2 Bakorindo 2
2
1Nyono nalólaa kwa kutakomire nyihúbe kurengera eyi mwenyu, nyingesha kubasibusa. 2Bushi nyíkabasibusa, nde i ungátuma náhuba kubona elumoo akaba atá mwabo mu nàsibusaa? 3Rero, echera chi chatúmaa nábaanjikira#2:3 Kuli manji maruba ma Paulo áanjikiraa besha Korindo, si matálorekanaa'ko. Somaa 2 Bakorindo 7:8. bushi nabáa ndáhonda mbu mwa kuika eyi mwenyu munyísibuse, no'ku mu mwabáa mùngatuma náata elumoo. Bushi nyinéshi kanangana kwa mango nyìri mwa lumoo, nenyu eri munáli mwa lumoo. 4Kubinali! Mango nabáanjikiraa, nabáa nyéte businane bunene, ne'muchima wanyi abáa àfunyikire busese, kanji kulira ku nabáa nálira. Mwe'bi, nabáa ndáhonda nyibásibuse, si nabáa náhonda muménye kwa nyibasimire busese.
Ekubabalira emukosi we'mabi
5Akaba mundu murebe àngatengera ku mwasi wa kusibusibusa eri atá nyeine nyi àsibusise, si muboshi mu àsibusise. No'mwa kutarengeresa, eri àsibusise bauma mu mwabo. 6Oyu mundu, ěmire kukemerwa na bandu banene mwa chikembe chenyu. 7Si kungakomire kumubabalira na kumusesa emuchima, angesha kuesa emunyiiro bushi ne'businane bunene. 8Bushi no'ku, náběma busese mundaa mwálosa oyu mundu kwa mumusimire. 9Bushi cha chàtumaa nábaanjikira, kwabáa kuhonda nyiménye kanangana akaba munéte emuchima we'kunde mwányitunda mwa myasi yoshi. 10Mango mwàbabalire mundu murebe, nanyi eri nanámubabalire. Na akaba nàbabalire kuchiri na mwasi ola němire kubabalira, nánababalira'o era muhondo sa Kirisito* bushi nenyu. 11Mwa bacha, Wamusimu atábone enjira ye'kutwengeera, bushi tutúla twìshi emianyisa yai.
Emulimo wa Paulo mwa musi we'Torowa
12Mango naíkaa mwa musi we'Torowa kwa kuhubanganyisa ebandu eMwasi Mubuya-buya wa Kirisito*, nalólaa kwa Enawetu anyíboorere njira inene ye'kukola oyu mulimo, mwo'yu musi. 13Si nabáa ndéte lumoo mwa muchima, bushi ndàbuanaa munyaketu Tito. Bushi no'ku, nera kuláa besha'mo, na náya mwa chio che'Maketoniya.
14Ongo atóngwe, bushi iwénde wátweresa ebuashi bwe'kuimana esuku soshi kurengera ebuuma bwetu na Kirisito*. Kanji mwa kuturengera'ko, énjire átuma Kirisito* ámenyeka mwa bisiki byoshi nga marashi ma máuka mwa bisiki byoshi. 15Bushi tubano tùli nga marashi ma máuka ma Kirisito* átulaa Ongo. Na'mu marashi ménde máukira ebandu ba Ongo ánunwire na ba bàli mwa muero. 16Kwa bandu ba bàli mwa muero, ebumba bwa'mu marashi bùli bwa lufu, kwa kureta elufu. Si kwa ba bánunulibwe, bùli bumba bwa kalamo kwa kureta ekalamo. Rero, nde mundu ola wète ebuashi bwe'kuíra emulimo ola ulí ngo'yu? 17Bushi tubano, tutáli nga banji bandu banene ba bénjire báira ebuchimbusi mwa chinwa cha Ongo! Si bushi Ongo iwátutumaa, twénjire twáteta ekanangana ka kátenga era mwa Ongo, era muhondo sai, mwa buuma bwetu na Kirisito*.
ទើបបានជ្រើសរើសហើយ៖
2 Bakorindo 2: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
2 Bakorindo 2
2
1Nyono nalólaa kwa kutakomire nyihúbe kurengera eyi mwenyu, nyingesha kubasibusa. 2Bushi nyíkabasibusa, nde i ungátuma náhuba kubona elumoo akaba atá mwabo mu nàsibusaa? 3Rero, echera chi chatúmaa nábaanjikira#2:3 Kuli manji maruba ma Paulo áanjikiraa besha Korindo, si matálorekanaa'ko. Somaa 2 Bakorindo 7:8. bushi nabáa ndáhonda mbu mwa kuika eyi mwenyu munyísibuse, no'ku mu mwabáa mùngatuma náata elumoo. Bushi nyinéshi kanangana kwa mango nyìri mwa lumoo, nenyu eri munáli mwa lumoo. 4Kubinali! Mango nabáanjikiraa, nabáa nyéte businane bunene, ne'muchima wanyi abáa àfunyikire busese, kanji kulira ku nabáa nálira. Mwe'bi, nabáa ndáhonda nyibásibuse, si nabáa náhonda muménye kwa nyibasimire busese.
Ekubabalira emukosi we'mabi
5Akaba mundu murebe àngatengera ku mwasi wa kusibusibusa eri atá nyeine nyi àsibusise, si muboshi mu àsibusise. No'mwa kutarengeresa, eri àsibusise bauma mu mwabo. 6Oyu mundu, ěmire kukemerwa na bandu banene mwa chikembe chenyu. 7Si kungakomire kumubabalira na kumusesa emuchima, angesha kuesa emunyiiro bushi ne'businane bunene. 8Bushi no'ku, náběma busese mundaa mwálosa oyu mundu kwa mumusimire. 9Bushi cha chàtumaa nábaanjikira, kwabáa kuhonda nyiménye kanangana akaba munéte emuchima we'kunde mwányitunda mwa myasi yoshi. 10Mango mwàbabalire mundu murebe, nanyi eri nanámubabalire. Na akaba nàbabalire kuchiri na mwasi ola němire kubabalira, nánababalira'o era muhondo sa Kirisito* bushi nenyu. 11Mwa bacha, Wamusimu atábone enjira ye'kutwengeera, bushi tutúla twìshi emianyisa yai.
Emulimo wa Paulo mwa musi we'Torowa
12Mango naíkaa mwa musi we'Torowa kwa kuhubanganyisa ebandu eMwasi Mubuya-buya wa Kirisito*, nalólaa kwa Enawetu anyíboorere njira inene ye'kukola oyu mulimo, mwo'yu musi. 13Si nabáa ndéte lumoo mwa muchima, bushi ndàbuanaa munyaketu Tito. Bushi no'ku, nera kuláa besha'mo, na náya mwa chio che'Maketoniya.
14Ongo atóngwe, bushi iwénde wátweresa ebuashi bwe'kuimana esuku soshi kurengera ebuuma bwetu na Kirisito*. Kanji mwa kuturengera'ko, énjire átuma Kirisito* ámenyeka mwa bisiki byoshi nga marashi ma máuka mwa bisiki byoshi. 15Bushi tubano tùli nga marashi ma máuka ma Kirisito* átulaa Ongo. Na'mu marashi ménde máukira ebandu ba Ongo ánunwire na ba bàli mwa muero. 16Kwa bandu ba bàli mwa muero, ebumba bwa'mu marashi bùli bwa lufu, kwa kureta elufu. Si kwa ba bánunulibwe, bùli bumba bwa kalamo kwa kureta ekalamo. Rero, nde mundu ola wète ebuashi bwe'kuíra emulimo ola ulí ngo'yu? 17Bushi tubano, tutáli nga banji bandu banene ba bénjire báira ebuchimbusi mwa chinwa cha Ongo! Si bushi Ongo iwátutumaa, twénjire twáteta ekanangana ka kátenga era mwa Ongo, era muhondo sai, mwa buuma bwetu na Kirisito*.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.