Baefeso 3
3
Paulo áhubanganya eChinwa cha Ongo kwa ba bàtatula Bayuta
1Bushi no'ku, nyono Paulo nénjire néma Ongo. Nyiri mundu wa buroko we'mulimo wa Yesu Kirisito bushi nenyu mu mùtatula Bayuta. 2Mwômvire emwasi kanangana kwa Ongo ányiahanyire mwa kunyeresa emulimo we'kunde nábakorera. 3Bushi Ongo ányilosaa emyasi era yábaa ìbishirwe, ngo'kwa nabáa nàbaanjikire'i mira mu binwa bieke. 4Mwa kusoma'i, mungámenyerera kwa kasi nyìshi emyasi ya Kirisito* era yábaa ìbishirwe. 5Kwa mira, ei myasi yábaa ìbishirwe, Ongo atálosaa'i ebandu ngo'kwa érire álosa'i endumwa* ne'barebi* bai babuya-buya* kurengera eMuchima wai. 6Ei myasi yábaa ìbishirwe iyêne: kurengera eMwasi Mubuya-buya, ba bàtatula Bayuta ne'Bayuta, boshi bàhangire kwa mwandu ola Ongo ábikirire ebandu bai. Abu bandu bera bàli bitera bya mubiri muuma. Nabo bangánabona kwa chiraane cha Ongo álanyaa ebandu kurengera Yesu Kirisito.
7Ongo mwa bubuya bwai, ányeresise elwêmbo lwe'kuba mukosi we'Mwasi Mubuya-buya. Áirire bacha, kukulikana ne'mulimo we'buashi bwai. 8Nyono nyi mueke mwa bandu boshi ba Ongo. Si Ongo ányeresise elwêmbo lwe'kunde náhubanganyisa ba bàtatula Bayuta eMwasi Mubuya-buya we'buare bwa Kirisito* bwa butákawe. 9Némire kunde nálosa ebandu boshi kubuya-buya kute Ongo iwábumbaa byoshi énde áira emyasi era ábaa àkunganyise, era ábaa ábishire kutengera mira. 10Rero kurengera ebemeresi, ba batúla bèmire ne'bakulu-kulu ba bète buashi mwa chanya, bénde bámenyerera ebwenge bwa Ongo. Obu bwenge, Ongo énde álosa'bo mu njira sinene. 11Ongo áirire bacha, kukulikana no'kwa ábaa ahónjire kutengera mira, kurengera Enawetu Yesu Kirisito. 12Rero, bushi tùli mwa buuma na Yesu Kirisito kanji tumwěmerere, twera twète ebuuru bwe'kuika era muhondo sa Ongo na munyiiro munene. 13Bushi no'ku, náběma muténdaa mwáfunyika emuchima bushi ne'malibuko ma nárenga'mo bushi nenyu. Amu malibuko ménjire máberesa etunda.
Enzii ya Kirisito
14Echera chi chénjire chátuma nákoma emafi era muhondo sa Tata, 15i'shokororo ya chira ngumo era ìri kwa nguba ne'ra ìri muno butala. 16Nénjire námwěma kukulikana ne'bwingi bwe'tunda lyai, abásese emichima kurengera eMuchima wai. 17Kanji Kirisito* éndaa ekala mwa michima yenyu bushi mùmwêmerere. Musímikaa na kusera mwa nzii. 18Mwa bacha, mungáala kumenyerera ala'uma ne'bandu boshi ba Ongo, kwa nzii ya Kirisito* iri ingana, no'kwa iri ireya, no'kwa itòwamire mwa chanya no'kwa iri ireya mwa kwândaala. 19Kanji mungámenyerera ei nzii yai era itàlukire ebwenge boshi, chasiya múbe bandu ba bàlumirire tenene ngo'kwa Ongo anátula.
20Ongo iwénde wákola mwa ndanda setu éte ebuashi bwe'kuíra bindu binene busese kurenza bya twámwěma nesi bya twáanyisa. 21Endaa átongibwa mwa kachi-kachi ke'bemeresi kurengera Yesu Kirisito, mwa nyibuto soshi esuku ne'mango. Bibe bacha!
ទើបបានជ្រើសរើសហើយ៖
Baefeso 3: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.