Matiyo 8
8
Ya pagguliꞌ ni Jisus sa utaw na ibungun
1Pagkatigkas ni Jisus migpalna-u, tyumubang sakanan aw nyagad kanan ya madég na manga utaw. 2Aw awun dyumulud kanan na sambuk na eseg na ibungun. Lyumuhud sakanan aw to-o nyanginayuꞌ, aw miglong sakanan, “Kay Sir, kun malim kaw beg, guli-a ya ibung ku, pada kaguli-an da ya lawas ku.”#8:2 Ya ibung, yan ya magkedel na magpambutu aw magpangkalandak ya kindal na lawas na utaw. 3Aw pig-awidan ni Jisus ya eseg yan, aw piglongan nan, “Kaliman ku saba. Na, kaguli-an da kaw!” Aw dayaw nyalanas ya ibung nan. 4Pagkatigkas yan, miglong si Jisus kanan, “Ya-i pag-ubatan adti pangkay singalan utawa ya nya-imoꞌ adun! Manang kadtu kaw baling ni Témplo aw patanawan ya lawas mu adti magdadugsu-ay, aw yan ya magmatinaw na kyaguli-an da kaw sa kanmu ibung. Aw dala͡en mu kanan ya umbaꞌ na pagdugsuꞌ na pigsuguꞌ ni Moysis, pada ka-ede-an na manga utaw na kyalinisan da kaw.”
Ya pagguliꞌ ni Jisus sa sugu-anen na kapitan na manga sundalu
5Pagdateng ni Jisus adti lunsud na Kapirna-um, lyumagbet kanan ya sambuk na kapitan sa manga sundalu aw nyanginayuꞌ sakanan kan Jisus sa tabang, 6miglong sakanan, “Kay Sir, kyedelan beg ya sugu-anen ku. Gayed da sakanan kyumulang kay diliꞌ da magpaka-inang, aw tengteng na migti-is.” 7Aw miglong si Jisus kanan, “Magad aku kanmu adti kanmu balay aw guli-en ku ya magkedel nan.” 8Manang tyumubag ya kapitan, “Kay Sir, diliꞌ aku makatumbuk magpapanik kanmu adti balay ku.#8:8 Dun ni manga allaw yan, diliꞌ sumeled ya utaw na Judiyu adti balay na Héntil kay pigpigil na Uldin nilan. Manang pangkay oloꞌ da tingeg mu, kaguli-an saba ya magkedel na kanak sugu-anen. 9Kya-ede-an da ku ya utaw na matas ya katundanan. Kasiling ku uman, pagka͡agadan ku ya matas pa kanak. Aw awun katundanan ku sa manga sundalu na madalem pa kanak. Kun sugu-un ku ya sambuk na ‘Kadtu kaw,’ na, maksay sakanan madtu. Aw kun paglongun ku uman ya sambuk na ‘Adi kaw,’ madi sakanan. Aw pangkay unu ya paglongun ku adti kanak sugu-anen, ka͡agadan nan saba. Yanagaw, kya-ede-an ku na kun oloꞌ kaw maglong pangkay mawat kaw, kaguli-an ya magkedel na kanak sugu-anen.” 10Sa pagdengeg ni Jisus sa piglong na kapitan, miglong sakanan, “Tay sa kadakulaꞌ na pagpangintu-u na utaw yeiy!” Aw piglongan nan ya manga utaw na nyagad kanan, “Matinaw ya un ku paglongun kamayu: Ya eseg ini pangkay Héntil sakanan, manang walaꞌ pa ku kita-a asini manga utaw na Isra-él ya maynini na pagpangintu-u. 11Paglongun ta kamu uman na adtu kagaya ni moli na allaw awun madég na utaw na Héntil na un lumekat adti manga banwa apit adti silatan aw adti sallepan. Aw mingkud silan adti tampid na tyugbulan tadun na si Abraham aw si Isa-ak aw si Jakub adti dakulaꞌ na katipun dun ni Kasakupan na Pighari-an na Tyumanem adti tas na langit. 12Manang ya manga buwadbuwad ni Isra-él na maka-akup galu adti Kasakupan nan, ya eped kanilan agbel baling adti banwa na kangitngitan na adti luwaꞌ. Aw dun ni banwa yan, magpanpanguliteb ya manga untu nilan aw magpansisugaw.” 13Pagkatigkas yan, miglong si Jisus adti kapitan, “Uliꞌ da kaw. Asuntu sa pagpangintu-u mu kanak, atag ku saba ya pigpanginayuꞌ mu.” Aw dun ni udas yan, dayaw kyaguli-an ya sugu-anen nan.
Ya pagguliꞌ ni Jisus sa manga magkedel na utaw aw ya pag-alilin nan sa manga busaw
14Aw walaꞌ kadugay nyadtu si Jisus ni balay ni Pédro aw kyinitaꞌ nan dun na kyumulang ya ugangan ni Pédro na ka͡ubayan kay to-o migkapasuꞌ asuntu na kyedelan sakanan. 15Aw pig-awidan ni Jisus ya bekten nan aw dayaw sakanan pig-uwasan sa kapasu-an nan. Tigkas yan, migbangun sakanan aw pigsanggilaꞌ nan si Jisus.
16Pagsallep da na sega, pigpandala adti kan Jisus ya madég na utaw na pyanseledan na busaw. Aw pig-alilinan nan ya manga busaw magi dun ni tingeg nan. Aw pigpangguliꞌ nan uman ya magkedel na kadég na manga utaw na pigpandala adti kanan.#8:16 Ya du-an na magsiklep da ya pagdala nilan sa manga kyedelan kay pigpigil kanilan ya pagpanaw kun Allaw na Paglagdeng. 17Aw dun ni pigpan-imoꞌ nan, nyatuman da ya pigpasulat na Tyumanem magi sa propita na si Isayas asini muna: “Kyamang da nan ya kadég na pagti-is tadun aw ya kanaten magkedel.”#8:17 Mabasa adti Isayas 53:4.
Ya utaw na malim galu magad kan Jisus
18Pagkitaꞌ ni Jisus sa to-o madég na utaw na migkalimpung kanan, piglongan nan ya kanan manga umagakan, “Naten tumalipag sa danaw.” 19Manang sa walaꞌ pa silan pakasakay sa balangay, dyumulud kanan ya sambuk na magpalna-uway sa Uldin na manga Judiyu. Aw piglongan nan si Jisus, “Kay Magpalna-uway, magad aku kanmu pangkay ayin kaw pasinan.” 20Manang miglong si Jisus kanan, “Ya manga mileꞌ awun pugalaꞌ na kanilan pagka-eya-an, aw ya manga langgam awun pugad nilan. Manang aku na Iseꞌ na Utaw,#8:20 Asini pigsulat ni Matiyo, gayed nan pigpa-edeꞌ ya “Iseꞌ na Utaw.” Mabasa uman adti Danyél 7:13-14. Aw si Jisu-Kristu, pagtawagen nan ya kanan pagka-utawun na “Iseꞌ na Utaw.” walaꞌ ya balay na un ku kabantukan.” 21Aw awun pa uman sambuk na utaw na malim magad kan Jisus, aw miglong sakanan, “Kay Magpalna-uway, tumbayan pa beg kanakeꞌ na muliꞌ aku adti kanami kay una pa nami lebeng ya ama ku.” 22Manang miglong si Jisus kanan, “Agad da kaw kanak. Pabaya-an da sa manga utaw na walaꞌ pangintu-u ya paglebeng sa nyatay.”
Ya pagpatangkeꞌ ni Jisus sa samet aw manga baled
23Pagkatigkas yan, syumakay si Jisus adti balangay, aw nyagad uman ya kanan manga umagakan. 24Talana pa nilan dun ni tenga-tengaꞌ na danaw, walaꞌ nilan imanmana biglaꞌ dyumateng ya to-o mabandes na samet, aw syalampawan na manga baled ya balangay na pigsakayan nilan. Manang kenneꞌ baling ni Jisus nyakatulug. 25Yanagaw pigpukaw sakanan na manga umagakan nan, aw miglong silan, “Kay Magpalna-uway, tabangi beg kami! Kay agpet da kitadun mangkamatay!” 26Manang miglong si Jisus kanilan, “Anangaꞌ kamu mangkallek? Tay, sa katagbiꞌ na pagsalig mayu kanak!” Aw migbangun si Jisus aw piglongan nan ya samet aw manga baled, “Tangkeꞌ kamu!” Aw dayaw migkalinaw ya kadég. 27Aw to-o nya-enneng-enneng ya manga umagakan nan, aw miglong silan, “Singalan kaꞌ ya utaw yeiy? Pangkay ya samet aw ya manga baled magka͡agad sa suguꞌ nan!”
Ya pag-alilin ni Jisus sa manga busaw na syumeled adti utaw
28Aw sa pagdateng ni Jisus adti dipag na danaw dun ni sakup na Gadara, syumungun kanan ya duwa ya utaw na pigseledan na manga busaw. Nyeyaꞌ silan adti manga ilib na paglebengan sa manga utaw. Aw to-o silan mabulut, yanagaw pigkallekan silan na manga utaw aw walaꞌ ya magpaka-agi dun. 29Pagkitaꞌ nilan kan Jisus, miglong silan sa mabagseg na tingeg, “We… Iseꞌ na Tyumanem, unu ya pigkadi mu? Unu, pamulayaman da mu kami pangkay walaꞌ pa dateng ya allaw na un kami pa-emel-emelen?” 30Na, awun madég to-o na manga takuꞌ na nyangaliwad na diliꞌ to-o mawat lekat dun ni kanilan.#8:30 Ya manga utaw na Judiyu diliꞌ magkan sa takuꞌ. Manang adti manga utaw na Héntil na nyeyaꞌ dun ni Gadara, magkan silan sa takuꞌ, yanagaw migpatulin silan sa manga ayep yeiy. 31Yanagaw nyanginayuꞌ ya manga busaw kan Jisus, law nilan, “Kun alilinan mu kami, adtu mu beg kami paseleda dun ni manga takuꞌ iyan!” 32Aw piglongan ni Jisus ya manga busaw, “Luwaꞌ da kamu dun!” Yanagaw lyumuwaꞌ silan adti duwa ya eseg aw syumeled silan adti manga takuꞌ. Aw nyampamalaguy ya kadég na manga takuꞌ dun ni kakayaban aw pyangkawasan nilan ya pangpang adti ligad na danaw aw nyabus silan nyangkalemes. 33Aw ya manga magdadiyaga͡ay sa manga takuꞌ, nyalaguy silan adti lunsud aw pig-ubat-ubatan nilan ya manga utaw sa kadég na nyangka-imoꞌ dun ni duwa ya utaw na kyaguli-an da. 34Pagdengeg na manga utaw adti lunsud sa kadég na pig-imoꞌ ni Jisus, madég kanilan ya nyadtu ni kanan. Aw sa pagkitaꞌ nilan kan Jisus, nyanginayuꞌ silan na indegan nan ya banwa nilan.
ទើបបានជ្រើសរើសហើយ៖
Matiyo 8: klgv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.
Matiyo 8
8
Ya pagguliꞌ ni Jisus sa utaw na ibungun
1Pagkatigkas ni Jisus migpalna-u, tyumubang sakanan aw nyagad kanan ya madég na manga utaw. 2Aw awun dyumulud kanan na sambuk na eseg na ibungun. Lyumuhud sakanan aw to-o nyanginayuꞌ, aw miglong sakanan, “Kay Sir, kun malim kaw beg, guli-a ya ibung ku, pada kaguli-an da ya lawas ku.”#8:2 Ya ibung, yan ya magkedel na magpambutu aw magpangkalandak ya kindal na lawas na utaw. 3Aw pig-awidan ni Jisus ya eseg yan, aw piglongan nan, “Kaliman ku saba. Na, kaguli-an da kaw!” Aw dayaw nyalanas ya ibung nan. 4Pagkatigkas yan, miglong si Jisus kanan, “Ya-i pag-ubatan adti pangkay singalan utawa ya nya-imoꞌ adun! Manang kadtu kaw baling ni Témplo aw patanawan ya lawas mu adti magdadugsu-ay, aw yan ya magmatinaw na kyaguli-an da kaw sa kanmu ibung. Aw dala͡en mu kanan ya umbaꞌ na pagdugsuꞌ na pigsuguꞌ ni Moysis, pada ka-ede-an na manga utaw na kyalinisan da kaw.”
Ya pagguliꞌ ni Jisus sa sugu-anen na kapitan na manga sundalu
5Pagdateng ni Jisus adti lunsud na Kapirna-um, lyumagbet kanan ya sambuk na kapitan sa manga sundalu aw nyanginayuꞌ sakanan kan Jisus sa tabang, 6miglong sakanan, “Kay Sir, kyedelan beg ya sugu-anen ku. Gayed da sakanan kyumulang kay diliꞌ da magpaka-inang, aw tengteng na migti-is.” 7Aw miglong si Jisus kanan, “Magad aku kanmu adti kanmu balay aw guli-en ku ya magkedel nan.” 8Manang tyumubag ya kapitan, “Kay Sir, diliꞌ aku makatumbuk magpapanik kanmu adti balay ku.#8:8 Dun ni manga allaw yan, diliꞌ sumeled ya utaw na Judiyu adti balay na Héntil kay pigpigil na Uldin nilan. Manang pangkay oloꞌ da tingeg mu, kaguli-an saba ya magkedel na kanak sugu-anen. 9Kya-ede-an da ku ya utaw na matas ya katundanan. Kasiling ku uman, pagka͡agadan ku ya matas pa kanak. Aw awun katundanan ku sa manga sundalu na madalem pa kanak. Kun sugu-un ku ya sambuk na ‘Kadtu kaw,’ na, maksay sakanan madtu. Aw kun paglongun ku uman ya sambuk na ‘Adi kaw,’ madi sakanan. Aw pangkay unu ya paglongun ku adti kanak sugu-anen, ka͡agadan nan saba. Yanagaw, kya-ede-an ku na kun oloꞌ kaw maglong pangkay mawat kaw, kaguli-an ya magkedel na kanak sugu-anen.” 10Sa pagdengeg ni Jisus sa piglong na kapitan, miglong sakanan, “Tay sa kadakulaꞌ na pagpangintu-u na utaw yeiy!” Aw piglongan nan ya manga utaw na nyagad kanan, “Matinaw ya un ku paglongun kamayu: Ya eseg ini pangkay Héntil sakanan, manang walaꞌ pa ku kita-a asini manga utaw na Isra-él ya maynini na pagpangintu-u. 11Paglongun ta kamu uman na adtu kagaya ni moli na allaw awun madég na utaw na Héntil na un lumekat adti manga banwa apit adti silatan aw adti sallepan. Aw mingkud silan adti tampid na tyugbulan tadun na si Abraham aw si Isa-ak aw si Jakub adti dakulaꞌ na katipun dun ni Kasakupan na Pighari-an na Tyumanem adti tas na langit. 12Manang ya manga buwadbuwad ni Isra-él na maka-akup galu adti Kasakupan nan, ya eped kanilan agbel baling adti banwa na kangitngitan na adti luwaꞌ. Aw dun ni banwa yan, magpanpanguliteb ya manga untu nilan aw magpansisugaw.” 13Pagkatigkas yan, miglong si Jisus adti kapitan, “Uliꞌ da kaw. Asuntu sa pagpangintu-u mu kanak, atag ku saba ya pigpanginayuꞌ mu.” Aw dun ni udas yan, dayaw kyaguli-an ya sugu-anen nan.
Ya pagguliꞌ ni Jisus sa manga magkedel na utaw aw ya pag-alilin nan sa manga busaw
14Aw walaꞌ kadugay nyadtu si Jisus ni balay ni Pédro aw kyinitaꞌ nan dun na kyumulang ya ugangan ni Pédro na ka͡ubayan kay to-o migkapasuꞌ asuntu na kyedelan sakanan. 15Aw pig-awidan ni Jisus ya bekten nan aw dayaw sakanan pig-uwasan sa kapasu-an nan. Tigkas yan, migbangun sakanan aw pigsanggilaꞌ nan si Jisus.
16Pagsallep da na sega, pigpandala adti kan Jisus ya madég na utaw na pyanseledan na busaw. Aw pig-alilinan nan ya manga busaw magi dun ni tingeg nan. Aw pigpangguliꞌ nan uman ya magkedel na kadég na manga utaw na pigpandala adti kanan.#8:16 Ya du-an na magsiklep da ya pagdala nilan sa manga kyedelan kay pigpigil kanilan ya pagpanaw kun Allaw na Paglagdeng. 17Aw dun ni pigpan-imoꞌ nan, nyatuman da ya pigpasulat na Tyumanem magi sa propita na si Isayas asini muna: “Kyamang da nan ya kadég na pagti-is tadun aw ya kanaten magkedel.”#8:17 Mabasa adti Isayas 53:4.
Ya utaw na malim galu magad kan Jisus
18Pagkitaꞌ ni Jisus sa to-o madég na utaw na migkalimpung kanan, piglongan nan ya kanan manga umagakan, “Naten tumalipag sa danaw.” 19Manang sa walaꞌ pa silan pakasakay sa balangay, dyumulud kanan ya sambuk na magpalna-uway sa Uldin na manga Judiyu. Aw piglongan nan si Jisus, “Kay Magpalna-uway, magad aku kanmu pangkay ayin kaw pasinan.” 20Manang miglong si Jisus kanan, “Ya manga mileꞌ awun pugalaꞌ na kanilan pagka-eya-an, aw ya manga langgam awun pugad nilan. Manang aku na Iseꞌ na Utaw,#8:20 Asini pigsulat ni Matiyo, gayed nan pigpa-edeꞌ ya “Iseꞌ na Utaw.” Mabasa uman adti Danyél 7:13-14. Aw si Jisu-Kristu, pagtawagen nan ya kanan pagka-utawun na “Iseꞌ na Utaw.” walaꞌ ya balay na un ku kabantukan.” 21Aw awun pa uman sambuk na utaw na malim magad kan Jisus, aw miglong sakanan, “Kay Magpalna-uway, tumbayan pa beg kanakeꞌ na muliꞌ aku adti kanami kay una pa nami lebeng ya ama ku.” 22Manang miglong si Jisus kanan, “Agad da kaw kanak. Pabaya-an da sa manga utaw na walaꞌ pangintu-u ya paglebeng sa nyatay.”
Ya pagpatangkeꞌ ni Jisus sa samet aw manga baled
23Pagkatigkas yan, syumakay si Jisus adti balangay, aw nyagad uman ya kanan manga umagakan. 24Talana pa nilan dun ni tenga-tengaꞌ na danaw, walaꞌ nilan imanmana biglaꞌ dyumateng ya to-o mabandes na samet, aw syalampawan na manga baled ya balangay na pigsakayan nilan. Manang kenneꞌ baling ni Jisus nyakatulug. 25Yanagaw pigpukaw sakanan na manga umagakan nan, aw miglong silan, “Kay Magpalna-uway, tabangi beg kami! Kay agpet da kitadun mangkamatay!” 26Manang miglong si Jisus kanilan, “Anangaꞌ kamu mangkallek? Tay, sa katagbiꞌ na pagsalig mayu kanak!” Aw migbangun si Jisus aw piglongan nan ya samet aw manga baled, “Tangkeꞌ kamu!” Aw dayaw migkalinaw ya kadég. 27Aw to-o nya-enneng-enneng ya manga umagakan nan, aw miglong silan, “Singalan kaꞌ ya utaw yeiy? Pangkay ya samet aw ya manga baled magka͡agad sa suguꞌ nan!”
Ya pag-alilin ni Jisus sa manga busaw na syumeled adti utaw
28Aw sa pagdateng ni Jisus adti dipag na danaw dun ni sakup na Gadara, syumungun kanan ya duwa ya utaw na pigseledan na manga busaw. Nyeyaꞌ silan adti manga ilib na paglebengan sa manga utaw. Aw to-o silan mabulut, yanagaw pigkallekan silan na manga utaw aw walaꞌ ya magpaka-agi dun. 29Pagkitaꞌ nilan kan Jisus, miglong silan sa mabagseg na tingeg, “We… Iseꞌ na Tyumanem, unu ya pigkadi mu? Unu, pamulayaman da mu kami pangkay walaꞌ pa dateng ya allaw na un kami pa-emel-emelen?” 30Na, awun madég to-o na manga takuꞌ na nyangaliwad na diliꞌ to-o mawat lekat dun ni kanilan.#8:30 Ya manga utaw na Judiyu diliꞌ magkan sa takuꞌ. Manang adti manga utaw na Héntil na nyeyaꞌ dun ni Gadara, magkan silan sa takuꞌ, yanagaw migpatulin silan sa manga ayep yeiy. 31Yanagaw nyanginayuꞌ ya manga busaw kan Jisus, law nilan, “Kun alilinan mu kami, adtu mu beg kami paseleda dun ni manga takuꞌ iyan!” 32Aw piglongan ni Jisus ya manga busaw, “Luwaꞌ da kamu dun!” Yanagaw lyumuwaꞌ silan adti duwa ya eseg aw syumeled silan adti manga takuꞌ. Aw nyampamalaguy ya kadég na manga takuꞌ dun ni kakayaban aw pyangkawasan nilan ya pangpang adti ligad na danaw aw nyabus silan nyangkalemes. 33Aw ya manga magdadiyaga͡ay sa manga takuꞌ, nyalaguy silan adti lunsud aw pig-ubat-ubatan nilan ya manga utaw sa kadég na nyangka-imoꞌ dun ni duwa ya utaw na kyaguli-an da. 34Pagdengeg na manga utaw adti lunsud sa kadég na pig-imoꞌ ni Jisus, madég kanilan ya nyadtu ni kanan. Aw sa pagkitaꞌ nilan kan Jisus, nyanginayuꞌ silan na indegan nan ya banwa nilan.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.