Markos 16
16
Ya pagkataw ni Jisus
1Pagkatigkas da na Allaw na Paglagdeng,#16:1 Alas sayis na gabi na Sabado. si Maria na taga Magdala, aw si Maria na ina ni Santiago, aw si Salomé, nyayad silan sa manimboꞌ na un asag adti lawas ni Jisus. 2Aw to-o maselem na allaw na Linggo, nyadtu silan adti piglebengan kanan. 3Aw sa talana pa nilan dun ni dalan, mig-usip-usipay silan, “Singalan ya un mag-anggin kanaten sa batu lekat adti bakaꞌ na ilib?” Maynan ya piglong nilan kay to-o dakulaꞌ ya batu na pigtampeng sa bakaꞌ na ilib. 4Manang sa pag-inunu nilan, kyinitaꞌ nilan na nyaka-anggin da adti kilid ya dakulaꞌ na batu. 5Pagseled nilan adti ilib, kyumitaꞌ silan sa eseg na bagu pa ya ginawa aw syumut sa to-o maputiꞌ na kadégkadég na nyingkud apit adti kalintu. Aw ya manga ka͡ubayan to-o silan kyumegaꞌ. 6Manang miglong ya utaw kanilan, “Diliꞌ kamu magkallek! Kya-ede-an ku na pyaninaw mayu si Jisus na taga Nazarit na pigkalabuwan adti krus. Walaꞌ da sakanan asini. Nyataw da! Inunuwa mayu ya pigpakulangan kanan iyan. 7Na, panaw da kamu! Aw ubati mayu ya manga umagakan nan, labi la si Pédro, na nyuna la si Jisus adti Galiliya aw dun da mayu kita-a kasiling na pig-ubat nan kamayu idtu muna.” 8Aw lyumuwaꞌ silan lekat adti ilib aw to-o silan nyalaguy kay migteneb silan aw nya-enneng-enneng. Aw walaꞌ nilan ubat-ubatan ya kyinitaꞌ nilan adti eped na utaw kay to-o silan nyallek.
Ya pagpakitaꞌ ni Jisus adti manga umagakan nan
9Na, pagkataw da ni Jisus na to-o maselem na allaw na Linggo, una sakanan migpakitaꞌ kan Maria na taga Magdala na yan ya pig-alilinan nan sa pitu ya busaw idtu muna. 10Aw pigkadtuwan ni Maria ya manga umagakan ni Jisus na kenneꞌ pa na kakalatan na ginawa nilan aw migsugaw. Aw piglongan nan silan na kyinitaꞌ nan si Jisus. 11Manang walaꞌ silan pangintu-u sa piglong nan na nyataw da si Jisus aw migpakitaꞌ kanan. 12Pagkatigkas yan, migpakitaꞌ si Jisus adti duwa ya umagakan nan talana nilan nyanaw adti luwaꞌ na syudad, manang walaꞌ nilan maksay kilala͡a kay nyabagu la ya kanan lawas. 13Sa pagka-edeꞌ da nilan na yan si Jisus, lyumikuꞌ silan adti Jérusalim, aw pig-ubatan nilan ya kanilan manga eped sa kyinitaꞌ nilan. Manang ya eped na manga umagakan walaꞌ silan uman pangintu-u kanilan.
14Aw walaꞌ kadugay, migpakitaꞌ si Jisus adti sampuluꞌ taggesyaꞌ (11) ya umagakan nan sa talana nilan kyuman. Pigsagda nan silan asuntu na walaꞌ silan pangintu-u aw to-o mategel ya anenganeng nilan pangkay pig-ubatan da silan na manga utaw na nyataw da sakanan. 15Aw miglong si Jisus kanilan, “Kadtuwi mayu ya kadakulaꞌ na banwa, aw pa-ede-a mayu ya kadég na utaw sa Madyaw na Ubat-ubat kanak. 16Kun singalan ya mangintu-u kanak aw magpaba͡utismu, paluwa-en sakanan na Tyumanem, manang kun singalan ya diliꞌ mangintu-u kanak, ukuman sakanan na pa-emel-emelen. 17Aw maka-agad ya manga pangilala yeiy sa manga utaw na mangintu-u kanak: Dun ni katulus na kanak ngalan, maka-alilin silan sa manga busaw, aw makapaglong silan sa manga punganan na tingeg na walaꞌ pa nilan lemena paglongan. 18Aw pangkay kun maka-awid silan sa ulud aw pangkay maka-inem silan sa makababaleng, diliꞌ silan ma-unu. Aw kun pandungan nilan na kanilan palad ya manga pyangkedelan, dayaw silan kaguli-an.”
Ya pagka-engat ni Jisus pasinan adti tas na langit
19Pagkatigkas ni Jisus maglong adti manga umagakan nan, nya-engat sakanan adti tas na langit, aw nyingkud apit adti kalintu na Tyumanem. 20Aw nyanaw ya manga umagakan nan, aw piglegeb nilan ya kadég na banwa aw pigpa-edeꞌ nilan ya Madyaw na Ubat-ubat kan Jisus. Aw pangkay ayin silan kadtu, pigtabangan silan na katulus ni Jisus. Aw ya manga milagru na pigpa-imoꞌ nan kanilan, yan ya migmatinaw sa kanilan pig-ubat-ubat. Amén!
ទើបបានជ្រើសរើសហើយ៖
Markos 16: klgv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.
Markos 16
16
Ya pagkataw ni Jisus
1Pagkatigkas da na Allaw na Paglagdeng,#16:1 Alas sayis na gabi na Sabado. si Maria na taga Magdala, aw si Maria na ina ni Santiago, aw si Salomé, nyayad silan sa manimboꞌ na un asag adti lawas ni Jisus. 2Aw to-o maselem na allaw na Linggo, nyadtu silan adti piglebengan kanan. 3Aw sa talana pa nilan dun ni dalan, mig-usip-usipay silan, “Singalan ya un mag-anggin kanaten sa batu lekat adti bakaꞌ na ilib?” Maynan ya piglong nilan kay to-o dakulaꞌ ya batu na pigtampeng sa bakaꞌ na ilib. 4Manang sa pag-inunu nilan, kyinitaꞌ nilan na nyaka-anggin da adti kilid ya dakulaꞌ na batu. 5Pagseled nilan adti ilib, kyumitaꞌ silan sa eseg na bagu pa ya ginawa aw syumut sa to-o maputiꞌ na kadégkadég na nyingkud apit adti kalintu. Aw ya manga ka͡ubayan to-o silan kyumegaꞌ. 6Manang miglong ya utaw kanilan, “Diliꞌ kamu magkallek! Kya-ede-an ku na pyaninaw mayu si Jisus na taga Nazarit na pigkalabuwan adti krus. Walaꞌ da sakanan asini. Nyataw da! Inunuwa mayu ya pigpakulangan kanan iyan. 7Na, panaw da kamu! Aw ubati mayu ya manga umagakan nan, labi la si Pédro, na nyuna la si Jisus adti Galiliya aw dun da mayu kita-a kasiling na pig-ubat nan kamayu idtu muna.” 8Aw lyumuwaꞌ silan lekat adti ilib aw to-o silan nyalaguy kay migteneb silan aw nya-enneng-enneng. Aw walaꞌ nilan ubat-ubatan ya kyinitaꞌ nilan adti eped na utaw kay to-o silan nyallek.
Ya pagpakitaꞌ ni Jisus adti manga umagakan nan
9Na, pagkataw da ni Jisus na to-o maselem na allaw na Linggo, una sakanan migpakitaꞌ kan Maria na taga Magdala na yan ya pig-alilinan nan sa pitu ya busaw idtu muna. 10Aw pigkadtuwan ni Maria ya manga umagakan ni Jisus na kenneꞌ pa na kakalatan na ginawa nilan aw migsugaw. Aw piglongan nan silan na kyinitaꞌ nan si Jisus. 11Manang walaꞌ silan pangintu-u sa piglong nan na nyataw da si Jisus aw migpakitaꞌ kanan. 12Pagkatigkas yan, migpakitaꞌ si Jisus adti duwa ya umagakan nan talana nilan nyanaw adti luwaꞌ na syudad, manang walaꞌ nilan maksay kilala͡a kay nyabagu la ya kanan lawas. 13Sa pagka-edeꞌ da nilan na yan si Jisus, lyumikuꞌ silan adti Jérusalim, aw pig-ubatan nilan ya kanilan manga eped sa kyinitaꞌ nilan. Manang ya eped na manga umagakan walaꞌ silan uman pangintu-u kanilan.
14Aw walaꞌ kadugay, migpakitaꞌ si Jisus adti sampuluꞌ taggesyaꞌ (11) ya umagakan nan sa talana nilan kyuman. Pigsagda nan silan asuntu na walaꞌ silan pangintu-u aw to-o mategel ya anenganeng nilan pangkay pig-ubatan da silan na manga utaw na nyataw da sakanan. 15Aw miglong si Jisus kanilan, “Kadtuwi mayu ya kadakulaꞌ na banwa, aw pa-ede-a mayu ya kadég na utaw sa Madyaw na Ubat-ubat kanak. 16Kun singalan ya mangintu-u kanak aw magpaba͡utismu, paluwa-en sakanan na Tyumanem, manang kun singalan ya diliꞌ mangintu-u kanak, ukuman sakanan na pa-emel-emelen. 17Aw maka-agad ya manga pangilala yeiy sa manga utaw na mangintu-u kanak: Dun ni katulus na kanak ngalan, maka-alilin silan sa manga busaw, aw makapaglong silan sa manga punganan na tingeg na walaꞌ pa nilan lemena paglongan. 18Aw pangkay kun maka-awid silan sa ulud aw pangkay maka-inem silan sa makababaleng, diliꞌ silan ma-unu. Aw kun pandungan nilan na kanilan palad ya manga pyangkedelan, dayaw silan kaguli-an.”
Ya pagka-engat ni Jisus pasinan adti tas na langit
19Pagkatigkas ni Jisus maglong adti manga umagakan nan, nya-engat sakanan adti tas na langit, aw nyingkud apit adti kalintu na Tyumanem. 20Aw nyanaw ya manga umagakan nan, aw piglegeb nilan ya kadég na banwa aw pigpa-edeꞌ nilan ya Madyaw na Ubat-ubat kan Jisus. Aw pangkay ayin silan kadtu, pigtabangan silan na katulus ni Jisus. Aw ya manga milagru na pigpa-imoꞌ nan kanilan, yan ya migmatinaw sa kanilan pig-ubat-ubat. Amén!
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.