Marëkë 14
14
Jesua 'kpɛɛ 'ü pla
Matiö 26.1-5; Lukë 22.1-2; Jaan 11.45-53
1Jrüü 'sɔɔa 'mlɩ 'ünya 'Paakë nyra 'flɔɔlʋ kä 'mlɩ 'ünyɩ 'paa' levurëa ‑glɩsɩglɩsɩ 'jäa#14.1 Ɛgësɔɔdë 12.1-27.. ‑Gbɔsapɛrɩnyüü kpakü nyra ‑dɔkpɩanyüü 'bata 'sɩrɩ 'ümä Jesu 'kpla yrʋsa 'ümä 'ɔɔn 'bla. 2'Üa 'kpɔa ‑tɔrʋpɩɔ 'ü 'paa wii ɔ: «'I 'nɩ bä ‑glɩsɩglɩsɩa ‑srɩ 'lɩ, nyüü ‑pɩ 'crɛ ‑tʋ.»
'Ŋlʋʋlɔ ‑gblɔɔa' Jesua 'wli ‑daŋlʋɩnɩ 'kä
Matiö 26.6-16; Lukë 22.3-6; Jaan 12.1-8
3Jesu bä ɩ Betanii 'jrʋklanyɔɔ Simɔɔa nyuku ‑wälɩ. Jesu jö ɩ dɛɛ, 'ŋlʋʋ 'doo nya pa, 'ɔa kälɩa alebatrëa#14.3 alebatrë: Ejiipëtë bätäa 'täkä ‑glügbö ‑mölöö bäsaa. 'Ü 'klaa 'pɔlɔnyü nyra 'katʋnyü. 'Üa 'peru 'bʋa. 'kpala jɔ, 'äa 'mlɩa 'tasɩrɩa 'naarëa#14.3 'naarë: Tuu 'doo bäsaa 'ua 'nɩ 'ü nö ‑bɛ 'ü nö ‑daŋlʋɩnɩ. 'Üa ‑daŋlʋɩnɩa 'peru 'bʋa. ‑daŋlʋɩnɩlɩ kä 'peru 'bʋaa'. 'Ɔ waa' 'kpalaläa 'mä 'klɩ nɩ, 'ɔnya ‑gbäträ 'iin Jesua 'wli 'kä. 4'I käa' ‑gʋ ‑mülü bä ɩa' ‑plɩɩ 'crɛ 'wʋ nɩ; ‑wälɩ 'ü ‑ŋuŋlo: «Dɛplɛɛ kä ‑plɩɩ ‑daŋlʋɩnɩlɩa bʋblɔkʋ le? 5A 'mrɛɛ amä 'iin 'peru 'pa deniea ‑glʋɩtää#14.5 deniea ‑glʋɩtää: ‑Sʋ 'dooa 'pɛpɛɛmölii., 'kä anya 'iin 'pʋablanyüü ‑nyɩ.» 'Ünya 'daa 'ŋlʋʋlɔ. 6'Iibäa' Jesu nɩ: «'Ba sɔ 'ɔɔn ‑gba. Dɛplɛɛ kä ‑gʋ 'a ‑taara 'ɔɔn plɛ 'lɩ le? 'Mʋfagbi 'ɔ nʋ 'mɩ ‑gba. 7'Pʋablanyüü bä 'ana ‑tɔrʋpɩɔ 'plɔʋplɔʋ#14.7 Deteronɔɔmë 15.11., 'taɩnlɩ kä 'mlɩ 'a ‑waa' 'anya 'üün ‑gbajia. ‑Maa 'mɔɔlɔ nɩ, 'nyɩ 'ana ‑tɔrʋpɩɔ ‑a bä 'plɔʋplɔʋa ‑gʋ. 8Dɛɛlɛ 'ɔ 'mrɛɛa' mlɩ 'ɛɛ 'ɔ nʋ; ‑srɩ 'ɔ tɩ dɛrɩ 'ɔnya 'pa 'mɩ ‑daŋlʋɩnɩ 'na tʋtʋtaɩnlɩa ‑gʋ#14.8 Juifëa ‑nyɛɛ nyɔɔ ma jä 'ü 'paa 'ɔɔn 'nɔnʋpawöseri nyra ‑daŋlʋɩnɩ; 'a 'ii Jesu 'daa.. 9'Cɩcasa 'n ‑gbala 'amɩ, ‑pɩɔ o ‑pɩɔ ‑taa 'mʋfagogolä 'mäa' 'sara 'pläa 'fɩɔa 'mlɩ nɩ, wiili 'ŋlʋʋlɔ nʋa', nyüü nya 'ia ‑gä 'paa ‑bɛ 'ünya 'ɔa ‑gä plɛ 'pa.»
10Judaa Isëkario, Jesua nyüüpʋnyüüsɔɔa ‑tɔrʋpɩɔa nyɔɔ 'doo, nya ‑sɔ 'wʋ, 'ɔnya mi ‑gbɔsapɛrɩnyüü kpakü 'jä 'ɔmä Jesu 'sa. 11Wiili 'ɔ jaa', 'i kä 'ümɩ dɔrɔ 'wʋ, 'ü ‑nëma 'ünya 'ɔɔn mölii ‑nyɩa. 'Bala 'lɩ ‑gälɩ 'sɩrɩ Judaa 'mäa' nʋ ‑bɛ 'ɔmäa' Jesu 'sa, 'ia 'nyʋfɔ 'ɔ 'bata.
Jesua ‑gälɩblörö 'Paakë
Matiö 26.17-25; Lukë 22.7-18,21-30; Jaan 13.21-30
12'Flɔɔlʋ kä 'mlɩ 'nyɩa' levurë bä, 'ua ‑glɩsɩglɩsɩa 'klɩsa jrüü 'lɩ nɩ, ibäa' 'Paakëa ‑bablëëjüa 'bablasrɩ nɩ, Jesua 'wʋnyɛrɛnyüü nya 'bete 'ɔɔn: «‑Pëplɛɛ ‑baata amä 'Paakëa jijri 'klɩkäsesre ‑bɛ ‑mä dɛɛji le?» 13'Ɔnya blɔ 'ɔa 'wʋnyɛrɛnyüüa ‑tɔrʋpɩɔa nyüü 'sɔɔ, 'ɔnya ‑gbala 'üün: «'Ba mi bätä, nyɔɔ 'doo nya 'nɩ 'wlitroa; 'a nyra 'ɔɔn nya 'klɩtraraa. 'Ba ‑mɛ 'ɔɔn ‑gälɩ. 14‑Plɩɩlɩ 'ɔ nëmäa' pa, 'ba ‑gbala nyukukänyɔɔ ‑maa: ‹'Kpɩkpɩanyɔɔ 'bete: ‑Pëplɛɛ 'mɔɔ ‑bɛ 'na 'wʋnyɛrɛnyüü 'mäa' 'Paakë 'wʋ jrörö le?› 15'Ɔnya 'amɩ nyëka klöö kpakö sraraa ‑nyɛɛ nyuku ‑gälɩ, 'äa ‑wälɩ diia 'fɩɔ 'sesre 'klɩ 'kä. 'A ‑nyɛɛ 'amä 'känyɩgla.» 16'Ɔa 'wʋnyɛrɛnyüü nya mi bätäläa 'mlɩ, 'sɩrɩ 'ɔ ‑gbalaa' 'üün ‑tɛɛ, 'asɩ 'i nrörö. 'Ünya 'sesre 'Paakëa jijri 'kä.
17‑Gbiajrʋ mia' 'ɔɔ ‑bɛ nyüüpʋnyüüsɔɔ nya ji. 18'Ü jö ɩ dɛɛ, Jesu ‑nëma: «'Cɩcasa 'n ‑gbala 'amɩ, 'ana ‑tɔrʋpɩɔa nyɔɔ 'doo, 'nyraa 'ɔɔn tara 'wʋ, 'ɔnya 'mɩ 'saa#14.18 'Lɩbrɛrɛpɔɔkʋ 41.10..» 19'Üa 'fɩɔ 'kpɔɔ ɔ, ‑moloo ma bälɩ: «'Mɔɔ ‑ale?» 20'Ɔnya ‑gbala 'üün: «'Ana nyüüpʋnyüüsɔɔa ‑tɔrʋpɩɔa nyɔɔ 'doo bäsaa, nyɔɔlɔ 'nyraa 'ɔɔn paplaa' 'darʋ 'lɩtarapö 'lɩ. 21Mö Nyɔɔa 'Jʋ mö, 'sɩrɩ 'i ‑jɩjraa' nyɔsʋapɔɔkʋ 'lɩ#14.21 'Lɩbrɛrɛpɔɔkʋ 22.2-19; Esaii 53.. ‑Maa nyɔɔlɔ 'saa' 'ɔɔn, 'inya bʋbɔa 'ɔa ‑gʋ; 'i ‑si 'nanakʋ 'kä 'ünyɩ ‑gu ɩ 'ɔmɩ!»
22'Ü ‑ka jö ɩ dɛɛ Jesu nya dɔrɔ 'flɔɔ 'wʋ; 'ɔ bɩaa' Nyɔsʋa 'tɛtrɛɛkʋ, 'ɔnya 'böblö 'uun ‑tɩa 'ɔnya ‑nyɩ 'ümɩ 'uun; 'ɔ ‑nëma: «'Ba dɔrɔ 'uun 'wʋ, 'ba ji 'uun#14.22 'ba ji 'uun: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: 'Ba blökälɩ, 'na fugba bäsaa., 'na fugba bäsaa.» 23'Ɔnya dɔrɔ ‑köwö 'wʋ, 'ɔ bɩaa' Nyɔsʋa 'tɛtrɛɛkʋ, 'ɔnya ‑nyɩ 'ümɩ 'uun, 'üa 'fɩɔ nya 'mla 'uun. 24'Ɔnya ‑gbala 'üün: «'Na ‑toru bäsaa, kuö dëdräa#14.24 dëdrä: ‑Taa waklöölä 'nyɩ grɛɛkë kätɩpɔɔkɩ ‑mɩdooa 'mlɩ ‑a bä. ‑toru, 'uu ‑gblɔɔkä nyüü 'kɔkɔmlɛa ‑gʋ. 25'Cɩcasa 'n ‑gbala 'amɩ, 'n ‑ka ‑nëmä viinyënʋ#14.25 Viinyënʋ: Rɛsɛɛn 'nʋ. Ɛgësɔɔdë 25.6. ‑a 'mla 'plɔʋ; ima 'nyɩ Nyɔsʋaa 'kamapläa 'mlɩ ‑a bä; 'a ‑nyɛɛ 'nya 'sɔɔwʋ 'uun 'mlala.» 26'Ü bɩaa' 'Lɩbrɛrɛpɔɔkʋa#14.26 'Lɩbrɛrɛpɔɔkʋ: Üma bɩa 'Paakë 'jäjäkʋ nɩ, Nyɔsʋa 'nyrɩ 'bʋala 'dʋ 115-118 'ü brɛ. 'dʋ 'bɩbrɩkʋ nɩ, 'ünya mi Oliivëa 'dʋgba 'wli.
27Jesu nya ‑gbala 'üün: «'Ana 'fɩɔ nya 'mɩ ‑gba 'kägbaa, 'i ‑jɩjra: ‹'Nyaa ‑bablëëgbanyɛrɛnyɔɔ 'blaa, 'kä ‑bablëë nya 'kägba ‑gba#14.27 Sakarii 13.7..› 28‑Maa ama sɔ 'kuaabre nɩ, 'nyaa 'amɩ 'nyʋfɔ 'klɔɔtrʋ ‑taa Galileea ‑tʋtʋ ‑gälɩ.» 29'Iibäa' Piɛɛrë nɩ: «‑Bakää 'üa 'fɩɔ 'nyɩ ‑gba ‑mɩ ‑gbakä, ‑mää 'mɔɔ ‑a.» 30Jesu nya ‑gbala 'ɔɔn: «'Cɩcasa 'n ‑gbala ‑mɩ, ‑mɔlɔ nɩ, 'saarɩa ‑gbialä kʋa' ‑pɩ, sapɛ ‑nëmä ‑gbegbekʋa ‑gʋ 'sɔɔ ‑a ka, 'kä ‑nya 'mɩ 'klɩfɔlɔkʋa ‑gʋ tää ka.» 31Piɛɛrë nya 'patä 'ɔ ‑nëmä: «‑Bakää 'ünya 'daa 'nyraa ‑mɔ 'sɔ 'ümä 'bla, 'nëmä ‑srɩɩ 'daa 'nyɩ ‑mɩ ‑a jre.» 'Üa 'fɩɔ nya 'pa watu 'doo.
Jesu bibriea' Nyɔsʋa Jesëmanee
Matiö 26.36-46; Lukë 22.40-46
32'Ünya mi ‑pɩɔ 'doo, 'ii 'ü 'dara Jesëmanee#14.32 Jesëmanee: 'Ia ‑gbaa bä 'kpɩ 'sarafa.. 'Ɔnya ‑gbala 'ɔa 'wʋnyɛrɛnyüü: «'Ba kʋ ‑pɩ, 'mä mi, 'mä Nyɔsʋa bibie.» 33'Ɔ nëmäa' mi 'ɔ fa Piɛɛrë, Jaakë nyra Jaan. 'Ɔa plɛ ‑taaralɩ dotro ‑bɛ 'ɔa 'koia 'fɩɔ 'jɔklɔ. 34'Ɔnya ‑gbala 'üün: «'Na ‑susua 'kpɔkpɔɔkʋ nëmä 'mɩ 'bla; 'ba kʋ ‑pɩ, 'anyɩ 'mʋmɔ.» 35'Ɔ mia' 'klɔɔtrʋ jie nɩ, 'ɔnya be 'ɔa nyufa ‑tʋtʋ 'wʋ, ‑bɛ 'ɔ bibie Nyɔsʋa ima 'wʋ 'iin 'klɩ, abɩa ‑taa 'taɩnlɩ tʋŋlɔlɩ 'ɔɔn dɛrɩ. 36'Ɔ nɩnɩa: «Aba#14.36 Aba: 'Ia ‑gbaa bä «'Na tʋ» Arameenyüüa wii 'lɩ., 'na Tʋ, ‑bɩa wiia 'fɩɔ mlɩ, tʋŋlɔ 'mɩ 'lɩ ‑taa ‑sʋɩa ‑köwölä dɛrɩ! 'Ia 'fɩɔlʋ nɩ, 'na ni 'nyɩ tɩɔ 'lɩ, abɩa ‑na ni tɩɔ 'lɩ.»
37'Ɔnya 'blöö 'wʋnyɛrɛnyüüa ‑nyɛɛ dɛrɩ, 'ɔnya jrä 'üün 'mʋmʋ 'lɩ, 'ɔnya ‑gbala Piɛɛrë: «Simɔɔ, 'mʋmɔ 'mʋmɔ? ‑Nyɩ ‑kätɩ 'kä ‑a tɛ jie! 38'Anyɩ 'mʋmɔ, 'ba bibie Nyɔsʋa 'a ‑pɩ ‑balʋ 'lɩ blö. Nyɔɔ 'klaa 'mʋfa bobowli, ‑maa 'ɔa fugba 'nyɩ 'klü ‑a kä.»
39'Ɔnya 'patä 'ɔnya tʋŋlɔ 'lɩ 'üün dɛrɩ, 'ɔnya 'pa 'sɔɔwʋ watu 'doo, 'ɔnya bibie Nyɔsʋa. 40'Ɔ mia' ji, 'ɔ jrä 'sɔɔwʋ 'üün 'mʋmɔ 'lɩ; 'üa 'nyü bäkälɩ. Wiili 'ü ‑ka 'mäa' 'ɔɔn ‑gbala 'ünyɩ 'iin jre ‑a jre.
41Tääa ‑pɩɔ 'ɔ jia' 'ɔnya ‑gbala 'üün: «'A ‑ka 'mʋmɔ, ‑bɛ 'a ‑ka 'paa 'saa ‑fʋflʋ! 'Taɩn 'a 'lɩjrä, ‑jää, Nyɔɔa 'Jʋ, 'ɔ 'a ‑balʋnyüü kälɩ 'sara. 42'Ba sɔ 'wʋ, amä mi! ‑Jää, nyɔɔlɔ 'saa' 'mɩ 'ɔa 'tɔtɔkʋ bɩa.»
'Ü 'kplaa' Jesu
Matiö 26.47-56; Lukë 22.47-53; Jaan 18.2-12
43'Ɔ ‑ka 'paa wii dotro ‑bɛ Judaa 'tɔ, nyüüpʋnyüüsɔɔa ‑tɔrʋpɩɔa nyɔɔ 'doo, 'ɔɔ ‑bɛ nyüü 'kɔkɔmlɛ, 'üa kälɩa ‑järë nyra tii. ‑Gbɔsapɛrɩnyüü kpakü nyra ‑dɔkpɩanyüü ‑bɛ juifënyüüa tagbü blɔ 'üün. 44Nyɔɔlɔ 'saa' 'ɔɔn, ‑jäsɩ 'ɔ ‑gbala käa' 'üün nɩ: «Nyɔɔlɔ 'nëmäa' ka ‑gbere nɩ, 'a 'ɔɔ bäsaa. 'Ba 'kpla 'ɔɔn, 'ba fa 'ɔɔn, ‑maa 'ba ‑gäälä 'ɔɔn 'nyiöli.» 45Judaalɔ 'tɔa' dotro nɩ ‑gba 'ɔ jijrö 'ɔɔn, 'ɔ ‑nëma: «Rabii#14.45 Rabii: Ebrööwii 'lɩ 'iibä 'Kpɩkpɩanyɔɔ. Juifëa ‑dɔa 'mlɩ ‑ama 'trɛɛ 'kpɩkpɩanyɔɔ nɩ, ‑kä ‑mä 'daa «Rabbi» 'lɩträäräkʋa ‑gʋ.!» 'Ɔnya ‑gbere 'ɔɔn. 46Nyüülü nya jijrö Jesu ‑gba, 'ünya 'kpla 'ɔɔn. 47Ü kʋ ɩa' ‑plɩɩ, 'doo 'baa' 'lɩ 'ɔa ‑jɛrɛ, 'ɔnya 'kala ‑gbɔsapɛrɩnyɔɔ kpaköa bʋblɔnyɔɔ dɛɛ, 'ɔnya 'bölɩ 'ɔa 'nyaklu. 48Jesu dɔrɔa' wii 'wʋ, 'ɔnya ‑gbala 'üün: «Dɛplɛɛ kä ‑gʋ 'a ji 'mɩ 'kpla, ‑bɛ 'a ja ‑järë nyra tii, ‑beere nyüü ji 'jejienyɔɔ 'kpla le? 49'Maa bä 'ana ‑tɔrʋpɩɔ ‑srɩ o ‑srɩ; 'n 'kpɩara Nyɔsʋaanyuku kpaku ‑wälɩ, 'anyɩ 'mɩ ‑a 'kpla. ‑Maa nyɔsʋaawiili ‑jɩjraa' 'mä nrörö, 'ia ‑gʋ 'i bäsaa.» 50'Ɔa 'wʋnyɛrɛnyüüa 'fɩɔ nya ‑gba 'ɔɔn ‑gbakä, 'ünya fɔfɔ#14.50 Marëkë 14.27.. 51‑Sëgbanyʋklɔ 'doo prɛ ɩ 'ɔɔn dɛrɩ, 'ɔa ‑gälɩa 'papadɔʋ. 'Ünya 'kpla 'ɔɔn, 52‑maa 'ɔnya ‑gba 'üün 'papadɔʋ kälɩ 'kä 'ɔa 'kpɔ nya fɔ.
'Ü faa' Jesu tropina 'lɩ
Matiö 26.57-68; Lukë 22.54,63-65; Jaan 18.13-15,19-24
53'Ünya fa Jesu ‑gbɔsapɛrɩnyɔɔ kpaköa ‑nyɛɛ; 'ii ‑gbɔsapɛrɩnyüüa 'fɩɔ, tagbü, nyra ‑dɔkpɩanyüüa 'fɩɔ trara. 54Piɛɛrë tʋŋlɔlɩdɛrɩ ‑bɛ 'ɔ ‑mɛ 'ɔɔn ‑gälɩ, 'ɔnya pa ‑gbɔsapɛrɩnyɔɔ kpaköa ‑gböölia ‑glɔ 'lɩ. 'Ɔnya 'prɛrɛ nyüülü ‑fɛɛɛrɛa' 'lɩ 'jrʋpaa ‑tɔrʋpɩɔ 'ɔnya kʋwälɩ, ‑bɛ 'ɔ 'mlɔɔ kapu.
55‑Gbɔsapɛrɩnyüü kpakü nyra juifëa tropinanyüüa 'fɩɔ 'bata nyüülü nëmäa' Jesu wii ‑gälɩ ‑tʋ ‑bɛ 'ümäa' 'ɔɔn 'bla, ‑maa 'ünyɩ 'jä 'ia wii ‑a. 56'Kɔkɔmlɛ ‑tätä 'ɔɔn ‑gbagblɛ ‑gälɩ, ‑maa 'üa 'papawii 'nyɩ bä dɛɛ 'dee ‑a#14.56 'Lɩbrɛrɛpɔɔkʋ 27.12; 35.11.. 57'Doorodoo nya ‑tʋ 'ɔɔn ‑gbagblɛ ‑gälɩ; 'ü ‑nëma: 58«A 'nu, i ja 'ɔa mlɩ ‑maa: ‹'Nyaa Nyɔsʋaanyukulu kʋa' ‑pɩ u nyɔɔ 'paa' ‑gbloooa, 'kä 'nyaa ‑moloo 'pa jrüü tääa 'mlɩ, u nyɔɔ ‑nëmäa' 'pa#14.58 Jaan 2.19..› » 59'Ünyɩ 'sɔɔwʋ 'ia nä waklööläa ‑gälɩ 'wli ‑a 'nönrö.
60'Ia ‑gʋ ‑gbɔsapɛrɩnyɔɔ kpakö nya 'nyüglö ‑jria 'lɩ 'ɔnya 'bete Jesu: «‑Nëmä mɛ ‑a cɛ? ‑Asɩ ‑gba wiili 'ü 'saa' 'lɩa ‑gʋ le?» 61Jesu 'nyɩ mɛ ‑a cɛ. ‑Gbɔsapɛrɩnyɔɔ kpakö nya 'patä 'ɔnya 'bete 'ɔɔn: «‑Mɔ bä 'Kriisë, Nyɔsʋalɔ 'palaa' 'nɩ, 'ɔa 'jʋ?» 62'Iibäa' Jesu nɩ: «‑Yɛɛ, 'ɔɔ 'n bä. 'Anya Nyɔɔa 'Jʋ 'Klükä Nyɔsʋa 'dupa 'lɩ 'järäa, 'ɔnya cɛlɩa ‑gbru ‑gälɩ jaraa ‑bɛ 'ɔnya ji#14.62 'Lɩbrɛrɛpɔɔkʋ 110.1; Daniɛɛlë 7.13..»
63'Ia ‑gʋ ‑gbɔsapɛrɩnyɔɔ kpakö 'ŋlara 'ɔa 'mʋgbɛa 'koti, 'ɔ ‑nëma: «Wii 'plɛɛ a ‑ka 'bata le? 64Bʋbɔwiili 'ɔ 'paa' Nyɔsʋaa ‑gʋ, 'a 'nu 'iin 'wli? ‑Asɩ 'a 'jää 'iin 'wʋ le?» 'Üa 'fɩɔ nɩnɩa 'ɔ bä jäjänyɔɔ; 'ɔ kä 'ɔmä jä#14.64 'ɔ kä 'ɔmä jä: Levitiikë 24.16.. 65‑Mölöö ‑gbagba 'ɔa 'klʋɩ ‑tatrii, ‑mölöö ‑gbreee 'ɔa 'wli dɔʋ 'kä, 'ü 'kakla 'ɔɔn ‑kɔtrë, 'kä 'ü 'bete 'ɔɔn: «Nyɔɔlɔ 'kalaa' ‑mɩ dɛɛ, ‑ga 'ɔɔn 'nyrʋ!» 'Jrʋpafɛnyüü nya dɔrʋ 'ɔɔn 'wʋ 'ünya 'papa 'ɔa 'nyakli 'lɩ 'kpë#14.65 Esaii 50.6..
Piɛɛrë nɩnɩa 'ɔnyɩ Jesu ‑a jre
Matiö 26.69-75; Lukë 22.55-62; Jaan 18.15-18,25-27
66Piɛɛrë bä ɩ ‑gböööa bei ‑wälɩ, ‑bɛ ‑gbɔsapɛrɩnyɔɔ kpaköa 'jrʋpafɛŋlʋʋ 'doo ji. 67'Ɔ 'jäa' Piɛɛrë ‑bɛ 'ɔ 'mlɔɔa' nɩ, 'ɔnya be 'ɔɔn ‑fälɩ: «‑Na 'mʋgbɛ nyra Nasarɛɛtënyɔɔ Jesu ma 'nyɛɛ.» 68'Ɔnya babla, 'ɔ ‑nëma: «'Nyɩ 'nu wiili ‑saaalɩ 'wli ‑a, 'nyɩ 'iin jre ‑a jre.» 'Ɔnya 'cie 'ɔnya mi ‑glɔa 'palafa 'wʋ. Sapɛ nya ‑gbe. 69'Ŋlʋʋlɔ 'jäa' 'ɔɔn 'ɔnya 'patä 'ɔnya ‑gbala nyüülü bäa' ‑plɩɩ: «Nyɔɔlɔ kʋa' ‑plɩɩ bä 'lɩ 'mlɩ.» 70'Ɔnya babla 'sɔɔwʋ. Fɩɩɩn, nyüülü bä ɩa' ‑plɩɩ nya ‑gbala 'sɔɔwʋ Piɛɛrë ‑maa: «‑Nya 'kasa 'lɩ 'mlɩ bäa, Galileenyɔɔ bä. ‑Na 'papawii ‑beere Galileenyɔɔ#14.70 ‑na 'papawii ‑beere Galileenyɔɔ: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä..» 71'Ɔ ‑nyɩ 'iin Nyɔsʋa, 'ɔnya 'sɔrɩ: «Nyɔɔlɔ kä ‑gä 'a 'paaa' 'nyɩ 'ɔɔn jre ‑a jre.» 72‑Bɛ dotro sapɛ ka ‑gbegbekʋa ‑gʋ 'sɔɔ. Piɛɛrë nya 'pa wiili Jesu ‑gbala käa' 'ɔɔn plɛ: «Sapɛ 'mä 'daa 'ɛmä 'sɔɔ ka 'ɛmä ‑gbe nɩ, ‑mɔlɔ ‑nya tää kaa 'kä ‑nya nyüü ‑gbala 'sɩrɩ ‑nyɩa' 'mɩ jre#14.72 Marëkë 14.30..» 'Ɔ boboa' 'iin, 'ɔa 'dugu.
ទើបបានជ្រើសរើសហើយ៖
Marëkë 14: Bakwé
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc.
Marëkë 14
14
Jesua 'kpɛɛ 'ü pla
Matiö 26.1-5; Lukë 22.1-2; Jaan 11.45-53
1Jrüü 'sɔɔa 'mlɩ 'ünya 'Paakë nyra 'flɔɔlʋ kä 'mlɩ 'ünyɩ 'paa' levurëa ‑glɩsɩglɩsɩ 'jäa#14.1 Ɛgësɔɔdë 12.1-27.. ‑Gbɔsapɛrɩnyüü kpakü nyra ‑dɔkpɩanyüü 'bata 'sɩrɩ 'ümä Jesu 'kpla yrʋsa 'ümä 'ɔɔn 'bla. 2'Üa 'kpɔa ‑tɔrʋpɩɔ 'ü 'paa wii ɔ: «'I 'nɩ bä ‑glɩsɩglɩsɩa ‑srɩ 'lɩ, nyüü ‑pɩ 'crɛ ‑tʋ.»
'Ŋlʋʋlɔ ‑gblɔɔa' Jesua 'wli ‑daŋlʋɩnɩ 'kä
Matiö 26.6-16; Lukë 22.3-6; Jaan 12.1-8
3Jesu bä ɩ Betanii 'jrʋklanyɔɔ Simɔɔa nyuku ‑wälɩ. Jesu jö ɩ dɛɛ, 'ŋlʋʋ 'doo nya pa, 'ɔa kälɩa alebatrëa#14.3 alebatrë: Ejiipëtë bätäa 'täkä ‑glügbö ‑mölöö bäsaa. 'Ü 'klaa 'pɔlɔnyü nyra 'katʋnyü. 'Üa 'peru 'bʋa. 'kpala jɔ, 'äa 'mlɩa 'tasɩrɩa 'naarëa#14.3 'naarë: Tuu 'doo bäsaa 'ua 'nɩ 'ü nö ‑bɛ 'ü nö ‑daŋlʋɩnɩ. 'Üa ‑daŋlʋɩnɩa 'peru 'bʋa. ‑daŋlʋɩnɩlɩ kä 'peru 'bʋaa'. 'Ɔ waa' 'kpalaläa 'mä 'klɩ nɩ, 'ɔnya ‑gbäträ 'iin Jesua 'wli 'kä. 4'I käa' ‑gʋ ‑mülü bä ɩa' ‑plɩɩ 'crɛ 'wʋ nɩ; ‑wälɩ 'ü ‑ŋuŋlo: «Dɛplɛɛ kä ‑plɩɩ ‑daŋlʋɩnɩlɩa bʋblɔkʋ le? 5A 'mrɛɛ amä 'iin 'peru 'pa deniea ‑glʋɩtää#14.5 deniea ‑glʋɩtää: ‑Sʋ 'dooa 'pɛpɛɛmölii., 'kä anya 'iin 'pʋablanyüü ‑nyɩ.» 'Ünya 'daa 'ŋlʋʋlɔ. 6'Iibäa' Jesu nɩ: «'Ba sɔ 'ɔɔn ‑gba. Dɛplɛɛ kä ‑gʋ 'a ‑taara 'ɔɔn plɛ 'lɩ le? 'Mʋfagbi 'ɔ nʋ 'mɩ ‑gba. 7'Pʋablanyüü bä 'ana ‑tɔrʋpɩɔ 'plɔʋplɔʋ#14.7 Deteronɔɔmë 15.11., 'taɩnlɩ kä 'mlɩ 'a ‑waa' 'anya 'üün ‑gbajia. ‑Maa 'mɔɔlɔ nɩ, 'nyɩ 'ana ‑tɔrʋpɩɔ ‑a bä 'plɔʋplɔʋa ‑gʋ. 8Dɛɛlɛ 'ɔ 'mrɛɛa' mlɩ 'ɛɛ 'ɔ nʋ; ‑srɩ 'ɔ tɩ dɛrɩ 'ɔnya 'pa 'mɩ ‑daŋlʋɩnɩ 'na tʋtʋtaɩnlɩa ‑gʋ#14.8 Juifëa ‑nyɛɛ nyɔɔ ma jä 'ü 'paa 'ɔɔn 'nɔnʋpawöseri nyra ‑daŋlʋɩnɩ; 'a 'ii Jesu 'daa.. 9'Cɩcasa 'n ‑gbala 'amɩ, ‑pɩɔ o ‑pɩɔ ‑taa 'mʋfagogolä 'mäa' 'sara 'pläa 'fɩɔa 'mlɩ nɩ, wiili 'ŋlʋʋlɔ nʋa', nyüü nya 'ia ‑gä 'paa ‑bɛ 'ünya 'ɔa ‑gä plɛ 'pa.»
10Judaa Isëkario, Jesua nyüüpʋnyüüsɔɔa ‑tɔrʋpɩɔa nyɔɔ 'doo, nya ‑sɔ 'wʋ, 'ɔnya mi ‑gbɔsapɛrɩnyüü kpakü 'jä 'ɔmä Jesu 'sa. 11Wiili 'ɔ jaa', 'i kä 'ümɩ dɔrɔ 'wʋ, 'ü ‑nëma 'ünya 'ɔɔn mölii ‑nyɩa. 'Bala 'lɩ ‑gälɩ 'sɩrɩ Judaa 'mäa' nʋ ‑bɛ 'ɔmäa' Jesu 'sa, 'ia 'nyʋfɔ 'ɔ 'bata.
Jesua ‑gälɩblörö 'Paakë
Matiö 26.17-25; Lukë 22.7-18,21-30; Jaan 13.21-30
12'Flɔɔlʋ kä 'mlɩ 'nyɩa' levurë bä, 'ua ‑glɩsɩglɩsɩa 'klɩsa jrüü 'lɩ nɩ, ibäa' 'Paakëa ‑bablëëjüa 'bablasrɩ nɩ, Jesua 'wʋnyɛrɛnyüü nya 'bete 'ɔɔn: «‑Pëplɛɛ ‑baata amä 'Paakëa jijri 'klɩkäsesre ‑bɛ ‑mä dɛɛji le?» 13'Ɔnya blɔ 'ɔa 'wʋnyɛrɛnyüüa ‑tɔrʋpɩɔa nyüü 'sɔɔ, 'ɔnya ‑gbala 'üün: «'Ba mi bätä, nyɔɔ 'doo nya 'nɩ 'wlitroa; 'a nyra 'ɔɔn nya 'klɩtraraa. 'Ba ‑mɛ 'ɔɔn ‑gälɩ. 14‑Plɩɩlɩ 'ɔ nëmäa' pa, 'ba ‑gbala nyukukänyɔɔ ‑maa: ‹'Kpɩkpɩanyɔɔ 'bete: ‑Pëplɛɛ 'mɔɔ ‑bɛ 'na 'wʋnyɛrɛnyüü 'mäa' 'Paakë 'wʋ jrörö le?› 15'Ɔnya 'amɩ nyëka klöö kpakö sraraa ‑nyɛɛ nyuku ‑gälɩ, 'äa ‑wälɩ diia 'fɩɔ 'sesre 'klɩ 'kä. 'A ‑nyɛɛ 'amä 'känyɩgla.» 16'Ɔa 'wʋnyɛrɛnyüü nya mi bätäläa 'mlɩ, 'sɩrɩ 'ɔ ‑gbalaa' 'üün ‑tɛɛ, 'asɩ 'i nrörö. 'Ünya 'sesre 'Paakëa jijri 'kä.
17‑Gbiajrʋ mia' 'ɔɔ ‑bɛ nyüüpʋnyüüsɔɔ nya ji. 18'Ü jö ɩ dɛɛ, Jesu ‑nëma: «'Cɩcasa 'n ‑gbala 'amɩ, 'ana ‑tɔrʋpɩɔa nyɔɔ 'doo, 'nyraa 'ɔɔn tara 'wʋ, 'ɔnya 'mɩ 'saa#14.18 'Lɩbrɛrɛpɔɔkʋ 41.10..» 19'Üa 'fɩɔ 'kpɔɔ ɔ, ‑moloo ma bälɩ: «'Mɔɔ ‑ale?» 20'Ɔnya ‑gbala 'üün: «'Ana nyüüpʋnyüüsɔɔa ‑tɔrʋpɩɔa nyɔɔ 'doo bäsaa, nyɔɔlɔ 'nyraa 'ɔɔn paplaa' 'darʋ 'lɩtarapö 'lɩ. 21Mö Nyɔɔa 'Jʋ mö, 'sɩrɩ 'i ‑jɩjraa' nyɔsʋapɔɔkʋ 'lɩ#14.21 'Lɩbrɛrɛpɔɔkʋ 22.2-19; Esaii 53.. ‑Maa nyɔɔlɔ 'saa' 'ɔɔn, 'inya bʋbɔa 'ɔa ‑gʋ; 'i ‑si 'nanakʋ 'kä 'ünyɩ ‑gu ɩ 'ɔmɩ!»
22'Ü ‑ka jö ɩ dɛɛ Jesu nya dɔrɔ 'flɔɔ 'wʋ; 'ɔ bɩaa' Nyɔsʋa 'tɛtrɛɛkʋ, 'ɔnya 'böblö 'uun ‑tɩa 'ɔnya ‑nyɩ 'ümɩ 'uun; 'ɔ ‑nëma: «'Ba dɔrɔ 'uun 'wʋ, 'ba ji 'uun#14.22 'ba ji 'uun: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: 'Ba blökälɩ, 'na fugba bäsaa., 'na fugba bäsaa.» 23'Ɔnya dɔrɔ ‑köwö 'wʋ, 'ɔ bɩaa' Nyɔsʋa 'tɛtrɛɛkʋ, 'ɔnya ‑nyɩ 'ümɩ 'uun, 'üa 'fɩɔ nya 'mla 'uun. 24'Ɔnya ‑gbala 'üün: «'Na ‑toru bäsaa, kuö dëdräa#14.24 dëdrä: ‑Taa waklöölä 'nyɩ grɛɛkë kätɩpɔɔkɩ ‑mɩdooa 'mlɩ ‑a bä. ‑toru, 'uu ‑gblɔɔkä nyüü 'kɔkɔmlɛa ‑gʋ. 25'Cɩcasa 'n ‑gbala 'amɩ, 'n ‑ka ‑nëmä viinyënʋ#14.25 Viinyënʋ: Rɛsɛɛn 'nʋ. Ɛgësɔɔdë 25.6. ‑a 'mla 'plɔʋ; ima 'nyɩ Nyɔsʋaa 'kamapläa 'mlɩ ‑a bä; 'a ‑nyɛɛ 'nya 'sɔɔwʋ 'uun 'mlala.» 26'Ü bɩaa' 'Lɩbrɛrɛpɔɔkʋa#14.26 'Lɩbrɛrɛpɔɔkʋ: Üma bɩa 'Paakë 'jäjäkʋ nɩ, Nyɔsʋa 'nyrɩ 'bʋala 'dʋ 115-118 'ü brɛ. 'dʋ 'bɩbrɩkʋ nɩ, 'ünya mi Oliivëa 'dʋgba 'wli.
27Jesu nya ‑gbala 'üün: «'Ana 'fɩɔ nya 'mɩ ‑gba 'kägbaa, 'i ‑jɩjra: ‹'Nyaa ‑bablëëgbanyɛrɛnyɔɔ 'blaa, 'kä ‑bablëë nya 'kägba ‑gba#14.27 Sakarii 13.7..› 28‑Maa ama sɔ 'kuaabre nɩ, 'nyaa 'amɩ 'nyʋfɔ 'klɔɔtrʋ ‑taa Galileea ‑tʋtʋ ‑gälɩ.» 29'Iibäa' Piɛɛrë nɩ: «‑Bakää 'üa 'fɩɔ 'nyɩ ‑gba ‑mɩ ‑gbakä, ‑mää 'mɔɔ ‑a.» 30Jesu nya ‑gbala 'ɔɔn: «'Cɩcasa 'n ‑gbala ‑mɩ, ‑mɔlɔ nɩ, 'saarɩa ‑gbialä kʋa' ‑pɩ, sapɛ ‑nëmä ‑gbegbekʋa ‑gʋ 'sɔɔ ‑a ka, 'kä ‑nya 'mɩ 'klɩfɔlɔkʋa ‑gʋ tää ka.» 31Piɛɛrë nya 'patä 'ɔ ‑nëmä: «‑Bakää 'ünya 'daa 'nyraa ‑mɔ 'sɔ 'ümä 'bla, 'nëmä ‑srɩɩ 'daa 'nyɩ ‑mɩ ‑a jre.» 'Üa 'fɩɔ nya 'pa watu 'doo.
Jesu bibriea' Nyɔsʋa Jesëmanee
Matiö 26.36-46; Lukë 22.40-46
32'Ünya mi ‑pɩɔ 'doo, 'ii 'ü 'dara Jesëmanee#14.32 Jesëmanee: 'Ia ‑gbaa bä 'kpɩ 'sarafa.. 'Ɔnya ‑gbala 'ɔa 'wʋnyɛrɛnyüü: «'Ba kʋ ‑pɩ, 'mä mi, 'mä Nyɔsʋa bibie.» 33'Ɔ nëmäa' mi 'ɔ fa Piɛɛrë, Jaakë nyra Jaan. 'Ɔa plɛ ‑taaralɩ dotro ‑bɛ 'ɔa 'koia 'fɩɔ 'jɔklɔ. 34'Ɔnya ‑gbala 'üün: «'Na ‑susua 'kpɔkpɔɔkʋ nëmä 'mɩ 'bla; 'ba kʋ ‑pɩ, 'anyɩ 'mʋmɔ.» 35'Ɔ mia' 'klɔɔtrʋ jie nɩ, 'ɔnya be 'ɔa nyufa ‑tʋtʋ 'wʋ, ‑bɛ 'ɔ bibie Nyɔsʋa ima 'wʋ 'iin 'klɩ, abɩa ‑taa 'taɩnlɩ tʋŋlɔlɩ 'ɔɔn dɛrɩ. 36'Ɔ nɩnɩa: «Aba#14.36 Aba: 'Ia ‑gbaa bä «'Na tʋ» Arameenyüüa wii 'lɩ., 'na Tʋ, ‑bɩa wiia 'fɩɔ mlɩ, tʋŋlɔ 'mɩ 'lɩ ‑taa ‑sʋɩa ‑köwölä dɛrɩ! 'Ia 'fɩɔlʋ nɩ, 'na ni 'nyɩ tɩɔ 'lɩ, abɩa ‑na ni tɩɔ 'lɩ.»
37'Ɔnya 'blöö 'wʋnyɛrɛnyüüa ‑nyɛɛ dɛrɩ, 'ɔnya jrä 'üün 'mʋmʋ 'lɩ, 'ɔnya ‑gbala Piɛɛrë: «Simɔɔ, 'mʋmɔ 'mʋmɔ? ‑Nyɩ ‑kätɩ 'kä ‑a tɛ jie! 38'Anyɩ 'mʋmɔ, 'ba bibie Nyɔsʋa 'a ‑pɩ ‑balʋ 'lɩ blö. Nyɔɔ 'klaa 'mʋfa bobowli, ‑maa 'ɔa fugba 'nyɩ 'klü ‑a kä.»
39'Ɔnya 'patä 'ɔnya tʋŋlɔ 'lɩ 'üün dɛrɩ, 'ɔnya 'pa 'sɔɔwʋ watu 'doo, 'ɔnya bibie Nyɔsʋa. 40'Ɔ mia' ji, 'ɔ jrä 'sɔɔwʋ 'üün 'mʋmɔ 'lɩ; 'üa 'nyü bäkälɩ. Wiili 'ü ‑ka 'mäa' 'ɔɔn ‑gbala 'ünyɩ 'iin jre ‑a jre.
41Tääa ‑pɩɔ 'ɔ jia' 'ɔnya ‑gbala 'üün: «'A ‑ka 'mʋmɔ, ‑bɛ 'a ‑ka 'paa 'saa ‑fʋflʋ! 'Taɩn 'a 'lɩjrä, ‑jää, Nyɔɔa 'Jʋ, 'ɔ 'a ‑balʋnyüü kälɩ 'sara. 42'Ba sɔ 'wʋ, amä mi! ‑Jää, nyɔɔlɔ 'saa' 'mɩ 'ɔa 'tɔtɔkʋ bɩa.»
'Ü 'kplaa' Jesu
Matiö 26.47-56; Lukë 22.47-53; Jaan 18.2-12
43'Ɔ ‑ka 'paa wii dotro ‑bɛ Judaa 'tɔ, nyüüpʋnyüüsɔɔa ‑tɔrʋpɩɔa nyɔɔ 'doo, 'ɔɔ ‑bɛ nyüü 'kɔkɔmlɛ, 'üa kälɩa ‑järë nyra tii. ‑Gbɔsapɛrɩnyüü kpakü nyra ‑dɔkpɩanyüü ‑bɛ juifënyüüa tagbü blɔ 'üün. 44Nyɔɔlɔ 'saa' 'ɔɔn, ‑jäsɩ 'ɔ ‑gbala käa' 'üün nɩ: «Nyɔɔlɔ 'nëmäa' ka ‑gbere nɩ, 'a 'ɔɔ bäsaa. 'Ba 'kpla 'ɔɔn, 'ba fa 'ɔɔn, ‑maa 'ba ‑gäälä 'ɔɔn 'nyiöli.» 45Judaalɔ 'tɔa' dotro nɩ ‑gba 'ɔ jijrö 'ɔɔn, 'ɔ ‑nëma: «Rabii#14.45 Rabii: Ebrööwii 'lɩ 'iibä 'Kpɩkpɩanyɔɔ. Juifëa ‑dɔa 'mlɩ ‑ama 'trɛɛ 'kpɩkpɩanyɔɔ nɩ, ‑kä ‑mä 'daa «Rabbi» 'lɩträäräkʋa ‑gʋ.!» 'Ɔnya ‑gbere 'ɔɔn. 46Nyüülü nya jijrö Jesu ‑gba, 'ünya 'kpla 'ɔɔn. 47Ü kʋ ɩa' ‑plɩɩ, 'doo 'baa' 'lɩ 'ɔa ‑jɛrɛ, 'ɔnya 'kala ‑gbɔsapɛrɩnyɔɔ kpaköa bʋblɔnyɔɔ dɛɛ, 'ɔnya 'bölɩ 'ɔa 'nyaklu. 48Jesu dɔrɔa' wii 'wʋ, 'ɔnya ‑gbala 'üün: «Dɛplɛɛ kä ‑gʋ 'a ji 'mɩ 'kpla, ‑bɛ 'a ja ‑järë nyra tii, ‑beere nyüü ji 'jejienyɔɔ 'kpla le? 49'Maa bä 'ana ‑tɔrʋpɩɔ ‑srɩ o ‑srɩ; 'n 'kpɩara Nyɔsʋaanyuku kpaku ‑wälɩ, 'anyɩ 'mɩ ‑a 'kpla. ‑Maa nyɔsʋaawiili ‑jɩjraa' 'mä nrörö, 'ia ‑gʋ 'i bäsaa.» 50'Ɔa 'wʋnyɛrɛnyüüa 'fɩɔ nya ‑gba 'ɔɔn ‑gbakä, 'ünya fɔfɔ#14.50 Marëkë 14.27.. 51‑Sëgbanyʋklɔ 'doo prɛ ɩ 'ɔɔn dɛrɩ, 'ɔa ‑gälɩa 'papadɔʋ. 'Ünya 'kpla 'ɔɔn, 52‑maa 'ɔnya ‑gba 'üün 'papadɔʋ kälɩ 'kä 'ɔa 'kpɔ nya fɔ.
'Ü faa' Jesu tropina 'lɩ
Matiö 26.57-68; Lukë 22.54,63-65; Jaan 18.13-15,19-24
53'Ünya fa Jesu ‑gbɔsapɛrɩnyɔɔ kpaköa ‑nyɛɛ; 'ii ‑gbɔsapɛrɩnyüüa 'fɩɔ, tagbü, nyra ‑dɔkpɩanyüüa 'fɩɔ trara. 54Piɛɛrë tʋŋlɔlɩdɛrɩ ‑bɛ 'ɔ ‑mɛ 'ɔɔn ‑gälɩ, 'ɔnya pa ‑gbɔsapɛrɩnyɔɔ kpaköa ‑gböölia ‑glɔ 'lɩ. 'Ɔnya 'prɛrɛ nyüülü ‑fɛɛɛrɛa' 'lɩ 'jrʋpaa ‑tɔrʋpɩɔ 'ɔnya kʋwälɩ, ‑bɛ 'ɔ 'mlɔɔ kapu.
55‑Gbɔsapɛrɩnyüü kpakü nyra juifëa tropinanyüüa 'fɩɔ 'bata nyüülü nëmäa' Jesu wii ‑gälɩ ‑tʋ ‑bɛ 'ümäa' 'ɔɔn 'bla, ‑maa 'ünyɩ 'jä 'ia wii ‑a. 56'Kɔkɔmlɛ ‑tätä 'ɔɔn ‑gbagblɛ ‑gälɩ, ‑maa 'üa 'papawii 'nyɩ bä dɛɛ 'dee ‑a#14.56 'Lɩbrɛrɛpɔɔkʋ 27.12; 35.11.. 57'Doorodoo nya ‑tʋ 'ɔɔn ‑gbagblɛ ‑gälɩ; 'ü ‑nëma: 58«A 'nu, i ja 'ɔa mlɩ ‑maa: ‹'Nyaa Nyɔsʋaanyukulu kʋa' ‑pɩ u nyɔɔ 'paa' ‑gbloooa, 'kä 'nyaa ‑moloo 'pa jrüü tääa 'mlɩ, u nyɔɔ ‑nëmäa' 'pa#14.58 Jaan 2.19..› » 59'Ünyɩ 'sɔɔwʋ 'ia nä waklööläa ‑gälɩ 'wli ‑a 'nönrö.
60'Ia ‑gʋ ‑gbɔsapɛrɩnyɔɔ kpakö nya 'nyüglö ‑jria 'lɩ 'ɔnya 'bete Jesu: «‑Nëmä mɛ ‑a cɛ? ‑Asɩ ‑gba wiili 'ü 'saa' 'lɩa ‑gʋ le?» 61Jesu 'nyɩ mɛ ‑a cɛ. ‑Gbɔsapɛrɩnyɔɔ kpakö nya 'patä 'ɔnya 'bete 'ɔɔn: «‑Mɔ bä 'Kriisë, Nyɔsʋalɔ 'palaa' 'nɩ, 'ɔa 'jʋ?» 62'Iibäa' Jesu nɩ: «‑Yɛɛ, 'ɔɔ 'n bä. 'Anya Nyɔɔa 'Jʋ 'Klükä Nyɔsʋa 'dupa 'lɩ 'järäa, 'ɔnya cɛlɩa ‑gbru ‑gälɩ jaraa ‑bɛ 'ɔnya ji#14.62 'Lɩbrɛrɛpɔɔkʋ 110.1; Daniɛɛlë 7.13..»
63'Ia ‑gʋ ‑gbɔsapɛrɩnyɔɔ kpakö 'ŋlara 'ɔa 'mʋgbɛa 'koti, 'ɔ ‑nëma: «Wii 'plɛɛ a ‑ka 'bata le? 64Bʋbɔwiili 'ɔ 'paa' Nyɔsʋaa ‑gʋ, 'a 'nu 'iin 'wli? ‑Asɩ 'a 'jää 'iin 'wʋ le?» 'Üa 'fɩɔ nɩnɩa 'ɔ bä jäjänyɔɔ; 'ɔ kä 'ɔmä jä#14.64 'ɔ kä 'ɔmä jä: Levitiikë 24.16.. 65‑Mölöö ‑gbagba 'ɔa 'klʋɩ ‑tatrii, ‑mölöö ‑gbreee 'ɔa 'wli dɔʋ 'kä, 'ü 'kakla 'ɔɔn ‑kɔtrë, 'kä 'ü 'bete 'ɔɔn: «Nyɔɔlɔ 'kalaa' ‑mɩ dɛɛ, ‑ga 'ɔɔn 'nyrʋ!» 'Jrʋpafɛnyüü nya dɔrʋ 'ɔɔn 'wʋ 'ünya 'papa 'ɔa 'nyakli 'lɩ 'kpë#14.65 Esaii 50.6..
Piɛɛrë nɩnɩa 'ɔnyɩ Jesu ‑a jre
Matiö 26.69-75; Lukë 22.55-62; Jaan 18.15-18,25-27
66Piɛɛrë bä ɩ ‑gböööa bei ‑wälɩ, ‑bɛ ‑gbɔsapɛrɩnyɔɔ kpaköa 'jrʋpafɛŋlʋʋ 'doo ji. 67'Ɔ 'jäa' Piɛɛrë ‑bɛ 'ɔ 'mlɔɔa' nɩ, 'ɔnya be 'ɔɔn ‑fälɩ: «‑Na 'mʋgbɛ nyra Nasarɛɛtënyɔɔ Jesu ma 'nyɛɛ.» 68'Ɔnya babla, 'ɔ ‑nëma: «'Nyɩ 'nu wiili ‑saaalɩ 'wli ‑a, 'nyɩ 'iin jre ‑a jre.» 'Ɔnya 'cie 'ɔnya mi ‑glɔa 'palafa 'wʋ. Sapɛ nya ‑gbe. 69'Ŋlʋʋlɔ 'jäa' 'ɔɔn 'ɔnya 'patä 'ɔnya ‑gbala nyüülü bäa' ‑plɩɩ: «Nyɔɔlɔ kʋa' ‑plɩɩ bä 'lɩ 'mlɩ.» 70'Ɔnya babla 'sɔɔwʋ. Fɩɩɩn, nyüülü bä ɩa' ‑plɩɩ nya ‑gbala 'sɔɔwʋ Piɛɛrë ‑maa: «‑Nya 'kasa 'lɩ 'mlɩ bäa, Galileenyɔɔ bä. ‑Na 'papawii ‑beere Galileenyɔɔ#14.70 ‑na 'papawii ‑beere Galileenyɔɔ: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä..» 71'Ɔ ‑nyɩ 'iin Nyɔsʋa, 'ɔnya 'sɔrɩ: «Nyɔɔlɔ kä ‑gä 'a 'paaa' 'nyɩ 'ɔɔn jre ‑a jre.» 72‑Bɛ dotro sapɛ ka ‑gbegbekʋa ‑gʋ 'sɔɔ. Piɛɛrë nya 'pa wiili Jesu ‑gbala käa' 'ɔɔn plɛ: «Sapɛ 'mä 'daa 'ɛmä 'sɔɔ ka 'ɛmä ‑gbe nɩ, ‑mɔlɔ ‑nya tää kaa 'kä ‑nya nyüü ‑gbala 'sɩrɩ ‑nyɩa' 'mɩ jre#14.72 Marëkë 14.30..» 'Ɔ boboa' 'iin, 'ɔa 'dugu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc.