رسولؤن اعمال 15
15
اورشلیم شورا
1اما چند نفر یهودیه ولایت جی اَنطاكیه شهر بومَئن. اوشون برارونِ تعلیم دئن که: «اگه طبق موسی پیغمبر سنت ختنه نبین، منین نجات پیدا کونین.» 2بازین پولُس و بَرنابا خیلی اوشؤنِ أمره بحث و مخالفت بودَن، قرار بر ایی بوبؤ که او دو نفر چند ته ایماندارؤنِ أمره، اورشلیم شهر بوشؤئن و ایی مسئله رسولؤن و شیخون أمره در میؤن بنِئن. 3پس كلیسا ایشؤنه راهی بوده؛ وختی که اوشؤن، فینیقیه و سامره جی رده بوده بوئن، اینه باره که چوطو غیریهودی أن ایمؤن بأردن، گب زئن و همته برارؤنِ ایی خبر أمره خیلی خوشحالَ گودَن. 4وختی اوشؤن اورشلیمِ برسئن، كلیسا و رسولؤن و شیخون ایشؤنای استقبال بودن. پولُس و بَرنابا هرچی که خدا بواسطه اوشؤن انجام بده‌بو، ایشؤنِ تعریف بودَن. 5ولی بعضی از فَریسی أنِ فرقه عالمون که ایمؤن بأرده بون، ویریسَئن، بوتَن: «واجبِ که غیر یهودی أن ختنه بوبوئن و ایشونِ دستور بدین که موسی شریعتِ بدارن.»
6بازین رسولؤن و شیخون جومَه بوئن تا ایی مسئله رسیدگی بکونن. 7بعدِ خیلی بحث گودن، سرآخر پطرس ویریسَه و ایشؤنه بوته: «ای برأرؤن، شمه خودتون دوئنین که اولی روزؤن، خدا مَه شیمه میئنای انتخاب بوده تا غیریهودی أن می زبؤنه أمره انجیل پیغؤم بشتوئَن و ایمؤن بأرَن. 8و خدایی که دیلای خبر دئنه، ایشونه گوایی بدَه و روح القدسِ ایشونِ ببخشه، هوطو که اَمره ببخشه بوبو. 9خدا امه میئن و اوشؤن میئن هیچ فرقی نَنه، بلكه ایمؤن وسه، اوشونه دیلؤنِ پکا گوده. 10پس الؤن چرِء خدا امتحون کوئنین و یکته پیشکابول شاگردونِ گردن نِئنین که نه اَمه تینسیم اونه هکشیم، نه اَمه پئرؤن؟ 11ولی اَمه ایمؤن دئنیم که عیسی خداوند فیضِ أمره ایسّه که نجات پیدا گودیم، هوطو که اوشونم هیتَن.»
12بازین همته اوشونی که اوره جومَه بوبوئن، تام بزئن و پولُس و بَرنابا گبِ گوش بدئن. اوشؤن نیشونه و معجزاتی که خدا بواسطه اوشون، غیریهودی أنِ میئن انجوم بدأ بو، تعریف گودَن. 13وختی ایشؤنِ گب تمنه بو، یعقوب بوته: «ای برأرؤن، می گبون گوش بدین! 14شمعون بوته که چوطو خدا اولین بار غیریهودی أنِ لطف بوده، اوشون میئنای مردمی خوشِ ایسم به انتخاب بوده. 15ایی درست هونی ایسّه که عاموسِ پیغمبرِ کیتابِ میئن بنویشته بوبؤ:
16«”بعد ایی، وگردنم
و داوودِ خیمه دومرته چاکوئنم؛
اونِ ویرونه أن هنده آبادَ کوئنم،
و اونه خو اولِ شکل مورسؤن چاکوئنم،
17تا اوشونی که آدمؤن نسلَ جی باقی بومونَسن
و تمؤم غیریهودی أن که می ایسم خوشؤنِ سر دَئنن، خداوند دومبال بگردن.
خداوند گونه خداوندی که:
18ایی چی أنِ از قدیم معلوم بوده.“
19«پس می حکم اینه، اوشؤنی که غیر یهودی أن جی خدا سو وگردنن، زحمت نَدیم. 20ولی بأء یکته نؤمه میئن ایشؤنای بخوأیم بُتؤنِ به قربونی بوبو غذاأن، زنا، خفه بوبؤ حیوؤنؤنِ گوشت و خونَ جی دوری بکونن. 21چون موسی از قدیم، هرته شهرِ میئن کسونیِ داشت که اونه به موعظه بکونن، هوطو که هرته مقدس شنبه دیرون اونه بنویشته أنِ یهودِ عبادتگاه أنِ میئن خوبِئنن.»
شورا نؤمه ایمؤندارؤنِ غیریهودی به
22پس رسولؤن و شیخؤن تموم كلیسا أمره تصمیم بیتَن خوشؤن میئنای مرداکؤنی انتخاب بکونَن و اوشونِ پولُس و بَرنابا أمره اَنطاكیه شهر سرادِئن. پس یهودای معروف به بَرسابا و سیلاسِ که برارونِ میئن رهبر بو، انتخاب بودَن. 23بازین یکته نؤمه ایشؤنِ به سرا دئن، اونه میئن بنویشته بوبؤبو که:
أمه رسولؤن و شیخونَ جی، که شیمه برأرؤن ایسّیم،
به برارونِ غیریهودی که اَنطاكیه، سوریه و كیلیكیه میئن ایساین،
سلام به شمه!
24اوراجی که بشتؤسیم كسؤنی اَمه میئن، بدون اییکه امه جَی دستوری بدارن، بومَئن و شمره خوشؤن گبؤنِ أمره ناراحتَ گودَن، و باعث بوبوئن که شیمه فیکر پریشونَ بی، 25هینه واسه امه یکدل ایطو صلاح بدیم که مرداکونی انتخاب بكونیم و اوشونه اَمه عزیزؤنِ أمره، بَرنابا و پولُس، شیمه ورجه سرا دیم، 26ایی مرداکونِ أمره که أمه خداوند عیسی مسیح ایسم وسه، خوشونِ جؤنِ خوشؤنِ دستِ میئن بنائن. 27پس یهودا و سیلاسِ شیمه ورجه سرا دایم تا خوشونِ گبون أمره، شمره ایی کارؤنَ جَی واخوبَ کونن. 28روح‌القدس و اَمه، ایطو صلاح بدیم که شیمه کول سر هیچ باری ننیم، بغیر ایشون که واجیب ایسّن 29بُتؤن به قربونی بوبو غذا، خون، خفه بوبؤ حیوؤنؤن گوشت و زنا جی دوری بکونین. اگه ایشؤنه جی دوری بکونین، کارِ خوبی بودین. سلامت ببین.»
30پس ایشؤن راه دکتن، اَنطاكیه شهر بوشؤئن و اوره كلیسا آدمؤنِ جومَه گودَن و نؤمه برسونِئن. 31وختی اوشؤن نؤمه بوخؤندَن، او پیغومَ جی که باعث دیلگرمی بو، خوشحالَ بوئن. 32یهودا و سیلاسم که پیغمبر بوئن، خیلی گبونِ أمره، برارونِ تشویق بودَن و قوت بدَئن. 33یهودا و سیلاس چنوخت اوره بیسَئن، و بازین برارون، ایشونِ بسلامت سرا دئن تا خوشؤنِ سراداکسونِ ورجه وگردن. 34اما پولس و بَرنابا انطاکیه میئن بیسَئن 35اوشون خیلی دیگر ایماندارؤن أمره، خداوند کلامِ تعلیم دَئن و اعلؤم گودَن.
پولُس و بَرنابا میئن اختلاف دکئنه
36چندوخت بعد پولُس، بَرنابا بوته: «او شهرؤنی که خداوندِ كلامِ اوشونِ میئن اعلؤم بودیم، وگردیم و برارونِ بَینیم تا بودوئنیم اوشون وضع و اوضاع چطو ایسه.» 37بَرنابا خوأست که یوحنای معروف به مَرْقُسم ایشؤنه أمره بأی، 38ولی پولُس صلاح نودونسه كسی که ایشؤنِ پامفیلیه میئن تنها بَنه و خو همکاریِ ادامه نده، خو أمره ببوری. 39بَرنابا و پولُس میئن اختلاف اَنی زیادَ بو که همدیگرای سیوا بوبوئن. بَرنابا مَرْقُسِ ویته و دریا راهَ جی قبرس بوشو؛ 40ولی پولُس، سیلاسِ ویته و برارون اونه، خداوندِ فیضِ أمره راهی بودَن. 41پولُس وختی که سوریه و كیلیكیه راه جی ردَّ بودبؤ، كلیساأنِ قوت دَئ.
ទើបបានជ្រើសរើសហើយ៖
رسولؤن اعمال 15: EGB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
رسولؤن اعمال 15
15
اورشلیم شورا
1اما چند نفر یهودیه ولایت جی اَنطاكیه شهر بومَئن. اوشون برارونِ تعلیم دئن که: «اگه طبق موسی پیغمبر سنت ختنه نبین، منین نجات پیدا کونین.» 2بازین پولُس و بَرنابا خیلی اوشؤنِ أمره بحث و مخالفت بودَن، قرار بر ایی بوبؤ که او دو نفر چند ته ایماندارؤنِ أمره، اورشلیم شهر بوشؤئن و ایی مسئله رسولؤن و شیخون أمره در میؤن بنِئن. 3پس كلیسا ایشؤنه راهی بوده؛ وختی که اوشؤن، فینیقیه و سامره جی رده بوده بوئن، اینه باره که چوطو غیریهودی أن ایمؤن بأردن، گب زئن و همته برارؤنِ ایی خبر أمره خیلی خوشحالَ گودَن. 4وختی اوشؤن اورشلیمِ برسئن، كلیسا و رسولؤن و شیخون ایشؤنای استقبال بودن. پولُس و بَرنابا هرچی که خدا بواسطه اوشؤن انجام بده‌بو، ایشؤنِ تعریف بودَن. 5ولی بعضی از فَریسی أنِ فرقه عالمون که ایمؤن بأرده بون، ویریسَئن، بوتَن: «واجبِ که غیر یهودی أن ختنه بوبوئن و ایشونِ دستور بدین که موسی شریعتِ بدارن.»
6بازین رسولؤن و شیخون جومَه بوئن تا ایی مسئله رسیدگی بکونن. 7بعدِ خیلی بحث گودن، سرآخر پطرس ویریسَه و ایشؤنه بوته: «ای برأرؤن، شمه خودتون دوئنین که اولی روزؤن، خدا مَه شیمه میئنای انتخاب بوده تا غیریهودی أن می زبؤنه أمره انجیل پیغؤم بشتوئَن و ایمؤن بأرَن. 8و خدایی که دیلای خبر دئنه، ایشونه گوایی بدَه و روح القدسِ ایشونِ ببخشه، هوطو که اَمره ببخشه بوبو. 9خدا امه میئن و اوشؤن میئن هیچ فرقی نَنه، بلكه ایمؤن وسه، اوشونه دیلؤنِ پکا گوده. 10پس الؤن چرِء خدا امتحون کوئنین و یکته پیشکابول شاگردونِ گردن نِئنین که نه اَمه تینسیم اونه هکشیم، نه اَمه پئرؤن؟ 11ولی اَمه ایمؤن دئنیم که عیسی خداوند فیضِ أمره ایسّه که نجات پیدا گودیم، هوطو که اوشونم هیتَن.»
12بازین همته اوشونی که اوره جومَه بوبوئن، تام بزئن و پولُس و بَرنابا گبِ گوش بدئن. اوشؤن نیشونه و معجزاتی که خدا بواسطه اوشون، غیریهودی أنِ میئن انجوم بدأ بو، تعریف گودَن. 13وختی ایشؤنِ گب تمنه بو، یعقوب بوته: «ای برأرؤن، می گبون گوش بدین! 14شمعون بوته که چوطو خدا اولین بار غیریهودی أنِ لطف بوده، اوشون میئنای مردمی خوشِ ایسم به انتخاب بوده. 15ایی درست هونی ایسّه که عاموسِ پیغمبرِ کیتابِ میئن بنویشته بوبؤ:
16«”بعد ایی، وگردنم
و داوودِ خیمه دومرته چاکوئنم؛
اونِ ویرونه أن هنده آبادَ کوئنم،
و اونه خو اولِ شکل مورسؤن چاکوئنم،
17تا اوشونی که آدمؤن نسلَ جی باقی بومونَسن
و تمؤم غیریهودی أن که می ایسم خوشؤنِ سر دَئنن، خداوند دومبال بگردن.
خداوند گونه خداوندی که:
18ایی چی أنِ از قدیم معلوم بوده.“
19«پس می حکم اینه، اوشؤنی که غیر یهودی أن جی خدا سو وگردنن، زحمت نَدیم. 20ولی بأء یکته نؤمه میئن ایشؤنای بخوأیم بُتؤنِ به قربونی بوبو غذاأن، زنا، خفه بوبؤ حیوؤنؤنِ گوشت و خونَ جی دوری بکونن. 21چون موسی از قدیم، هرته شهرِ میئن کسونیِ داشت که اونه به موعظه بکونن، هوطو که هرته مقدس شنبه دیرون اونه بنویشته أنِ یهودِ عبادتگاه أنِ میئن خوبِئنن.»
شورا نؤمه ایمؤندارؤنِ غیریهودی به
22پس رسولؤن و شیخؤن تموم كلیسا أمره تصمیم بیتَن خوشؤن میئنای مرداکؤنی انتخاب بکونَن و اوشونِ پولُس و بَرنابا أمره اَنطاكیه شهر سرادِئن. پس یهودای معروف به بَرسابا و سیلاسِ که برارونِ میئن رهبر بو، انتخاب بودَن. 23بازین یکته نؤمه ایشؤنِ به سرا دئن، اونه میئن بنویشته بوبؤبو که:
أمه رسولؤن و شیخونَ جی، که شیمه برأرؤن ایسّیم،
به برارونِ غیریهودی که اَنطاكیه، سوریه و كیلیكیه میئن ایساین،
سلام به شمه!
24اوراجی که بشتؤسیم كسؤنی اَمه میئن، بدون اییکه امه جَی دستوری بدارن، بومَئن و شمره خوشؤن گبؤنِ أمره ناراحتَ گودَن، و باعث بوبوئن که شیمه فیکر پریشونَ بی، 25هینه واسه امه یکدل ایطو صلاح بدیم که مرداکونی انتخاب بكونیم و اوشونه اَمه عزیزؤنِ أمره، بَرنابا و پولُس، شیمه ورجه سرا دیم، 26ایی مرداکونِ أمره که أمه خداوند عیسی مسیح ایسم وسه، خوشونِ جؤنِ خوشؤنِ دستِ میئن بنائن. 27پس یهودا و سیلاسِ شیمه ورجه سرا دایم تا خوشونِ گبون أمره، شمره ایی کارؤنَ جَی واخوبَ کونن. 28روح‌القدس و اَمه، ایطو صلاح بدیم که شیمه کول سر هیچ باری ننیم، بغیر ایشون که واجیب ایسّن 29بُتؤن به قربونی بوبو غذا، خون، خفه بوبؤ حیوؤنؤن گوشت و زنا جی دوری بکونین. اگه ایشؤنه جی دوری بکونین، کارِ خوبی بودین. سلامت ببین.»
30پس ایشؤن راه دکتن، اَنطاكیه شهر بوشؤئن و اوره كلیسا آدمؤنِ جومَه گودَن و نؤمه برسونِئن. 31وختی اوشؤن نؤمه بوخؤندَن، او پیغومَ جی که باعث دیلگرمی بو، خوشحالَ بوئن. 32یهودا و سیلاسم که پیغمبر بوئن، خیلی گبونِ أمره، برارونِ تشویق بودَن و قوت بدَئن. 33یهودا و سیلاس چنوخت اوره بیسَئن، و بازین برارون، ایشونِ بسلامت سرا دئن تا خوشؤنِ سراداکسونِ ورجه وگردن. 34اما پولس و بَرنابا انطاکیه میئن بیسَئن 35اوشون خیلی دیگر ایماندارؤن أمره، خداوند کلامِ تعلیم دَئن و اعلؤم گودَن.
پولُس و بَرنابا میئن اختلاف دکئنه
36چندوخت بعد پولُس، بَرنابا بوته: «او شهرؤنی که خداوندِ كلامِ اوشونِ میئن اعلؤم بودیم، وگردیم و برارونِ بَینیم تا بودوئنیم اوشون وضع و اوضاع چطو ایسه.» 37بَرنابا خوأست که یوحنای معروف به مَرْقُسم ایشؤنه أمره بأی، 38ولی پولُس صلاح نودونسه كسی که ایشؤنِ پامفیلیه میئن تنها بَنه و خو همکاریِ ادامه نده، خو أمره ببوری. 39بَرنابا و پولُس میئن اختلاف اَنی زیادَ بو که همدیگرای سیوا بوبوئن. بَرنابا مَرْقُسِ ویته و دریا راهَ جی قبرس بوشو؛ 40ولی پولُس، سیلاسِ ویته و برارون اونه، خداوندِ فیضِ أمره راهی بودَن. 41پولُس وختی که سوریه و كیلیكیه راه جی ردَّ بودبؤ، كلیساأنِ قوت دَئ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company