ယောဟန် 17
17
ယေရှုဆုတောင်းတော်မူခြင်း
1ကိုယ်တော်ယေရှုသည် ဤအရာများကို မိန့်တော်မူပြီးနောက် ကောင်းကင်သို့ မျှော်ကြည့်လျက်
“အဖဘုရားရှင်၊ အချိန်ကျတော်မူပြီ။ သားတော်သည် အဖဘုရား၏ဘုန်းတော်ကို ထင်ရှားစေနိုင်ရန် သားတော်၏ဘုန်းကို ထင်ရှားစေတော်မူပါ။ 2အကြောင်းမှာ အဖဘုရားသည် သားတော်အား လူသားအပေါင်းကို အုပ်စိုးရသည့်အခွင့်ကို ပေးတော်မူပြီ။ ဤသည်ကား သားတော်သည် အဖဘုရားပေးအပ်တော်မူသမျှသောသူတို့အား နိစ္စထာဝရအသက်ကို ပေးနိုင်ရန်အတွက်ဖြစ်ပါသည်။ 3နိစ္စထာဝရအသက်ဟူသည်မှာ တစ်ဆူတည်းသော စစ်မှန်သောဘုရားဖြစ်တော်မူသော အဖဘုရားကိုလည်းကောင်း၊ အဖဘုရားစေလွှတ်တော်မူသော ယေရှုခရစ်တော်ကိုလည်းကောင်း သိကျွမ်းခြင်းပင်ဖြစ်ပါ၏။ 4အကျွန်ုပ်ဆောင်ရွက်ရန် အဖဘုရားပေးအပ်တော်မူသောအမှုတော်ကို အကျွန်ုပ်သည် ပြီးမြောက်စေ၍ အဖဘုရား၏ဘုန်းတော်ကို ဤလောက၌ထင်ရှားစေပါပြီ။ 5အို အဖဘုရား၊ ဤလောကကမ္ဘာမတည်မရှိမီကပင် အဖဘုရားနှင့်အတူ အကျွန်ုပ်ခံစားရသော ဘုန်းအသရေတော်အားဖြင့် ယခုပင် အကျွန်ုပ်ကို အထံတော်ပါး၌ ဘုန်းထင်ရှားစေတော်မူပါ။
6ဤလောကထဲမှ အဖဘုရားရွေးကောက်၍ အကျွန်ုပ်ထံပေးအပ်တော်မူသောသူတို့အား အဖဘုရား၏နာမတော်ကို အကျွန်ုပ်ထင်ရှားစေပါပြီ။ ထိုသူတို့သည် အဖဘုရား၏လူများဖြစ်ကြ၍ အဖဘုရားသည် သူတို့အား အကျွန်ုပ်ထံပေးအပ်တော်မူ၏။ သူတို့သည်လည်း အဖဘုရား၏နှုတ်ကပတ်တရားကို လိုက်နာစောင့်ထိန်းကြပါ၏။ 7အကျွန်ုပ်အား အဖဘုရားပေးအပ်တော်မူသောအရာအားလုံးသည် အဖဘုရားရှင်ထံတော်မှဖြစ်ကြောင်း ယခုသူတို့သိကြပါပြီ။ 8အကြောင်းမူကား အကျွန်ုပ်အား အဖဘုရားပေးတော်မူသော နှုတ်ကပတ်တရားတို့ကို အကျွန်ုပ်သည် သူတို့အား ပေးအပ်သဖြင့် သူတို့သည်လည်း ခံယူကြကာ အဖဘုရားထံမှ အကျွန်ုပ်ကြွလာခဲ့ကြောင်းကို အမှန်ပင်သိရှိလျက် အဖဘုရားရှင်သည် အကျွန်ုပ်ကိုစေလွှတ်တော်မူကြောင်းကိုလည်း ယုံကြည်ကြပါပြီ။ 9သူတို့အတွက် အကျွန်ုပ်ဆုတောင်းပါ၏။ အကျွန်ုပ်ထံ အဖဘုရားပေးတော်မူသောသူတို့သည် အဖဘုရား၏လူများဖြစ်ကြသောကြောင့် ဤလောကအတွက် ဆုတောင်းခြင်းမပြုဘဲ ထိုသူတို့အတွက်သာ ဆုတောင်းလျှောက်ပါ၏။ 10အကျွန်ုပ်ပိုင်ဆိုင်သောအရာအားလုံးကို အဖဘုရားရှင်ပိုင်တော်မူပြီး အဖဘုရားရှင်ပိုင်တော်မူသောအရာအားလုံးတို့ကိုလည်း အကျွန်ုပ်ပိုင်သည်ဖြစ်၍ အကျွန်ုပ်သည် ထိုအရာများအားဖြင့် ဘုန်းထင်ရှားခြင်းရှိပါပြီ။ 11အကျွန်ုပ်သည် ဤလောက၌ ရှိတော့မည်မဟုတ်သော်လည်း သူတို့မူကား ဤလောက၌ရှိကြပါမည်။ အကျွန်ုပ်သည် အဖဘုရားထံတော်သို့ လာပါတော့မည်။ မြင့်မြတ်စင်ကြယ်တော်မူသောအဖ၊ အဖဘုရားရှင်နှင့် အကျွန်ုပ်သည် တစ်လုံးတစ်ဝတည်းဖြစ်သကဲ့သို့ အကျွန်ုပ်ထံပေးအပ်တော်မူသော ဤသူတို့သည်လည်း ဖြစ်ကြစေရန် အဖဘုရား၏နာမတော်၌ စောင့်ရှောက်ကွယ်ကာတော်မူပါ။ 12အကျွန်ုပ်သည် သူတို့နှင့်အတူရှိစဉ်တွင် အကျွန်ုပ်အား အဖဘုရားရှင်ပေးတော်မူသော နာမတော်၏ဘုန်းတန်ခိုးတော်အားဖြင့် သူတို့ကို စောင့်ရှောက်ထားပါ၏။ သူတို့တွင် ပျက်စီးခြင်း၏သားမှတစ်ပါး မည်သူမျှမပျက်စီးခဲ့ပါ။ ထိုသူပျက်စီးရခြင်းမှာလည်း ကျမ်းစာပြည့်စုံစေရန်ဖြစ်ပါ၏။
13ယခုတွင် အကျွန်ုပ်သည် အဖဘုရားရှင်ထံသို့ လာရမည်ဖြစ်၍ ဤသူတို့သည် အကျွန်ုပ်၏ဝမ်းမြောက်ခြင်းကို မိမိတို့၌အပြည့်အဝခံစားရမည့်အကြောင်း အကျွန်ုပ်ဤလောက၌ ရှိနေစဉ် ဤအရာများကို ဟောပြောခြင်းဖြစ်ပါ၏။ 14အကျွန်ုပ်သည် အဖဘုရားရှင်၏နှုတ်ကပတ်တရားကို သူတို့အားပေးအပ်ခဲ့ပါပြီ။ သို့ရာတွင် အကျွန်ုပ်သည် ဤလောကနှင့်မဆိုင်သကဲ့သို့ သူတို့သည်လည်း ဤလောကနှင့်မဆိုင်ကြသောကြောင့် လောကသားတို့သည် သူတို့ကိုမုန်းကြပါ၏။ 15သူတို့ကို ဤလောကထဲမှ နုတ်ယူတော်မူခြင်းအတွက်မဟုတ်ဘဲ ဤလောက၌ မကောင်းသောအရာထံမှ သူတို့ကို ကွယ်ကာစောင့်ရှောက်တော်မူရန် အကျွန်ုပ်ဆုတောင်းခြင်းဖြစ်ပါ၏။ 16အကျွန်ုပ်သည် ဤလောကနှင့်မဆိုင်သကဲ့သို့ သူတို့သည်လည်း ဤလောကနှင့်မဆိုင်ကြပါ။ 17အဖဘုရား၏နှုတ်ကပတ်တော်သည် သမ္မာတရားဖြစ်၍ ထိုသမ္မာတရားအားဖြင့် သူတို့ကို သန့်ရှင်းစင်ကြယ်စေတော်မူပါ။ 18အဖဘုရားသည် အကျွန်ုပ်အား ဤလောကထဲသို့ စေလွှတ်တော်မူသကဲ့သို့ အကျွန်ုပ်သည်လည်း သူတို့အား ဤလောကထဲသို့ စေလွှတ်ပါ၏။ 19သူတို့သည်လည်း သမ္မာတရားအားဖြင့် သန့်ရှင်းစင်ကြယ်ခြင်းခံရကြစေရန်အတွက် အကျွန်ုပ်သည် မိမိကိုယ်ကို သူတို့အတွက် သန့်ရှင်းစေပါ၏။
20ဤသူတို့အတွက်သာမကဘဲ သူတို့ဟောပြောချက်တို့ကြောင့် အကျွန်ုပ်ကိုယုံကြည်လာကြသောသူများအတွက်လည်း အကျွန်ုပ်ဆုတောင်းပါ၏။ 21အဖဘုရားရှင်သည် အကျွန်ုပ်၌ရှိတော်မူ၍ အကျွန်ုပ်သည် အဖဘုရား၌ရှိသကဲ့သို့ ထိုသူအပေါင်းတို့သည်လည်း တစ်လုံးတစ်ဝတည်းဖြစ်စေတော်မူပါ။ အကျွန်ုပ်အား အဖဘုရားရှင်စေလွှတ်တော်မူကြောင်းကို ဤလောကသားတို့ သိရှိကြစေရန်အတွက် ထိုယုံကြည်သူအပေါင်းတို့ကိုလည်း အကျွန်ုပ်တို့၌ အတူရှိစေတော်မူပါ။ 22အကျွန်ုပ်တို့သည် တစ်လုံးတစ်ဝတည်းဖြစ်သကဲ့သို့ သူတို့သည်လည်း တစ်လုံးတစ်ဝတည်းဖြစ်ကြစေရန် အကျွန်ုပ်အား အဖဘုရားရှင်ပေးတော်မူသော ဘုန်းအသရေတော်ကို သူတို့အား အကျွန်ုပ်ပေးပါပြီ။ 23အကျွန်ုပ်သည် သူတို့၌ရှိ၍ အဖဘုရားရှင်သည် အကျွန်ုပ်၌ရှိတော်မူပါ၏။ ဤသည်ကား သူတို့ကို တစ်လုံးတစ်ဝတည်းပြီးပြည့်စုံစေရန်ဖြစ်ပြီး အဖဘုရားရှင်သည် အကျွန်ုပ်ကိုစေလွှတ်တော်မူကြောင်းနှင့် အကျွန်ုပ်ကို ချစ်ခင်သကဲ့သို့ သူတို့ကိုလည်း အဖဘုရားရှင်ချစ်ခင်တော်မူကြောင်းကို လောကသားတို့ သိကြစေရန်ဖြစ်ပါ၏။ 24အဖဘုရား၊ ဤကမ္ဘာမတည်မရှိမီကပင် အဖဘုရားရှင်သည် အကျွန်ုပ်ကိုချစ်ခင်တော်မူ၍ အကျွန်ုပ်အားပေးတော်မူသော ဘုန်းအသရေကို အကျွန်ုပ်ထံ အဖဘုရားပေးအပ်တော်မူသောသူတို့လည်း တွေ့မြင်ရကြရန် သူတို့ကို အကျွန်ုပ်ရှိရာအရပ်၌ အကျွန်ုပ်နှင့်အတူ ရှိစေလိုပါ၏။
25ဖြောင့်မတ်မှန်ကန်တော်မူသောအဖဘုရား၊ ဤလောကသည် အဖဘုရားကို မသိသော်လည်း အကျွန်ုပ်သည် အဖဘုရားရှင်ကို သိပါ၏။ ဤသူတို့သည်လည်း အကျွန်ုပ်ကို အဖဘုရားရှင်စေလွှတ်တော်မူကြောင်း သိကြပါ၏။ 26အကျွန်ုပ်အပေါ်၌ ထားရှိသော အဖဘုရား၏မဟာကရုဏာမေတ္တာတော်သည် သူတို့၌ရှိစေခြင်းငှာလည်းကောင်း၊ အကျွန်ုပ်သည် သူတို့၌ရှိစေခြင်းငှာလည်းကောင်း၊ အဖဘုရား၏နာမတော်ကို သူတို့အား အကျွန်ုပ်သိစေပြီးဖြစ်ကာ ဆက်လက်၍လည်း သိစေပါဦးမည်” ဟုဆုတောင်းတော်မူ၏။
ទើបបានជ្រើសរើសហើយ៖
ယောဟန် 17: TPV-RV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
ယောဟန် 17
17
ယေရှုဆုတောင်းတော်မူခြင်း
1ကိုယ်တော်ယေရှုသည် ဤအရာများကို မိန့်တော်မူပြီးနောက် ကောင်းကင်သို့ မျှော်ကြည့်လျက်
“အဖဘုရားရှင်၊ အချိန်ကျတော်မူပြီ။ သားတော်သည် အဖဘုရား၏ဘုန်းတော်ကို ထင်ရှားစေနိုင်ရန် သားတော်၏ဘုန်းကို ထင်ရှားစေတော်မူပါ။ 2အကြောင်းမှာ အဖဘုရားသည် သားတော်အား လူသားအပေါင်းကို အုပ်စိုးရသည့်အခွင့်ကို ပေးတော်မူပြီ။ ဤသည်ကား သားတော်သည် အဖဘုရားပေးအပ်တော်မူသမျှသောသူတို့အား နိစ္စထာဝရအသက်ကို ပေးနိုင်ရန်အတွက်ဖြစ်ပါသည်။ 3နိစ္စထာဝရအသက်ဟူသည်မှာ တစ်ဆူတည်းသော စစ်မှန်သောဘုရားဖြစ်တော်မူသော အဖဘုရားကိုလည်းကောင်း၊ အဖဘုရားစေလွှတ်တော်မူသော ယေရှုခရစ်တော်ကိုလည်းကောင်း သိကျွမ်းခြင်းပင်ဖြစ်ပါ၏။ 4အကျွန်ုပ်ဆောင်ရွက်ရန် အဖဘုရားပေးအပ်တော်မူသောအမှုတော်ကို အကျွန်ုပ်သည် ပြီးမြောက်စေ၍ အဖဘုရား၏ဘုန်းတော်ကို ဤလောက၌ထင်ရှားစေပါပြီ။ 5အို အဖဘုရား၊ ဤလောကကမ္ဘာမတည်မရှိမီကပင် အဖဘုရားနှင့်အတူ အကျွန်ုပ်ခံစားရသော ဘုန်းအသရေတော်အားဖြင့် ယခုပင် အကျွန်ုပ်ကို အထံတော်ပါး၌ ဘုန်းထင်ရှားစေတော်မူပါ။
6ဤလောကထဲမှ အဖဘုရားရွေးကောက်၍ အကျွန်ုပ်ထံပေးအပ်တော်မူသောသူတို့အား အဖဘုရား၏နာမတော်ကို အကျွန်ုပ်ထင်ရှားစေပါပြီ။ ထိုသူတို့သည် အဖဘုရား၏လူများဖြစ်ကြ၍ အဖဘုရားသည် သူတို့အား အကျွန်ုပ်ထံပေးအပ်တော်မူ၏။ သူတို့သည်လည်း အဖဘုရား၏နှုတ်ကပတ်တရားကို လိုက်နာစောင့်ထိန်းကြပါ၏။ 7အကျွန်ုပ်အား အဖဘုရားပေးအပ်တော်မူသောအရာအားလုံးသည် အဖဘုရားရှင်ထံတော်မှဖြစ်ကြောင်း ယခုသူတို့သိကြပါပြီ။ 8အကြောင်းမူကား အကျွန်ုပ်အား အဖဘုရားပေးတော်မူသော နှုတ်ကပတ်တရားတို့ကို အကျွန်ုပ်သည် သူတို့အား ပေးအပ်သဖြင့် သူတို့သည်လည်း ခံယူကြကာ အဖဘုရားထံမှ အကျွန်ုပ်ကြွလာခဲ့ကြောင်းကို အမှန်ပင်သိရှိလျက် အဖဘုရားရှင်သည် အကျွန်ုပ်ကိုစေလွှတ်တော်မူကြောင်းကိုလည်း ယုံကြည်ကြပါပြီ။ 9သူတို့အတွက် အကျွန်ုပ်ဆုတောင်းပါ၏။ အကျွန်ုပ်ထံ အဖဘုရားပေးတော်မူသောသူတို့သည် အဖဘုရား၏လူများဖြစ်ကြသောကြောင့် ဤလောကအတွက် ဆုတောင်းခြင်းမပြုဘဲ ထိုသူတို့အတွက်သာ ဆုတောင်းလျှောက်ပါ၏။ 10အကျွန်ုပ်ပိုင်ဆိုင်သောအရာအားလုံးကို အဖဘုရားရှင်ပိုင်တော်မူပြီး အဖဘုရားရှင်ပိုင်တော်မူသောအရာအားလုံးတို့ကိုလည်း အကျွန်ုပ်ပိုင်သည်ဖြစ်၍ အကျွန်ုပ်သည် ထိုအရာများအားဖြင့် ဘုန်းထင်ရှားခြင်းရှိပါပြီ။ 11အကျွန်ုပ်သည် ဤလောက၌ ရှိတော့မည်မဟုတ်သော်လည်း သူတို့မူကား ဤလောက၌ရှိကြပါမည်။ အကျွန်ုပ်သည် အဖဘုရားထံတော်သို့ လာပါတော့မည်။ မြင့်မြတ်စင်ကြယ်တော်မူသောအဖ၊ အဖဘုရားရှင်နှင့် အကျွန်ုပ်သည် တစ်လုံးတစ်ဝတည်းဖြစ်သကဲ့သို့ အကျွန်ုပ်ထံပေးအပ်တော်မူသော ဤသူတို့သည်လည်း ဖြစ်ကြစေရန် အဖဘုရား၏နာမတော်၌ စောင့်ရှောက်ကွယ်ကာတော်မူပါ။ 12အကျွန်ုပ်သည် သူတို့နှင့်အတူရှိစဉ်တွင် အကျွန်ုပ်အား အဖဘုရားရှင်ပေးတော်မူသော နာမတော်၏ဘုန်းတန်ခိုးတော်အားဖြင့် သူတို့ကို စောင့်ရှောက်ထားပါ၏။ သူတို့တွင် ပျက်စီးခြင်း၏သားမှတစ်ပါး မည်သူမျှမပျက်စီးခဲ့ပါ။ ထိုသူပျက်စီးရခြင်းမှာလည်း ကျမ်းစာပြည့်စုံစေရန်ဖြစ်ပါ၏။
13ယခုတွင် အကျွန်ုပ်သည် အဖဘုရားရှင်ထံသို့ လာရမည်ဖြစ်၍ ဤသူတို့သည် အကျွန်ုပ်၏ဝမ်းမြောက်ခြင်းကို မိမိတို့၌အပြည့်အဝခံစားရမည့်အကြောင်း အကျွန်ုပ်ဤလောက၌ ရှိနေစဉ် ဤအရာများကို ဟောပြောခြင်းဖြစ်ပါ၏။ 14အကျွန်ုပ်သည် အဖဘုရားရှင်၏နှုတ်ကပတ်တရားကို သူတို့အားပေးအပ်ခဲ့ပါပြီ။ သို့ရာတွင် အကျွန်ုပ်သည် ဤလောကနှင့်မဆိုင်သကဲ့သို့ သူတို့သည်လည်း ဤလောကနှင့်မဆိုင်ကြသောကြောင့် လောကသားတို့သည် သူတို့ကိုမုန်းကြပါ၏။ 15သူတို့ကို ဤလောကထဲမှ နုတ်ယူတော်မူခြင်းအတွက်မဟုတ်ဘဲ ဤလောက၌ မကောင်းသောအရာထံမှ သူတို့ကို ကွယ်ကာစောင့်ရှောက်တော်မူရန် အကျွန်ုပ်ဆုတောင်းခြင်းဖြစ်ပါ၏။ 16အကျွန်ုပ်သည် ဤလောကနှင့်မဆိုင်သကဲ့သို့ သူတို့သည်လည်း ဤလောကနှင့်မဆိုင်ကြပါ။ 17အဖဘုရား၏နှုတ်ကပတ်တော်သည် သမ္မာတရားဖြစ်၍ ထိုသမ္မာတရားအားဖြင့် သူတို့ကို သန့်ရှင်းစင်ကြယ်စေတော်မူပါ။ 18အဖဘုရားသည် အကျွန်ုပ်အား ဤလောကထဲသို့ စေလွှတ်တော်မူသကဲ့သို့ အကျွန်ုပ်သည်လည်း သူတို့အား ဤလောကထဲသို့ စေလွှတ်ပါ၏။ 19သူတို့သည်လည်း သမ္မာတရားအားဖြင့် သန့်ရှင်းစင်ကြယ်ခြင်းခံရကြစေရန်အတွက် အကျွန်ုပ်သည် မိမိကိုယ်ကို သူတို့အတွက် သန့်ရှင်းစေပါ၏။
20ဤသူတို့အတွက်သာမကဘဲ သူတို့ဟောပြောချက်တို့ကြောင့် အကျွန်ုပ်ကိုယုံကြည်လာကြသောသူများအတွက်လည်း အကျွန်ုပ်ဆုတောင်းပါ၏။ 21အဖဘုရားရှင်သည် အကျွန်ုပ်၌ရှိတော်မူ၍ အကျွန်ုပ်သည် အဖဘုရား၌ရှိသကဲ့သို့ ထိုသူအပေါင်းတို့သည်လည်း တစ်လုံးတစ်ဝတည်းဖြစ်စေတော်မူပါ။ အကျွန်ုပ်အား အဖဘုရားရှင်စေလွှတ်တော်မူကြောင်းကို ဤလောကသားတို့ သိရှိကြစေရန်အတွက် ထိုယုံကြည်သူအပေါင်းတို့ကိုလည်း အကျွန်ုပ်တို့၌ အတူရှိစေတော်မူပါ။ 22အကျွန်ုပ်တို့သည် တစ်လုံးတစ်ဝတည်းဖြစ်သကဲ့သို့ သူတို့သည်လည်း တစ်လုံးတစ်ဝတည်းဖြစ်ကြစေရန် အကျွန်ုပ်အား အဖဘုရားရှင်ပေးတော်မူသော ဘုန်းအသရေတော်ကို သူတို့အား အကျွန်ုပ်ပေးပါပြီ။ 23အကျွန်ုပ်သည် သူတို့၌ရှိ၍ အဖဘုရားရှင်သည် အကျွန်ုပ်၌ရှိတော်မူပါ၏။ ဤသည်ကား သူတို့ကို တစ်လုံးတစ်ဝတည်းပြီးပြည့်စုံစေရန်ဖြစ်ပြီး အဖဘုရားရှင်သည် အကျွန်ုပ်ကိုစေလွှတ်တော်မူကြောင်းနှင့် အကျွန်ုပ်ကို ချစ်ခင်သကဲ့သို့ သူတို့ကိုလည်း အဖဘုရားရှင်ချစ်ခင်တော်မူကြောင်းကို လောကသားတို့ သိကြစေရန်ဖြစ်ပါ၏။ 24အဖဘုရား၊ ဤကမ္ဘာမတည်မရှိမီကပင် အဖဘုရားရှင်သည် အကျွန်ုပ်ကိုချစ်ခင်တော်မူ၍ အကျွန်ုပ်အားပေးတော်မူသော ဘုန်းအသရေကို အကျွန်ုပ်ထံ အဖဘုရားပေးအပ်တော်မူသောသူတို့လည်း တွေ့မြင်ရကြရန် သူတို့ကို အကျွန်ုပ်ရှိရာအရပ်၌ အကျွန်ုပ်နှင့်အတူ ရှိစေလိုပါ၏။
25ဖြောင့်မတ်မှန်ကန်တော်မူသောအဖဘုရား၊ ဤလောကသည် အဖဘုရားကို မသိသော်လည်း အကျွန်ုပ်သည် အဖဘုရားရှင်ကို သိပါ၏။ ဤသူတို့သည်လည်း အကျွန်ုပ်ကို အဖဘုရားရှင်စေလွှတ်တော်မူကြောင်း သိကြပါ၏။ 26အကျွန်ုပ်အပေါ်၌ ထားရှိသော အဖဘုရား၏မဟာကရုဏာမေတ္တာတော်သည် သူတို့၌ရှိစေခြင်းငှာလည်းကောင်း၊ အကျွန်ုပ်သည် သူတို့၌ရှိစေခြင်းငှာလည်းကောင်း၊ အဖဘုရား၏နာမတော်ကို သူတို့အား အကျွန်ုပ်သိစေပြီးဖြစ်ကာ ဆက်လက်၍လည်း သိစေပါဦးမည်” ဟုဆုတောင်းတော်မူ၏။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.