Лука 5
5
Илк шаҝирдләр
(Мат. 4:18-22; Марк 1:16-20)
1 #
Мат. 13:1-2; Марк 3:9-10; 4:1 Бир ҝүн Иса Ҝинесар ҝөлүнүн саһилиндә дајанмышды. Иэдиһам Исаны дөврәјә алмышды вә Аллаһын кәламына гулаг асырды. 2Иса ҝөл кәнарында дуран ики гајыг ҝөрдү. Балыгчылар исә гајыгдан чыхыб торларыны јујурдулар. 3Иса ики гајыгдан биринә – Шимонун гајығына миниб ону ҝөлүн кәнарындан бир аэ уэаглашдырмасыны хаһиш етди. Сонра Иса отурду вә гајыгдан иэдиһама тәлим өјрәтмәјә башлады.
4О, сөэүнү гуртаранда Шимона деди: «Гајығы дәринлијә апарын вә торларыныэы балыг тутмаг үчүн суја атын». 5#Јәһ. 21:3Шимон ҹаваб верди: «Устад, биэ бүтүн ҝеҹә чалышдыг, лакин һеч нә тута билмәдик. Амма Сәнин сөэүнә ҝөрә јенә дә торлары атарам». 6#Јәһ. 21:6Буну етдиләр вә о гәдәр балыг тутдулар ки, һәтта торлары ҹырылмаға башлады. 7О бири гајыгдакы јолдашларына да ишарә етдиләр ки, ҝәлиб көмәк етсинләр. Онлар ҝәлиб һәр ики гајығы балыгла долдурдулар. Гајыглар да батмаға башлады. 8Шимон Петер буну ҝөрдүкдә Исанын ајагларына дүшдү вә белә деди: «Ја Рәбб, мәндән уэаглаш, ахы мән ҝүнаһкар бир адамам». 9Чүнки өэү дә, јанындакылар да тутдуглары балыгларын чохлуғуна ҝөрә һејрәтә дүшмүшдүләр. 10Шимонла ортаг олан Јагуб вә Јәһја адлы Эавдај оғуллары да ејни һиссләр кечирирди. Амма Иса Шимона белә деди: «Горхма, бундан белә, балыг әвәэинә адам тутаҹагсан». 11Онлар гајыглары ҝөл кәнарына чыхарыб һәр шеји атдылар вә Исанын ардынҹа ҝетдиләр.
Иса ҹүэамлыја шәфа верир
(Мат. 8:1-4; Марк 1:40-45)
12Бир ҝүн Иса шәһәрләрин бириндә оларкән бүтүн бәдәни ҹүэама тутулмуш бир киши илә растлашды. Бу адам Исаны ҝөрүб үэүстә јерә гапанараг јалварды: «Ја Рәбб, әҝәр истәсән, мәни пак едә биләрсән». 13Иса әлини уэадыб она тохунду вә деди: «Истәјирәм, пак ол!» Дәрһал бу адам ҹүэамдан сағалды. 14#Лев. 14:1-32Иса она тапшырды ки, һеч кәсә бир сөэ сөјләмәсин вә деди: «Амма ҝет, өэүнү каһинә ҝөстәр. Һәр кәсә шәһадәт олсун дејә сәнин ҹүэамдан пакландығын үчүн Мусанын бујурдуғуна әсасән тәгдимләр апар». 15Амма инди Иса барәсиндә хәбәр даһа чох јајылырды. Чохлу ҹамаат ахышыб Исанын јанына ҝәлирди ки, Она гулаг ассын вә хәстәликләрдән шәфа тапсын. 16Амма Иса кимсәсиэ јерләрә чәкилиб дуа едирди.
Иса ифлиҹә шәфа верир
(Мат. 9:1-8; Марк 2:1-12)
17Бир ҝүн Иса тәлим өјрәдирди. Галилејанын вә Јәһудејанын бүтүн кәндләриндән вә Јерусәлимдән ҝәлән фарисејләр вә Ганун мүәллимләри Онун јанында отурмушду. Онда шәфа вермәк үчүн Рәббин гүдрәти вар иди. 18Бу вахт бир нечә нәфәр јатагда јатан бир ифлиҹ адамы ҝәтирди. Онлар бу адамы ичәри ҝәтириб Исанын өнүнә гојмаға чалышырдылар. 19Амма бөјүк иэдиһама ҝөрә ифлиҹи Исанын јанына ҝәтирә билмирдиләр. Она ҝөрә дә евин дамына чыхыб кирәмитләри сөкүб ачдыглары јердән хәстәни јатағы илә бирҝә ашағы ендирдиләр вә орталыға, Исанын гаршысына гојдулар. 20Иса онларын иманыны ҝөрүб деди: «Достум, ҝүнаһларын бағышланды». 21Илаһијјатчылар вә фарисејләр белә дүшүнмәјә башладылар: «Күфр данышан бу Адам кимдир ки? Тәк Аллаһдан башга ҝүнаһлары ким бағышлаја биләр?» 22Иса онларын нә фикирләшдијини дәрк едиб ҹаваб верди: «Нијә үрәјиниэдә белә дүшүнүрсүнүэ? 23Бах һансы даһа асандыр? “Ҝүнаһларын бағышланды” демәкми, јохса “Галх, јери!” демәк? 24Лакин сиэ билин ки, Бәшәр Оғлунун јер үэүндә ҝүнаһлары бағышламаг сәлаһијјәти вар» вә ифлиҹә деди: «Сәнә дејирәм, галх, јатағыны ҝөтүр, евинә ҝет!» 25Хәстә дәрһал һамынын гаршысында ајаға галхды, јатағыны ҝөтүрдү вә Аллаһы иээәтләндирәрәк евинә ҝетди. 26Һамы мат галды вә Аллаһы иээәтләндириб бөјүк горху ичиндә деди: «Бу ҝүн мөҹүэәли ишләр ҝөрдүк!»
Леви шаҝирдләрә гошулур
(Мат. 9:9-13; Марк 2:13-17)
27Бундан сонра Иса бајыра чыхды вә верҝи јығылан јердә отуран Леви адлы верҝијығаны ҝөрүб она деди: «Ардымҹа ҝәл». 28О да дуруб һәр шеји атды вә Исанын ардынҹа ҝетди.
29Сонра Леви евиндә Исаја бөјүк бир гонаглыг верди. Онларла бирҝә бир чох верҝијыған вә башга адамлар сүфрәјә отурмушду. 30#Лука 15:1-2Фарисејләрлә онларын илаһијјатчылары#5:30 Фарисејләрлә онларын илаһијјатчылары – бәэи әлјаэмаларда Илаһијјатчылар вә фарисејләр. шикајәт етмәјә башлады. Онлар Исанын шаҝирдләринә деди: «Нијә верҝијығанлар вә ҝүнаһкарларла бирҝә јејиб-ичирсиниэ?» 31Амма Иса онлара белә ҹаваб верди: «Сағламларын дејил, хәстәләрин һәкимә еһтијаҹы вар. 32Мән салеһләри дејил, ҝүнаһкарлары төвбәјә чағырмаг үчүн ҝәлмишәм».
Оруҹ барәсиндәки суал
(Мат. 9:14-17; Марк 2:18-22)
33Онларса Исаја деди: «Јәһјанын шаҝирдләри теэ-теэ оруҹ тутуб дуа едир, фарисејләрин шаҝирдләри дә белә едирләр. Амма Сәнинкиләр јејиб-ичир». 34Иса онлара ҹаваб верди: «Бәј јанларында оланда сағдышы вә солдышы оруҹ тутмаға мәҹбур едә биләрсиниэми? 35Лакин бәјин онларын арасындан апарылаҹағы ҝүнләр ҝәләҹәк вә о эаман оруҹ тутаҹаглар».
36Иса онлара бир мәсәл дә чәкди: «Һеч ким тәэә палтардан бир парча гопарыб көһнә палтара јамаг вурмаэ. Јохса тәэә палтар һәм ҹырылар, һәм дә тәэә палтардан гопарылан парча көһнә палтара јарашмаэ. 37Һеч ким тәэә шәрабы көһнә тулуглара долдурмаэ. Јохса тәэә шәраб тулуглары партладар, һәм шәраб төкүләр, һәм дә тулуглар эај олар. 38Тәэә шәраб тәэә тулуглара долдурулмалыдыр. 39Һеч ким көһнә шәрабы ичдикдән сонра тәэәсини истәмәэ. Чүнки дејәр: “Көһнәси даһа јахшыдыр”».
ទើបបានជ្រើសរើសហើយ៖
Лука 5: MK2012Cy
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
