1 Bakorindo 4
4
Endumwa sa Kirisito
1Rero, mundaa mwátutola nga bakosi ba Kirisito*, kanji bemangisi ba bêresibwe emulimo we'kunde bákangirisa ebandu emyasi ya Ongo era yábaa ìbishirwe. 2Emwasi ola bandu bénde báhonda kwa mwimangisi, kutúla kuba mundu mubuya. 3Si ku nyono, kutáli mwasi asibya akaba mùnganyichinjibusa nesi kuchinjibusibwa ne'tiribinali ye'bandu. Anabe nanyi nyeine kutáli mwasi ola nénjire náchisitaka'ko. 4Mwa muchima wanyi mutáli chiro na kandu kasibya ka nénjire náchisitaka'ko. Si chiro bacha, ndàtechire mbu nyi nyìtungenene. Enawetu yeine i'unganányichinjibusa. 5Bushi no'ku, muténdaa mwálibichira kuchinjibusa emundu mango ebihangi bya Ongo álondolaa bìtasa kuika. Si mundaa mwálinjira kuikira elusuku lwa Enawetu akábaha. Bushi yeine i'ukálosa emyasi yoshi changanama, era bandu bábaa bàbishire mwa musimya. Kanji akábihula ne'mianyisa era ìri mwa michima yabo. Chasinda, Ongo akátonga chira mundu ola wěmire kutongibwa kukulikana ne'bya ákolaa.
6Banyaketu, ei myasi nàbabwirire'i mwa kuchiishira kwe'muanyi wanyi nyeine tuna Apolo, chasiya múnde mwátulorera'ko, na kunde mwámenyerera no'no unji muanyi utúla ùtechire mbu: «Muténdaa mwáya bure ne'Maanjiko», chasiya kutabáa mundu mwa kachi-kachi kenyu ola ungénde wáchitonga mbu àli mundu wa rebe, na kunde ákena eunji. 7Nde iwàkuirire kuba mukulu-kulu kurenza ebanji? Byoshi bya wéte, si Ongo iwákweresaa'bi? Na akába Ongo iwákweresaa'bi, chi chera chìngatuma wáchitonga ngo'la ùteresibwaa'bi?
8Rero mwàbonyire mira bya mwábaa mùlaire'ko! Mwera mùli baare! Mwera mùli bami, chiro àngaba mbu tubano tutá bami. Nyìngasimire múbe bami kanangana, chasiya netu twǐme ala'uma nenyu! 9Bushi nyiséne kwa tubano tu ndumwa*, Ongo átuirire kuba baunda. Bénde bátutola nga ba běmire kwîchibwa era muhondo se'bandu. Ebandu bo'mwa butala, ne'bamalaika* bénjire básanwa mwa kutulola'ko. 10Tubano tùli mbuta bushi na Kirisito*, si mwabo mùli benge kurengera ebuuma bwenyu na Kirisito*. Tubano tutéte misi, si mwabo mu mwète misi. Twénjire twákenyibwa, si mwabo mwénjire mwêresibwa etunda! 11Anabe kuikira mwe'chine chihangi, twálibuka ne'businya ne'châmi na kuina cha twémbala. Kanji twálibusibwa, na kuluwa-luwa tutéte ala tùngabera. 12Twénjire twáshika endubano kwa kubona ekalyo. Mango twákambibwa, tubano twénjire twáahanyira. Na mango twálibusibwa, twénjire twásesa emuchima. 13Mango bátusinga emyasi, tubano twénjire twáakula na burembu. Kuikira lwarero, tunáchiri twénjire twáanjibwa nga chafu cho'mwa butala, kanji chira mundu àtusene'ko nge'singa.
14Ndàbaanjikirire ene myasi kwa kubechisa ehonyi, si kwa kuberesa eáno nga bana banyi basiirwa. 15Bushi chiro mùngaata bandu byumbi ekumi ba bénjire bábakangirisa emyasi ya Kirisito*, si eho wenyu análi muuma oshâo. Bushi mango nabáhubanganyisaa eMwasi Mubuya-buya, mu mango nabábutaa kurengera Yesu Kirisito. 16Rero, náběma busese kwa mundaa mwányeya. 17Echera chi chátuma nábatumira Timoteo. Oyu Timoteo àli mwana wanyi musiirwa, kanji atúla àtungenene mwa myasi ya Enawetu. Angénde ábakengesa emiomba* era nénde nákulikira mwa kalamo kanyi kurengera ebuuma bwanyi na Yesu Kirisito. Ne'i miomba*, inénjire nákangirisa ebandu mwa nyuhu sa Ongo soshi.
18Bandu bauma mu mwabo bénjire báchitonga mwa kuchichinga mbu ndáchihube kuika eyi mwenyu kubatangula. 19Si Enawetu ákasima, ndémange kuika eyi mwenyu. Aola, nyingámenyerera emyasi ya'bu bénjire báchitonga, na kuchilorera kwa buashi bwabo! 20Bushi ebwami bwa Ongo bùtatula bwemángirire kwa bunu, si butúla bwemángirire kwa buashi bwai. 21Chi mwáhonda kasi? Mwáhonda nyiíke eyi mwenyu nyéte ekachi? Nesi mwáhonda nyiíke na muchima wa nzii inene kanji wa burembu?
ទើបបានជ្រើសរើសហើយ៖
1 Bakorindo 4: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
1 Bakorindo 4
4
Endumwa sa Kirisito
1Rero, mundaa mwátutola nga bakosi ba Kirisito*, kanji bemangisi ba bêresibwe emulimo we'kunde bákangirisa ebandu emyasi ya Ongo era yábaa ìbishirwe. 2Emwasi ola bandu bénde báhonda kwa mwimangisi, kutúla kuba mundu mubuya. 3Si ku nyono, kutáli mwasi asibya akaba mùnganyichinjibusa nesi kuchinjibusibwa ne'tiribinali ye'bandu. Anabe nanyi nyeine kutáli mwasi ola nénjire náchisitaka'ko. 4Mwa muchima wanyi mutáli chiro na kandu kasibya ka nénjire náchisitaka'ko. Si chiro bacha, ndàtechire mbu nyi nyìtungenene. Enawetu yeine i'unganányichinjibusa. 5Bushi no'ku, muténdaa mwálibichira kuchinjibusa emundu mango ebihangi bya Ongo álondolaa bìtasa kuika. Si mundaa mwálinjira kuikira elusuku lwa Enawetu akábaha. Bushi yeine i'ukálosa emyasi yoshi changanama, era bandu bábaa bàbishire mwa musimya. Kanji akábihula ne'mianyisa era ìri mwa michima yabo. Chasinda, Ongo akátonga chira mundu ola wěmire kutongibwa kukulikana ne'bya ákolaa.
6Banyaketu, ei myasi nàbabwirire'i mwa kuchiishira kwe'muanyi wanyi nyeine tuna Apolo, chasiya múnde mwátulorera'ko, na kunde mwámenyerera no'no unji muanyi utúla ùtechire mbu: «Muténdaa mwáya bure ne'Maanjiko», chasiya kutabáa mundu mwa kachi-kachi kenyu ola ungénde wáchitonga mbu àli mundu wa rebe, na kunde ákena eunji. 7Nde iwàkuirire kuba mukulu-kulu kurenza ebanji? Byoshi bya wéte, si Ongo iwákweresaa'bi? Na akába Ongo iwákweresaa'bi, chi chera chìngatuma wáchitonga ngo'la ùteresibwaa'bi?
8Rero mwàbonyire mira bya mwábaa mùlaire'ko! Mwera mùli baare! Mwera mùli bami, chiro àngaba mbu tubano tutá bami. Nyìngasimire múbe bami kanangana, chasiya netu twǐme ala'uma nenyu! 9Bushi nyiséne kwa tubano tu ndumwa*, Ongo átuirire kuba baunda. Bénde bátutola nga ba běmire kwîchibwa era muhondo se'bandu. Ebandu bo'mwa butala, ne'bamalaika* bénjire básanwa mwa kutulola'ko. 10Tubano tùli mbuta bushi na Kirisito*, si mwabo mùli benge kurengera ebuuma bwenyu na Kirisito*. Tubano tutéte misi, si mwabo mu mwète misi. Twénjire twákenyibwa, si mwabo mwénjire mwêresibwa etunda! 11Anabe kuikira mwe'chine chihangi, twálibuka ne'businya ne'châmi na kuina cha twémbala. Kanji twálibusibwa, na kuluwa-luwa tutéte ala tùngabera. 12Twénjire twáshika endubano kwa kubona ekalyo. Mango twákambibwa, tubano twénjire twáahanyira. Na mango twálibusibwa, twénjire twásesa emuchima. 13Mango bátusinga emyasi, tubano twénjire twáakula na burembu. Kuikira lwarero, tunáchiri twénjire twáanjibwa nga chafu cho'mwa butala, kanji chira mundu àtusene'ko nge'singa.
14Ndàbaanjikirire ene myasi kwa kubechisa ehonyi, si kwa kuberesa eáno nga bana banyi basiirwa. 15Bushi chiro mùngaata bandu byumbi ekumi ba bénjire bábakangirisa emyasi ya Kirisito*, si eho wenyu análi muuma oshâo. Bushi mango nabáhubanganyisaa eMwasi Mubuya-buya, mu mango nabábutaa kurengera Yesu Kirisito. 16Rero, náběma busese kwa mundaa mwányeya. 17Echera chi chátuma nábatumira Timoteo. Oyu Timoteo àli mwana wanyi musiirwa, kanji atúla àtungenene mwa myasi ya Enawetu. Angénde ábakengesa emiomba* era nénde nákulikira mwa kalamo kanyi kurengera ebuuma bwanyi na Yesu Kirisito. Ne'i miomba*, inénjire nákangirisa ebandu mwa nyuhu sa Ongo soshi.
18Bandu bauma mu mwabo bénjire báchitonga mwa kuchichinga mbu ndáchihube kuika eyi mwenyu kubatangula. 19Si Enawetu ákasima, ndémange kuika eyi mwenyu. Aola, nyingámenyerera emyasi ya'bu bénjire báchitonga, na kuchilorera kwa buashi bwabo! 20Bushi ebwami bwa Ongo bùtatula bwemángirire kwa bunu, si butúla bwemángirire kwa buashi bwai. 21Chi mwáhonda kasi? Mwáhonda nyiíke eyi mwenyu nyéte ekachi? Nesi mwáhonda nyiíke na muchima wa nzii inene kanji wa burembu?
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.