Mikolo ye'ndumwa 25
25
Paulo átongana era muhondo se'mukulu-kulu Fesito
1Mango Fesito ábaa amála suku ehatu aíkire mwe'chi chio, era kutenga mwa musi we'Kaisariya, érukira eYerusalemu. 2Áikire'yi, ebakulu-kulu be'bakuhanyi* ala'uma ne'bashamuka be'Bayuta bera kuya kusitaka Paulo era muhondo sai. 3Bera kumwěma mbu abáasaa abáhubise Paulo eYerusalemu, bushi bábaa baíre lwango kanji lwa kumwichira mwa njira. 4Si Fesito era kubǎkula mbu: «Paulo àminyìrirwe mwa buroko eKaisariya, nanyi nyeine ndémange kuhuba'yi. 5Mwiree mwáira twándaalire'yi na bakulu-kulu benyu bauma. Ne'yi yi'bàmusitakiraa, tuménye akaba kùli chibi cha aírire.»
6Ábere Fesito amála suku singaika ku munane nesi ekumi ala'uma nabo, era kwire áhuba eKaisariya. Mwe'i mishangya, era kuya kwíkala kwa tiribinali, na áteta mbu bamúreteraa Paulo. 7Mango Paulo áikaa aola, ba Bayuta ba bátengeraa eYerusalemu bera kumusungula. Bera kutangirisa bámusitaka na kumusindaira myasi inene era isitoire, kanji era beine bábaa bàtanganaala kulosa kwa iri ya kanangana. 8Si Paulo era kuchitetera mbu: «Nyono, kutáli chibi chisibya cha nyifuraa kuira era luulu se'Mwaso we'Bayuta, nesi era luulu se'Luhu lwa Ongo*, nesi era luulu sa Kaisari*, mwami we'Baroma.»
9Fesito nai ábaa áhonda kusimisa eBayuta. Bushi no'ku, era kubusa Paulo mbu: «Wáhonda wérukire eYerusalemu úye kutonganyira'yi luno lubanja era muhondo sanyi?» 10Si Paulo era kumwǎkula mbu: «Mwe'bine bihangi nyìri kwa tiribinali ya Mwami we'Baroma. Rero, unano-unano u'binémire nyitónganyire. Si weine ùnêshi kwa kutáli chibi chisibya cha naíririre bano Bayuta. 11Na akaba nàkolire mwasi ola ùngatuma néchibwa, nànêmerere kufa. Si akaba kutáli mwasi wa kanangana ola bano Bayuta bànyisitakire'ko, uményaa kwa kutáli mundu ola ungányibika mwa mino sabo. Nyono, era mwa Mwami we'Baroma yi'náhonda nyitónganyire!»
12Fesito era kwire áya nama ne'bashamuka bai. Chasinda, era kwǎkula Paulo mbu: «Oku wěmire kuya kutonganyira era mwa Mwami we'Baroma, eyera yi ungére wánaya.»
Paulo árechibwa era muhondo sa Akiripa na Bereniki
13Ábere kwàrenga suku burebe, mwami Akiripa ala'uma na mwaliwabo mbu i'Bereniki bera kuika mwa musi we'Kaisariya báya kulamusa Fesito. 14Bera kumala'yi suku sinene. Na mwe'si suku, Fesito era kubalikisisa oyu mwami kwa myasi ya Paulo. Era kumubura mbu: «Kunola kùli mulume muuma ola Feliki arékaa mwa buroko. 15Rero mango naíkaa eYerusalemu, ebakulu-kulu be'bakuhanyi* ala'uma ne'bashamuka be'Bayuta bera kunyibalikisisa kwa myasi era yatúmaa bámusitaka. Bera kunyema mbu nyimúchinjibusaa. 16Nanyi nera kubǎkula mbu eBaroma bàtatusa mwanya wa kuchinjibusa emundu akaba àtasa kuchitetera era muhondo se'bandu ba bàmusitakire. 17Nera kwire nábaha nabo kuno. Mwe'i mishangya busira kwêrisa, nera kwékala kwa tiribinali, na náteta mbu barétaa Paulo. 18Ábere era aíkaa, ba bàmusitakaa mango bábaa bera bàtetaa, nera kulola kwa kutáli mwasi mubi ola bàmusitakire'ko ngo'kwa nábaa nǎnyisa. 19Bwaka bu bábaa bénjire bánamuenza era luulu se'tini* lyabo oshâo, nera luulu sa mundu muuma ola wafíre mira mbu i'Yesu. No'yu Yesu, i'Paulo énjire ábura ebandu kwa àli muuma-uma kanji. 20Elubanja lwa lùli ngo'lu, naínaa kwa nyingaisha'lo. Nera kwire nábusa Paulo akaba olu lubanja àngemerera kuya kutonganyira'lo eYerusalemu. 21Si era kuteta mbu era muhondo sa Mwami we'Baroma yi'áhonda atónganyire. Nanyi nera kwire náteta mbu bàmulangaa tanga mwa buroko, kuikira mango nyingámutuma era mwa Mwami.»
22Akiripa kukwera kubura Fesito mbu: «Oyu mundu, nanyi nyìngasimire nyichûmvire kwa áteta.» Fesito nai mbu: «Ungánamomvirisa mishangya.»
Paulo átongana era muhondo sa Akiripa
23Ábere mwe'i mishangya, Akiripa na Bereniki bera kuika mu lumoo lunene, bàkulikene ne'bakulu-kulu be'basula, ala'uma ne'bashamuka be'musi, na bêngirira mwa nyumba era béndee báhuukasisa mwe'bakulu-kulu. Mwo'lu, Fesito era kuteta mbu barétaa Paulo. 24Chasinda, Fesito era kuhuba kuteta mbu: «Mwami Akiripa, nenyu muboshi mu mwabúananyire netu anola, mulólaa kwo'no mundu! eBayuta boshi bàmusitakaa era muhondo sanyi eYerusalemu. Kanji bera kunamusitaka no'kuno Kaisariya bábanda mwa twabwabwe mbu bitěmire ékale mwe'muka. 25Si nyeine nera kulola kwa kutáli chiro na chibi chisibya cha aírire cha chìngatuma êchibwa. Si nai ábaa anyémire mira mbu elubanja lwai, era mwa Mwami we'Baroma yi'luyáa. Nera kunalola kwa kukomire nyimútumire'i. 26Kanji nanyi nyeine, ndéte mwasi wa kanangana era luulu sai, ola nyingáanjikira Mwami we'Baroma. Echera chi chatúmire námureta ene muhondo senyu muboshi, nera muhondo sao mwami Akiripa. Rero, nyingére nábona cha nyìngaanjika mango nao ungába wamútonganyise, 27bushi nyiséne kwa ekutuma emundu we'buroko eRoma busira kumenyerera kubuya-buya emyasi era bàmusitakirire, kutete mufa asibya.»
ទើបបានជ្រើសរើសហើយ៖
Mikolo ye'ndumwa 25: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
Mikolo ye'ndumwa 25
25
Paulo átongana era muhondo se'mukulu-kulu Fesito
1Mango Fesito ábaa amála suku ehatu aíkire mwe'chi chio, era kutenga mwa musi we'Kaisariya, érukira eYerusalemu. 2Áikire'yi, ebakulu-kulu be'bakuhanyi* ala'uma ne'bashamuka be'Bayuta bera kuya kusitaka Paulo era muhondo sai. 3Bera kumwěma mbu abáasaa abáhubise Paulo eYerusalemu, bushi bábaa baíre lwango kanji lwa kumwichira mwa njira. 4Si Fesito era kubǎkula mbu: «Paulo àminyìrirwe mwa buroko eKaisariya, nanyi nyeine ndémange kuhuba'yi. 5Mwiree mwáira twándaalire'yi na bakulu-kulu benyu bauma. Ne'yi yi'bàmusitakiraa, tuménye akaba kùli chibi cha aírire.»
6Ábere Fesito amála suku singaika ku munane nesi ekumi ala'uma nabo, era kwire áhuba eKaisariya. Mwe'i mishangya, era kuya kwíkala kwa tiribinali, na áteta mbu bamúreteraa Paulo. 7Mango Paulo áikaa aola, ba Bayuta ba bátengeraa eYerusalemu bera kumusungula. Bera kutangirisa bámusitaka na kumusindaira myasi inene era isitoire, kanji era beine bábaa bàtanganaala kulosa kwa iri ya kanangana. 8Si Paulo era kuchitetera mbu: «Nyono, kutáli chibi chisibya cha nyifuraa kuira era luulu se'Mwaso we'Bayuta, nesi era luulu se'Luhu lwa Ongo*, nesi era luulu sa Kaisari*, mwami we'Baroma.»
9Fesito nai ábaa áhonda kusimisa eBayuta. Bushi no'ku, era kubusa Paulo mbu: «Wáhonda wérukire eYerusalemu úye kutonganyira'yi luno lubanja era muhondo sanyi?» 10Si Paulo era kumwǎkula mbu: «Mwe'bine bihangi nyìri kwa tiribinali ya Mwami we'Baroma. Rero, unano-unano u'binémire nyitónganyire. Si weine ùnêshi kwa kutáli chibi chisibya cha naíririre bano Bayuta. 11Na akaba nàkolire mwasi ola ùngatuma néchibwa, nànêmerere kufa. Si akaba kutáli mwasi wa kanangana ola bano Bayuta bànyisitakire'ko, uményaa kwa kutáli mundu ola ungányibika mwa mino sabo. Nyono, era mwa Mwami we'Baroma yi'náhonda nyitónganyire!»
12Fesito era kwire áya nama ne'bashamuka bai. Chasinda, era kwǎkula Paulo mbu: «Oku wěmire kuya kutonganyira era mwa Mwami we'Baroma, eyera yi ungére wánaya.»
Paulo árechibwa era muhondo sa Akiripa na Bereniki
13Ábere kwàrenga suku burebe, mwami Akiripa ala'uma na mwaliwabo mbu i'Bereniki bera kuika mwa musi we'Kaisariya báya kulamusa Fesito. 14Bera kumala'yi suku sinene. Na mwe'si suku, Fesito era kubalikisisa oyu mwami kwa myasi ya Paulo. Era kumubura mbu: «Kunola kùli mulume muuma ola Feliki arékaa mwa buroko. 15Rero mango naíkaa eYerusalemu, ebakulu-kulu be'bakuhanyi* ala'uma ne'bashamuka be'Bayuta bera kunyibalikisisa kwa myasi era yatúmaa bámusitaka. Bera kunyema mbu nyimúchinjibusaa. 16Nanyi nera kubǎkula mbu eBaroma bàtatusa mwanya wa kuchinjibusa emundu akaba àtasa kuchitetera era muhondo se'bandu ba bàmusitakire. 17Nera kwire nábaha nabo kuno. Mwe'i mishangya busira kwêrisa, nera kwékala kwa tiribinali, na náteta mbu barétaa Paulo. 18Ábere era aíkaa, ba bàmusitakaa mango bábaa bera bàtetaa, nera kulola kwa kutáli mwasi mubi ola bàmusitakire'ko ngo'kwa nábaa nǎnyisa. 19Bwaka bu bábaa bénjire bánamuenza era luulu se'tini* lyabo oshâo, nera luulu sa mundu muuma ola wafíre mira mbu i'Yesu. No'yu Yesu, i'Paulo énjire ábura ebandu kwa àli muuma-uma kanji. 20Elubanja lwa lùli ngo'lu, naínaa kwa nyingaisha'lo. Nera kwire nábusa Paulo akaba olu lubanja àngemerera kuya kutonganyira'lo eYerusalemu. 21Si era kuteta mbu era muhondo sa Mwami we'Baroma yi'áhonda atónganyire. Nanyi nera kwire náteta mbu bàmulangaa tanga mwa buroko, kuikira mango nyingámutuma era mwa Mwami.»
22Akiripa kukwera kubura Fesito mbu: «Oyu mundu, nanyi nyìngasimire nyichûmvire kwa áteta.» Fesito nai mbu: «Ungánamomvirisa mishangya.»
Paulo átongana era muhondo sa Akiripa
23Ábere mwe'i mishangya, Akiripa na Bereniki bera kuika mu lumoo lunene, bàkulikene ne'bakulu-kulu be'basula, ala'uma ne'bashamuka be'musi, na bêngirira mwa nyumba era béndee báhuukasisa mwe'bakulu-kulu. Mwo'lu, Fesito era kuteta mbu barétaa Paulo. 24Chasinda, Fesito era kuhuba kuteta mbu: «Mwami Akiripa, nenyu muboshi mu mwabúananyire netu anola, mulólaa kwo'no mundu! eBayuta boshi bàmusitakaa era muhondo sanyi eYerusalemu. Kanji bera kunamusitaka no'kuno Kaisariya bábanda mwa twabwabwe mbu bitěmire ékale mwe'muka. 25Si nyeine nera kulola kwa kutáli chiro na chibi chisibya cha aírire cha chìngatuma êchibwa. Si nai ábaa anyémire mira mbu elubanja lwai, era mwa Mwami we'Baroma yi'luyáa. Nera kunalola kwa kukomire nyimútumire'i. 26Kanji nanyi nyeine, ndéte mwasi wa kanangana era luulu sai, ola nyingáanjikira Mwami we'Baroma. Echera chi chatúmire námureta ene muhondo senyu muboshi, nera muhondo sao mwami Akiripa. Rero, nyingére nábona cha nyìngaanjika mango nao ungába wamútonganyise, 27bushi nyiséne kwa ekutuma emundu we'buroko eRoma busira kumenyerera kubuya-buya emyasi era bàmusitakirire, kutete mufa asibya.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.