Jenɛɛsë 38
38
Judaa nyra Tamarë
1'A 'ia 'taɩn 'lɩ nɩ, Judaa sɔ 'ɔa ‑wlajüa ‑nyɛɛ 'ɔnya mi Adulamëbätäa nyɔɔlɔ 'ü 'daraa' Ira, 'ɔa ‑nyɛɛ.
2'A ‑nyɛɛ 'ɔ 'järä Kanaanyɔɔlɔ 'ü 'daraa' Sua, 'ɔa 'ŋlëkayria. 'Ɔ nyra 'ɔɔn nya jrejre, 3'ŋlëkayrialɔ nya bä nʋgbla 'lɩ 'ɔnya ‑gu nyɩbɛjʋ. Judaa nya 'dara 'ɔɔn Ɛrë. 4'Ɔnya bä 'sɔɔwʋ nʋgbla 'lɩ, 'ɔnya ‑gu nyɩbɛjʋ. 'Ɔnya 'dara 'ɔɔn Ona. 5'Pɩrɩgälɩ nɩ, Judaa bä ɩ bätälä 'ü 'daraa' Kesibë, 'ŋlʋʋlɔ nya ‑gu nyɩbɛjʋ ‑moloo, 'ɔnya 'dara 'ɔɔn Sela.
6Judaa nya 'tie 'ɔa ‑kätɩjʋ Ɛrë, 'ɔa 'ŋlʋʋa 'nyrɩ bä Tamarë. 7‑Maa Judaa ‑kätɩjʋa plɛbʋbɔ 'inyɩ Yawe 'tʋ ‑a kä. Yawe nya 'bla 'ɔɔn. 8Judaa nya ‑gbala Ona: «Mi ‑a kä ‑na ‑wlajʋa 'kusroŋlʋʋ, 'kä nyra 'ɔɔn ‑guuö 'jü ‑na ‑wlajʋa 'nyrɩ ‑pɩ tɩɔ#38.8 'kä nyra 'ɔɔn ‑guuö 'jü ‑na ‑wlajʋa 'nyrɩ ‑pɩ tɩɔ: 'Üa 'brea ‑dɔ bäsaa (tɛ Deteronɔɔmë 25.5). ‑Na ‑wlajʋ ma tɩ 'ŋlʋʋ nɩ, ‑wlajʋ ‑mɔlɔ bäa' 'lɩ 'ɔ kä 'kusroŋlʋʋlɔ, 'ɔɔ kälä 'ɔa wiia 'fɩɔ ‑gba. 'Ɔ nyra 'ɔɔn ‑guuö nyɩbɛjʋ; 'ɔa ‑wlajʋlɔ 'mɔlɔa', 'ɔa 'nyrɩ ‑pɩ tɩɔ. .» 9‑Maa Ona jrea' ‑gʋ 'saa 'jʋlɔ ma ‑glooro ‑mää 'ɔɔ 'nyɩ 'ɔɔn kä nɩ, 'ɔ nyra 'ŋlʋʋlɔ ma 'pi nɩ, ‑fälɩ 'ɔ ‑gblɔɔkä, 'ɔa ‑wlajʋa 'nyrɩ 'mä ‑gʋ tɩɔ. 10'Ɔa 'mʋgbɛa bʋbɔgbi 'nyɩ Yawe 'tʋ ‑a kä; 'ɔnya 'bla 'ɔɔn bɩa. 11'Ii känyrɩ Judaa nya ‑gbala 'ɔa 'jʋa 'ŋlʋʋ Tamarë ‑maa: «'Be 'na 'jʋ Sela ‑ka bä 'jʋjɔ, 'ii känyrɩ 'kusroŋlʋʋ bä, ‑maa mi ‑kätɩ ‑a kʋ ‑na tʋa ‑nyɛɛ, 'na 'jʋ 'mä 'bʋa 'fɩɔwʋ.» 'Be ŋalɛ 'blaa 'ɔmɩ 'ɔa 'jʋ ‑pɩ bɩa jä ‑beere 'ɔa ‑wlajü. Tamarë nya mi 'ɔa tʋa ‑nyɛɛ.
12'Imä 'taɩn ‑sikalɩ mi nɩ, Judaa 'ŋlʋʋ Suaa 'ŋlëkayria nya jä. 'Ɔ sɔa' 'dugu 'lɩ nɩ, 'ɔ nyra 'ɔa ‑bei Ira Adulamënyɔɔ nya mi Timunabätä, ‑plɩɩlɩ 'ü kplaraa' 'ɔa ‑bablëëa ‑püplii. 13'Ünya ‑gbala Tamarë ‑maa: «‑Jää ‑na ŋʋta mö Timunabätä 'ɔa ‑bablëëa ‑püplii kplakalɩ.» 14Tamarë nya 'balɩ 'ɔa 'kusrokoti, 'ɔnya ‑gbri 'ɔa 'wli dapë 'kä, 'ɔnya ‑gbri 'ɔa 'klʋɩ 'kä nyüü ‑pɩ 'ɔɔn jre. 'Ɔnya mi Enaimëbätäa 'palafa 'wʋ, ä bäa' Timunabätäa 'nyʋfɔ ‑gba 'ɔnya kʋ ‑wälɩ. 'Be Tamarë jre 'iin 'sɩrɩ Sela nyaa' 'bʋa, ‑maa 'ü ‑kaaŋlʋ 'ɔa 'klɛɛ mi 'ɔmä 'ɔɔn käkalɩ ji.
15Judaa 'jäa' 'ɔɔn nɩ, 'ɔa plɛɛ 'tutuŋlʋʋ 'ɔ bä; 'be 'ɔ ‑sisie 'ɔa 'klʋɩ.
16Judaa nya ‑sie 'ɔa 'pɛlɩ kälɩ 'nyʋfɔ ‑gba, 'ɔnya 'bete 'ɔɔn: «'Nyie amä 'pi!» 'Be 'ɔnyɩ 'saa ‑a jre 'sɩrɩ 'i bäa' 'ɔa 'jʋa 'ŋlʋʋ. Tamarë ‑nëmä: «Dɛplɛɛ ‑nëmä 'mɩ ‑nyɩ ‑bɛ amä 'pi le?» 17'Ɔ ‑nëma: «'Nyaa ‑mɩ 'na mlaaa ‑tɔrʋpɩɔa wluujʋ 'doo ‑nyɩa.» Tamarë ‑nëma: «‑Woo, ‑maa ‑nyɩ 'mɩ dɛɛ ‑bɛ 'mä 'saa jre 'kasa ‑nya 'mɩ wlujʋlɔ jaa.» 18Judaa nya 'bete 'ɔɔn: «Dɛplɛɛ ‑baata 'mä ‑mɩ ‑nyɩ le?» 'Ɔ ‑nëma: «‑Na 'saɩndɛɛlɛ käa' 'bʋblʋ#38.18 'saɩndɛɛlɛ käa' 'bʋblʋ: ‑plɩ 'lɩ 'ü ma 'paa 'ɛmɩ 'bʋblʋjɔ. Tɛ bɩa Ɛgësɔɔdë 28.11., nyra 'sɩsɩɛlɛ ‑klaaa kälɩ.» 'Ɔnya ‑nyɩ 'ɔmɩ 'iin, 'ɔ nyra 'ɔɔn nya 'pi; Tamarë nya bä nʋgbla 'lɩ. 19'Ɔ mia' nɩ, 'ɔnya 'balɩ dapälä ‑gbri ɩa' 'ɔa 'klʋɩ 'kä, 'ɔnya 'sroo 'ɔa 'kusrokoti.
20Judaa nya blɔ 'ɔa ‑bei Adulamënyɔɔ ɔ fa wluujʋlɔ 'kä 'ɔ ja diili 'ɔ ‑nyɩ ɩa' 'ŋlʋʋlɔ. ‑Maa nyɔɔlɔ 'nyɩ 'ŋlʋʋlɔ ‑a 'jä. 21'Ɔnya 'bete nyüülü bäa' ‑plɩɩ: «‑A 'plɛɛ 'tutuŋlʋʋlɔ kʋ käa' ‑pɩ Enaimëa 'nyʋfɔ ‑gba bä le?» 'Iibäa' nyüülü nɩ: «'Nn! 'Tutuŋlʋʋ#38.21 'Tutuŋlʋʋ: Ebrööwii 'lɩ 'ii bä: ‑Pʋpʋa 'tutuŋlʋʋ. Kanaan a 'bre 'ü nöa' 'ia 'samaa ‑gbi ‑beere ‑pʋpʋadɛɛ. 'Ŋlʋʋlɔ kä ‑gbʋʋ 'nyɩa' ‑guguö ‑gba bä Kanaan 'ŋlëgëa ‑nyɩ, 'ŋlëgëlü nyɩberü 'pɛɛa' ‑bɛ 'ü nyra 'üün 'piea'. ‑kaapɩɔ ‑tɛ ji.» 22Nyɔɔlɔ nya 'blöö dɛrɩ, 'ɔnya ‑gbala Judaa ‑maa: «'Nyɩ 'ŋlʋʋlɔ ‑a 'jä. Nyüülü bäa' 'lɩ 'lee nɩnɩa 'tutuŋlʋʋ ‑kaapɩɔ ‑plɩɩlɩ ji.» 23'Iibäa' Judaa nɩ: «Diili 'n tɩa' 'ɔɔn ‑gba, ɔ fa 'iin! Nyüü ‑pɩ amɩ 'nyüsü 'blara. 'N fa 'ɔɔn wluujʋlɔ, ‑maa ‑nyɩ 'ɔɔn 'jä ‑a 'jä 'la. ‑Mafu!»
24‑Söplü tää ‑sia' nɩ, 'ünya ji Judaa ‑gbala: «‑Jää ‑na 'jʋa 'ŋlʋʋ Tamarë nöa' 'tutudɛɛ; 'ɔ 'a nʋgbla 'lɩ bä.» Judaa ‑nëma: «'Ba ja 'ɔɔn ‑fälɩ 'kä 'ɔ 'pütrö!» 25'Ü 'kʋɛɛrɛa' 'ɔɔn ‑fälɩ nɩ, 'ɔnya fa 'ɔa ŋʋta wii ‑maa: «Diili kʋa' ‑pɩ, 'n 'klaaa' nɩ, nyɔɔlɔ käa' 'imɩ 'ɔa nʋgbla 'lɩ 'n bä.» Tamarë ‑nëma 'sɔɔwʋ: «'Ba ‑tɛlɩ, ‑jää nyɔɔlɔa 'saɩndɛɛ nyra 'ɛa 'bʋblʋ, nyra nyɔɔlɔa sɩsɩɛ!» 26Judaa 'jäa' 'sɩrɩ diili bä 'ɔa dii, 'ɔ ‑nëma: «'Ɔa nʋnʋgbi ‑gäklɩ 'kä 'na nia ‑gʋ. 'Be 'nyɩ 'ɔɔn 'na 'jʋ Sela ‑a ‑nyɩ 'ɔmä 'ɔɔn kä». 'Bala 'lɩ ‑gälɩ Judaa ‑kanyɩ 'ɔɔn jre ‑a jre.
27'Ɔa ‑gugutaɩn jräa' 'lɩ nɩ, 'pou 'ɔ ‑gu. 28'Ɔ ‑ka ‑gɔɔɔ ɩ 'jʋ 'dooa nya 'cie 'darʋ. ‑Gloroŋlʋʋ nya kpasra 'jʋlɔa 'darʋ 'lɩ ‑fɔflɔɔ 'bʋblʋ, 'ɔ ‑nëma: «'A ‑mɔlɔ ‑kätɩ 'ciea, 'ɔɔ kʋ ‑pɩ.» 29‑Maa 'jʋlɔ nya 'kʋɛɛ 'ɔa darʋ dɛrɩ, 'ɔa ‑wlajʋ nya 'cie. 'Ŋlʋʋlɔ ‑nëma: «'Nyʋfɔ ‑saa!» 'Ia ‑gʋ 'ü 'dara 'jʋlɔ Pɛrɛsë#38.29 Pɛrɛsë: Ebrööwii 'lɩ 'ia ‑gbaa bä: 'Sa 'nyʋfɔ.. 30‑Mɔlɔ kä 'darʋ 'lɩ bäa' ‑fɔflɔɔ 'bʋblʋ nya 'cie bɩa. 'Ünya 'dara 'ɔɔn Serakë.
ទើបបានជ្រើសរើសហើយ៖
Jenɛɛsë 38: Bakwé
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc.
Jenɛɛsë 38
38
Judaa nyra Tamarë
1'A 'ia 'taɩn 'lɩ nɩ, Judaa sɔ 'ɔa ‑wlajüa ‑nyɛɛ 'ɔnya mi Adulamëbätäa nyɔɔlɔ 'ü 'daraa' Ira, 'ɔa ‑nyɛɛ.
2'A ‑nyɛɛ 'ɔ 'järä Kanaanyɔɔlɔ 'ü 'daraa' Sua, 'ɔa 'ŋlëkayria. 'Ɔ nyra 'ɔɔn nya jrejre, 3'ŋlëkayrialɔ nya bä nʋgbla 'lɩ 'ɔnya ‑gu nyɩbɛjʋ. Judaa nya 'dara 'ɔɔn Ɛrë. 4'Ɔnya bä 'sɔɔwʋ nʋgbla 'lɩ, 'ɔnya ‑gu nyɩbɛjʋ. 'Ɔnya 'dara 'ɔɔn Ona. 5'Pɩrɩgälɩ nɩ, Judaa bä ɩ bätälä 'ü 'daraa' Kesibë, 'ŋlʋʋlɔ nya ‑gu nyɩbɛjʋ ‑moloo, 'ɔnya 'dara 'ɔɔn Sela.
6Judaa nya 'tie 'ɔa ‑kätɩjʋ Ɛrë, 'ɔa 'ŋlʋʋa 'nyrɩ bä Tamarë. 7‑Maa Judaa ‑kätɩjʋa plɛbʋbɔ 'inyɩ Yawe 'tʋ ‑a kä. Yawe nya 'bla 'ɔɔn. 8Judaa nya ‑gbala Ona: «Mi ‑a kä ‑na ‑wlajʋa 'kusroŋlʋʋ, 'kä nyra 'ɔɔn ‑guuö 'jü ‑na ‑wlajʋa 'nyrɩ ‑pɩ tɩɔ#38.8 'kä nyra 'ɔɔn ‑guuö 'jü ‑na ‑wlajʋa 'nyrɩ ‑pɩ tɩɔ: 'Üa 'brea ‑dɔ bäsaa (tɛ Deteronɔɔmë 25.5). ‑Na ‑wlajʋ ma tɩ 'ŋlʋʋ nɩ, ‑wlajʋ ‑mɔlɔ bäa' 'lɩ 'ɔ kä 'kusroŋlʋʋlɔ, 'ɔɔ kälä 'ɔa wiia 'fɩɔ ‑gba. 'Ɔ nyra 'ɔɔn ‑guuö nyɩbɛjʋ; 'ɔa ‑wlajʋlɔ 'mɔlɔa', 'ɔa 'nyrɩ ‑pɩ tɩɔ. .» 9‑Maa Ona jrea' ‑gʋ 'saa 'jʋlɔ ma ‑glooro ‑mää 'ɔɔ 'nyɩ 'ɔɔn kä nɩ, 'ɔ nyra 'ŋlʋʋlɔ ma 'pi nɩ, ‑fälɩ 'ɔ ‑gblɔɔkä, 'ɔa ‑wlajʋa 'nyrɩ 'mä ‑gʋ tɩɔ. 10'Ɔa 'mʋgbɛa bʋbɔgbi 'nyɩ Yawe 'tʋ ‑a kä; 'ɔnya 'bla 'ɔɔn bɩa. 11'Ii känyrɩ Judaa nya ‑gbala 'ɔa 'jʋa 'ŋlʋʋ Tamarë ‑maa: «'Be 'na 'jʋ Sela ‑ka bä 'jʋjɔ, 'ii känyrɩ 'kusroŋlʋʋ bä, ‑maa mi ‑kätɩ ‑a kʋ ‑na tʋa ‑nyɛɛ, 'na 'jʋ 'mä 'bʋa 'fɩɔwʋ.» 'Be ŋalɛ 'blaa 'ɔmɩ 'ɔa 'jʋ ‑pɩ bɩa jä ‑beere 'ɔa ‑wlajü. Tamarë nya mi 'ɔa tʋa ‑nyɛɛ.
12'Imä 'taɩn ‑sikalɩ mi nɩ, Judaa 'ŋlʋʋ Suaa 'ŋlëkayria nya jä. 'Ɔ sɔa' 'dugu 'lɩ nɩ, 'ɔ nyra 'ɔa ‑bei Ira Adulamënyɔɔ nya mi Timunabätä, ‑plɩɩlɩ 'ü kplaraa' 'ɔa ‑bablëëa ‑püplii. 13'Ünya ‑gbala Tamarë ‑maa: «‑Jää ‑na ŋʋta mö Timunabätä 'ɔa ‑bablëëa ‑püplii kplakalɩ.» 14Tamarë nya 'balɩ 'ɔa 'kusrokoti, 'ɔnya ‑gbri 'ɔa 'wli dapë 'kä, 'ɔnya ‑gbri 'ɔa 'klʋɩ 'kä nyüü ‑pɩ 'ɔɔn jre. 'Ɔnya mi Enaimëbätäa 'palafa 'wʋ, ä bäa' Timunabätäa 'nyʋfɔ ‑gba 'ɔnya kʋ ‑wälɩ. 'Be Tamarë jre 'iin 'sɩrɩ Sela nyaa' 'bʋa, ‑maa 'ü ‑kaaŋlʋ 'ɔa 'klɛɛ mi 'ɔmä 'ɔɔn käkalɩ ji.
15Judaa 'jäa' 'ɔɔn nɩ, 'ɔa plɛɛ 'tutuŋlʋʋ 'ɔ bä; 'be 'ɔ ‑sisie 'ɔa 'klʋɩ.
16Judaa nya ‑sie 'ɔa 'pɛlɩ kälɩ 'nyʋfɔ ‑gba, 'ɔnya 'bete 'ɔɔn: «'Nyie amä 'pi!» 'Be 'ɔnyɩ 'saa ‑a jre 'sɩrɩ 'i bäa' 'ɔa 'jʋa 'ŋlʋʋ. Tamarë ‑nëmä: «Dɛplɛɛ ‑nëmä 'mɩ ‑nyɩ ‑bɛ amä 'pi le?» 17'Ɔ ‑nëma: «'Nyaa ‑mɩ 'na mlaaa ‑tɔrʋpɩɔa wluujʋ 'doo ‑nyɩa.» Tamarë ‑nëma: «‑Woo, ‑maa ‑nyɩ 'mɩ dɛɛ ‑bɛ 'mä 'saa jre 'kasa ‑nya 'mɩ wlujʋlɔ jaa.» 18Judaa nya 'bete 'ɔɔn: «Dɛplɛɛ ‑baata 'mä ‑mɩ ‑nyɩ le?» 'Ɔ ‑nëma: «‑Na 'saɩndɛɛlɛ käa' 'bʋblʋ#38.18 'saɩndɛɛlɛ käa' 'bʋblʋ: ‑plɩ 'lɩ 'ü ma 'paa 'ɛmɩ 'bʋblʋjɔ. Tɛ bɩa Ɛgësɔɔdë 28.11., nyra 'sɩsɩɛlɛ ‑klaaa kälɩ.» 'Ɔnya ‑nyɩ 'ɔmɩ 'iin, 'ɔ nyra 'ɔɔn nya 'pi; Tamarë nya bä nʋgbla 'lɩ. 19'Ɔ mia' nɩ, 'ɔnya 'balɩ dapälä ‑gbri ɩa' 'ɔa 'klʋɩ 'kä, 'ɔnya 'sroo 'ɔa 'kusrokoti.
20Judaa nya blɔ 'ɔa ‑bei Adulamënyɔɔ ɔ fa wluujʋlɔ 'kä 'ɔ ja diili 'ɔ ‑nyɩ ɩa' 'ŋlʋʋlɔ. ‑Maa nyɔɔlɔ 'nyɩ 'ŋlʋʋlɔ ‑a 'jä. 21'Ɔnya 'bete nyüülü bäa' ‑plɩɩ: «‑A 'plɛɛ 'tutuŋlʋʋlɔ kʋ käa' ‑pɩ Enaimëa 'nyʋfɔ ‑gba bä le?» 'Iibäa' nyüülü nɩ: «'Nn! 'Tutuŋlʋʋ#38.21 'Tutuŋlʋʋ: Ebrööwii 'lɩ 'ii bä: ‑Pʋpʋa 'tutuŋlʋʋ. Kanaan a 'bre 'ü nöa' 'ia 'samaa ‑gbi ‑beere ‑pʋpʋadɛɛ. 'Ŋlʋʋlɔ kä ‑gbʋʋ 'nyɩa' ‑guguö ‑gba bä Kanaan 'ŋlëgëa ‑nyɩ, 'ŋlëgëlü nyɩberü 'pɛɛa' ‑bɛ 'ü nyra 'üün 'piea'. ‑kaapɩɔ ‑tɛ ji.» 22Nyɔɔlɔ nya 'blöö dɛrɩ, 'ɔnya ‑gbala Judaa ‑maa: «'Nyɩ 'ŋlʋʋlɔ ‑a 'jä. Nyüülü bäa' 'lɩ 'lee nɩnɩa 'tutuŋlʋʋ ‑kaapɩɔ ‑plɩɩlɩ ji.» 23'Iibäa' Judaa nɩ: «Diili 'n tɩa' 'ɔɔn ‑gba, ɔ fa 'iin! Nyüü ‑pɩ amɩ 'nyüsü 'blara. 'N fa 'ɔɔn wluujʋlɔ, ‑maa ‑nyɩ 'ɔɔn 'jä ‑a 'jä 'la. ‑Mafu!»
24‑Söplü tää ‑sia' nɩ, 'ünya ji Judaa ‑gbala: «‑Jää ‑na 'jʋa 'ŋlʋʋ Tamarë nöa' 'tutudɛɛ; 'ɔ 'a nʋgbla 'lɩ bä.» Judaa ‑nëma: «'Ba ja 'ɔɔn ‑fälɩ 'kä 'ɔ 'pütrö!» 25'Ü 'kʋɛɛrɛa' 'ɔɔn ‑fälɩ nɩ, 'ɔnya fa 'ɔa ŋʋta wii ‑maa: «Diili kʋa' ‑pɩ, 'n 'klaaa' nɩ, nyɔɔlɔ käa' 'imɩ 'ɔa nʋgbla 'lɩ 'n bä.» Tamarë ‑nëma 'sɔɔwʋ: «'Ba ‑tɛlɩ, ‑jää nyɔɔlɔa 'saɩndɛɛ nyra 'ɛa 'bʋblʋ, nyra nyɔɔlɔa sɩsɩɛ!» 26Judaa 'jäa' 'sɩrɩ diili bä 'ɔa dii, 'ɔ ‑nëma: «'Ɔa nʋnʋgbi ‑gäklɩ 'kä 'na nia ‑gʋ. 'Be 'nyɩ 'ɔɔn 'na 'jʋ Sela ‑a ‑nyɩ 'ɔmä 'ɔɔn kä». 'Bala 'lɩ ‑gälɩ Judaa ‑kanyɩ 'ɔɔn jre ‑a jre.
27'Ɔa ‑gugutaɩn jräa' 'lɩ nɩ, 'pou 'ɔ ‑gu. 28'Ɔ ‑ka ‑gɔɔɔ ɩ 'jʋ 'dooa nya 'cie 'darʋ. ‑Gloroŋlʋʋ nya kpasra 'jʋlɔa 'darʋ 'lɩ ‑fɔflɔɔ 'bʋblʋ, 'ɔ ‑nëma: «'A ‑mɔlɔ ‑kätɩ 'ciea, 'ɔɔ kʋ ‑pɩ.» 29‑Maa 'jʋlɔ nya 'kʋɛɛ 'ɔa darʋ dɛrɩ, 'ɔa ‑wlajʋ nya 'cie. 'Ŋlʋʋlɔ ‑nëma: «'Nyʋfɔ ‑saa!» 'Ia ‑gʋ 'ü 'dara 'jʋlɔ Pɛrɛsë#38.29 Pɛrɛsë: Ebrööwii 'lɩ 'ia ‑gbaa bä: 'Sa 'nyʋfɔ.. 30‑Mɔlɔ kä 'darʋ 'lɩ bäa' ‑fɔflɔɔ 'bʋblʋ nya 'cie bɩa. 'Ünya 'dara 'ɔɔn Serakë.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc.