ယောဟန် 21
21
တပည့်တော်ခုနှစ်ဦးကို ကိုယ်ထင်ပြခြင်း
1ထို့နောက် ကိုယ်တော်ယေရှုသည် တိဗေရိအိုင်နားတွင် တပည့်တော်တို့အား နောက်တစ်ဖန် ကိုယ်ထင်ရှားပြတော်မူ၏။ 2၎င်းမှာ ရှိမုန်ပေတရုသည် ဒိဒုမုဟုလည်းခေါ်သည့် သောမ၊ ဂါလိလဲပြည် ကာနမြို့သား နာသနေလ၊ ဇေဗေဒဲ၏သားများ၊ အခြားတပည့်တော်နှစ်ဦးတို့နှင့်အတူ ရှိနေကြစဉ် 3ရှိမုန်ပေတရုသည် “အကျွန်ုပ် ငါးဖမ်းသွားဦးမည်” ဟုဆိုသဖြင့် အခြားသူတို့သည်လည်း “အကျွန်ုပ်တို့လည်း လိုက်မည်” ဟုဆိုကာ ထွက်သွားကြပြီး လှေပေါ်တက်ကြကာ ငါးဖမ်းကြသော်လည်း ထိုညတစ်ညလုံး ငါးတစ်ကောင်မျှပင် မမိကြပေ။
4နံနက်စောစောအချိန်၌ ကိုယ်တော်သည် ကမ်းစပ်၌ ရပ်နေတော်မူ၏။ သို့သော်လည်း သူတို့သည် ကိုယ်တော်ဖြစ်ကြောင်း မသိခဲ့ကြပေ။
5ကိုယ်တော်သည်လည်း “မိတ်ဆွေတို့၊ သင်တို့ စားစရာ တစ်စုံတရာဖမ်းမိကြသလော” ဟုမေးသဖြင့်
သူတို့သည်လည်း “မမိကြပါ” ဟုဖြေကြလေ၏။
6ထိုအခါ ကိုယ်တော်သည် “ငါးဖမ်းပိုက်ကို လှေ၏ညာဖက်၌ ချကြလော့။ ထိုသို့ပြုလျှင် မိကြလိမ့်မည်” ဟုဆိုသဖြင့် သူတို့လည်း ပိုက်ကွန်ကို ချကြရာ ငါးအကောင်ရေများပြားစွာမိသဖြင့် ပိုက်ကိုပင် ဆွဲတင်၍မရနိုင်ဖြစ်နေကြ၏။
7ထိုအခါ ကိုယ်တော်ယေရှုချစ်ခင်တော်မူသောတပည့်တော်သည် ပေတရုအား “သူသည် ငါတို့၏ကိုယ်တော်ပေတည်း” ဟုဆိုသည်ကို ရှိမုန်ပေတရု ကြားသောအခါ အဝတ်ချွတ်ထားသည်ဖြစ်၍ အပေါ်ဝတ်ကို ခါး၌စည်းပြီးလျှင် အိုင်ထဲသို့ ခုန်ဆင်းလေ၏။ 8အခြားတပည့်တော်တို့သည်ကား ကမ်းစပ်နှင့်မဝေးလှဘဲ ကိုက်တစ်ရာခန့်သာကွာသည့်နေရာတွင် ရှိကြသဖြင့် ငါးများနှင့်ပြည့်နေသော ပိုက်ကွန်ကိုဆွဲ၍ လှေငယ်ဖြင့်ပြန်လာကြ၏။ 9ဤသို့ဖြင့် သူတို့သည် ကုန်းပေါ်သို့ ရောက်ကြလျှင် မီးသွေးမီးပုံကိုလည်းကောင်း၊ မုန့်နှင့်အတူ ကင်ထားသောငါးကိုလည်းကောင်း တွေ့ကြ၏။
10ကိုယ်တော်သည် “သင်တို့ဖမ်းမိခဲ့သည့် ငါးအချို့ကို ယူခဲ့လော့” ဟုသူတို့အား မိန့်ဆိုသဖြင့် 11ရှိမုန်ပေတရုသည် လှေပေါ်သို့တက်၍ ပိုက်ကွန်ကို ကုန်းပေါ်သို့ဆွဲတင်လေရာ ထိုပိုက်ကွန်၌ ငါးကြီးတစ်ရာငါးဆယ့်သုံးကောင်ပါလေ၏။ ထိုမျှများပြားသော ငါးများပါသော်လည်း ပိုက်ကွန်သည် စုတ်ပြဲခြင်းမရှိခဲ့ပေ။ 12ကိုယ်တော်သည် သူတို့အား “လာ၍ နံနက်စာ” ဟု မိန့်တော်မူ၏။ သူတို့သည်လည်း ဤသူသည် ကိုယ်တော်ယေရှုဖြစ်ကြောင်းကို သိကြသည်ဖြစ်၍ တပည့်တော်များထဲမှ မည်သူကမျှ “အသင်သည် မည်သူပါနည်း” ဟုမမေးဝံ့ခဲ့ကြပေ။ 13ကိုယ်တော်သည် လာ၍ မုန့်နှင့်ငါးကို ယူပြီးလျှင် သူတို့အား ပေးတော်မူ၏။ 14ဤသည်ကား ကိုယ်တော်အသက်ပြန်ရှင်ပြီးနောက် တပည့်တော်တို့အား တတိယအကြိမ်မြောက် ကိုယ်ထင်ရှားပြတော်မူခြင်းဖြစ်၏။
ယေရှုနှင့် ပေတရု
15ထိုသို့ နံနက်စာကို သူတို့စားပြီးကြသောအခါ ကိုယ်တော်သည် ရှိမုန်ပေတရုအား “ယောဟန်၏သားရှိမုန်၊ သင်သည် တခြားသူများငါ့ကိုချစ်ခင်သည်ထက် သာ၍ချစ်ခင်သလော” မေးလျှင်
ပေတရုသည် “ဟုတ်ပါ၏၊ ကိုယ်တော်။ အကျွန်ုပ်သည် ကိုယ်တော်ကို ချစ်ခင်ကြောင်း ကိုယ်တော်သိပါ၏” ဟုလျှောက်လေ၏။
ကိုယ်တော်သည်လည်း “သို့ဖြစ်လျှင် သိုးသငယ်များကဲ့သို့သော ငါ၏တပည့်တော်တို့ကို စောင့်ရှောက်လော့” ဟု မိန့်တော်မူ၏။
16တဖန် ကိုယ်တော်သည် “ယောဟန်၏သားရှိမုန်၊ သင်သည် ငါ့ကိုချစ်ခင်သလော” ဟုဒုတိယအကြိမ်မေးတော်မူလျှင်
ပေတရုသည် “ဟုတ်ပါ၏၊ ကိုယ်တော်။ အကျွန်ုပ်သည် ကိုယ်တော်ကို ချစ်ခင်ကြောင်း ကိုယ်တော်သိပါ၏” ဟုလျှောက်လေ၏။
ကိုယ်တော်သည်လည်း “ငါ၏သိုးတို့ကို အုပ်ထိန်းလော့” ဟု မိန့်တော်မူ၏။
17နောက်တဖန် ကိုယ်တော်သည် “ယောဟန်၏သားရှိမုန်၊ သင်သည် ငါ့ကိုချစ်ခင်သလော” တတိယအကြိမ်မေးတော်မူသောကြောင့် ပေတရုသည် စိတ်မကောင်းဖြစ်၍ “ကိုယ်တော်သည် အရာခပ်သိမ်းကို သိမြင်သောသူဖြစ်ပါ၏။ အကျွန်ုပ်သည် ကိုယ်တော်ကို ချစ်ခင်သည်ဆိုသည်ကိုလည်း ကိုယ်တော်သိပါ၏” ဟုလျှောက်လေ၏။
ထိုအခါ ကိုယ်တော်သည်လည်း “ငါ၏သိုးတို့ကို ကျွေးမွေးလော့။ 18သင့်အား ငါအမှန်ဆိုသည်ကား သင်သည် ငယ်ရွယ်စဉ်၌ မိမိအဝတ်ကို မိမိကိုယ်တိုင် ဝတ်ဆင်၍ သွားလိုသောအရပ်သို့ သွားလေ့ရှိ၏။ သို့သော် အိုမင်းလာသောအချိန်၌မူကား သင်သည် သင်၏လက်နှစ်ဖက်ကို ဆန့်၍ အခြားသူမှ အဝတ်ဆင်မြန်းပေးခြင်းကို ခံရ၍ သင်မသွားလိုသောအရပ်သို့ ခေါ်ယူခြင်းကိုခံရမည်” ဟု မိန့်တော်မူ၏။ 19ကိုယ်တော်သည် ဤသို့ဆိုရခြင်းမှာ ပေတရုသည် မည်ကဲ့သို့သော သေခြင်းမျိုးဖြင့် ဘုရားရှင်၏ဘုန်းကျက်သရေတော်ကို ထွန်းတောက်စေမည့်အကြောင်းကို ညွှန်ပြပြောဆိုတော်မူခြင်းဖြစ်၏။ ကိုယ်တော်သည် ဤအရာတို့ကို မိန့်ဆိုပြီးနောက် ပေတရုအား “ငါ့နောက်သို့ လိုက်လော့” ဟု မိန့်တော်မူ၏။
20ပေတရုသည်လည်း လှည့်ကြည့်သောအခါ ကိုယ်တော်ယေရှုချစ်ခင်တော်မူသည့်တပည့်တော်သည်လည်း နောက်မှလိုက်လာသည်ကို မြင်လေ၏။ ထိုသူသည် ယခင်အချိန်ညစာအတူတူစားခဲ့စဉ်က ကိုယ်တော့်အနီးသို့ချဉ်းကပ်၍ “ကိုယ်တော်အား သစ္စာဖောက်မည့်သူသည် အဘယ်သူနည်း” ဟုမေးလျှောက်ခဲ့သူလည်းဖြစ်၏။ 21ထိုတပည့်တော်ကို မြင်သဖြင့် ပေတရုသည် “ကိုယ်တော်၊ ဤသူကား မည်သို့ဖြစ်မည်နည်း” ဟုမေးလျှောက်လေ၏။
22ကိုယ်တော်သည် ပေတရုအား “ငါပြန်ကြွလာသည့်တိုင်အောင် သူ့ကိုအသက်ရှင်နေစေရန် ငါအလိုရှိလျှင်လည်း သင်နှင့်မည်သို့ဆိုင်သနည်း။ သင်သည် ငါ့နောက်သို့ လိုက်လော့” ဟု မိန့်တော်မူ၏။ 23သို့ဖြစ်၍ “ထိုတပည့်တော်သည်သေရမည်မဟုတ်” ဟူသောစကားသည် အခြားတပည့်တော်များအကြားတွင် ပျံ့နှံ့သွားလေ၏။ သို့သော် ကိုယ်တော်သည် ပေတရုကို မိန့်ဆိုခဲ့သည်မှာ “ထိုသူသည် သေရမည်မဟုတ်” ဟုမိန့်ဆိုခဲ့ခြင်းမဟုတ်ဘဲ “ငါပြန်ကြွလာသည့်တိုင်အောင် သူ့ကိုအသက်ရှင်နေစေရန် ငါအလိုရှိလျှင်လည်း သင်နှင့်မည်သို့ဆိုင်သနည်း” ဟူ၍သာမိန့်ဆိုခဲ့ခြင်းဖြစ်၏။
24ဤအကြောင်းအရာအားလုံးကို သက်သေခံ၍ ရေးသားထားသူမှာ ထိုတပည့်တော်ပင်ဖြစ်၏။ သူ၏သက်သေခံချက်တို့သည် မှန်ကန်ကြောင်းကိုလည်း အကျွန်ုပ်တို့သိကြ၏။
25ကိုယ်တော်ယေရှု ပြုတော်မူသောအမှုအရာများစွာရှိသေး၏။ ထိုအမှုအရာမှန်သမျှကို ရေးသားမည်ဆိုပါက ဤကမ္ဘာကြီး၌ပင် ထိုရေးသားထားသည့်စာအုပ်များနှင့် ဆန့်မည်မဟုတ်ဟု အကျွန်ုပ်ထင်မှတ်၏။
ယောဟန်ကျမ်းပြီး၏။
ទើបបានជ្រើសរើសហើយ៖
ယောဟန် 21: TPV-RV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
ယောဟန် 21
21
တပည့်တော်ခုနှစ်ဦးကို ကိုယ်ထင်ပြခြင်း
1ထို့နောက် ကိုယ်တော်ယေရှုသည် တိဗေရိအိုင်နားတွင် တပည့်တော်တို့အား နောက်တစ်ဖန် ကိုယ်ထင်ရှားပြတော်မူ၏။ 2၎င်းမှာ ရှိမုန်ပေတရုသည် ဒိဒုမုဟုလည်းခေါ်သည့် သောမ၊ ဂါလိလဲပြည် ကာနမြို့သား နာသနေလ၊ ဇေဗေဒဲ၏သားများ၊ အခြားတပည့်တော်နှစ်ဦးတို့နှင့်အတူ ရှိနေကြစဉ် 3ရှိမုန်ပေတရုသည် “အကျွန်ုပ် ငါးဖမ်းသွားဦးမည်” ဟုဆိုသဖြင့် အခြားသူတို့သည်လည်း “အကျွန်ုပ်တို့လည်း လိုက်မည်” ဟုဆိုကာ ထွက်သွားကြပြီး လှေပေါ်တက်ကြကာ ငါးဖမ်းကြသော်လည်း ထိုညတစ်ညလုံး ငါးတစ်ကောင်မျှပင် မမိကြပေ။
4နံနက်စောစောအချိန်၌ ကိုယ်တော်သည် ကမ်းစပ်၌ ရပ်နေတော်မူ၏။ သို့သော်လည်း သူတို့သည် ကိုယ်တော်ဖြစ်ကြောင်း မသိခဲ့ကြပေ။
5ကိုယ်တော်သည်လည်း “မိတ်ဆွေတို့၊ သင်တို့ စားစရာ တစ်စုံတရာဖမ်းမိကြသလော” ဟုမေးသဖြင့်
သူတို့သည်လည်း “မမိကြပါ” ဟုဖြေကြလေ၏။
6ထိုအခါ ကိုယ်တော်သည် “ငါးဖမ်းပိုက်ကို လှေ၏ညာဖက်၌ ချကြလော့။ ထိုသို့ပြုလျှင် မိကြလိမ့်မည်” ဟုဆိုသဖြင့် သူတို့လည်း ပိုက်ကွန်ကို ချကြရာ ငါးအကောင်ရေများပြားစွာမိသဖြင့် ပိုက်ကိုပင် ဆွဲတင်၍မရနိုင်ဖြစ်နေကြ၏။
7ထိုအခါ ကိုယ်တော်ယေရှုချစ်ခင်တော်မူသောတပည့်တော်သည် ပေတရုအား “သူသည် ငါတို့၏ကိုယ်တော်ပေတည်း” ဟုဆိုသည်ကို ရှိမုန်ပေတရု ကြားသောအခါ အဝတ်ချွတ်ထားသည်ဖြစ်၍ အပေါ်ဝတ်ကို ခါး၌စည်းပြီးလျှင် အိုင်ထဲသို့ ခုန်ဆင်းလေ၏။ 8အခြားတပည့်တော်တို့သည်ကား ကမ်းစပ်နှင့်မဝေးလှဘဲ ကိုက်တစ်ရာခန့်သာကွာသည့်နေရာတွင် ရှိကြသဖြင့် ငါးများနှင့်ပြည့်နေသော ပိုက်ကွန်ကိုဆွဲ၍ လှေငယ်ဖြင့်ပြန်လာကြ၏။ 9ဤသို့ဖြင့် သူတို့သည် ကုန်းပေါ်သို့ ရောက်ကြလျှင် မီးသွေးမီးပုံကိုလည်းကောင်း၊ မုန့်နှင့်အတူ ကင်ထားသောငါးကိုလည်းကောင်း တွေ့ကြ၏။
10ကိုယ်တော်သည် “သင်တို့ဖမ်းမိခဲ့သည့် ငါးအချို့ကို ယူခဲ့လော့” ဟုသူတို့အား မိန့်ဆိုသဖြင့် 11ရှိမုန်ပေတရုသည် လှေပေါ်သို့တက်၍ ပိုက်ကွန်ကို ကုန်းပေါ်သို့ဆွဲတင်လေရာ ထိုပိုက်ကွန်၌ ငါးကြီးတစ်ရာငါးဆယ့်သုံးကောင်ပါလေ၏။ ထိုမျှများပြားသော ငါးများပါသော်လည်း ပိုက်ကွန်သည် စုတ်ပြဲခြင်းမရှိခဲ့ပေ။ 12ကိုယ်တော်သည် သူတို့အား “လာ၍ နံနက်စာ” ဟု မိန့်တော်မူ၏။ သူတို့သည်လည်း ဤသူသည် ကိုယ်တော်ယေရှုဖြစ်ကြောင်းကို သိကြသည်ဖြစ်၍ တပည့်တော်များထဲမှ မည်သူကမျှ “အသင်သည် မည်သူပါနည်း” ဟုမမေးဝံ့ခဲ့ကြပေ။ 13ကိုယ်တော်သည် လာ၍ မုန့်နှင့်ငါးကို ယူပြီးလျှင် သူတို့အား ပေးတော်မူ၏။ 14ဤသည်ကား ကိုယ်တော်အသက်ပြန်ရှင်ပြီးနောက် တပည့်တော်တို့အား တတိယအကြိမ်မြောက် ကိုယ်ထင်ရှားပြတော်မူခြင်းဖြစ်၏။
ယေရှုနှင့် ပေတရု
15ထိုသို့ နံနက်စာကို သူတို့စားပြီးကြသောအခါ ကိုယ်တော်သည် ရှိမုန်ပေတရုအား “ယောဟန်၏သားရှိမုန်၊ သင်သည် တခြားသူများငါ့ကိုချစ်ခင်သည်ထက် သာ၍ချစ်ခင်သလော” မေးလျှင်
ပေတရုသည် “ဟုတ်ပါ၏၊ ကိုယ်တော်။ အကျွန်ုပ်သည် ကိုယ်တော်ကို ချစ်ခင်ကြောင်း ကိုယ်တော်သိပါ၏” ဟုလျှောက်လေ၏။
ကိုယ်တော်သည်လည်း “သို့ဖြစ်လျှင် သိုးသငယ်များကဲ့သို့သော ငါ၏တပည့်တော်တို့ကို စောင့်ရှောက်လော့” ဟု မိန့်တော်မူ၏။
16တဖန် ကိုယ်တော်သည် “ယောဟန်၏သားရှိမုန်၊ သင်သည် ငါ့ကိုချစ်ခင်သလော” ဟုဒုတိယအကြိမ်မေးတော်မူလျှင်
ပေတရုသည် “ဟုတ်ပါ၏၊ ကိုယ်တော်။ အကျွန်ုပ်သည် ကိုယ်တော်ကို ချစ်ခင်ကြောင်း ကိုယ်တော်သိပါ၏” ဟုလျှောက်လေ၏။
ကိုယ်တော်သည်လည်း “ငါ၏သိုးတို့ကို အုပ်ထိန်းလော့” ဟု မိန့်တော်မူ၏။
17နောက်တဖန် ကိုယ်တော်သည် “ယောဟန်၏သားရှိမုန်၊ သင်သည် ငါ့ကိုချစ်ခင်သလော” တတိယအကြိမ်မေးတော်မူသောကြောင့် ပေတရုသည် စိတ်မကောင်းဖြစ်၍ “ကိုယ်တော်သည် အရာခပ်သိမ်းကို သိမြင်သောသူဖြစ်ပါ၏။ အကျွန်ုပ်သည် ကိုယ်တော်ကို ချစ်ခင်သည်ဆိုသည်ကိုလည်း ကိုယ်တော်သိပါ၏” ဟုလျှောက်လေ၏။
ထိုအခါ ကိုယ်တော်သည်လည်း “ငါ၏သိုးတို့ကို ကျွေးမွေးလော့။ 18သင့်အား ငါအမှန်ဆိုသည်ကား သင်သည် ငယ်ရွယ်စဉ်၌ မိမိအဝတ်ကို မိမိကိုယ်တိုင် ဝတ်ဆင်၍ သွားလိုသောအရပ်သို့ သွားလေ့ရှိ၏။ သို့သော် အိုမင်းလာသောအချိန်၌မူကား သင်သည် သင်၏လက်နှစ်ဖက်ကို ဆန့်၍ အခြားသူမှ အဝတ်ဆင်မြန်းပေးခြင်းကို ခံရ၍ သင်မသွားလိုသောအရပ်သို့ ခေါ်ယူခြင်းကိုခံရမည်” ဟု မိန့်တော်မူ၏။ 19ကိုယ်တော်သည် ဤသို့ဆိုရခြင်းမှာ ပေတရုသည် မည်ကဲ့သို့သော သေခြင်းမျိုးဖြင့် ဘုရားရှင်၏ဘုန်းကျက်သရေတော်ကို ထွန်းတောက်စေမည့်အကြောင်းကို ညွှန်ပြပြောဆိုတော်မူခြင်းဖြစ်၏။ ကိုယ်တော်သည် ဤအရာတို့ကို မိန့်ဆိုပြီးနောက် ပေတရုအား “ငါ့နောက်သို့ လိုက်လော့” ဟု မိန့်တော်မူ၏။
20ပေတရုသည်လည်း လှည့်ကြည့်သောအခါ ကိုယ်တော်ယေရှုချစ်ခင်တော်မူသည့်တပည့်တော်သည်လည်း နောက်မှလိုက်လာသည်ကို မြင်လေ၏။ ထိုသူသည် ယခင်အချိန်ညစာအတူတူစားခဲ့စဉ်က ကိုယ်တော့်အနီးသို့ချဉ်းကပ်၍ “ကိုယ်တော်အား သစ္စာဖောက်မည့်သူသည် အဘယ်သူနည်း” ဟုမေးလျှောက်ခဲ့သူလည်းဖြစ်၏။ 21ထိုတပည့်တော်ကို မြင်သဖြင့် ပေတရုသည် “ကိုယ်တော်၊ ဤသူကား မည်သို့ဖြစ်မည်နည်း” ဟုမေးလျှောက်လေ၏။
22ကိုယ်တော်သည် ပေတရုအား “ငါပြန်ကြွလာသည့်တိုင်အောင် သူ့ကိုအသက်ရှင်နေစေရန် ငါအလိုရှိလျှင်လည်း သင်နှင့်မည်သို့ဆိုင်သနည်း။ သင်သည် ငါ့နောက်သို့ လိုက်လော့” ဟု မိန့်တော်မူ၏။ 23သို့ဖြစ်၍ “ထိုတပည့်တော်သည်သေရမည်မဟုတ်” ဟူသောစကားသည် အခြားတပည့်တော်များအကြားတွင် ပျံ့နှံ့သွားလေ၏။ သို့သော် ကိုယ်တော်သည် ပေတရုကို မိန့်ဆိုခဲ့သည်မှာ “ထိုသူသည် သေရမည်မဟုတ်” ဟုမိန့်ဆိုခဲ့ခြင်းမဟုတ်ဘဲ “ငါပြန်ကြွလာသည့်တိုင်အောင် သူ့ကိုအသက်ရှင်နေစေရန် ငါအလိုရှိလျှင်လည်း သင်နှင့်မည်သို့ဆိုင်သနည်း” ဟူ၍သာမိန့်ဆိုခဲ့ခြင်းဖြစ်၏။
24ဤအကြောင်းအရာအားလုံးကို သက်သေခံ၍ ရေးသားထားသူမှာ ထိုတပည့်တော်ပင်ဖြစ်၏။ သူ၏သက်သေခံချက်တို့သည် မှန်ကန်ကြောင်းကိုလည်း အကျွန်ုပ်တို့သိကြ၏။
25ကိုယ်တော်ယေရှု ပြုတော်မူသောအမှုအရာများစွာရှိသေး၏။ ထိုအမှုအရာမှန်သမျှကို ရေးသားမည်ဆိုပါက ဤကမ္ဘာကြီး၌ပင် ထိုရေးသားထားသည့်စာအုပ်များနှင့် ဆန့်မည်မဟုတ်ဟု အကျွန်ုပ်ထင်မှတ်၏။
ယောဟန်ကျမ်းပြီး၏။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.