Akëtë 14
14
'Pɔɔlë nyra Banabasë mia' Ikoniɔɔbätä
1'Ü 'tɔa' Ikoniɔɔbätä nɩ, 'Pɔɔlë nyra Banabasë nya pa juifëa 'sraaplanyüköli. ‑Maa 'üa nyɔsʋaawiia 'papakʋa ‑gʋ nɩ, juifënyüü nyra grɛɛkënyüü 'kɔkɔmlɛ nya toro Jesu plɛ. 2‑Maa juifë ‑mülü 'nyɩ toroa' Jesu plɛ nya 'tuto nyüülü 'nyɩa' juifë bä 'tuto 'tuto, 'ünya bobo bʋbɔgbi 'cɛcɩnyüüa 'pɛlɩ. 3'Ii känyrɩ 'ünya ‑wlɛ Ikoniɔɔbätä. Nyɔsʋaawiia 'papakʋ 'nyɩ 'üün ŋalɛ 'wʋ ‑a kä, 'be 'Pläkänyɔɔa 'klü bä 'üün 'lɩ. 'Pläkänyɔɔ srara 'sɩrɩ wiili 'ü 'saalɩ, 'ɔa ‑gbinanakʋ ‑a ‑gʋ bäa' 'cɩcasa: 'ɔ ‑nyɩ 'üün 'klü 'ümä ‑saragbia tie nyra plɛklɩkalawii nʋ. 4Bätäa nyüüa 'fɩɔ 'bölötɩa: ‑mölöö bä juifë dɛrɩ ‑bɛ ‑mölöö bä apotrë dɛrɩ. 5Juifë nyra nyüülü 'nyɩa' juifë bä nyra 'üa 'cifu 'bata ü nʋ 'üün ‑gbigba, ü 'kakla 'üün 'täkë. 6'Ü 'nua' 'iin 'wli nɩ, 'ünya fɔ 'ünya mi bätëlë bäa' Lakoniia ‑tʋtʋ ‑gälɩa 'mlɩ: 'üü bä Lisëtrë nyra Dɛbee nyra bätë ‑mülü bä bäa' 'lɩ ‑gba. 7'Ü 'tɔa' bɩa 'lɩ nɩ, 'ü 'sara 'lɩ 'Mʋfagogo.
'Pɔɔlë nyra Banabasë mia' Lisëtrëbätä
8Nyɔɔ 'doo bä kä Lisëtrëbätä 'ɔa bei jä; 'ɔ kpa 'ünya ‑gu 'ɔɔn, 'ɔ ‑kaapɩɔ 'nyɛ. 9'Taɩn 'doo 'lɩ nɩ, 'ɔ po 'Pɔɔlë 'nyakli. 'Pɔɔlë nya tɛ 'ɔɔn 'klɩ tee, 'ɔnya 'jä nyɔɔlɔa nyɔsʋaplɛ 'sɩrɩ 'ɔ bäa' 'pɔpʋɔsa. 10'Pɔɔlë nya 'kpölɩkä 'ɔnya ‑gbala 'ɔɔn: «Sɔwʋ, 'nyüglö 'cɩcasa!» Nyɔɔlɔ nya ‑plöörö 'ɔa bei ‑gälɩ ‑bɛ 'ɔ 'nyɛɛ. 11Nyüü 'jäa' wiili 'Pɔɔlë nʋa' nɩ, 'ünya 'kpölö Likaoni wii 'lɩ, 'ü ‑nëma: «Nyɔsʋaɩɩ 'cicri nyüü 'lɩ 'ünya 'cere ana ‑nyɛɛ!» 12'Ünya 'dara Banabasë «Susö», 'ünya 'dara 'Pɔɔlë «Ɛmɛsë», 'be 'Pɔɔlë 'ɔɔ 'pala 'üa 'fɩɔa 'wli 'lɩ wii#14.12 Grɛɛkëa 'brea nyɔsʋaɩɩa 'cifi 'ü ma 'dara Susë. Ɛmɛsë ma bä 'üa bɔblɔa nʋ.. 13Susöa 'pɛrɩnyɔɔlɔ bäa' 'üa bätäa palafa 'wʋ nya ja bruu, 'ua ‑gbaa pöplödii 'kɔkɔmlɛ. 'Ɔ nyra 'uun nyra nyüü ‑mölöö nya ji tatu 'mäklɩ; 'ü 'bata 'ümä 'Pɔɔlëɩɩ ‑gbɔ 'sa. 14Apotrëlü 'Pɔɔlë nyra Banabasë 'nua' wiili 'ü 'bataa' 'ümäa' nʋ 'wli nɩ, 'ünya 'ŋaŋla 'üa ‑gbaa 'koti, 'ünya fɔ 'ünya pa nyüü 'kɔkɔmlɛa ‑tɔrʋpɩɔ, 'ünya 'kpölɩkä: 15«‑Wlajü 'amɩ, dɛplɛɛ kä ‑gʋ 'a nö 'saa le? Nyüü a bä ‑beere 'amɔ 'la! 'Mʋfagogo a 'saa 'amɩ, 'amä diili 'nyɩa' ‑gbaa kä ‑wälɩ 'cɛrɛ, 'amä 'Lɩbä Nyɔsʋaa 'pɛlɩ kälɩsie, ɔ nʋa' cɛ, ‑tʋtʋ, 'tanie nyra diili kä 'fɩɔ bäa' 'ia 'mlɩ#14.15 Ɛgësɔɔdë 20.11; 'Lɩbrɛrɛpɔɔkʋ 146.6.. 16‑Kätɩsa nɩ, 'ɔ 'cɛrɛ kä ‑glügbüa 'fɩɔ ‑wälɩ 'üa 'mʋgbɛ 'mä kä wiili 'ü ‑waa' nʋ. 17‑Maa 'ɔnyɩ 'ɔa ‑gbinanakʋa srarakʋa ‑gʋ ‑a fio: 'ɔ nʋ 'mʋfagbi, 'ɔ ‑nyɛɛ 'amɩ#14.17 'amɩ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: amɩ. 'nʋŋlʋ, 'ana papladii 'wʋälɩmlɩ, 'i tʋä 'mʋfasa 'ia 'taɩn 'lɩ, 'kä 'ɔ 'sie jijri nyra dɔrʋ 'ana#14.17 'ana: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: ana. polu ‑gälɩ.» 18‑Maa 'ia wiilia 'fɩɔlʋ 'nyɩ nyüülü ‑a 'cici. 'Ü 'jä ‑sʋɩ 'fɩɔwʋ 'ünya 'mä nyüülü 'nyüglö, 'ü ‑pɩ 'üün ‑gbɔ 'sa.
19Juifë nya sɔsɔ Antiɔɔsëbätä nyra Ikoniɔɔbätä, 'ünya ji nyüüa polu 'lɩcakla. 'Ünya be be 'Pɔɔlë 'täkë. 'Ünya 'kʋɛɛrɛ 'ɔɔn 'kä 'ünya bere 'ɔɔn bätä dɛrɩ, 'be 'üa plɛɛ 'ɔ 'a jä. 20‑Maa 'taɩn 'lɩ 'wʋnyɛrɛnyüü jia' 'ɔɔn 'klɩtra nɩ, 'ɔnya sɔwʋ 'ɔnya 'jra bätä. 'Ia ‑srɩ paa', 'ɔɔ ‑bɛ Banabasë nya mi Dɛbeebätä.
'Pɔɔlë nyra Banabasë 'blööa' Siriia Antiɔɔsë dɛrɩ
21'Pɔɔlë nyra Banabasë nya 'sara 'Mʋfagogo Dɛbeebätä, nyüü 'kɔkɔmlɛ nya toro Jesu plɛ. 'Ünya 'blöödɛrɩ, 'ünya mi Lisëtrë, Ikoniɔɔ nyra Antiɔɔsë. 22Nyüülü toroa' Jesu plɛ nɩ, 'ü 'paa 'üa nyɔsʋaplɛ 'klü 'lɩ abɩa 'üa nyɔsʋaplɛ ‑sɔɔrɔwʋ. ‑Bɛ 'ü ‑gbala 'üün: «A kä amä ‑sʋɩ 'kɔkɔmlɛ 'lɩ ‑srörö ‑bɛ amä Nyɔsʋaa 'kamapläa 'mlɩ pa.» 23'Ünya ‑tätä 'cɛcʋa 'fɩɔa 'mlɩ 'cɛcɩtagbü. 'Ü bɩaa' su nyra nyɔsʋabibiekʋ nɩ, 'ünya ‑nyɩ tagbülü toroa' 'ɔɔn plɛ 'Pläkänyɔɔ kälɩ.
24'I ‑sia', 'ünya ‑srörö Pisidiia ‑tʋtʋ ‑gälɩ, 'ünya 'tɔrɔ Pamëfiliia ‑tʋtʋ ‑gälɩ. 25'Ü 'palaa' nyɔsʋaawii Pɛgebätä, 'ünya mi Ataliabätä. 26'A ‑nyɛɛ 'ü 'jrara 'mɩɩ 'lɩ 'ünya mi Antiɔɔsë, bätälä kä 'mlɩ 'ü ‑nyɛɛrɛ käa' 'üün Nyɔsʋaa ‑gbinanakʋ kälɩ 'ümäa' 'jrʋpalä 'ü 'wlaraa' ‑plɩɩ nʋ. 27'Ü 'tɔa' nɩ, 'ünya 'papla 'cɛcɩnyüü ‑gba, 'ünya ‑gbala 'üün wiili kä 'fɩɔ Nyɔsʋa sröröa' 'üün kälɩ 'ɔ nʋa', nyra 'sɩrɩ 'ɔ ‑fɛa' nyüülü 'nyɩa' juifë bäa plɛ ‑gba ‑bɛ 'ü toroa' 'ɔɔn plɛ. 28'Üü ‑bɛ 'wʋnyɛrɛnyüü nya ‑si jrüü.
ទើបបានជ្រើសរើសហើយ៖
Akëtë 14: Bakwé
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc.
Akëtë 14
14
'Pɔɔlë nyra Banabasë mia' Ikoniɔɔbätä
1'Ü 'tɔa' Ikoniɔɔbätä nɩ, 'Pɔɔlë nyra Banabasë nya pa juifëa 'sraaplanyüköli. ‑Maa 'üa nyɔsʋaawiia 'papakʋa ‑gʋ nɩ, juifënyüü nyra grɛɛkënyüü 'kɔkɔmlɛ nya toro Jesu plɛ. 2‑Maa juifë ‑mülü 'nyɩ toroa' Jesu plɛ nya 'tuto nyüülü 'nyɩa' juifë bä 'tuto 'tuto, 'ünya bobo bʋbɔgbi 'cɛcɩnyüüa 'pɛlɩ. 3'Ii känyrɩ 'ünya ‑wlɛ Ikoniɔɔbätä. Nyɔsʋaawiia 'papakʋ 'nyɩ 'üün ŋalɛ 'wʋ ‑a kä, 'be 'Pläkänyɔɔa 'klü bä 'üün 'lɩ. 'Pläkänyɔɔ srara 'sɩrɩ wiili 'ü 'saalɩ, 'ɔa ‑gbinanakʋ ‑a ‑gʋ bäa' 'cɩcasa: 'ɔ ‑nyɩ 'üün 'klü 'ümä ‑saragbia tie nyra plɛklɩkalawii nʋ. 4Bätäa nyüüa 'fɩɔ 'bölötɩa: ‑mölöö bä juifë dɛrɩ ‑bɛ ‑mölöö bä apotrë dɛrɩ. 5Juifë nyra nyüülü 'nyɩa' juifë bä nyra 'üa 'cifu 'bata ü nʋ 'üün ‑gbigba, ü 'kakla 'üün 'täkë. 6'Ü 'nua' 'iin 'wli nɩ, 'ünya fɔ 'ünya mi bätëlë bäa' Lakoniia ‑tʋtʋ ‑gälɩa 'mlɩ: 'üü bä Lisëtrë nyra Dɛbee nyra bätë ‑mülü bä bäa' 'lɩ ‑gba. 7'Ü 'tɔa' bɩa 'lɩ nɩ, 'ü 'sara 'lɩ 'Mʋfagogo.
'Pɔɔlë nyra Banabasë mia' Lisëtrëbätä
8Nyɔɔ 'doo bä kä Lisëtrëbätä 'ɔa bei jä; 'ɔ kpa 'ünya ‑gu 'ɔɔn, 'ɔ ‑kaapɩɔ 'nyɛ. 9'Taɩn 'doo 'lɩ nɩ, 'ɔ po 'Pɔɔlë 'nyakli. 'Pɔɔlë nya tɛ 'ɔɔn 'klɩ tee, 'ɔnya 'jä nyɔɔlɔa nyɔsʋaplɛ 'sɩrɩ 'ɔ bäa' 'pɔpʋɔsa. 10'Pɔɔlë nya 'kpölɩkä 'ɔnya ‑gbala 'ɔɔn: «Sɔwʋ, 'nyüglö 'cɩcasa!» Nyɔɔlɔ nya ‑plöörö 'ɔa bei ‑gälɩ ‑bɛ 'ɔ 'nyɛɛ. 11Nyüü 'jäa' wiili 'Pɔɔlë nʋa' nɩ, 'ünya 'kpölö Likaoni wii 'lɩ, 'ü ‑nëma: «Nyɔsʋaɩɩ 'cicri nyüü 'lɩ 'ünya 'cere ana ‑nyɛɛ!» 12'Ünya 'dara Banabasë «Susö», 'ünya 'dara 'Pɔɔlë «Ɛmɛsë», 'be 'Pɔɔlë 'ɔɔ 'pala 'üa 'fɩɔa 'wli 'lɩ wii#14.12 Grɛɛkëa 'brea nyɔsʋaɩɩa 'cifi 'ü ma 'dara Susë. Ɛmɛsë ma bä 'üa bɔblɔa nʋ.. 13Susöa 'pɛrɩnyɔɔlɔ bäa' 'üa bätäa palafa 'wʋ nya ja bruu, 'ua ‑gbaa pöplödii 'kɔkɔmlɛ. 'Ɔ nyra 'uun nyra nyüü ‑mölöö nya ji tatu 'mäklɩ; 'ü 'bata 'ümä 'Pɔɔlëɩɩ ‑gbɔ 'sa. 14Apotrëlü 'Pɔɔlë nyra Banabasë 'nua' wiili 'ü 'bataa' 'ümäa' nʋ 'wli nɩ, 'ünya 'ŋaŋla 'üa ‑gbaa 'koti, 'ünya fɔ 'ünya pa nyüü 'kɔkɔmlɛa ‑tɔrʋpɩɔ, 'ünya 'kpölɩkä: 15«‑Wlajü 'amɩ, dɛplɛɛ kä ‑gʋ 'a nö 'saa le? Nyüü a bä ‑beere 'amɔ 'la! 'Mʋfagogo a 'saa 'amɩ, 'amä diili 'nyɩa' ‑gbaa kä ‑wälɩ 'cɛrɛ, 'amä 'Lɩbä Nyɔsʋaa 'pɛlɩ kälɩsie, ɔ nʋa' cɛ, ‑tʋtʋ, 'tanie nyra diili kä 'fɩɔ bäa' 'ia 'mlɩ#14.15 Ɛgësɔɔdë 20.11; 'Lɩbrɛrɛpɔɔkʋ 146.6.. 16‑Kätɩsa nɩ, 'ɔ 'cɛrɛ kä ‑glügbüa 'fɩɔ ‑wälɩ 'üa 'mʋgbɛ 'mä kä wiili 'ü ‑waa' nʋ. 17‑Maa 'ɔnyɩ 'ɔa ‑gbinanakʋa srarakʋa ‑gʋ ‑a fio: 'ɔ nʋ 'mʋfagbi, 'ɔ ‑nyɛɛ 'amɩ#14.17 'amɩ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: amɩ. 'nʋŋlʋ, 'ana papladii 'wʋälɩmlɩ, 'i tʋä 'mʋfasa 'ia 'taɩn 'lɩ, 'kä 'ɔ 'sie jijri nyra dɔrʋ 'ana#14.17 'ana: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: ana. polu ‑gälɩ.» 18‑Maa 'ia wiilia 'fɩɔlʋ 'nyɩ nyüülü ‑a 'cici. 'Ü 'jä ‑sʋɩ 'fɩɔwʋ 'ünya 'mä nyüülü 'nyüglö, 'ü ‑pɩ 'üün ‑gbɔ 'sa.
19Juifë nya sɔsɔ Antiɔɔsëbätä nyra Ikoniɔɔbätä, 'ünya ji nyüüa polu 'lɩcakla. 'Ünya be be 'Pɔɔlë 'täkë. 'Ünya 'kʋɛɛrɛ 'ɔɔn 'kä 'ünya bere 'ɔɔn bätä dɛrɩ, 'be 'üa plɛɛ 'ɔ 'a jä. 20‑Maa 'taɩn 'lɩ 'wʋnyɛrɛnyüü jia' 'ɔɔn 'klɩtra nɩ, 'ɔnya sɔwʋ 'ɔnya 'jra bätä. 'Ia ‑srɩ paa', 'ɔɔ ‑bɛ Banabasë nya mi Dɛbeebätä.
'Pɔɔlë nyra Banabasë 'blööa' Siriia Antiɔɔsë dɛrɩ
21'Pɔɔlë nyra Banabasë nya 'sara 'Mʋfagogo Dɛbeebätä, nyüü 'kɔkɔmlɛ nya toro Jesu plɛ. 'Ünya 'blöödɛrɩ, 'ünya mi Lisëtrë, Ikoniɔɔ nyra Antiɔɔsë. 22Nyüülü toroa' Jesu plɛ nɩ, 'ü 'paa 'üa nyɔsʋaplɛ 'klü 'lɩ abɩa 'üa nyɔsʋaplɛ ‑sɔɔrɔwʋ. ‑Bɛ 'ü ‑gbala 'üün: «A kä amä ‑sʋɩ 'kɔkɔmlɛ 'lɩ ‑srörö ‑bɛ amä Nyɔsʋaa 'kamapläa 'mlɩ pa.» 23'Ünya ‑tätä 'cɛcʋa 'fɩɔa 'mlɩ 'cɛcɩtagbü. 'Ü bɩaa' su nyra nyɔsʋabibiekʋ nɩ, 'ünya ‑nyɩ tagbülü toroa' 'ɔɔn plɛ 'Pläkänyɔɔ kälɩ.
24'I ‑sia', 'ünya ‑srörö Pisidiia ‑tʋtʋ ‑gälɩ, 'ünya 'tɔrɔ Pamëfiliia ‑tʋtʋ ‑gälɩ. 25'Ü 'palaa' nyɔsʋaawii Pɛgebätä, 'ünya mi Ataliabätä. 26'A ‑nyɛɛ 'ü 'jrara 'mɩɩ 'lɩ 'ünya mi Antiɔɔsë, bätälä kä 'mlɩ 'ü ‑nyɛɛrɛ käa' 'üün Nyɔsʋaa ‑gbinanakʋ kälɩ 'ümäa' 'jrʋpalä 'ü 'wlaraa' ‑plɩɩ nʋ. 27'Ü 'tɔa' nɩ, 'ünya 'papla 'cɛcɩnyüü ‑gba, 'ünya ‑gbala 'üün wiili kä 'fɩɔ Nyɔsʋa sröröa' 'üün kälɩ 'ɔ nʋa', nyra 'sɩrɩ 'ɔ ‑fɛa' nyüülü 'nyɩa' juifë bäa plɛ ‑gba ‑bɛ 'ü toroa' 'ɔɔn plɛ. 28'Üü ‑bɛ 'wʋnyɛrɛnyüü nya ‑si jrüü.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc.