Mikolo ye'ndumwa 3
3
Petero na Yowani bálamya echirema
1Lusuku luuma, Petero na Yowani bábaa báya mwa luhu lwa Ongo mwa saa mwenda se'mushi, chi chábaa chihangi che'kwéma. 2Mwe'chi chihangi, bera kureta mulume muuma ola wábaa chirema kutengera ekubutwa kwai. Oyu mulume, chira lusuku béndee bámureta na kumubika kwa chiso cho'lu luhu cha béndee bérika mbu: Chiso Chikomire, chasiya éme ebandu ba béndee bêngirira mwa luhu. 3Àlolire ku Petero na Yowani bera bánêngirira mwa luhu, kuna kutangirisa ábema busese mbu bamúwaa buteya. 4Petero na Yowani bera kumusonga busese, na Petero ámubura mbu: «Utusínderaa!» 5Oyu mulume, bushi ábaa áanyisa mbu bangámweresa kandu, era kunabasíndera busese. 6Petero kukwera kumubura mbu: «Ebuteya, ndàbwete. Si cha nyéte, chi nánakweresa: Kwa buashi bwe'sina lya Yesu Kirisito we'Nasareti, èmangaa uénde!»
7Chasinda, Petero era kumusimbira kwa mino ye'malyo àmwimanze. Unao-unao, ebihando ala'uma ne'bisi byo'la mulume kuna kubona emisi. 8Wamulume kuna kubanzukala na átangirisa áchěndera. Chasinda, era kwîngirira mwa luhu ala'uma ne'si ndumwa áenda áuluka-uluka ne'kutonga Ongo. 9Ebandu boshi bera kunachilorera kwa áchěndera no'kwa átonga Ongo. 10Mango abu bandu bámenyereraa kwa echi chirema chi chéndee chékala chémeresa kwe'cha chiso che'luhu cha chitúla chérikirwe mbu Chiso Chikomire, bera kwire básanwa na kutungwa busese mwa kulola kwe'bya byámuikiraa.
Petero áhubanganyisa ebandu mwa luhu lwa Ongo
11Mango ebandu boshi bálolaa kwa oyu mulume walámisibwaa àtachitengerera ku Petero na Yowani, bera kwire básanwa. Abu bandu, bera kulibichira ala bábaa bàli kwa banáli bahatu mwa chisusu cha béndee bérika mbu Chisusu cha Solomono. 12Petero álolire bacha, era kuuma emurenge áteta mbu: «Emu banyaketu Baisiraeli, chi chátuma mwásanwa bushi ne'bi? Chi chátuma mwásanwa ne'kulama kwono'mulume? Na chi chátuma mwátusonga bacha? Atá kwa buashi bwetu tubeine nesi ebubuya bwetu era muhondo sa Ongo bu bwatúmire twámulamya. 13Ongo wa Aburahamu, na Isaka, na Yakobo, kukuteta mbu Ongo wa bahokulu betu, iwera kulosa ebuashi bwe'Muanda wai Yesu. Oyu Yesu, mubeine mu mwamwânaa mbu ěchibwe, kanji mango Pilato abáa áhonda kumuboola, mwera kunana. 14Mwera kunana eMubuya-buya ne'Wekunali, na mwáteta mbu babábooreraa emwichi we'bandu. 15Oyu mwechísaa, iwénde wâna ekalamo. Si Ongo àmwômwere mwa bafu na tubeine twanáchiloreraa kwe'i myasi. 16Si mwìshi ono mulume muséne'ko, kanji mwera kuchilorera kwa ábona emisi. Aíbonyire, bushi ne'bwemeresi bwai kwa buashi bwe'sina lya Yesu. Alámire ngo'kwa mwera kunachilorera mu beine, bushi ne'kulángalira eri sina.
17«Rero banyaketu, nyìshi kwa mwabo ala'uma ne'bakulu-kulu benyu, emabi ma mwaíriraa Yesu, mwa buuta mu mwàmairaa. 18Si kutengera mira, Ongo ábaa átechire kurengera kwa bunu bwe'barebi boshi kwa Masiya* wai akálibuka. 19Bushi no'ku, mubíndulaa emyanya yenyu, muálukire Ongo chasiya abábabalire ebibi byenyu. 20Mukáira bacha, Enawetu angáberesa ebihangi bye'bôlo, kanji angábatumira Masiya* wai. No'yu Masiya* i'Yesu yeine. 21Si mwe'sine suku, kwémire Yesu àbere tanga kwa nguba, kuikira mango Ongo akába àkunganyise byoshi bya átetaa kutengera mira kurengera ebarebi bai babuya-buya. 22Ngo'kwa Musa átetaa mbu: ‹Enawenyu Ongo akábatumira murebi* muuma ola ukába nga nyono. Oyu murebi*, akába muuma mu banyakenyu. Bushi no'ku, kwémire múnde mwômva byoshi bya akénde ábabura. 23Chira mundu ola ukálaira kumva byo'yu murebi* akénde áteta, Ongo akámukula mwa bandu bai ne'kumwita.›
24«Kutengera ku murebi* Samweri ne'banji ba bánamukulikiraa, boshi bánahambalaa era luulu se'myasi era twera tusene'ko lwarero. 25Echilaano* cha Ongo ânaa kurengera ebarebi chìri chenyu. Ne'cha áiraa na bahokulu benyu nachi, chináchiri chenyu. Bushi Ongo áburaa Aburahamu mbu: ‹Kurengera elubuto lwao, nyikáahanyira embaa soshi so'mwa butala.›#3:25 Ndangiriso 22:18. 26Bushi no'ku, mwabo mu Ongo átumiraa tanga emuanda wai, abaáhanyire kwa kukula chira muuma mu mwabo mwa mabi mai.»
ទើបបានជ្រើសរើសហើយ៖
Mikolo ye'ndumwa 3: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
Mikolo ye'ndumwa 3
3
Petero na Yowani bálamya echirema
1Lusuku luuma, Petero na Yowani bábaa báya mwa luhu lwa Ongo mwa saa mwenda se'mushi, chi chábaa chihangi che'kwéma. 2Mwe'chi chihangi, bera kureta mulume muuma ola wábaa chirema kutengera ekubutwa kwai. Oyu mulume, chira lusuku béndee bámureta na kumubika kwa chiso cho'lu luhu cha béndee bérika mbu: Chiso Chikomire, chasiya éme ebandu ba béndee bêngirira mwa luhu. 3Àlolire ku Petero na Yowani bera bánêngirira mwa luhu, kuna kutangirisa ábema busese mbu bamúwaa buteya. 4Petero na Yowani bera kumusonga busese, na Petero ámubura mbu: «Utusínderaa!» 5Oyu mulume, bushi ábaa áanyisa mbu bangámweresa kandu, era kunabasíndera busese. 6Petero kukwera kumubura mbu: «Ebuteya, ndàbwete. Si cha nyéte, chi nánakweresa: Kwa buashi bwe'sina lya Yesu Kirisito we'Nasareti, èmangaa uénde!»
7Chasinda, Petero era kumusimbira kwa mino ye'malyo àmwimanze. Unao-unao, ebihando ala'uma ne'bisi byo'la mulume kuna kubona emisi. 8Wamulume kuna kubanzukala na átangirisa áchěndera. Chasinda, era kwîngirira mwa luhu ala'uma ne'si ndumwa áenda áuluka-uluka ne'kutonga Ongo. 9Ebandu boshi bera kunachilorera kwa áchěndera no'kwa átonga Ongo. 10Mango abu bandu bámenyereraa kwa echi chirema chi chéndee chékala chémeresa kwe'cha chiso che'luhu cha chitúla chérikirwe mbu Chiso Chikomire, bera kwire básanwa na kutungwa busese mwa kulola kwe'bya byámuikiraa.
Petero áhubanganyisa ebandu mwa luhu lwa Ongo
11Mango ebandu boshi bálolaa kwa oyu mulume walámisibwaa àtachitengerera ku Petero na Yowani, bera kwire básanwa. Abu bandu, bera kulibichira ala bábaa bàli kwa banáli bahatu mwa chisusu cha béndee bérika mbu Chisusu cha Solomono. 12Petero álolire bacha, era kuuma emurenge áteta mbu: «Emu banyaketu Baisiraeli, chi chátuma mwásanwa bushi ne'bi? Chi chátuma mwásanwa ne'kulama kwono'mulume? Na chi chátuma mwátusonga bacha? Atá kwa buashi bwetu tubeine nesi ebubuya bwetu era muhondo sa Ongo bu bwatúmire twámulamya. 13Ongo wa Aburahamu, na Isaka, na Yakobo, kukuteta mbu Ongo wa bahokulu betu, iwera kulosa ebuashi bwe'Muanda wai Yesu. Oyu Yesu, mubeine mu mwamwânaa mbu ěchibwe, kanji mango Pilato abáa áhonda kumuboola, mwera kunana. 14Mwera kunana eMubuya-buya ne'Wekunali, na mwáteta mbu babábooreraa emwichi we'bandu. 15Oyu mwechísaa, iwénde wâna ekalamo. Si Ongo àmwômwere mwa bafu na tubeine twanáchiloreraa kwe'i myasi. 16Si mwìshi ono mulume muséne'ko, kanji mwera kuchilorera kwa ábona emisi. Aíbonyire, bushi ne'bwemeresi bwai kwa buashi bwe'sina lya Yesu. Alámire ngo'kwa mwera kunachilorera mu beine, bushi ne'kulángalira eri sina.
17«Rero banyaketu, nyìshi kwa mwabo ala'uma ne'bakulu-kulu benyu, emabi ma mwaíriraa Yesu, mwa buuta mu mwàmairaa. 18Si kutengera mira, Ongo ábaa átechire kurengera kwa bunu bwe'barebi boshi kwa Masiya* wai akálibuka. 19Bushi no'ku, mubíndulaa emyanya yenyu, muálukire Ongo chasiya abábabalire ebibi byenyu. 20Mukáira bacha, Enawetu angáberesa ebihangi bye'bôlo, kanji angábatumira Masiya* wai. No'yu Masiya* i'Yesu yeine. 21Si mwe'sine suku, kwémire Yesu àbere tanga kwa nguba, kuikira mango Ongo akába àkunganyise byoshi bya átetaa kutengera mira kurengera ebarebi bai babuya-buya. 22Ngo'kwa Musa átetaa mbu: ‹Enawenyu Ongo akábatumira murebi* muuma ola ukába nga nyono. Oyu murebi*, akába muuma mu banyakenyu. Bushi no'ku, kwémire múnde mwômva byoshi bya akénde ábabura. 23Chira mundu ola ukálaira kumva byo'yu murebi* akénde áteta, Ongo akámukula mwa bandu bai ne'kumwita.›
24«Kutengera ku murebi* Samweri ne'banji ba bánamukulikiraa, boshi bánahambalaa era luulu se'myasi era twera tusene'ko lwarero. 25Echilaano* cha Ongo ânaa kurengera ebarebi chìri chenyu. Ne'cha áiraa na bahokulu benyu nachi, chináchiri chenyu. Bushi Ongo áburaa Aburahamu mbu: ‹Kurengera elubuto lwao, nyikáahanyira embaa soshi so'mwa butala.›#3:25 Ndangiriso 22:18. 26Bushi no'ku, mwabo mu Ongo átumiraa tanga emuanda wai, abaáhanyire kwa kukula chira muuma mu mwabo mwa mabi mai.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.