Akëtë 20
20
'Pɔɔlë mia' Masedoanë nyra Grɛɛsëa 'blɩ ‑gälɩ
1'Ia ‑yrɛlɛ ‑sia' nɩ, 'Pɔɔlë nya we 'cɛcɩnyüü, 'ɔnya 'jrara 'üa 'klü#20.1 'ɔnya 'jrara 'üa 'klü: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä.. 'Ɔ cɛrɛa' 'üün nɩ, 'ɔnya mi Masedoanëa 'blɩ ‑gälɩ. 2'Ɔnya ‑srörö 'ia 'blɩlɩa 'mlɩ ‑bɛ 'ɔ 'jrara 'ia nyüüa 'klü. 'I ‑sia' nɩ, 'ɔnya 'tɔ Grɛɛsëa 'blɩ ‑gälɩ. 3'Ɔ ‑si 'lɩ ‑söplü tää. 'Ɔ 'bataa' 'ɔmäa' 'mɩɩ fa 'ɔmä Sirii mi nɩ, 'ɔ 'nu 'sɩrɩ juifë plaa' 'ɔa 'kpɛɛ, 'ɔ ‑gölöa' Masedoanë 'ɔ fa 'ɔnya 'blöödɛrɩ. 4Nyüülü fala 'ɔɔn falaa 'ünya 'tɔ Asiia ‑tʋtʋ ‑gälɩ#20.4 fala 'ɔɔn falaa 'ünya 'tɔ Asii: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä., 'üü bä: Sopatë Piluua 'jʋ#20.4 Piluua 'jʋ: ‑Pɔɔkɩ ‑mɩdooa 'mlɩ ‑taa waklöölä 'nyɩ 'lɩ 'mlɩ ‑a ‑jɩjra., bätälä 'ü 'daraa' Beree 'äa nyɔɔ 'ɔ bä; Alisëtaakë nyra Sekundo 'ü sɔ Tɛsalonikë; Gaiusë 'ɔ bä Dɛbeenyɔɔ; Timotee, Tikiikë nyra Trofimë bä Asiia ‑tʋtʋ ‑gälɩa nyüü. 5'Üü ‑ta 'nyʋfɔ, 'ünya ‑glaara amɩ bätälä 'ü 'daraa' Troasë. 6'Flɔɔlʋ kä 'mlɩ 'nyɩa' levurë bä 'ua ‑glɩsɩglɩsɩa jrüü ‑sia' nɩ, anya 'cie Filipëbätä, 'mɩɩ a fa. Jrüü ‑gböööa ‑srɩ 'lɩ a 'tɔ Troasë, anya ‑si 'lɩ jrüü ‑uunsɔɔ.
'Pɔɔlëa dɛrɩ 'täpa mimikʋlʋ 'ɔ mia' Troasëbätä
7'Sɔrɛa 'klɩsa jrüü 'lɩ ɔ nɩ, 'cɛcɩnyüü nya trara 'ümä 'Pläkänyɔɔa jijrɛ ji#20.7 'Pläkänyɔɔa jijrɛ ji: Grɛɛkëwii 'lɩ 'ü nö: 'flɔɔ ‑päplä. 'Ii ‑Gögbii 'dara Ökarisii (Eucharistie) nyra Sɛn Sɛɛnë (Sainte Cène).. 'Pɔɔlë nya 'pala 'üün nyɔsʋaawii ‑gba, 'be 'ia ‑srɩ ma pa 'ɔ ‑ka nya mi. 'Ɔ 'pa 'iin 'pa 'pa ‑gbia nya 'mɩmrɛlɩ. 8'Napu 'kɔkɔmlɛ bä 'wlitraranyëka klöölä kä ‑wälɩ a#20.8 a: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: 'ü. trara ɩa'. 9‑Sëgbajʋ 'doo bälɩ 'ɔɔ 'ü 'daraa' Yutikë 'ɔ kʋ ɩ ‑pumëmla 'mäklɩ. 'Pɔɔlë 'paa ɩ nyɔsʋaawii, ‑bɛ 'mʋmʋ 'bla 'ɔɔn ‑gböösa; 'mʋmʋ 'ba 'ɔɔn ‑nyɛɛ cɛlɩ, ‑tääa nu nyëkaklööa ‑pumëmla 'wli 'ɔnya blö ‑tʋtʋ 'wʋ. 'Ü 'mä 'ɔɔn 'wʋdɔrɔkalɩ mi, 'ɔ 'a jä. 10'Pɔɔlë nya 'cere ‑fälɩ, 'ɔnya po 'ɔa plɛ 'nyakli. 'Ɔnya dɔrɔ 'ɔɔn 'wʋ, 'ɔnya ‑gbala nyüülü: «'Ana polu 'nyɩ ‑taaralɩ! 'Ɔ ‑ka bälɩ!» 11'Ɔnya 'jra 'ɔnya mi nyuku ‑wälɩ, 'ɔnya ‑pä 'flɔɔ 'ünya jidɛɛ. 'Ɔ 'pawii 'pa 'pa ‑srɩ nya pa. 'Ɔ 'wlaraa' 'ɔnya mi. 12'Ünya ja 'ɔɔn ‑sëgbanyʋklɔlɔ, 'ɔ bälɩ 'mʋfasa, 'inya 'pa 'üün 'klü 'lɩ.
'Pɔɔlë Sɔ Troasë 'ɔnya mi Militëbätä
13Amɔlɔ nɩ, amɔ ‑kätɩ ‑ta 'nyʋfɔ anya 'jra 'mɩɩ 'lɩ anya mi Asosëbätä. 'Ii amä ɩ 'Pɔɔlë 'wʋdɔrɔ 'nie ‑gba. 'Ɔnya ja bei 'ɔnya jrä 'lɩ amɩ. 14'Ɔ jräa' amɩ Asosë nɩ, anya dɔrɔ 'ɔɔn 'wʋ anya mi Mitilɛɛnëbätä. 15A 'ciea' 'lɩ anya fa 'nie anya mi. ‑Srɩ paa' anya 'tɔ Kiɔsɔa palafa 'wʋ. 'Ia ‑srɩ paa' anya mi Samosëbätä. Anya 'nyüglö Trogiliɔɔnbätä#20.15 Anya 'nyüglö Trogiliɔɔnbätä: ‑Taa ‑waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä.. ‑Srɩ paa' anya 'tɔ Militëbätä. 16'Pɔɔlë 'nyɩ 'bata Ɛfɛsëbätäa ‑srörökʋ ‑a, 'ɔ ‑pɩ Asii ‑wlɛ; 'be 'ɔ 'bata 'ɔ 'tɔ Jerusalɛɛmë 'ɔmä 'lɩ Patekɔɔtëa ‑glɩsɩglɩsɩ 'järä.
'Pɔɔlë 'palaa' Ɛfɛsëa 'cɛcɩtagbü wii ‑gba
17'Ɔ ka bä Militëbätä, 'ɔnya we Ɛfɛsë 'cɛcɩtagbü ü ji. 18'Ü jia' nɩ, 'ɔnya ‑gbala 'üün ‑maa: «'Bala ‑srɩlɩ kä 'mlɩ 'n 'tɔ käa' Asiia 'bre 'a 'jä 'na nʋnʋgbi, 'sɩrɩ 'nyraa 'amɔ nʋa' ‑wälɩkʋdɛɛ. 19'N 'cie 'na nyufa 'wʋ 'nyaa ‑fɛ 'Pläkänyɔɔa 'jrʋpa; 'n ‑fɛɛɛ 'ämɩ ‑bɛ 'n 'wuö. ‑Sʋɩlɩ kä 'fɩɔ juifë tɛrɛa' 'mɩ 'ia ‑gʋ, 'n ‑srörö 'ia 'mlɩ. 20'A jre 'iin, wiili 'naa', i nëmäa' 'amɩ 'känyɩgla, 'nyɩ 'amɩ 'iin ‑gba ‑a ‑sisre: 'n ‑gbala 'amɩ 'iin, 'nyaa 'kpɩara 'amɩ ‑jria 'lɩ nyra 'ana nyëka ‑wälɩ. 21'N ‑gbala juifë nyra grɛɛkë ü 'pie 'üa ‑balʋ 'ümä Nyɔsʋa 'lɩträärä, 'ümä ana 'Pläkänyɔɔ Jesu 'Kriisë#20.21 'Kriisë: ‑Taa waklöölä 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä. plɛtoro. 22'Amɔ 'n ‑gbala, 'Nyüna ‑Susu nɩnɩa 'kpɔɔ ‑a mi Jerusalɛɛmë. Wiili nëmäa' ‑nyɛɛ 'mɩ ‑gälɩjrä 'nyɩ 'iin jre ‑a jre. 23Wiili kä 'doo 'n jrea' nɩ, bätä o bätä 'nëmäa' ‑srörö nɩ, 'Nyüna ‑Susu ‑gbala 'mɩ 'sɩrɩ ‑jie nyra ‑sʋɩ ‑glaraa' 'lɩ 'mɩ#20.23 Akëtë 21.4,11.. 24'Na 'klä 'nyɩ 'na 'nyü ‑gälɩ ‑gbaa ‑a kälä. I käa' ‑gbaa nɩ, 'iibä ‑a 'wlara dɔrʋ 'lɩ#20.24 dɔrʋ 'lɩ: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä. 'jrʋpalä bäa' 'na 'klʋɩ ä 'Pläkänyɔɔ Jesu ‑nyɩa' 'mɩ kälɩ: ‑a 'salɩ 'Mʋfagogolä 'paa' Nyɔsʋaa ‑gbinanakʋa ‑gä.
25«‑Bɛ 'n jre 'iin ɔ, 'amɔlɔ kä 'fɩɔ 'n ‑pia' ‑gälɩ ‑bɛ 'n 'saa Nyɔsʋaa 'kamapläa ‑gäa ‑gogo nɩ, 'a ‑ka ‑nëmä 'na 'klʋɩ ‑a 'jä. 26'Ii känyrɩ, 'saarɩa ‑srɩɩ 'lɩ 'n ‑gbala 'amɩ: 'ana ‑toru 'nyɩ 'na kälɩ ‑a bä. 27'Be 'nyɩ 'amɩ wii ‑gba ‑a ‑sisre; 'n srara 'amɩ wiili kä 'fɩɔ Nyɔsʋaa 'bataa'. 28'Ii känyrɩ 'ba ‑tre 'ana nyüfë, 'ba ‑gäälä nyüülü kä 'fɩɔ 'Nyüna ‑Susu ‑nyɩa' 'amɩ kälɩ 'nyü ‑gba, 'sɩrɩ nyɔɔ ‑glaara ‑bablëëjü ‑gälɩ. 'Ba bä Nyɔsʋaa 'cɛcɩa#20.28 Nyɔsʋaa 'cɛcɩ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: «'Pläkänyɔɔ nyra Nyɔsʋaa 'cɛcɩ». 'nyiöligälänyüü; 'ɔa 'Jʋa 'mʋgbɛa ‑toru 'ɔ nʋ 'ɔnya ‑su 'üün. 29'N jre 'iin 'sɩrɩ ama toroa' 'lɩ ‑gälɩ klaklamlaa 'mäa' 'ana ‑tɔrʋpɩɔ pala, 'ü ‑nëmä ‑bablëëjüa nyatɛrɩ ‑a 'jä. 30'Ana 'mʋgbɛa ‑tɔrʋpɩɔ nyüü nya 'wʋsɔa 'kä 'ünya 'lɩ ‑gbagblɛ ‑gä 'sa, 'ümä 'cɛcɩnyüü 'nyʋfɔ 'wʋ 'ba. 31'Ii känyrɩ 'ba tɛkä 'cɩcasa, 'ba jre 'sa 'n ‑si ‑sɩ tää ‑srɩ ‑bɛ ‑gbia 'nyɩ 'nyüglö ‑a 'nyüglö, 'n 'wuö ‑bɛ 'n ‑gbala 'amɩ wiili Nyɔsʋa 'bataa'.
32«'Na ‑wlajü 'amɩ#20.32 'Na ‑wlajü 'amɩ: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä., 'köklesaplɩɩ ɔ nɩ, 'n tɩɛ 'amɩ Nyɔsʋa nyra wiili 'paa' 'ɔa ‑gbinanakʋa ‑gä kälɩ. 'A wiili nëmä 'amɩ 'klü ‑nyɩ, 'ii 'mä bɩa 'amɩ ‑jaaa ‑nyɩ nyüülü kä 'fɩɔ 'ɔ ‑gäa' 'klɩa 'mlɩ. 33Nyɔɔa mölii, nyɔɔa ‑sika, nyɔɔa 'kotu, 'inyɩ 'na plɛ ‑a fa. 34'Ana 'fɩɔ jre 'iin, 'na wlu 'uu ‑fɛɛɛ 'jrʋpa ‑bɛ 'n 'paa 'mɔɔ ‑bɛ nyüülü 'nyraa 'üün 'nyɛɛa' a ‑gä. 35'Ia 'fɩɔlʋ nɩ, srara 'n sara 'amɩ 'sɩrɩ a käa' amäa' 'sa 'jrʋpa ‑fɛ ‑gböösa, amä ‑mülü 'nyɩa' dɛɛ kä ‑gbaji, ‑bɛ 'n 'paa 'amɩ plɛ wiili 'Pläkänyɔɔ Jesu 'pa käa': ‹‑Ama ‑nyɩ, 'ia ‑jɔrʋ ‑sümlö 'unya ‑si 'kä 'ümä ‑mɩ ‑nyɩ 'wʋ.› »
36'Pɔɔlë bɩaa' wii 'papakʋ nɩ, 'ɔnya 'pakotifli 'ɔ nyra 'üün nya bibie Nyɔsʋa. 37'Üa 'fɩɔa 'dugu 'ünya jijrö 'ɔɔn ‑gba ‑bɛ 'ü ‑gbere 'ɔɔn. 38Wiili paa' 'üün ‑gba ‑gböösa nɩ, 'iibä: «'A ‑ka ‑nëmä 'mɩ ‑a 'jä.» 'Ünya fala 'ɔɔn falaa, 'ünya 'tɔ 'mɩɩ ‑gba.
ទើបបានជ្រើសរើសហើយ៖
Akëtë 20: Bakwé
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc.
