ዋሐንሳ 18
18
የሱሳ አይክንተ
(ማቶ. 26:47-56፤ ማር. 14:43-50፤ ሉቃ. 22:47-53)
1የሱሳ ዎሳ Ꮉስዳንፓ ማቂ ፋ ታማሩንራ ቀድሮነ ቦርካ ፊንግ፥ ይና በስተ የዘ አታክልተ ግዳ ገልዳ። 2የሱሳ ኡባ ዎደ ፋ ታማሩንራ እዘ ሺቅዘ ግሾ የሱሳ አ እንግደ ይሁዳ ይና በስቶ ኤራነ። 3ይኒ ግሾ፥ ይሁዳ ፋኖሰ፥ ጾምፐ፥ ኦላ ሚሸ አይክደ ጋማ ዎታዳሩንና፥ ካህኑን Ꮉላቁንን ፋርሳዉን ኪትደ ጾዘ ኬቶ ናግዘ ፖሊሱንና ካል ኤኪ፥ ይና በስቶ Ꮉንግዳ።
4የሱሳ ፋና የሎደ ባዝ ኡባ ኤሪ፥ ጋጻ ኬዚ፥ «ኦና ኮየተ?» ያጋይዳ።
5ኡን ማህ፥ «ናዝረተ የሱሳ ኮያነ» ያጋይዳ።
ኤ ማህ፥ «ታኒ የሱሳ» ያጋይዳ።
የሱሳ አ እንግደ ይሁዳ እዘ ኡንታራ ኤቅዳ። 6ኤ፥ «ታኒ የሱሳ» ጋይደ ዎደ ኡን ሱብ ሺቂ፥ ሳአ ጎልእዳ። 7የሱሳ ማህ፥ «ኦና ኮየተ?» ያጋእ ኦጭዳ።
ኡንትን፥ «ናዝረተ የሱሳ ኮያነ» ያጋይዳ።
8ኤ ማህ፥ «ታኒ የሱሳ ማቅዛኖ ይንትስ ኦህዳ። ይኬ፥ ይን ታና ኮይዘ ባዝ ማቅኮ Ꮉንስ ቅቶ ጋኦ አሾተ» ያጋይዳ። 9ኤ ይኖ ጋይደ፥ «አዳዮ፥ ነ ታስ እንግዱንፓ መለ አቶ የዝን ፈታን ብስካያ» ጋይደ ቃልታ ፎልንቶደ ፋና።
10ስሞን ጴጥሮሳስ ማሻ የነ። ኤ የ ማሽዛ ሾዲ ካህኑን Ꮉላቃ አርዘስ ምዛቅ Ꮉይዛ ጋቺ ኦልዳ። የ አርዘ ሱንታ ማልኮሳ። 11የሱሳ ጴጥሮሳጎ፥ «ነ ማሽዛ ሾክተ ገል። ታ አዳይ ታስ እንግደ ጹእትፓ ታ ኡዣማነ?» ያጋይዳ።#ማቶ. 26:39፤ ማር. 14:36፤ ሉቃ. 22:42
የሱሳ ሐና ቲኖ ሺቅዳ
(ማቶ. 26:57-58፤ ማር. 14:53-54፤ ሉቃ. 22:54)
12ሮመ ዎታዳሩንን ኡን Ꮉላቅዘ ጾዘ ኬቶ ናግዘ ፖሊሱንራ ዎላ የሱሳ አይኪ አጭዳ። 13ቲኖ የሱሳ ሃናጎ ካንግዳ። ሐና ይና በርተ ካህኑን Ꮉላቃ ማቅደ ቃያፋ ቦሌ። 14ቃያፋ፥ «ዎርዣ ግሾ ፈቲ አስ Ꮉይቂኮ ሎኦ» ጋእ ቲኖ አይሁዱንና ዞሪዳያ።#ዋሐ. 11:49-50
ጴጥሮሳ የሱሳ ካድዳ
(ማቶ. 26:69-70፤ ማር. 14:66-68፤ ሉቃ. 22:55-57)
15ስሞን ጴጥሮሳን መለ ፈቲ ታማርዘ የሱሳ ካሊ Ꮉንግዳ። ካህነ Ꮉላቅዘ የ መለ ታማርዛ ሎይ ኤራነ። ይኒ ግሾ፥ ኤ የሱሳራ ካህኑን Ꮉላቅዘ ግበ ገልዳ። 16የዝን ጴጥሮሳ ጋሰፓ ባለራ ኤቅዳ። ካህኑን Ꮉላቅዘ ኤርዘ መለ ታማርዘ ባለ ኬዚ፥ ፉርቶ ናግዘ ናትስ ኦህ፥ ጴጥሮሳ ገልዳ። 17ፉርቶ ናግዘ ናታ ጴጥሮሳጎ፥ «ነ፥ የ አ ታማሩንፓ ፈታ ባነ?» ያጋይዳ።
ጴጥሮሳ ማህ፥ «አደ፥ ታና ባያ» ያጋይዳ።
18ሳእታ ጪሽዘ ግሾ አሩንን ናግዙንን ኬንቼሎ ቃቃ ታማ ኤ፥ አ ኤቂ ካዣነ። ጴጥሮሳን ኡንታራ ኤቂ ታማ ካዣነ።
ካህኑን Ꮉላቅዘ የሱሳ ኦጭዳ
(ማቶ. 26:59-66፤ ማር. 14:55-64፤ ሉቃ. 22:66-71)
19የ ዎደ ካህኑን Ꮉላቅዘ የሱሳ፥ ኤ ታማሩን ባዝን ኤ ትምርትትባዝ ኦጭዳ። 20የሱሳ ማህ፥ «ታ አስ ኡባስ ቆንጭዝ ኦህዳ። ታ አይሁደ ኡቡንስ ሺቅዘ አይሁደ ዎሳ ኬን ጾዘ ኬ ኡባ ዎደ ታማርስዳ። አቺ አኮን ኦህካያ። 21ዬዝን፥ ነ ታና አኮስ ኦጨ? ታ ኦሆደራ ስእደ አሱንና ኦጮ። የን አሱን ታ ኦህዳኖ ኤራነ» ያጋይዳ።
22የሱሳ ይኖ ኦህዘ ዎደ ይና በስተ ኤቅደ ዛበ ናግዙንፓ ፈተ የሱሳ ባቂ፥ «ካህኑን Ꮉላቃጎ ያጋእ ማህነ?» ያጋይዳ።
23የሱሳ ማህ፥ «ታ ኢታ ባዝ ኦህደባዝ ማቅኮ Ꮉነ የዘ አስ ኡባ ቲኖ ማርክ። የዝን ታ ቱሮ ኦህደባዝ ማቅኮ ታና አኮስ ባቀ?» ያጋይዳ።
24ይኒ ግሾ፥ ሐና፥ የሱሳ አጭንቲ የዝን ካህኑን Ꮉላቅዘ ቃያፋጎ ዳክዳ።
ጴጥሮሳ የሱሳ ማህ ካድዳ
(ማቶ. 26:71-75፤ ማር. 14:69-72፤ ሉቃ. 22:58-62)
25ጴጥሮሳ እዘ ኤቂ፥ ታማ ካሻደራ፥ Ꮉንኩን ኤጎ፥ «ነ Ꮉይ አ ታማሩንፓ ፈታ ባነ?» ያጋይዳ።
ጴጥሮሳ ማህ፥ «አደ፥ ታና ባያ» ያጋእ ካድዳ።
26ካህኑን Ꮉላቅዘ አሩንፓ ፈተ፥ ጴጥሮሳ Ꮉየ ጋችደ አስ እግንዘ፥ ጴጥሮሳጎ፥ «ታ ነና ኤራ አታክልተ ግዳ ብእካ?» ያጋእ ኦጭዳ።
27ጴጥሮሳ ማህን ካድዳ። ኢራ ሉኩለ ኡክዳ።
የሱሳ ጵላጦሳ ቲኖ
(ማቶ. 27:1-2፥ 11-14፤ ማር. 15:1-5፤ ሉቃ. 23:1-5)
28ዎንታ ጎዳ፥ ኡን የሱሳ ቃያፋ ካራፓ ሮመ ጋደ አህዘ ኦቻ ኬ ካንግዳ። አይሁዱን ፋስጋ ባአለ ካ ማአደስ ፋና ቱንዛመ ጋር ካትዘ ኦቻ ኬ ገልካያ። 29ይኒ ግሾ፥ ጵላጦሳ ኡንታጎ ባለ ኬዚ፥ «Ꮉይ አ አኮስ ሞተ?» ያጋይዳ።
30ኡን፥ «ኤ ኢታ ኦቾሳኮ ኑኒ ኤዛ ኔጎ ኬአማ የሻ» ያጋይዳ።
31ጵላጦሳ ማህ፥ «ይን ኤዛ ኤኪ ካንግ፥ ይን ህግታ ጋዛን ጋራ ኤላ ፍርዶተ» ያጋይዳ።
አይሁዱን፥ «ኦደላን Ꮉይቆ ፍርዳ ፍርድዘ አደት ዎልቃ ኑስ ባያ» ያጋይዳ፤ 32ይና ይእዳና የሱሳ አኮ ጋር Ꮉይቆ Ꮉይቆድ የዛኮ ኤርሶደስ ኦህዳና ፎልንቶደስ።#ዋሐ. 3:14፤ 12:32
33ጵላጦሳ ፋ ኦቻ ኬ ማህ ገሊ፥ የሱሳ ጼጊ፥ «ነ አይሁደ ካቶ?» ያጋእ ኦጭዳ።
34የሱሳ ጵላጦሳጎ፥ «Ꮉና ኦጭቶ ነ ኔፓ ኦጫነነ ዎይ መለ አስ ኔስ ታ ባዝ ኦህዳ?» ያጋይዳ።
35ጵላጦሳ ማህ፥ «ታ አይሁደ አሶ? ነ አሱንን ካህኑን Ꮉላቁን ነና ታስ አ እንግዳ። ነ አኮ ኦችዶ?» ያጋይዳ።
36የሱሳ፥ «ታ ካእቱምታ Ꮉና አላምትፓ ባያ። Ꮉንፓ ማቅዛኮ ታ አይሁዱን Ꮉላቁንስ አ እንግንታመ ፋና ታስ ኦችዙን ኦልንቶድየሻ። የዝን ታ ካእቱምታ Ꮉና አላምትፕ ባያ» ያጋይዳ።
37ይኒ ግሾ፥ ጵላጦሳ የሱሳጎ፥ «ዬዝን፥ ነ ካት ባ?» ያጋእ ኦጭዳ።
የሱሳ ማህ፥ «ታ ካት ማቅዳኖ ነ ጋይዳ። ታኒ የልንትዳናን Ꮉና አላምተ ይእዳና ቱረትስ ማርክደስ። ቱርፓ ማቅደ ኦደን ታ ጋዛኖ ስእነ» ያጋይዳ።
38ጵላጦሳ፥ «ቱሪ አኮ?» ያጋይዳ።
ጵላጦሳ ይኖ ጋይዳንፓ ማቂ አይሁዱንጎ ባለ ኬዚ፥ «ታኒ ኤዛ ሞትዘ ባላ ደንግካያ። 39የዝን ፋስጋ ባአለ ኦደ፥ ፈቲ አስ ይንትስ አቻፓ ብልዘ ዎጋ የነ። ታ ይንትስ አይሁዱን ካትዛ ብሎደ ጋር ኮያነ?» ያጋይዳ።
40ኡን ማህ፥ ፋ ቃልቶ ቅ ዪዚ፥ «ባርባና ብሎፕ አትን ኤዛ ብልፐ» ያጋይዳ። የዝን ባርባነ ፋኖ።
ទើបបានជ្រើសរើសហើយ៖
ዋሐንሳ 18: OydaNTE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World Ethiopia
