Jenɛɛsë 25
25
Abraamëa 'sɔɔ 'ŋlʋʋ Keturaa 'jü
1Abraamë nya dɔrɔ 'ŋlʋʋ ‑moloo 'wʋ; 'ɔɔ 'ü 'dara Ketura. 2'Ɔnya ‑nyɩ Abraamë 'nyɩbɛjü ‑uundoo: Simiran, Jɔkësan, Medan, Madian, Isibakë, nyra Sua. 3Jɔkësan bä Seba nyra Dedanë a tʋ. 'A Dedan a 'jü 'ü 'dara Asuritënyüü, Letusimënyüü, nyra Leomimënyüü. 4Madian a nyɩbɛjü 'ü 'dara Efa, Efɛrë, Anɔkë, Abida, nyra Ɛlëdaa. 'A Keturaa 'jüa 'jüa 'fɩɔ.
5Abraamëa nya ‑nyɩ 'ɔa käkädiia 'fɩɔ 'ɔa 'jʋ Isaakë. 6‑Maa 'ɔa ‑geeiŋlëgë ‑mülüüa 'jülü nɩ, 'ɔ ‑ka bä kä 'lɩ 'ɔnya ‑nyɩ 'üün 'üa ni käkädii, 'ɔnya tʋŋlɔlɩ 'üün 'ɔa 'jʋ Isaakë dɛrɩ. 'Ɔnya fa 'üün nyüülü bäa' 'jrʋa 'wʋsɔrɔfawʋa 'pɛlɩ.
7‑Jää ‑sɩlɩ Abraamë ‑sia' ‑tʋtʋ ‑gälɩ: ‑sɩa ‑gluɩuuntää ‑sɩ ‑pʋ ‑sɩ ‑gböö (175). 8Abraamëa 'wli 'pɔlɔ ‑gböösa 'ɔnya ‑gblɔɔ ‑fʋflʋ 'kä 'ɔnya jä, 'ünya ‑träärä 'ɔɔn 'ɔa tʋɩɩa ‑gba. 9'Ɔa 'jü Isaakë nyra Isëmaɛɛlë nya ‑träärä 'ɔɔn 'täkälä bäa' Makpelaa ‑tʋtʋ ‑gälɩa 'mlɩ, Itinyɔɔ Soaa 'jʋ Eflɔɔn a ‑putulu bäa' Makpelaa ‑tʋtʋ ‑gälɩ, Mamirebätäa 'klɩ. 10'A Itinyüüa ‑putulu Abraamë ‑sroro käa' Ɛtëa 'jü kälɩ. 'A ‑plɩɩ 'ü ‑träärä Abraamë nyra 'ɔa 'ŋlʋʋ Sara. 11Abraamë 'mɔlɔa' nɩ, Nyɔsʋa 'pa 'ɔa 'jʋ Isaakë 'nɩ. Isaakë kʋ kä 'nɩbütügbalä 'ü 'daraa' Lakai Roii#25.11 Lakai Roii: Ebrööwii 'lɩ 'ia ‑gbaa bä: 'Lɩbänyɔɔlɔ 'jääa' 'mɩ 'wʋ, 'ɔa 'nɩbutugba., 'äa ‑gba.
ISËMAƐLËA 'JÜA 'JÜA WII
25.12-18
12‑Jäsɩ Abraamëa 'jʋ Isëmaɛɛlëa 'jüa 'jüa wii nʋa' ‑sisidɛɛ. Ejiipëtëŋlʋʋ Agaa, 'ɔ ma bäa' Saraa 'jrʋpafɛŋlʋʋ, 'ɔɔ ‑gu 'ɔɔn. 13‑Jää Isëmaɛɛlëa 'jüa ‑glügbüa 'nyrɩ: Nebayiotë bä 'ɔa ‑kätɩjʋ, Keda, Adëbɛɛlë, Mibësamë, 14Misëma, Duma, Masa, 15Adadë, Tema, Jeturë, Nafisë, nyra Kedëma. 16'A Isëmaɛɛlëa 'jü; 'a 'üa bätë nyra 'üa 'kpafëa 'nyrɩ. 'Üü bä 'üa ‑glügbüa 'cifu ‑pʋ ‑bɛ 'sɔɔ. 17‑Jää ‑sɩlɩ Isëmaɛɛlë ‑sia' ‑tʋtʋ ‑gälɩ: 'ɔ kä ‑sɩa ‑glʋɩuundoo ‑bɛ ‑pʋ ‑bɛ ‑uunsɔɔ (137) 'ɔnya ‑gblɔɔ ‑fʋflʋ 'kä 'ɔnya jä, 'ünya 'pie 'ɔɔn 'ɔa tʋɩɩa ‑gba. 18Isëmaɛlëa 'jüa 'jü kʋ ‑tʋtʋlʋ bäa' Avila nyra Surëa ‑tɔrʋpɩɔ, Ejiipëtëa 'klɩ Asiriia 'blɩa 'pɛlɩ#25.18 Asiriia 'blɩ: 'I 'mrɛɛ 'i bä bɩa: Asurë bätä.. 'Ɔa ‑wlajüa 'fɩɔa 'klʋɩ, 'ɔnya kʋ ‑plɩɩlɩ.
ISAAKËA 'JÜA 'JÜA WII
25.19–35.29
Esau nyra Jakɔɔbë
19‑Jäsɩ Abraamëa 'jʋ Isaakëa 'jüa 'jüa wii nʋa' ‑sisidɛɛ: Abraamë ‑gu Isaakë. 20Isaakë kä ‑sɩa ‑glʋɩsɔɔ 'ɔnya kä Rebeka. Rebeka bä Betuɛlëa 'ŋlëkayria. Betuɛlë bä Aramënyɔɔ, ɔ sɔa' Padan Aramëa 'blɩ ‑gälɩ. Rebeka bä Aramönyɔɔ Labaan a ‑wladia. 21Isaakë nya bibie Yawe 'ɔa 'ŋlʋʋa ‑gʋ, 'be 'ɔ ‑gbɔ. Yawe nya 'nu 'ɔa bibiekʋ 'wli, 'ɔa 'ŋlʋʋ Rebeka nya bä nʋgbla 'lɩ. 22'Poulu bäa' 'ɔa 'mlɩ 'nyɩ trarakä ‑a. 'Ɔ ‑nëma: «Wii 'plɛɛ bäsaa i jrä 'mɩ ‑gälɩ le?» ‑Jää 'ɔɔ mi Yawe 'bete. 23Yawe nya ‑gbala 'ɔɔn:
«'Blɩ 'sɔɔ bä ‑na 'mlɩ,
‑glügbülü bäa' ‑na ‑gu 'lɩ, 'ünya ‑gbasɔsrɔa;
‑glügbö ‑mölöö nya 'wʋsɔɔrɔa 'kä 'änya ‑mä 'wʋsi,
'kä kpaköa nʋ nya blaaadɩɔa 'jrʋpafɛnyɔɔ bä.»
24'Ɔa ‑gugutaɩn jräa' 'lɩ nɩ, 'pou 'ɔ ‑gu. 25‑Kätɩa nʋlɔ 'ciea', 'ɔ ‑flɔɔɔ, 'ɔa 'fua 'fɩɔ 'si ‑püplii 'klɩ ‑beere ‑gälɩpakotu. 'Ünya ‑nyɩ 'ɔɔn Esau#25.25 Esau: Esaua ‑gbaa bä: nyɔɔlɔ ‑puplii traraa' 'klɩ. 'nyrɩ. 26'Ɔa ‑wlajʋ 'kpla Esaua bɔtütö ‑bɛ 'ɔ 'cie bɩa. 'Ünya 'dara 'ɔɔn Jakɔɔbë#25.26 Jakɔɔbë: Ebrööwii 'lɩ Jakɔɔbëa‑gbaa bä: bɔʋtütö.. 'Ia 'taɩn 'lɩ Isaakë kä ‑sɩa ‑glʋɩtää.
27'Jülü 'bʋaa' nɩ, Esau bä 'mʋfakɔpanyɔɔ, 'klʋɛa nyɔɔ. ‑Maa Jakɔɔbë ‑plɔ, ‑gböölia 'doo 'ɔma kʋ, ‑tetu ‑wälɩ. 28Isaakë ma ‑wa Esau, 'ɔma jaja 'ɔɔn klɔɛa mlaa; Rebekaa 'ɔɔ ma ‑wa Jakɔɔbë.
29Jrüü 'doo 'lɩ nɩ, Jakɔɔbë pie kä 'ɔa 'sʋsʋa ‑bɛ Esaua sɩasɩanɔ sɔ 'klʋɛɛ 'ɔ ji. 30Esau nya ‑gbala Jakɔɔbë: «'N bibie ‑mɩ ‑nyɩ 'mɩ ‑na ‑fɔflɔɔsʋsʋalä kʋa' ‑pɩ ‑a 'mla 'ään! 'Be 'nya ‑sɩa!» 'A 'ia ‑gʋ 'ɔa 'nyrɩ bä Edɔmë#25.30 Edɔmë: Ebrööwii 'lɩ Edɔmëa ‑gbaa bä: ‑Flɔɔɔ.. 31'Iibäa' Jakɔɔbë nɩ: «‑Nyɩ 'saarɩ 'mɩ ‑na kpaködɛɛ!» 32'Iibäa' Esau: «'Mɔɔ nyɔɔlɔ jäa' ɔ möa' nɩ, ‑asɩ 'mä kpaködɛ nʋ le?» 33'Iibäa' Jakɔɔbë: «'Sɔrɩ ‑kätɩ!» Esau nya 'sɔrɩ. 'Asɩ 'ɔ nʋ 'ɔnya ‑nyɩ 'ɔa kpaködɛ Jakɔɔbë. 34Jakɔɔbë nya ‑nyɩ Esau 'flɔɔ nyra ‑pɛɛpɛa 'sʋsʋa. 'Ɔ jia' dɛɛ ‑bɛ 'ɔ 'mlaa' 'nɩ, 'ɔnya sɔwʋ 'ɔnya mi. 'Asɩ Esau nʋ 'ɔnya 'pala kpaködɛɛ sawʋ.
ទើបបានជ្រើសរើសហើយ៖
Jenɛɛsë 25: Bakwé
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc.
Jenɛɛsë 25
25
Abraamëa 'sɔɔ 'ŋlʋʋ Keturaa 'jü
1Abraamë nya dɔrɔ 'ŋlʋʋ ‑moloo 'wʋ; 'ɔɔ 'ü 'dara Ketura. 2'Ɔnya ‑nyɩ Abraamë 'nyɩbɛjü ‑uundoo: Simiran, Jɔkësan, Medan, Madian, Isibakë, nyra Sua. 3Jɔkësan bä Seba nyra Dedanë a tʋ. 'A Dedan a 'jü 'ü 'dara Asuritënyüü, Letusimënyüü, nyra Leomimënyüü. 4Madian a nyɩbɛjü 'ü 'dara Efa, Efɛrë, Anɔkë, Abida, nyra Ɛlëdaa. 'A Keturaa 'jüa 'jüa 'fɩɔ.
5Abraamëa nya ‑nyɩ 'ɔa käkädiia 'fɩɔ 'ɔa 'jʋ Isaakë. 6‑Maa 'ɔa ‑geeiŋlëgë ‑mülüüa 'jülü nɩ, 'ɔ ‑ka bä kä 'lɩ 'ɔnya ‑nyɩ 'üün 'üa ni käkädii, 'ɔnya tʋŋlɔlɩ 'üün 'ɔa 'jʋ Isaakë dɛrɩ. 'Ɔnya fa 'üün nyüülü bäa' 'jrʋa 'wʋsɔrɔfawʋa 'pɛlɩ.
7‑Jää ‑sɩlɩ Abraamë ‑sia' ‑tʋtʋ ‑gälɩ: ‑sɩa ‑gluɩuuntää ‑sɩ ‑pʋ ‑sɩ ‑gböö (175). 8Abraamëa 'wli 'pɔlɔ ‑gböösa 'ɔnya ‑gblɔɔ ‑fʋflʋ 'kä 'ɔnya jä, 'ünya ‑träärä 'ɔɔn 'ɔa tʋɩɩa ‑gba. 9'Ɔa 'jü Isaakë nyra Isëmaɛɛlë nya ‑träärä 'ɔɔn 'täkälä bäa' Makpelaa ‑tʋtʋ ‑gälɩa 'mlɩ, Itinyɔɔ Soaa 'jʋ Eflɔɔn a ‑putulu bäa' Makpelaa ‑tʋtʋ ‑gälɩ, Mamirebätäa 'klɩ. 10'A Itinyüüa ‑putulu Abraamë ‑sroro käa' Ɛtëa 'jü kälɩ. 'A ‑plɩɩ 'ü ‑träärä Abraamë nyra 'ɔa 'ŋlʋʋ Sara. 11Abraamë 'mɔlɔa' nɩ, Nyɔsʋa 'pa 'ɔa 'jʋ Isaakë 'nɩ. Isaakë kʋ kä 'nɩbütügbalä 'ü 'daraa' Lakai Roii#25.11 Lakai Roii: Ebrööwii 'lɩ 'ia ‑gbaa bä: 'Lɩbänyɔɔlɔ 'jääa' 'mɩ 'wʋ, 'ɔa 'nɩbutugba., 'äa ‑gba.
ISËMAƐLËA 'JÜA 'JÜA WII
25.12-18
12‑Jäsɩ Abraamëa 'jʋ Isëmaɛɛlëa 'jüa 'jüa wii nʋa' ‑sisidɛɛ. Ejiipëtëŋlʋʋ Agaa, 'ɔ ma bäa' Saraa 'jrʋpafɛŋlʋʋ, 'ɔɔ ‑gu 'ɔɔn. 13‑Jää Isëmaɛɛlëa 'jüa ‑glügbüa 'nyrɩ: Nebayiotë bä 'ɔa ‑kätɩjʋ, Keda, Adëbɛɛlë, Mibësamë, 14Misëma, Duma, Masa, 15Adadë, Tema, Jeturë, Nafisë, nyra Kedëma. 16'A Isëmaɛɛlëa 'jü; 'a 'üa bätë nyra 'üa 'kpafëa 'nyrɩ. 'Üü bä 'üa ‑glügbüa 'cifu ‑pʋ ‑bɛ 'sɔɔ. 17‑Jää ‑sɩlɩ Isëmaɛɛlë ‑sia' ‑tʋtʋ ‑gälɩ: 'ɔ kä ‑sɩa ‑glʋɩuundoo ‑bɛ ‑pʋ ‑bɛ ‑uunsɔɔ (137) 'ɔnya ‑gblɔɔ ‑fʋflʋ 'kä 'ɔnya jä, 'ünya 'pie 'ɔɔn 'ɔa tʋɩɩa ‑gba. 18Isëmaɛlëa 'jüa 'jü kʋ ‑tʋtʋlʋ bäa' Avila nyra Surëa ‑tɔrʋpɩɔ, Ejiipëtëa 'klɩ Asiriia 'blɩa 'pɛlɩ#25.18 Asiriia 'blɩ: 'I 'mrɛɛ 'i bä bɩa: Asurë bätä.. 'Ɔa ‑wlajüa 'fɩɔa 'klʋɩ, 'ɔnya kʋ ‑plɩɩlɩ.
ISAAKËA 'JÜA 'JÜA WII
25.19–35.29
Esau nyra Jakɔɔbë
19‑Jäsɩ Abraamëa 'jʋ Isaakëa 'jüa 'jüa wii nʋa' ‑sisidɛɛ: Abraamë ‑gu Isaakë. 20Isaakë kä ‑sɩa ‑glʋɩsɔɔ 'ɔnya kä Rebeka. Rebeka bä Betuɛlëa 'ŋlëkayria. Betuɛlë bä Aramënyɔɔ, ɔ sɔa' Padan Aramëa 'blɩ ‑gälɩ. Rebeka bä Aramönyɔɔ Labaan a ‑wladia. 21Isaakë nya bibie Yawe 'ɔa 'ŋlʋʋa ‑gʋ, 'be 'ɔ ‑gbɔ. Yawe nya 'nu 'ɔa bibiekʋ 'wli, 'ɔa 'ŋlʋʋ Rebeka nya bä nʋgbla 'lɩ. 22'Poulu bäa' 'ɔa 'mlɩ 'nyɩ trarakä ‑a. 'Ɔ ‑nëma: «Wii 'plɛɛ bäsaa i jrä 'mɩ ‑gälɩ le?» ‑Jää 'ɔɔ mi Yawe 'bete. 23Yawe nya ‑gbala 'ɔɔn:
«'Blɩ 'sɔɔ bä ‑na 'mlɩ,
‑glügbülü bäa' ‑na ‑gu 'lɩ, 'ünya ‑gbasɔsrɔa;
‑glügbö ‑mölöö nya 'wʋsɔɔrɔa 'kä 'änya ‑mä 'wʋsi,
'kä kpaköa nʋ nya blaaadɩɔa 'jrʋpafɛnyɔɔ bä.»
24'Ɔa ‑gugutaɩn jräa' 'lɩ nɩ, 'pou 'ɔ ‑gu. 25‑Kätɩa nʋlɔ 'ciea', 'ɔ ‑flɔɔɔ, 'ɔa 'fua 'fɩɔ 'si ‑püplii 'klɩ ‑beere ‑gälɩpakotu. 'Ünya ‑nyɩ 'ɔɔn Esau#25.25 Esau: Esaua ‑gbaa bä: nyɔɔlɔ ‑puplii traraa' 'klɩ. 'nyrɩ. 26'Ɔa ‑wlajʋ 'kpla Esaua bɔtütö ‑bɛ 'ɔ 'cie bɩa. 'Ünya 'dara 'ɔɔn Jakɔɔbë#25.26 Jakɔɔbë: Ebrööwii 'lɩ Jakɔɔbëa‑gbaa bä: bɔʋtütö.. 'Ia 'taɩn 'lɩ Isaakë kä ‑sɩa ‑glʋɩtää.
27'Jülü 'bʋaa' nɩ, Esau bä 'mʋfakɔpanyɔɔ, 'klʋɛa nyɔɔ. ‑Maa Jakɔɔbë ‑plɔ, ‑gböölia 'doo 'ɔma kʋ, ‑tetu ‑wälɩ. 28Isaakë ma ‑wa Esau, 'ɔma jaja 'ɔɔn klɔɛa mlaa; Rebekaa 'ɔɔ ma ‑wa Jakɔɔbë.
29Jrüü 'doo 'lɩ nɩ, Jakɔɔbë pie kä 'ɔa 'sʋsʋa ‑bɛ Esaua sɩasɩanɔ sɔ 'klʋɛɛ 'ɔ ji. 30Esau nya ‑gbala Jakɔɔbë: «'N bibie ‑mɩ ‑nyɩ 'mɩ ‑na ‑fɔflɔɔsʋsʋalä kʋa' ‑pɩ ‑a 'mla 'ään! 'Be 'nya ‑sɩa!» 'A 'ia ‑gʋ 'ɔa 'nyrɩ bä Edɔmë#25.30 Edɔmë: Ebrööwii 'lɩ Edɔmëa ‑gbaa bä: ‑Flɔɔɔ.. 31'Iibäa' Jakɔɔbë nɩ: «‑Nyɩ 'saarɩ 'mɩ ‑na kpaködɛɛ!» 32'Iibäa' Esau: «'Mɔɔ nyɔɔlɔ jäa' ɔ möa' nɩ, ‑asɩ 'mä kpaködɛ nʋ le?» 33'Iibäa' Jakɔɔbë: «'Sɔrɩ ‑kätɩ!» Esau nya 'sɔrɩ. 'Asɩ 'ɔ nʋ 'ɔnya ‑nyɩ 'ɔa kpaködɛ Jakɔɔbë. 34Jakɔɔbë nya ‑nyɩ Esau 'flɔɔ nyra ‑pɛɛpɛa 'sʋsʋa. 'Ɔ jia' dɛɛ ‑bɛ 'ɔ 'mlaa' 'nɩ, 'ɔnya sɔwʋ 'ɔnya mi. 'Asɩ Esau nʋ 'ɔnya 'pala kpaködɛɛ sawʋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc.