دوخُوئنی.»
40پطرس خیلی گبؤن دیگرِ أمره گوایی بده و اوشونه تشویق بودِه، بوته: «شمره ایی نسلِ جی که کج راه میئن شوئدرن نجات بدین!» 41پس اوشونی که پطرسِ پیغؤم قبول بودن، غسل تعمید هیتن. هو روز میئن حدود سه هزار نفر، ایشؤنِ اضافه بوبوئن.
ایماندارون زیندگی
42اوشؤن خوشؤنِ، وقف تعلیم گیتن رسولؤن جی و وقف مشارکت دیگر ایماندارونِ أمره و نون پَئره گودن و دعا بودن. 43همته حیرونَ بوبوئن، چون خیلی عجایب چیزون و نیشونه أن رسولؤنِ دستَ جی آشكارَ بوی. 44ایماندارون همته همدیگر أمره یکدل بوئن و همه چی میئن شریك بوئن. 45خوشؤنِ مال و مینالِ فورتن و اونه پولِ هركسِ نیاز قد، همته میئن سهم گودن. 46ایشون هر روز، معبد میئن همدیگرِ أمره جومَه بوئن و خوشؤنِ خونه أنِ میئنم نون پئرَه گودن و دست دلبازی و شادی أمره غذا خوردن 47و خدا ستایش گودن. تموم مردم ایشؤنِ احترومِ داشتن؛ و خداوند هر روز اوشونی که نجات گیتنِ، ایشؤنِ جمعِ میئن اضافه گود.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company