Bafiripi NDANGIRISO
NDANGIRISO
Paulo, ndumwa ya Yesu Kirisito iwáanjikaa mano maruba mango ábaa àli mwa buroko eRoma. Ábaa àtachete munyiiro wa kuba'o bushi ábaa aséne kwa kuli mango àngêchibwa. Si chiro bacha, mwa mano maruba, álosa kwa àli mwa lumoo, kanji áteta mbu akoko era mwe'bemeresi be'Firipi.
Paulo áhubanganyaa eMwasi Mubuya-buya mwa musi we'Firipi, mwa chio che'Maketoniya kwa lunda lwe'ra luulu se'chio che'Bukiriki. Chasinda, era kutangirisa echikembe che'bemeresi mwo'yu musi. (Mikolo ye'ndumwa16). Rero kutengera amu mango, Paulo era kuata bwira bubuya ne'bemeresi be'Firipi. Abu bemeresi bera kumuasa mbiso sinene mwa mulimo wa Ongo, mwa kunde bámutumira ebuteya.
Mwa mano maruba, Paulo ábura ebemeresi be'Firipi mbu akoko kwa lwembo lwa bamútumiraa kurengera Epafurotito, kanji alósa enzii era abéte'ko. Mwa chimbi chibere-bere, Paulo áteta mbu akoko era mwa Enawetu, ákesa ne'bemeresi. No'mwa chimbi cha kabiri, álosa kute ebemeresi běmire kuba barembu, mwa kunde bêya Yesu Kirisito. No'mwa chimbi cha kahatu, Paulo àhambere era luulu se'mufa we'kuchinyiira Kirisito, wakuchinyiira emyasi ye'mubiri. No'mwa chimbi cha kane, Paulo ásesa ebemeresi emuchima mbu béndaa bába mwa buuma na mwa lumoo. Kanji àhambere era luulu se'bolo bwa Ongo.
ទើបបានជ្រើសរើសហើយ៖
Bafiripi NDANGIRISO: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
Bafiripi NDANGIRISO
NDANGIRISO
Paulo, ndumwa ya Yesu Kirisito iwáanjikaa mano maruba mango ábaa àli mwa buroko eRoma. Ábaa àtachete munyiiro wa kuba'o bushi ábaa aséne kwa kuli mango àngêchibwa. Si chiro bacha, mwa mano maruba, álosa kwa àli mwa lumoo, kanji áteta mbu akoko era mwe'bemeresi be'Firipi.
Paulo áhubanganyaa eMwasi Mubuya-buya mwa musi we'Firipi, mwa chio che'Maketoniya kwa lunda lwe'ra luulu se'chio che'Bukiriki. Chasinda, era kutangirisa echikembe che'bemeresi mwo'yu musi. (Mikolo ye'ndumwa16). Rero kutengera amu mango, Paulo era kuata bwira bubuya ne'bemeresi be'Firipi. Abu bemeresi bera kumuasa mbiso sinene mwa mulimo wa Ongo, mwa kunde bámutumira ebuteya.
Mwa mano maruba, Paulo ábura ebemeresi be'Firipi mbu akoko kwa lwembo lwa bamútumiraa kurengera Epafurotito, kanji alósa enzii era abéte'ko. Mwa chimbi chibere-bere, Paulo áteta mbu akoko era mwa Enawetu, ákesa ne'bemeresi. No'mwa chimbi cha kabiri, álosa kute ebemeresi běmire kuba barembu, mwa kunde bêya Yesu Kirisito. No'mwa chimbi cha kahatu, Paulo àhambere era luulu se'mufa we'kuchinyiira Kirisito, wakuchinyiira emyasi ye'mubiri. No'mwa chimbi cha kane, Paulo ásesa ebemeresi emuchima mbu béndaa bába mwa buuma na mwa lumoo. Kanji àhambere era luulu se'bolo bwa Ongo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.