Markos 12
12
Ya pundinganan sa sa-up adti parasan
1Aw migpalekat si Jisus mig-ubat-ubat adti manga magdadumala͡ay sa manga Judiyu magi sa pundinganan, law nan, “Awun sambuk na tagtun sa lupaꞌ na migpatanem sa madég na balagen na paras, aw dayaw nan yeiy pigpalibedan na alad. Aw migpa-imoꞌ sakanan sa pigisanan sa manga bunga na paras. Aw migpatulluk uman sa matas na tunggu-anan. Pagkatigkas yan, pigpasa-upan nan ya parasan nan. Aw nyanaw sakanan adti sambuk na banwa. 2Pagdateng na allaw na migpa-ipuꞌ da sa bunga na paras, migsuguꞌ ya tagtun sa sambuk na sugu-anen nan adti manga pigpasa-up sa parasan kay kaliman nan kamangen ya kanan bagiꞌ. 3Manang pagdateng na sugu-anen nan dun, pigdulus nilan baling, aw byadasan pyanumbag, aw pigpa-uliꞌ nilan na walaꞌ ya dyala. 4Aw migsuguꞌ da uman ya tagtun sa sambuk na sugu-anen nan. Manang walaꞌ nilan basabasayi, aw pigbunalan baling nilan ya ulu nan. 5Tigkas yan, pigsuguꞌ pa nan uman ya sambuk na sugu-anen aw pigpatay nilan. Aw madég pa uman ya pigsuguꞌ nan. Ya eped piglabet nilan aw ya eped pigpatay. 6Na, awun dakman sambuk na walaꞌ pa nan sugu-a. Yan ya iseꞌ nan na eseg na to-o nan pigginawa͡an. Miglong ya tagtun adti anenganeng nan, ‘Kun iseꞌ ku ya madtu, un nilan yan basa͡an.’ Yanagaw pigsuguꞌ nan ya kanan iseꞌ. 7Manang sa pagkitaꞌ na manga sa-up kanan, miglong silan, ‘Ini ya iseꞌ na tagtun! Na! Naten sakanan patayen aw matagtun da tadun ya parasan na un ayawan kanan.’ 8Yanagaw pigdulus nilan sakanan aw pigpatay nilan. Tigkas yan, pig-agbel nilan ya lawas nan adti luwaꞌ na parasan.”
9Aw miglong si Jisus, “Na, unu ya imo-un na tagtun sa parasan? Kadtuwan nan ya manga sa-up aw alag nan saba patayen! Aw pasa-up nan ya parasan adti eped na manga utaw. 10Anangaꞌ walaꞌ mayu kalabeti ya pigpasulat na Tyumanem asini muna?
‘Ya dakulaꞌ na batu na iman na manga panday aw walaꞌ ya guna,
yan baling ya batu na sumalem na nya-imoꞌ tullukanan sa dakulaꞌ na balay.
11 Ya pig-imoꞌ yeiy na Tyumanem to-o madyaw aw nyakapa-enneng-enneng kanaten.’ ”#12:10-11 Mabasa adti Salmo 118:22-23.
12Pagdengeg na manga magdadumala͡ay sa manga Judiyu sa pundinganan ni Jisus, kya-ede-an nilan na silan ya pigpalabet nan. Aw kaliman nilan galu dakepen si Jisus manang nyallek silan sa manga utaw dun. Yanagaw pig-indegan da nilan sakanan.
Ya usip sa pagbayad sa buwis
13Walaꞌ kadugay, pigsuguꞌ na manga magdadumala͡ay sa manga Judiyu adti kan Jisus ya eped na manga Parisiyo aw manga utaw na lekat adti partido ni Hérodés. Kay kaliman nilan kalitagan si Jisus dun ni tubag nan. 14Aw sa pagdateng nilan dun, miglong silan kanan, “Kay Magpalna-uway, kya-ede-an nami na ya kadég na piglong mu alag matinaw, aw walaꞌ ya pigkibang mu sa manga utaw pangkay singalan pa silan. Aw gayed mu pigpalna-u ya tengteng pagkaliman na Tyumanem. Yanagaw, awun usip nami kanmu. Unu, umbaꞌ kanaten na manga Judiyu ya pagbayad sa buwis adti kan César aw diliꞌ?” 15Manang kya-ede-an ni Jisus ya pagtallalingu nilan, yanagaw law nan kanilan, “Anangaꞌ aku mayu tanda-en? Dalayi aku na kuwalta pada tanawun ku.” 16Aw pigdala͡an nilan si Jisus na kuwalta, aw pig-usip nan silan, “Kan yeiy gya ya ini? Aw kan yeiy uman ngalan ya nyakasulat asini kuwalta?” Tyumubag silan, “Kan César.” 17Aw miglong si Jisus kanilan, “Na, atagan mayu adti kan César ya umbaꞌ sa kan César aw atagan adti Tyumanem ya umbaꞌ sa Tyumanem.” Aw to-o silan nya-enneng-enneng sa tubag nan.
Ya usip na manga Sadusiyo kan Jisus sa pagkataw na utaw
18Pagkatigkas yan, awun manga Sadusiyo na dyumulud kan Jisus. Na, walaꞌ silan pangintu-u na awun pagkataw na manga utaw lekat adti pagkamatay. Yanagaw nyusip silan kanan, 19“Kay Magpalna-uway, pigsulat kanaten ni Moysis asini muna ya suguꞌ yeiy adti Uldin tadun: ‘Kun awun eseg na nyatay, aw kun walaꞌ silan ya ka͡ubayan nan paka-iseꞌ, pangugnanen na inulug na eseg ya nyabalu pada ya mangayseꞌ nilan ma-imoꞌ da buwadbuwad na inulug nan na nyatay da.’#12:19 Mabasa adti Déutéronomiyo 25:5-6. 20Na, awun pitu ya mangkaylug na eseg. Ya magulang sa kadég nilan, nyangugnan sa ka͡ubayan. Manang walaꞌ silan paka-iseꞌ. Aw nyatay ya eseg yan. 21Yanagaw ya balu pigpangugnan da na mangud na eseg nan, manang walaꞌ uman silan paka-iseꞌ aw uman da nyatay ya eseg yan. Aw maynan uman ya nya-imoꞌ adti katlu na kaylug nan. 22Ya tagsambuksambuk na mangkaylug nyabus nyangugnan sa ka͡ubayan na magulang nilan, aw pangkay pitu silan manang alag silan nyatay na walaꞌ paka-iseꞌ. Pagkatigkas yan, nyatay da uman ya ka͡ubayan. 23Ya usip nami kanmu: Pagdateng da na allaw na pagmataw sa manga utaw lekat adti nyangkamatay, singalan ya tengteng eseg na ka͡ubayan yan? Kay awun pitu ya eseg na nyangugnan kanan.”
24Aw tyumubag si Jisus kanilan, “Yan saba ya du-an na nyangkasayep kamu, kay walaꞌ mayu kalabeti ya pigpasulat na Tyumanem asini muna aw walaꞌ mayu uman ka-ede-i ya katulus nan. 25Kay dun ni allaw na matawun ya manga utaw lekat adti pagkamatay, diliꞌ da silan mangugnan, kasiling saba na anghil na awun ni tas na langit. 26Aw ya pagmataw sa manga utaw lekat adti pagkamatay, unu, walaꞌ kaꞌ mayu kabasa dun ni pigsulat ni Moysis ya piglong na Tyumanem lekat adti tagbiꞌ na kawuy na lyumaga? Ini ya piglong nan: ‘Aku ya Tyumanem ni Abraham, aw ya Tyumanem ni Isa-ak, aw ya Tyumanem ni Jakub.’ #12:26 Mabasa adti Éxudo 3:6. 27Yan ya kakawasan nan, pangkay nyatay da silan manang adti asdangan na Tyumanem kenneꞌ na utaw pa silan aw gayed nilan pigsimba ya Tyumanem. Alag kamu nyangkasayep!”
Ya suguꞌ na to-o matas
28Na, awun sambuk na magpalna-uway sa Uldin na migpakanyeg sa balawbalaw nilan. Pagdengeg nan sa tubag ni Jisus na to-o madyaw, nyusip sakanan uman, law nan, “Unu ya to-o matas na suguꞌ na Tyumanem?” 29Tyumubag si Jisus kanan, “Yeiy ya suguꞌ na to-o matas: ‘Kamu na manga utaw na Isra-él, dayaw mayu pakanyegi! Ya kanaten Tyumanem sambuk da. 30Ginawa͡an mu ya kanmu Tyumanem sa kadakulaꞌ na pagka-utawun mu, aw sa kadakulaꞌ na ginawa mu, aw kadakulaꞌ na anenganeng mu, aw kadakulaꞌ na kabagseg mu.’#12:29-30 Mabasa adti Déutéronomiyo 6:4-5. 31Aw yeiy ya kadwa na suguꞌ na to-o matas: ‘Ginawayi ya eped mu na utaw kasiling na pagginawa mu sa kanmu pagka-utawun.’#12:31 Mabasa adti Libitiko 19:18. Walaꞌ da ya eped na suguꞌ na matas pa sa duwa yeiy.” 32Miglong pa uman ya magpalna-uway sa Uldin adti kan Jisus, “Kay Magpalna-uway, matinaw saba ya tubag mu kay miglong kaw, ‘Ya Tyumanem sambuk da, aw walaꞌ ya eped.’ 33Aw matinaw uman ya piglong mu na to-o matas ya suguꞌ na ginawa͡an ya Tyumanem sa kadakulaꞌ na pagka-utawun, aw sa kadakulaꞌ na anenganeng, aw sa kadakulaꞌ na kabagseg, aw ginawa͡an ya eped na utaw kasiling na pagginawa sa kanaten pagka-utawun. Ya pagtuman sa duwa ya suguꞌ yeiy, to-o pa saba matas kay sa kadég na dugsuꞌ adti Tyumanem.”#12:33 Mabasa adti Osiyas 6:6 aw 1 Samwél 15:22. 34Pagdengeg ni Jisus na matinaw ya tubag nan, miglong sakanan, “Malapit da kaw maka-akup adti Kasakupan na Pighari-an na Tyumanem.” Aw lekat dun, walaꞌ da ya utaw na nyaka-eles nyusip kan Jisus.
Singalan ya Kristu?
35Talana ni Jisus migpalna-u dun ni pamanag na Témplo, miglong sakanan adti manga utaw na migpakanyeg, “Ya manga magpalna-uway sa Uldin, anangaꞌ gayed silan maglong na ya Misiyas, yan ya buwadbuwad ni Dabid? 36Kay si Dabid saba ya miglong magi sa Ispiritu Santo asini muna, law nan:
‘Miglong ya Tyumanem adti kanaken Matas na Pangulu:
“Ingkud kaw apit adi kalintu ku
mendaꞌ na mabus ku degen ya manga po-on mu aw alag ku silan betang adti salad na manga siki mu.” ’#12:36 Mabasa adti Salmo 110:1.
37Na, dun da si Dabid paglong na ya Misiyas yan ya kanan Matas na Pangulu. Yanagaw kun pigtawag ni Dabid ya Misiyas na ‘Matas na Pangulu,’ pig-unu na Misiyas ya pagka-imoꞌ buwadbuwad ni Dabid?” Aw madég ya migpakanyeg kan Jisus, aw to-o silan migleya sa palna-u nan.
Ya malat na bet na manga magpalna-uway sa Uldin na manga Judiyu
38Aw dun ni palna-u nan, miglong pa uman si Jisus, “Magpakatadeng kamu sa manga magpalna-uway sa Uldin. Magkalim silan magsut sa manga malawig na sa-ul. Aw yan ya pagleya͡an nilan ya pagbasa͡an na manga utaw adti manga palingki. 39Aw dun uman ni manga sinagoga aw manga dakulaꞌ na pista, pagkaliman nilan ya mingkud adti ingkudanan na manga dengganen. 40Madugay silan magpanawagtawag pada kita-en na manga utaw, manang pig-agaw baling nilan ya ka-unan na manga balu. Ya manga utaw yeiy, to-o mabegat ya pa-emel-emel na Tyumanem kanilan.”
Ya pig-atag na balu adti Tyumanem
41Talana ni Jisus nyingkud malapit adti uluganan sa kuwalta dun ni Témplo, pigtandawan nan ya madég na utaw na nyan-ulug sa kuwalta. Aw awun manga mayaman na nyan-ulug sa madég na kuwalta. 42Aw dyumateng ya sambuk na ka͡ubayan na balu na walaꞌ ya pagkamangan, aw mig-ulug uman sa duwa ya sinsilyo na tagbiꞌ to-o ya alagaꞌ. 43Pigtawag ni Jisus ya kanan manga umagakan, law nan, “Matinaw saba ya un ku paglongun kamayu: Ya balu iyan pangkay walaꞌ ya pagkamangan nan, manang dakulaꞌ pa ya kanan pig-atag kay sa kadég na utaw na nyatag sa kuwalta nilan. 44Kay ya kanilan pig-atag, sobla la oloꞌ na kuwalta nilan, manang ya ka͡ubayan iyan, pig-ubus nan pig-atag ya kadakulaꞌ na nyatagtun nan.”
ទើបបានជ្រើសរើសហើយ៖
Markos 12: klgv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.
Markos 12
12
Ya pundinganan sa sa-up adti parasan
1Aw migpalekat si Jisus mig-ubat-ubat adti manga magdadumala͡ay sa manga Judiyu magi sa pundinganan, law nan, “Awun sambuk na tagtun sa lupaꞌ na migpatanem sa madég na balagen na paras, aw dayaw nan yeiy pigpalibedan na alad. Aw migpa-imoꞌ sakanan sa pigisanan sa manga bunga na paras. Aw migpatulluk uman sa matas na tunggu-anan. Pagkatigkas yan, pigpasa-upan nan ya parasan nan. Aw nyanaw sakanan adti sambuk na banwa. 2Pagdateng na allaw na migpa-ipuꞌ da sa bunga na paras, migsuguꞌ ya tagtun sa sambuk na sugu-anen nan adti manga pigpasa-up sa parasan kay kaliman nan kamangen ya kanan bagiꞌ. 3Manang pagdateng na sugu-anen nan dun, pigdulus nilan baling, aw byadasan pyanumbag, aw pigpa-uliꞌ nilan na walaꞌ ya dyala. 4Aw migsuguꞌ da uman ya tagtun sa sambuk na sugu-anen nan. Manang walaꞌ nilan basabasayi, aw pigbunalan baling nilan ya ulu nan. 5Tigkas yan, pigsuguꞌ pa nan uman ya sambuk na sugu-anen aw pigpatay nilan. Aw madég pa uman ya pigsuguꞌ nan. Ya eped piglabet nilan aw ya eped pigpatay. 6Na, awun dakman sambuk na walaꞌ pa nan sugu-a. Yan ya iseꞌ nan na eseg na to-o nan pigginawa͡an. Miglong ya tagtun adti anenganeng nan, ‘Kun iseꞌ ku ya madtu, un nilan yan basa͡an.’ Yanagaw pigsuguꞌ nan ya kanan iseꞌ. 7Manang sa pagkitaꞌ na manga sa-up kanan, miglong silan, ‘Ini ya iseꞌ na tagtun! Na! Naten sakanan patayen aw matagtun da tadun ya parasan na un ayawan kanan.’ 8Yanagaw pigdulus nilan sakanan aw pigpatay nilan. Tigkas yan, pig-agbel nilan ya lawas nan adti luwaꞌ na parasan.”
9Aw miglong si Jisus, “Na, unu ya imo-un na tagtun sa parasan? Kadtuwan nan ya manga sa-up aw alag nan saba patayen! Aw pasa-up nan ya parasan adti eped na manga utaw. 10Anangaꞌ walaꞌ mayu kalabeti ya pigpasulat na Tyumanem asini muna?
‘Ya dakulaꞌ na batu na iman na manga panday aw walaꞌ ya guna,
yan baling ya batu na sumalem na nya-imoꞌ tullukanan sa dakulaꞌ na balay.
11 Ya pig-imoꞌ yeiy na Tyumanem to-o madyaw aw nyakapa-enneng-enneng kanaten.’ ”#12:10-11 Mabasa adti Salmo 118:22-23.
12Pagdengeg na manga magdadumala͡ay sa manga Judiyu sa pundinganan ni Jisus, kya-ede-an nilan na silan ya pigpalabet nan. Aw kaliman nilan galu dakepen si Jisus manang nyallek silan sa manga utaw dun. Yanagaw pig-indegan da nilan sakanan.
Ya usip sa pagbayad sa buwis
13Walaꞌ kadugay, pigsuguꞌ na manga magdadumala͡ay sa manga Judiyu adti kan Jisus ya eped na manga Parisiyo aw manga utaw na lekat adti partido ni Hérodés. Kay kaliman nilan kalitagan si Jisus dun ni tubag nan. 14Aw sa pagdateng nilan dun, miglong silan kanan, “Kay Magpalna-uway, kya-ede-an nami na ya kadég na piglong mu alag matinaw, aw walaꞌ ya pigkibang mu sa manga utaw pangkay singalan pa silan. Aw gayed mu pigpalna-u ya tengteng pagkaliman na Tyumanem. Yanagaw, awun usip nami kanmu. Unu, umbaꞌ kanaten na manga Judiyu ya pagbayad sa buwis adti kan César aw diliꞌ?” 15Manang kya-ede-an ni Jisus ya pagtallalingu nilan, yanagaw law nan kanilan, “Anangaꞌ aku mayu tanda-en? Dalayi aku na kuwalta pada tanawun ku.” 16Aw pigdala͡an nilan si Jisus na kuwalta, aw pig-usip nan silan, “Kan yeiy gya ya ini? Aw kan yeiy uman ngalan ya nyakasulat asini kuwalta?” Tyumubag silan, “Kan César.” 17Aw miglong si Jisus kanilan, “Na, atagan mayu adti kan César ya umbaꞌ sa kan César aw atagan adti Tyumanem ya umbaꞌ sa Tyumanem.” Aw to-o silan nya-enneng-enneng sa tubag nan.
Ya usip na manga Sadusiyo kan Jisus sa pagkataw na utaw
18Pagkatigkas yan, awun manga Sadusiyo na dyumulud kan Jisus. Na, walaꞌ silan pangintu-u na awun pagkataw na manga utaw lekat adti pagkamatay. Yanagaw nyusip silan kanan, 19“Kay Magpalna-uway, pigsulat kanaten ni Moysis asini muna ya suguꞌ yeiy adti Uldin tadun: ‘Kun awun eseg na nyatay, aw kun walaꞌ silan ya ka͡ubayan nan paka-iseꞌ, pangugnanen na inulug na eseg ya nyabalu pada ya mangayseꞌ nilan ma-imoꞌ da buwadbuwad na inulug nan na nyatay da.’#12:19 Mabasa adti Déutéronomiyo 25:5-6. 20Na, awun pitu ya mangkaylug na eseg. Ya magulang sa kadég nilan, nyangugnan sa ka͡ubayan. Manang walaꞌ silan paka-iseꞌ. Aw nyatay ya eseg yan. 21Yanagaw ya balu pigpangugnan da na mangud na eseg nan, manang walaꞌ uman silan paka-iseꞌ aw uman da nyatay ya eseg yan. Aw maynan uman ya nya-imoꞌ adti katlu na kaylug nan. 22Ya tagsambuksambuk na mangkaylug nyabus nyangugnan sa ka͡ubayan na magulang nilan, aw pangkay pitu silan manang alag silan nyatay na walaꞌ paka-iseꞌ. Pagkatigkas yan, nyatay da uman ya ka͡ubayan. 23Ya usip nami kanmu: Pagdateng da na allaw na pagmataw sa manga utaw lekat adti nyangkamatay, singalan ya tengteng eseg na ka͡ubayan yan? Kay awun pitu ya eseg na nyangugnan kanan.”
24Aw tyumubag si Jisus kanilan, “Yan saba ya du-an na nyangkasayep kamu, kay walaꞌ mayu kalabeti ya pigpasulat na Tyumanem asini muna aw walaꞌ mayu uman ka-ede-i ya katulus nan. 25Kay dun ni allaw na matawun ya manga utaw lekat adti pagkamatay, diliꞌ da silan mangugnan, kasiling saba na anghil na awun ni tas na langit. 26Aw ya pagmataw sa manga utaw lekat adti pagkamatay, unu, walaꞌ kaꞌ mayu kabasa dun ni pigsulat ni Moysis ya piglong na Tyumanem lekat adti tagbiꞌ na kawuy na lyumaga? Ini ya piglong nan: ‘Aku ya Tyumanem ni Abraham, aw ya Tyumanem ni Isa-ak, aw ya Tyumanem ni Jakub.’ #12:26 Mabasa adti Éxudo 3:6. 27Yan ya kakawasan nan, pangkay nyatay da silan manang adti asdangan na Tyumanem kenneꞌ na utaw pa silan aw gayed nilan pigsimba ya Tyumanem. Alag kamu nyangkasayep!”
Ya suguꞌ na to-o matas
28Na, awun sambuk na magpalna-uway sa Uldin na migpakanyeg sa balawbalaw nilan. Pagdengeg nan sa tubag ni Jisus na to-o madyaw, nyusip sakanan uman, law nan, “Unu ya to-o matas na suguꞌ na Tyumanem?” 29Tyumubag si Jisus kanan, “Yeiy ya suguꞌ na to-o matas: ‘Kamu na manga utaw na Isra-él, dayaw mayu pakanyegi! Ya kanaten Tyumanem sambuk da. 30Ginawa͡an mu ya kanmu Tyumanem sa kadakulaꞌ na pagka-utawun mu, aw sa kadakulaꞌ na ginawa mu, aw kadakulaꞌ na anenganeng mu, aw kadakulaꞌ na kabagseg mu.’#12:29-30 Mabasa adti Déutéronomiyo 6:4-5. 31Aw yeiy ya kadwa na suguꞌ na to-o matas: ‘Ginawayi ya eped mu na utaw kasiling na pagginawa mu sa kanmu pagka-utawun.’#12:31 Mabasa adti Libitiko 19:18. Walaꞌ da ya eped na suguꞌ na matas pa sa duwa yeiy.” 32Miglong pa uman ya magpalna-uway sa Uldin adti kan Jisus, “Kay Magpalna-uway, matinaw saba ya tubag mu kay miglong kaw, ‘Ya Tyumanem sambuk da, aw walaꞌ ya eped.’ 33Aw matinaw uman ya piglong mu na to-o matas ya suguꞌ na ginawa͡an ya Tyumanem sa kadakulaꞌ na pagka-utawun, aw sa kadakulaꞌ na anenganeng, aw sa kadakulaꞌ na kabagseg, aw ginawa͡an ya eped na utaw kasiling na pagginawa sa kanaten pagka-utawun. Ya pagtuman sa duwa ya suguꞌ yeiy, to-o pa saba matas kay sa kadég na dugsuꞌ adti Tyumanem.”#12:33 Mabasa adti Osiyas 6:6 aw 1 Samwél 15:22. 34Pagdengeg ni Jisus na matinaw ya tubag nan, miglong sakanan, “Malapit da kaw maka-akup adti Kasakupan na Pighari-an na Tyumanem.” Aw lekat dun, walaꞌ da ya utaw na nyaka-eles nyusip kan Jisus.
Singalan ya Kristu?
35Talana ni Jisus migpalna-u dun ni pamanag na Témplo, miglong sakanan adti manga utaw na migpakanyeg, “Ya manga magpalna-uway sa Uldin, anangaꞌ gayed silan maglong na ya Misiyas, yan ya buwadbuwad ni Dabid? 36Kay si Dabid saba ya miglong magi sa Ispiritu Santo asini muna, law nan:
‘Miglong ya Tyumanem adti kanaken Matas na Pangulu:
“Ingkud kaw apit adi kalintu ku
mendaꞌ na mabus ku degen ya manga po-on mu aw alag ku silan betang adti salad na manga siki mu.” ’#12:36 Mabasa adti Salmo 110:1.
37Na, dun da si Dabid paglong na ya Misiyas yan ya kanan Matas na Pangulu. Yanagaw kun pigtawag ni Dabid ya Misiyas na ‘Matas na Pangulu,’ pig-unu na Misiyas ya pagka-imoꞌ buwadbuwad ni Dabid?” Aw madég ya migpakanyeg kan Jisus, aw to-o silan migleya sa palna-u nan.
Ya malat na bet na manga magpalna-uway sa Uldin na manga Judiyu
38Aw dun ni palna-u nan, miglong pa uman si Jisus, “Magpakatadeng kamu sa manga magpalna-uway sa Uldin. Magkalim silan magsut sa manga malawig na sa-ul. Aw yan ya pagleya͡an nilan ya pagbasa͡an na manga utaw adti manga palingki. 39Aw dun uman ni manga sinagoga aw manga dakulaꞌ na pista, pagkaliman nilan ya mingkud adti ingkudanan na manga dengganen. 40Madugay silan magpanawagtawag pada kita-en na manga utaw, manang pig-agaw baling nilan ya ka-unan na manga balu. Ya manga utaw yeiy, to-o mabegat ya pa-emel-emel na Tyumanem kanilan.”
Ya pig-atag na balu adti Tyumanem
41Talana ni Jisus nyingkud malapit adti uluganan sa kuwalta dun ni Témplo, pigtandawan nan ya madég na utaw na nyan-ulug sa kuwalta. Aw awun manga mayaman na nyan-ulug sa madég na kuwalta. 42Aw dyumateng ya sambuk na ka͡ubayan na balu na walaꞌ ya pagkamangan, aw mig-ulug uman sa duwa ya sinsilyo na tagbiꞌ to-o ya alagaꞌ. 43Pigtawag ni Jisus ya kanan manga umagakan, law nan, “Matinaw saba ya un ku paglongun kamayu: Ya balu iyan pangkay walaꞌ ya pagkamangan nan, manang dakulaꞌ pa ya kanan pig-atag kay sa kadég na utaw na nyatag sa kuwalta nilan. 44Kay ya kanilan pig-atag, sobla la oloꞌ na kuwalta nilan, manang ya ka͡ubayan iyan, pig-ubus nan pig-atag ya kadakulaꞌ na nyatagtun nan.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.