ሉቃስ 3
3
ስእስንባብ ዮሀንሰታ ሳባክና
(ማቶ. 3፡1-12፤ ማር. 1፡3-5፤ ማቶ. 3፡11-12፤ ማር. 1፡7-8)
1ሮመታ ባንችን ጢባሮስ ባንችምሳንደት ታመከ ዶንቅስ ስለናር፥ ጰንጠና ጵላጦስ ይሁዳ ፍጨን ገችዝድባብ Ꮊቄ፥ ሄሮድስ ማቸ ገሊላ ፍጨን ቆልድባብ Ꮊቄ፥ ኮትኮግንደረ ክታ እስመን ፍልጶሰረ እጡራሰተከ ጥራኮንዶስ ፍጨን ኦይችምስ ዱት ቆልስባብ፥ ልሳኖሰረ አብለነ ፍጨን ኦይችምስ ዱት ቆልስባብከስ Ꮊቀኬ 2ሀነከ ቀያፈካ ቀሰንከስም ገችዝድባብ ማትሰኮ ከትዶቅድንካ፥ ሳብ ይንታ ቃለንም ዘካርያሰታ ይንች ዮሀንሳካንታ ኤድ ካየንካርያር ኬዜ። 3ኖየረ “የንታ ጎመንታ ነገትቸን የ Ꮊፍተርንግንዳ ጎማ ፍክስን ዎይስሰቶ ስኤርከቴ” ጋይሶ ዎርሰንካንታ ኬዘሮ ዮርዳኖስ ሎቀንታ ላማር ዶቅድን ካሪ ሙደናር ኦንግዜ። 4ኮነረ ማቻንዳ ሳብዘንካ ኤሰርሶ ኬዝባብ ኢሳስታ ቤር ማጻፍናር፥
“ኤድ ካየናር ኩንጋይሶ ፍብድን ኤታ ኡፍስ
‘ጮይስታ ጎግን ግክስከቴ!
Ꮊጭሰረ ሉልስከቴ!
5ቦደና ሙዳ ጮጫ!
ገቸንኬ ደንካ ሙዳ ይርክን ጋያ!
ዎብ ጎግና ኡራ!
ቦርችምሳ ገርደነረ ኡርስማ!
6ኤድ ይንች ሙደና ሳብታ አቅስንም ሰዳ!’ ” ኩን ጋይምሶ ጻፍምሳንግንዴ።#ኢሳ. 40፡3-5።
7ዮሀንሰረ ክታ አንያር ስእርካንታ Ꮊዳን ኤድንከዝደር “የታ ጉን ፉይንታ ይንችንከሶ! Ꮊድን ሳብታ ዋጭንዘንካ የ ሱርድንግንዳ Ꮊይ የም ዞርሳሬ?#ማቶ. 12፡34፤ 23፡33። 8ይና የንታ ጎማ ፍክስን ዎይስዝድን ፍክስንም ፍክስከቴ ዳት፥ የንታ ቡዳር አብረሀም ዎንታ ባበና ዶቅዴ ጋይሰቶ Ꮊይ ጋይርመቴ። ሳብ ኬና ሰይንንከሳርንካ አብራሀምካንታ ይንች አምስስካንታ ማድንደትም የካንታ ኬዝድቴ።#ዮሀ. 8፡33። 9ታ ዎራ Ꮊቀን ፋግድንዳ ካልተና Ꮊቀንከስታ ጎያር ዶቅቴ። ይና ኡርማ አፍ ኡዝዳክን Ꮊቃ ሙደና ፋክምሶ ኖሀር ኦይትምዴ” ኩን ጋይድ Ꮊቄ።#ማቶ. 7፡19። 10ዎርሰነረ “ይና፥ Ꮊሮንት ይቴ?” ጋየረኮ አይሶ ዮሀንሰም ኦይሰኬ። 11ዮሀንሰረ፥ “ቃስተን አፍላ ዶቅድባብ Ꮊረነረ ካየንባብካንታ እማ፥ እችም ዶቅድባበረ ኮትግንዳ ይያጋካ” ጋይሶ ከትካንታ ማስሴ። 12ቃረጭን ተችዝድባብከሰረ ስእርካንታ ክደር Ꮊድሰኮ “ኤስስንባቦ! ዎታ Ꮊሮንት ይቴ?” ከታ ጋይሰኬ። 13ኖየረ፥ ህግንካ የም “ክተርሳንዘንካ ስግስሶ ቃረጭን Ꮊይ ተችሰቴ” ከትም ጋይሴ። 14ዳምንባብከሰረ Ꮊድሰኮ፥ “ዎታ Ꮊሮንት ይቴ?” ጋይሶ ኦይሰኬ። ኖየረ፥ “Ꮊየንዘንከረ ብረም ጩበካ Ꮊይ ቡረቴ፥ ኤድመረ ማልትካ Ꮊይ ካሰሰተ፥ የንታ ፍክስንካንታ ናከርድንዳ የም ማዴ” ከትም ጋይሴ።
15ዎርሰና ጉርምካ ካርሰዘን ከት ዶቅድንካ፥ “ኖኮና ክርስቶስ ዳቶ?” ጋየረኮ ሙደና ይንታ ቡዳር ዮሀንስጎካ ገቅር የጀኬ። 16ዮሀንሰረ ሙደንከስካንታ፥ “እታ የም ሎቀካ ስእዝድቴ፥ ኬዛርንካ ማቼ እዘንካ ስገድባብ Ꮊዴ፥ እተረ ክታ ጫመንታ ዞክነንም ቡልካንታ ማታይባብቴ፥ ኖየረ አያን ጭልንኬ ኖሄካ የም ስእዝዴ። 17ቆይደንም ቦድሶ ኡርስካንተኬ ዘርግንመረ ቡለናር ኦይትካንታ ጋልደጵና ክታ አንያሬ፥ ምሰንመረ ድግዳክን ኖሄንካ አችዝዴ” ኩን ከትካንታ ጋይሴ።
18ዮሀንሰረ በድ ጎግካ አብንከስካንታ ዞረካ ዎርሰንም ኤግዝሰሮ ክላ ኬዘን ኬዜ። 19ኬዛር ማቼ ዮሀንስ፥ ገሊላ ፍጨንም ቆልድባብ ሄሮድስ ይንታ እስመንታ ኬነንም ክት እንቻንጎከ አብ በድ ዳቅል ር ክት ይሳንካንታ ዋጬ። 20ሄሮድስ ዳቅልንዘን ዳቅልን ጉጀካ ዮሀንሰም ዞክና ኤሄናር አርችሴ።#ማቶ. 6፡17፥18።
የሱሰታ አጥርንኬ ስእርንካ
(ማቶ. 3፡13-17፤ ማር. 1፡9-11፤ ማቶ. 1፡1-17)
21ዎርሳ ሙደና ስኤርሳን ቡር የሱሰረ ስኤርሴ፥ ክት ምክሰሮ ዶቅድንካ ጭላ ፎችምሴ፥ 22አያን ጭልና ዎለም ካምሶ ክታዘን Ꮊንቸርሴ፥ ጭላርንከሬ፥ “እ ሶልምድን እስታ ይንችና የናዬ፥ የስካ እም ጉርምዝዴ” ጋይድን ኡፍስ Ꮊዴ።#ፋይ. 22፡2፤ የቺ 2፡7፤ ኢሳ. 42፡1፤ ማቶ. 3፡17፤ ማር. 1፡11። 23የሱስ ፍክስን ክት የድንካ ስለና ክታ ቦንደከ ታማ ማድንዳ Ꮊቄ፥ ዎርሰንከስካንታ የሱስ ዮሴፈታ ይንች ካምድ Ꮊቄ። ኖየረ ኤልታ ይንች፥
24ማትታ ይንች፥
ለዊታ ይንች፥
ምልከታ ይንች፥
ዮነታ ይንች፥
ዮሰፈታ ይንች፥
25ማታትታ ይንች፥
አሞጸታ ይንች፥
ናሆመታ ይንች፥
ኤስልታ ይንች፥
ናገታ ይንች፥
26ማአትታ ይንች፥
ማታትታ ይንች፥
ሰመይታ ይንች፥
ዮሰፈታ ይንች፥
ዮደታ ይንች፥
27ዮናነታ ይንች፥
ረሰታ ይንች፥
ዘሩባበልታ ይንች፥
ሰላትያልታ ይንች፥
ነርታ ይንች፥
28ምልክታ ይንች፥
Ꮊድታ ይንች፥
ዮሳስታ ይንች፥
ቆሳምታ ይንች፥
ኤልሞዳመታ ይንች፥
ኤርታ ይንች፥
29ዮሰእታ ይንች፥
ኤልኤዛርታ ይንች፥
ዮራመታ ይንች፥
ማጣተታ ይንች፥
ለዊታ ይንች፥
30ስምኦነታ ይንች፥
ይሁደታ ይንች፥
ዮሰፈታ ይንች፥
ዮናንታ ይንች፥
ኤልያቀምታ ይንች፥
31መልያታ ይንች፥
ማይናንታ ይንች፥
ማጣተታ ይንች፥
ናታነታ ይንች፥
ዳውተታ ይንች፥
32እሳይታ ይንች፥
እዮበድታ ይንች፥
ቦኤዝታ ይንች፥
ሰልሞንታ ይንች፥
ነአሶንታ ይንች፥
33አመናዳብታ ይንች፥
አራመታ ይንች፥
አሮንታ ይንች፥
ኤሰሮመታ ይንች፥
ፋረስታ ይንች፥
ይሁደታ ይንች፥
34ያይቆበታ ይንች፥
ይሳቀታ ይንች፥
አብራሀመታ ይንች፥
ታረታ ይንች፥
ናኮረታ ይንች፥
35ሰሮሄታ ይንች፥
ራገታ ይንች፥
ፋለቀታ ይንች፥
አበርታ ይንች፥
ሳለታ ይንች፥
36ቃይናነታ ይንች፥
አርፋክስድታ ይንች፥
ሰምታ ይንች፥
ኖህታ ይንች፥
ላመታ ይንች፥
37ማቱሳለታ ይንች፥
ሄኖክታ ይንች፥
ያረድታ ይንች፥
መላልኤልታ ይንች፥
ቃይናንታ ይንች፥
38ሄኖሰታ ይንች፥
ሴተታ ይንች፥
አዳመታ ይንች፥
ሳብታ ይንች።
ទើបបានជ្រើសរើសហើយ៖
ሉቃስ 3: GylNTEth
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World Ethiopia
