Acts 14
14
1ဣကောနိမြို့တွင်လည်း ပေါလုနှင့်ဗာနဗတို့သည် ဓမ္မာရုံသို့သွား၍ ထိုနည်းတူဟောပြောရာ ဂျူးလူမျိုးများနှင့် ဂရိလူမျိုးများစွာတို့သည် ယုံကြည်လာကြလေ၏။ 2သို့သော် မယုံကြည်ကြသော ဂျူးလူမျိုးများသည် တိုင်းတပါးသားတို့၏စိတ်နှလုံးအား သွေးထိုးလှုံ့ဆော်ကာ ညီအစ်ကိုတို့အပေါ်တွင် မလိုမုန်းထားစိတ်ဖြစ်စေလေ၏။ 3ထို့ကြောင့် ပေါလုနှင့်ဗာနဗတို့သည်လည်း အချိန်အတန်ကြာနေလျက် ကိုယ်တော်၏ မင်္ဂလာသတင်းကောင်းအကြောင်းအား ရဲဝံ့စွာဟောပြောကြလေ၏။ ကိုယ်တော်သည်လည်း သူတို့၏လက်ဖြင့် နိမိတ်လက္ခဏာများ၊ အံ့ဖွယ်အမှုအရာများကို ပြုခွင့်ပေးတော်မူခြင်းအားဖြင့် မိမိ၏မဟာကရုဏာမေတ္တာတော်သည် မှန်ကန်ကြောင်းကို သက်သေခံတော်မူ၏။ 4ဣကောနိမြို့ မှလူတို့သည် အုပ်စုကွဲ၍ တစ်ချို့သည် ဂျူးလူမျိုးများဘက်မှ ပါကြပြီး တစ်ချို့သည် သာဝကတို့ဘက်မှ ပါကြလေ၏။ 5ထို့နောက် တိုင်းတပါးသားများနှင့်ဂျူးလူမျိုးအချို့တို့သည် သူတို့၏အကြီးအကဲများနှင့်အတူ ဗာနဗနှင့် ပေါလုတိုအား နှိပ်စက်၍ ခဲဖြင့်ပေါက်သတ်ရန် ကြံစည်ကြလေရာ 6သူတို့သည် ထိုအကြောင်းကိုကြားသိ၍ လုကာနိမြို့၊ လုတ္တရမြို့၊ ဒေရဗေမြို့နှင့် အနီးတဝိုက်ရှိဒေသများသို့ ထွက်ပြေးကြ၏။ 7ထို့နောက် သူတို့သည် ထိုအရပ်တို့၌ မင်္ဂလာသတင်းကောင်းကို ဟောပြောကြလေ၏။ 8လုတ္တရမြို့တွင် မွေးရာပါခြေထောက်မသန်စွမ်း၍ လမ်းလုံးဝမလျှောက်ဖူးသည့်သူတစ်ဦးရှိ၏။ 9သူသည် ထိုင်လျက် ပေါလုဟောပြောသည်ကို နားထောင်နေလေ၏။ ပေါလုကလည်း ထိုသူ၌ ယုံကြည်ခြင်းရှိ၍ ပြန်လည်ကျန်းမာလာနိုင်ကြောင်းကိုမြင်သဖြင့် ထိုသူအား စေ့စေ့ကြည့်ရှုကာ 10ကျယ်လောင်သောအသံဖြင့် "ထ၍ မတ်တပ်ရပ်လော့" ဟုဆိုလေရာ ထိုသူသည် ထခုန်၍ လမ်းလျှောက်လေ၏။ 11လူထုပရိတ်သတ်တို့သည် ပေါလုပြုသောအမှုကို မြင်သောအခါ၊ ဘုရားများသည် လူယောင်ဖန်ဆင်း၍ ငါတို့၏ထံသို့ ဆင်းသက်လာပြီဟု လုကောနိဘာသာစကားဖြင့် ကြွေးကြော်ကြလေ၏။ 12သူတို့သည် ဗာနဗကို ဇုသဟုအမည်ပေးပြီး ပေါလုသည် ဦးဆောင်ဟောပြောသူဖြစ်သောကြောင့် ဟေရမေဟုခေါ်ဝေါ်ကြ၏။ 13ဇုသ၏ပုရောဟိတ်သည်လည်း လူထုပရိတ်သတ်များနှင့်အတူ နွားများနှင့် ပန်းကုံးများကို ယူဆောင်၍ သာဝကတို့ထံ ပူဇော်လိုသဖြင့် မြို့ပြင်၌ရှိသော ဇုသကိုဝတ်ပြုကြရာနေရာသို့ လာကြလေ၏။ 14သာဝကဗာနဗနှင့် ပေါလုတို့သည် ထိုအကြောင်းကို ကြားသိကြသောအခါ မိမိတို့၏ အဝတ်များကိုဆုတ်ဖြဲ၍ လူထုပရိသတ်အထဲသို့ ပြေးဝင်လျက် 15"သင်တို့ အဘယ်ကြောင့် ဤသို့ပြုလုပ်ကြသနည်း။ ငါတို့သည်လည်း သင်တို့ကဲ့သို့ သာမန်လူသားများပင်ဖြစ်ပါ၏။ သင်တို့သည် ဤတန်ဖိုးမဲ့သည့်အရာတို့အား စွန့်ခွာပြီး ကောင်းကင်၊ မြေကြီး၊ ပင်လယ်နှင့် ရှိသမျှအရာအားလုံးကို ဖန်ဆင်းတော်မူသည့် အသက်ရှင်သော ဘုရားရှင်ထံသို့ ပြောင်းလဲကြစေမည့် မင်္ဂလာသတင်းကောင်းကို ဟောပြောနေကြများပင်ဖြစ်ပါ၏။ 16ရှေးခေတ် ကာလများတွင် ဘုရားရှင်သည် လူသားအပေါင်းတို့အား မိမိတို့၏လမ်းစဉ်အတိုင်း လျှောက်လှမ်းစေကြရန် အခွင့်ပေးထားတော်မူခဲ့၏။ 17သို့သော် ဘုရားရှင်သည် ကောင်းကင်မှ မိုးကိုရွာချစေခြင်း၊ ကောက်ပဲသီးနှံများအား အချိန်မှန်ဖြစ်ထွန်းစေခြင်းဖြင့် သင်တို့အား အစားအစာကို ပေးကာ သင်တို့၏ စိတ်နှလုံးများကိုလည်း ပျော်ရွှင်ဝမ်းမြောက်စေပြီး မိမိတည်ရှိကြောင်းကို အစဉ်အမြဲ သက်သေပြတော်မူ၏" ဟုကြွေးကြော်လေ၏။ 18ပေါလုနှင့်ဗာနဗတို့သည် ထိုသို့ပြောဆိုနေကြသော်လည်း လုထုပရိသတ်အား သူတို့ကိုပူဇော်ခြင်းမှတားမြစ်ရန် ခက်ခဲနေကြ၏။ 19ထိုအခါ အန္တိအုတ်မြို့နှင့် ဣကောနိမြို့တို့မှ ဂျူးလူမျိုးများသည် လုတ္တရမြို့သို့ ရောက်လာကြ၍ လူတို့ကို စည်းရုံးသိမ်းသွင်းပြီးနောက် သူတို့သည် ပေါလုအား သေသည်အထိ ကျောက်ခဲနဲ့ ပေါက်ကြပြီး သူသေဆုံးပြီအထင်နှင့် မြို့ပြင်သို့ ဆွဲထုတ်ခဲ့ကြလေ၏။ 20သို့သော် တပည့်တော်တို့သည် သူ့ကိုဝိုင်းရံလျက်နေကြစဉ် ပေါလုသည်ထ၍ မြို့ထဲသို့ဝင်ပြီး နောက်တစ်နေ့တွင် သူသည်ဗာနဗနှင့်အတူ ဒေရဗေမြို့သို့သွားလေ၏။ 21ပေါလုနှင့် ဗာနဗတို့သည် ဒေရဗေမြို့၌ မင်္ဂလာသတင်းကောင်းကို ဟောပြော၍ တပည့်တော်များစွာရရှိအောင် ဆောင်ရွက်နိုင်ခဲ့ကြ၏။ ထို့နောက် သူတို့သည် လုတ္တရမြို့၊ ဣကောနိမြို့၊ ပိသိဒိပြည်နှင့် အန္တိအုတ်မြို့များသို့ အသီးသီး ပြန်သွားခဲ့ကြ၏။ 22သူတို့သည် ယုံကြည်သူများကို ခွန်အားပေး၍ ယုံကြည်ခြင်း၌ တည်မြဲကြစေရန် အားပေးတိုက်တွန်းကာ "ဘုရားရှင်၏ သာသနာတော်ထဲသို့ ဝင်ရောက်ရန်အတွက် ငါတို့သည် ဒုက္ခများစွာကို ဖြတ်ကျော်ရမည်" ဟု ပြောဆိုလေ၏။ 23အသင်းတော်တိုင်းတွင်လည်း သူတို့သည် အသင်းတော်ခေါင်းဆောင်များကိုခန့်ထားကြပြီး ဆုတောင်းခြင်းနှင့် အစာရှောင်ခြင်းများဖြင့် သူတို့ယုံကြည်ကြသောအရှင်ထံသို့ သူတို့ကိုအပ်နှံကြလေ၏။ 24သူတို့သည် ပိသိဒိပြည်အား ဖြတ်သန်းသွားကြပြီးနောက် ပမ်ဖုလိပြည်သို့သွားကြပြီး 25ပေရဂေမြို့၌ နှုတ်ကပါတ်တော်တရားကိုဟောပြောပြီးလျှင် အတ္တလိမြို့သို့ ဆက်သွားကြ၏။ 26ထိုမြို့မှတစ်ဆင့် ယခုသူတို့ဆောင်ရွက်ပြီးစီးသွားသည့် အမှုတော်အတွက် ဘုရားရှင်၏ကျေးဇူးတော်၌အပ်နှံခြင်းခံခဲ့ရာ အန္တိအုတ်မြို့သို့ ပြန်လည်ရွက်လွှင့်လာကြလေ၏။ 27သူတို့သည် အန္တိအုတ်မြို့သို့ ရောက်သောအခါ၊ အသင်းတော်ရှိလူတို့အား စုဝေးစေပြီးလျှင်၊ ဘုရားရှင်သည် သူတို့၌ ပြုတော်မူသမျှတို့ကိုလည်းကောင်း၊ တိုင်းတပါးသားတို့ ယုံကြည်ရန်အတွက် လမ်းဖွင့်ပေးတော်မူကြောင်းကိုလည်းကောင်း ပြောကြားကြ၏။ 28ထို့နောက် သူတို့သည် တပည့်တော်တို့နှင့်အတူ ထိုအရပ်၌ အချိန်ကြာမြင့်စွာနေကြ၏။
ទើបបានជ្រើសរើសហើយ៖
Acts 14: TPV-RV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Acts 14
14
1ဣကောနိမြို့တွင်လည်း ပေါလုနှင့်ဗာနဗတို့သည် ဓမ္မာရုံသို့သွား၍ ထိုနည်းတူဟောပြောရာ ဂျူးလူမျိုးများနှင့် ဂရိလူမျိုးများစွာတို့သည် ယုံကြည်လာကြလေ၏။ 2သို့သော် မယုံကြည်ကြသော ဂျူးလူမျိုးများသည် တိုင်းတပါးသားတို့၏စိတ်နှလုံးအား သွေးထိုးလှုံ့ဆော်ကာ ညီအစ်ကိုတို့အပေါ်တွင် မလိုမုန်းထားစိတ်ဖြစ်စေလေ၏။ 3ထို့ကြောင့် ပေါလုနှင့်ဗာနဗတို့သည်လည်း အချိန်အတန်ကြာနေလျက် ကိုယ်တော်၏ မင်္ဂလာသတင်းကောင်းအကြောင်းအား ရဲဝံ့စွာဟောပြောကြလေ၏။ ကိုယ်တော်သည်လည်း သူတို့၏လက်ဖြင့် နိမိတ်လက္ခဏာများ၊ အံ့ဖွယ်အမှုအရာများကို ပြုခွင့်ပေးတော်မူခြင်းအားဖြင့် မိမိ၏မဟာကရုဏာမေတ္တာတော်သည် မှန်ကန်ကြောင်းကို သက်သေခံတော်မူ၏။ 4ဣကောနိမြို့ မှလူတို့သည် အုပ်စုကွဲ၍ တစ်ချို့သည် ဂျူးလူမျိုးများဘက်မှ ပါကြပြီး တစ်ချို့သည် သာဝကတို့ဘက်မှ ပါကြလေ၏။ 5ထို့နောက် တိုင်းတပါးသားများနှင့်ဂျူးလူမျိုးအချို့တို့သည် သူတို့၏အကြီးအကဲများနှင့်အတူ ဗာနဗနှင့် ပေါလုတိုအား နှိပ်စက်၍ ခဲဖြင့်ပေါက်သတ်ရန် ကြံစည်ကြလေရာ 6သူတို့သည် ထိုအကြောင်းကိုကြားသိ၍ လုကာနိမြို့၊ လုတ္တရမြို့၊ ဒေရဗေမြို့နှင့် အနီးတဝိုက်ရှိဒေသများသို့ ထွက်ပြေးကြ၏။ 7ထို့နောက် သူတို့သည် ထိုအရပ်တို့၌ မင်္ဂလာသတင်းကောင်းကို ဟောပြောကြလေ၏။ 8လုတ္တရမြို့တွင် မွေးရာပါခြေထောက်မသန်စွမ်း၍ လမ်းလုံးဝမလျှောက်ဖူးသည့်သူတစ်ဦးရှိ၏။ 9သူသည် ထိုင်လျက် ပေါလုဟောပြောသည်ကို နားထောင်နေလေ၏။ ပေါလုကလည်း ထိုသူ၌ ယုံကြည်ခြင်းရှိ၍ ပြန်လည်ကျန်းမာလာနိုင်ကြောင်းကိုမြင်သဖြင့် ထိုသူအား စေ့စေ့ကြည့်ရှုကာ 10ကျယ်လောင်သောအသံဖြင့် "ထ၍ မတ်တပ်ရပ်လော့" ဟုဆိုလေရာ ထိုသူသည် ထခုန်၍ လမ်းလျှောက်လေ၏။ 11လူထုပရိတ်သတ်တို့သည် ပေါလုပြုသောအမှုကို မြင်သောအခါ၊ ဘုရားများသည် လူယောင်ဖန်ဆင်း၍ ငါတို့၏ထံသို့ ဆင်းသက်လာပြီဟု လုကောနိဘာသာစကားဖြင့် ကြွေးကြော်ကြလေ၏။ 12သူတို့သည် ဗာနဗကို ဇုသဟုအမည်ပေးပြီး ပေါလုသည် ဦးဆောင်ဟောပြောသူဖြစ်သောကြောင့် ဟေရမေဟုခေါ်ဝေါ်ကြ၏။ 13ဇုသ၏ပုရောဟိတ်သည်လည်း လူထုပရိတ်သတ်များနှင့်အတူ နွားများနှင့် ပန်းကုံးများကို ယူဆောင်၍ သာဝကတို့ထံ ပူဇော်လိုသဖြင့် မြို့ပြင်၌ရှိသော ဇုသကိုဝတ်ပြုကြရာနေရာသို့ လာကြလေ၏။ 14သာဝကဗာနဗနှင့် ပေါလုတို့သည် ထိုအကြောင်းကို ကြားသိကြသောအခါ မိမိတို့၏ အဝတ်များကိုဆုတ်ဖြဲ၍ လူထုပရိသတ်အထဲသို့ ပြေးဝင်လျက် 15"သင်တို့ အဘယ်ကြောင့် ဤသို့ပြုလုပ်ကြသနည်း။ ငါတို့သည်လည်း သင်တို့ကဲ့သို့ သာမန်လူသားများပင်ဖြစ်ပါ၏။ သင်တို့သည် ဤတန်ဖိုးမဲ့သည့်အရာတို့အား စွန့်ခွာပြီး ကောင်းကင်၊ မြေကြီး၊ ပင်လယ်နှင့် ရှိသမျှအရာအားလုံးကို ဖန်ဆင်းတော်မူသည့် အသက်ရှင်သော ဘုရားရှင်ထံသို့ ပြောင်းလဲကြစေမည့် မင်္ဂလာသတင်းကောင်းကို ဟောပြောနေကြများပင်ဖြစ်ပါ၏။ 16ရှေးခေတ် ကာလများတွင် ဘုရားရှင်သည် လူသားအပေါင်းတို့အား မိမိတို့၏လမ်းစဉ်အတိုင်း လျှောက်လှမ်းစေကြရန် အခွင့်ပေးထားတော်မူခဲ့၏။ 17သို့သော် ဘုရားရှင်သည် ကောင်းကင်မှ မိုးကိုရွာချစေခြင်း၊ ကောက်ပဲသီးနှံများအား အချိန်မှန်ဖြစ်ထွန်းစေခြင်းဖြင့် သင်တို့အား အစားအစာကို ပေးကာ သင်တို့၏ စိတ်နှလုံးများကိုလည်း ပျော်ရွှင်ဝမ်းမြောက်စေပြီး မိမိတည်ရှိကြောင်းကို အစဉ်အမြဲ သက်သေပြတော်မူ၏" ဟုကြွေးကြော်လေ၏။ 18ပေါလုနှင့်ဗာနဗတို့သည် ထိုသို့ပြောဆိုနေကြသော်လည်း လုထုပရိသတ်အား သူတို့ကိုပူဇော်ခြင်းမှတားမြစ်ရန် ခက်ခဲနေကြ၏။ 19ထိုအခါ အန္တိအုတ်မြို့နှင့် ဣကောနိမြို့တို့မှ ဂျူးလူမျိုးများသည် လုတ္တရမြို့သို့ ရောက်လာကြ၍ လူတို့ကို စည်းရုံးသိမ်းသွင်းပြီးနောက် သူတို့သည် ပေါလုအား သေသည်အထိ ကျောက်ခဲနဲ့ ပေါက်ကြပြီး သူသေဆုံးပြီအထင်နှင့် မြို့ပြင်သို့ ဆွဲထုတ်ခဲ့ကြလေ၏။ 20သို့သော် တပည့်တော်တို့သည် သူ့ကိုဝိုင်းရံလျက်နေကြစဉ် ပေါလုသည်ထ၍ မြို့ထဲသို့ဝင်ပြီး နောက်တစ်နေ့တွင် သူသည်ဗာနဗနှင့်အတူ ဒေရဗေမြို့သို့သွားလေ၏။ 21ပေါလုနှင့် ဗာနဗတို့သည် ဒေရဗေမြို့၌ မင်္ဂလာသတင်းကောင်းကို ဟောပြော၍ တပည့်တော်များစွာရရှိအောင် ဆောင်ရွက်နိုင်ခဲ့ကြ၏။ ထို့နောက် သူတို့သည် လုတ္တရမြို့၊ ဣကောနိမြို့၊ ပိသိဒိပြည်နှင့် အန္တိအုတ်မြို့များသို့ အသီးသီး ပြန်သွားခဲ့ကြ၏။ 22သူတို့သည် ယုံကြည်သူများကို ခွန်အားပေး၍ ယုံကြည်ခြင်း၌ တည်မြဲကြစေရန် အားပေးတိုက်တွန်းကာ "ဘုရားရှင်၏ သာသနာတော်ထဲသို့ ဝင်ရောက်ရန်အတွက် ငါတို့သည် ဒုက္ခများစွာကို ဖြတ်ကျော်ရမည်" ဟု ပြောဆိုလေ၏။ 23အသင်းတော်တိုင်းတွင်လည်း သူတို့သည် အသင်းတော်ခေါင်းဆောင်များကိုခန့်ထားကြပြီး ဆုတောင်းခြင်းနှင့် အစာရှောင်ခြင်းများဖြင့် သူတို့ယုံကြည်ကြသောအရှင်ထံသို့ သူတို့ကိုအပ်နှံကြလေ၏။ 24သူတို့သည် ပိသိဒိပြည်အား ဖြတ်သန်းသွားကြပြီးနောက် ပမ်ဖုလိပြည်သို့သွားကြပြီး 25ပေရဂေမြို့၌ နှုတ်ကပါတ်တော်တရားကိုဟောပြောပြီးလျှင် အတ္တလိမြို့သို့ ဆက်သွားကြ၏။ 26ထိုမြို့မှတစ်ဆင့် ယခုသူတို့ဆောင်ရွက်ပြီးစီးသွားသည့် အမှုတော်အတွက် ဘုရားရှင်၏ကျေးဇူးတော်၌အပ်နှံခြင်းခံခဲ့ရာ အန္တိအုတ်မြို့သို့ ပြန်လည်ရွက်လွှင့်လာကြလေ၏။ 27သူတို့သည် အန္တိအုတ်မြို့သို့ ရောက်သောအခါ၊ အသင်းတော်ရှိလူတို့အား စုဝေးစေပြီးလျှင်၊ ဘုရားရှင်သည် သူတို့၌ ပြုတော်မူသမျှတို့ကိုလည်းကောင်း၊ တိုင်းတပါးသားတို့ ယုံကြည်ရန်အတွက် လမ်းဖွင့်ပေးတော်မူကြောင်းကိုလည်းကောင်း ပြောကြားကြ၏။ 28ထို့နောက် သူတို့သည် တပည့်တော်တို့နှင့်အတူ ထိုအရပ်၌ အချိန်ကြာမြင့်စွာနေကြ၏။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.