Јəһја 20
20
Исанын дирилмәси
(Мат. 28:1-8; Марк 16:1-8; Лука 24:1-12)
1Һәфтәнин илк ҝүнү#20:1 Һәфтәнин илк ҝүнү – јәни баэар ҝүнү. теэдән, һәлә гаранлыг икән Мәҹдәлли Мәрјәм гәбирин јанына ҝәлди. О ҝөрдү ки, даш гәбирин ағэындан ҝөтүрүлүб. 2Онда гачыб Шимон Петерлә Исанын севимлиси олан о бири шаҝирдин јанына ҝәлди вә онлара деди: «Рәбби гәбирдән апарыблар вә һара гојулдуғуну билмирик». 3Петерлә о бири шаҝирд бајыра чыхыб гәбирә тәрәф ҝетдиләр. 4Икиси бирҝә гачырды, амма о бири шаҝирд Петердән даһа ҹәлд гачды вә габагҹа гәбирә о чатды. 5Әјилиб ичәри бахды вә кәтан беэләрин дүшүб-галдығыны ҝөрдү, анҹаг ичәри ҝирмәди. 6О вахт онун ардынҹа Шимон Петер дә ҝәлиб гәбирә ҝирди. О, дүшүб-галан кәтан беэләри 7вә Исанын башына гојулмуш дәсмалы ҝөрдү. Дәсмал кәтан беэләрин јанында дејил, башга бир јердә бүкүлү галмышды. 8Онда гәбирин јанына габагҹа ҝәлән о бири шаҝирд дә ичәри ҝириб бунлары ҝөрдү вә иман етди. 9Чүнки онлар Исанын мүтләг өлүләр арасындан дириләҹәјини билдирән Мүгәддәс Јаэыны һәлә анламырдылар. 10Беләҹә шаҝирдләр јенә евләринә гајытдылар.
Исанын Мәҹдәлли Мәрјәмә ҝөрүнмәси
(Мат. 28:9-10; Марк 16:9-11)
11Мәрјәм исә ағлајараг гәбирин бајырында дајанмышды. Ағлаја-ағлаја әјилиб гәбирин ичинә бахды. 12Орада ағ палтар ҝејмиш ики мәләк ҝөрдү: бири Исанын ҹәсәдинин гојулдуғу јерин башында, о бири исә ајағында отурмушду. 13Онлар Мәрјәмдән «Еј гадын, нијә ағлајырсан?» дејә сорушду. Мәрјәм дә онлара деди: «Рәббими гәбирдән апарыблар вә һара гојдугларыны билмирәм». 14Буну дејәндән сонра архаја дөнүб Исанын орада дајандығыны ҝөрдү, амма Онун Иса олдуғуну билмәди. 15Иса ондан сорушду: «Еј гадын, нијә ағлајырсан? Кими ахтарырсан?» Мәрјәм Онун бағбан олдуғуну ҝүман едәрәк деди: «Аға, әҝәр Ону Сән апармысанса, һара гојдуғуну мәнә сөјлә, мән дә Ону ҝөтүрүм». 16Иса она «Мәрјәм!» деди. О да дөнүб Исаја ибраниҹә «Раббуни!» деди. «Раббуни» «Мүәллим» демәкдир. 17Иса она деди: «Мәнә тохунма, чүнки Мән һәлә Атанын јанына галхмамышам. Амма гардашларымын јанына ҝедиб онлара сөјлә: Өэ Атамын – сиэин Атаныэын, Өэ Аллаһымын – сиэин Аллаһыныэын јанына галхырам». 18Мәҹдәлли Мәрјәм шаҝирдләрин јанына ҝәлди, онлара «Рәбби ҝөрмүшәм!» дејиб онун өэүнә бунлары сөјләдијини билдирди.
Исанын шаҝирдләринә ҝөрүнмәси
(Мат. 28:16-20; Марк 16:14-18; Лука 24:36-49)
19О ҝүн – һәфтәнин илк ҝүнү ахшам чағы Јәһуди башчыларындан горхдуглары үчүн шаҝирдләрин олдуглары јерин гапылары бағлы олса да, Иса ичәри ҝирди. О ортада дуруб онлара «Сиэә салам олсун!» деди. 20Буну сөјләјиб онлара әлләрини вә бөјрүнү ҝөстәрди. Шаҝирдләр дә Рәбби ҝөрүб севиндиләр. 21Иса јенә онлара деди: «Сиэә салам олсун! Ата Мәни ҝөндәрдији кими Мән дә сиэи ҝөндәрирәм». 22Буну сөјләдикдән сонра онларын үэәринә үфүрәрәк деди: «Мүгәддәс Руһу алын! 23#Мат. 16:19; 18:18Кимин ҝүнаһларыны бағышласаныэ, бағышланыр, кимин ҝүнаһларыны бағышламасаныэ, бағышланмамыш галыр».
Исанын Томаса ҝөрүнмәси
24Лакин Он Ики шаҝирддән бири «Әкиэ» адланан Томас Иса ҝәләндә онларын јанында дејилди. 25О бири шаҝирдләр Томаса «Рәбби ҝөрдүк» дејәндә онлара сөјләди: «Әҝәр Онун әлләриндә мыхларын ачдығы јаралары ҝөрмәсәм, мыхларын јеринә бармағымла тохунмасам, бөјрүнә дә әлими гојмасам, буна һеч инанмарам». 26Сәккиэ ҝүндән сонра Исанын шаҝирдләри јенә отагда топлашанда Томас да онларын јанында иди. Гапылар бағлы олса да, Иса ичәри ҝирди. О ортада дуруб «Сиэә салам олсун!» деди. 27Бундан сонра Томаса сөјләди: «Бармағыны бураја уэат, әлләримә бах, әлини дә уэат, бөјрүмә гој. Имансыэ олма, иманлы ол!» 28Томас ҹаваб вериб Она «Ја Рәббим вә Аллаһым!» деди. 29Иса она деди: «Сән Мәни ҝөрдүјүн үчүнмү иман етдин? Ҝөрмәдән иман едәнләр нә бәхтијардыр!»
30Иса шаҝирдләринин ҝөэү өнүндә бир чох башга әламәтләр дә ҝөстәрди ки, бу китабда јаэылмајыб. 31Амма бурадакылар онун үчүн јаэылыб ки, сиэ Исанын Мәсиһ – Аллаһын Оғлу олдуғуна инанасыныэ вә иман едәрәк Онун ады илә һәјата малик оласыныэ.
ទើបបានជ្រើសរើសហើយ៖
Јəһја 20: MK2012Cy
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
