Matiyo 18
18
Singalan ya matas dun ni Kasakupan na Tyumanem?
1Aw yan uman na allaw, dyumulud kan Jisus ya kanan manga umagakan aw pig-usip nilan sakanan, “Singalan ya to-o matas dun ni Kasakupan na Pighari-an na Tyumanem?” 2Aw migtawag si Jisus sa sambuk na tagbiꞌ na iseꞌ aw pigpa-indeg nan adti tengaꞌ nilan. 3Aw piglongan nan ya kanan manga umagakan, “Matinaw saba ya un ku paglongun kamayu: Kun diliꞌ ma-uman ya anenganeng mayu aw diliꞌ kamu magpadalem kasiling na tagbiꞌ na iseꞌ, diliꞌ kamu makaseled adti Kasakupan na Pighari-an na Tyumanem. 4Manang pangkay singalan ya magpadalem kasiling na iseꞌ ini, yan ya utaw na to-o matas dun ni Kasakupan na Pighari-an na Tyumanem. 5Aw pangkay singalan kamayu ya dumawat sa utaw na madalem kasiling na iseꞌ ini asuntu sa pagdalug mayu kanak, dun da aku nan uman dawata.
6“Manang kun awun utaw na migpadalem na nyangintu-u kanak, aw kun buyuwun sakanan adti pagpakasalaꞌ, ya utaw na magbuyu madyaw pa baling kanan kun tati-an ya liyeg nan na dakulaꞌ na gilingan na batu aw ulugun sakanan adti kalaleman na dagat. 7Magpakatadeng ya kadég mayu! Kay awun saba madég na magpasungkul adti pag-imoꞌ sa salaꞌ. Manang to-o malatay ya un datengan na utaw na maggagad sa eped nan adti pag-imoꞌ sa salaꞌ.
8“Yanagaw kun ya pig-imoꞌ na kanmu tulluꞌ aw kanmu siki ya du-an na makasalaꞌ kaw, madyaw pa na magpakawat kaw adti pangkay unu na makapabuyu kanmu adti pag-imoꞌ sa salaꞌ. Pangkay pa utudun ya kanmu tulluꞌ, madyaw pa na awun malagak dun ni kanmu lawas aw matagtun mu ya ginawa na walaꞌ ya katigkasan, kay sa awun duwa ya tulluꞌ mu aw duwa ya siki mu manang agbel kaw baling adti atulun na diliꞌ pagkapatayan. 9Aw maynan uman, kun ya pag-inunu mu ya du-an na makasalaꞌ kaw, madyaw pa na magpakawat kaw adti pangkay unu na makapabuyu kanmu sa pag-imoꞌ sa salaꞌ. Pangkay pa lugiten ya kanmu mata, madyaw pa na mabuta ya mata mu aw matagtun mu ya ginawa na walaꞌ ya katigkasan kay sa awun duwa ya mata mu manang agbel kaw baling adti atulun na diliꞌ pagkapatayan.
Ya pundinganan sa karniro na nyakasuway
10“Magpakatadeng kamu na diliꞌ mayu mana-naꞌ ya manga migpadalem na nyangintu-u kanak. Kay paglongun ta kamu na adti asdangan na Ama ku, awun manga anghil na gayed nyakatanaw sa pagpakabetang nilan. 11[Aw nyadi aku na Iseꞌ na Utaw pada paliku-un adti Tyumanem ya kadég na nyakasuway.]
12“Unu ya anenganeng mayu sa ini? Alimbawaꞌ, kun awun utaw na nyakatagtun sa sanggatus (100) ya karniro, aw awun sambuk na nyakasuway, unu ya un nan imo-un? Endaꞌ! Ayawan nan saba dagawdagaw ya kasiyaman tag siyam (99) dun ni panabtabanan aw paninawun nan ya sambuk na nyakasuway. 13Matinaw ya un ku paglongun kamayu: Kun kita-en da nan ya karniro na nyakasuway, to-o pa sakanan magleya sa sambuk na kyinitaꞌ nan kay sa kasiyaman tag siyam (99) na adti panabtabanan na walaꞌ pakasuway. 14Yanagaw maynan uman ya Ama mayu na awun ni tas na langit, diliꞌ nan kaliman na ka-eletan lekat adti kanan ya pangkay sambuk na migpadalem na nyangintu-u kanan.
Ya pag-iyuliꞌ sa inulug na nyakasalaꞌ adti kanmu
15“Kun awun eped mu na mangintu-uway na nyakasalaꞌ adti kanmu, na, kadtuwi sakanan aw paglonga sa salaꞌ nan na oloꞌ kamu duwa. Kun magpakanyeg sakanan kanmu aw magselsel, na, magkasambuk da ya ginawa mayu. 16Manang kun diliꞌ sakanan tumandeꞌ kanmu na awun salaꞌ nan, pagpa-agad kaw sa sambuk aw kun duwa ya eped mu na mangintu-uway. Kay dun ni pagbalawbalaw mayu, duwa kun tulu ya magmatinaw sa salaꞌ nan.#18:16 Ya lyekatan sa palna-u yeiy, Déutéronomiyo 19:15. 17Manang kun diliꞌ sakanan magpakanyeg kamayu, ubat-ubatan mayu adti katipun na manga mangintu-uway. Aw kun diliꞌ sakanan tumandeꞌ, na, pabaya-i la ya utaw yan, aw diliꞌ da kaw mag-ubaybay kanan. Silinga la sakanan na utaw na walaꞌ ya pagpangintu-u sa tengteng Tyumanem aw mangungubla͡ay sa buwis na diliꞌ kasaligan.
Ya pigtumbay aw ya pigpigil
18“Matinaw ya un ku paglongun kamayu: Kun unu ya pigpigil mayu asini tas na lupaꞌ, yan uman ya pigpigil dadan na Tyumanem adti tas na langit. Kun unu ya pigtumbay mayu asini tas na lupaꞌ, yan uman ya pigtumbay dadan na Tyumanem adti tas na langit.
19“Aw matinaw uman ya un ku paglongun kamayu: Kun duwa kamayu asini tas na lupaꞌ ya magkasambuk ya ginawa sa pangkay unu ya sekaten mayu dun ni panawagtawag, atag saba na Ama ku na awun ni tas na langit. 20Kay kun awun duwa aw tulu ya mangintu-uway na magkatipun dun ni kanak ngalan, awun saba aku ni tampid nilan.”
Ya sugu-anen na walaꞌ ya pasinsiya
21Pagkatigkas yan, dyumulud si Pédro kan Jisus aw nyusip kanan, “Kay Magpalna-uway, kun gayed makasalaꞌ adi kanak ya eped ku na mangintu-uway, makapila ku sakanan pasinsiyayi? Unu, makapitu oloꞌ?”
22Aw tyumubag si Jisus kanan, “Paglongun ta kaw na bekeꞌ oloꞌ na makapitu, manang kapituwan (70) ka pitu ka piluꞌ. 23Kamangan ta sa alimbawaꞌ. Ya Kasakupan na Pighari-an na Tyumanem, kasiling na maynini: Awun sambuk na hariꞌ na migpatawag sa manga sugu-anen nan pada usayen ya manga pigtaligu nan adti kanilan. 24Sa pagpalekat da na hariꞌ mig-usay, pigpa-agad adti kanan ya sambuk na sugu-anen nan na nyaka-utang sa minélyun na kuwalta. 25Aw asuntu na walaꞌ nan kabatug bayadi, migsuguꞌ ya hariꞌ na galinen ya sugu-anen yan dala ya kanan ka͡ubayan aw kadég na mangayseꞌ nan. Aw panggalinen uman ya kadakulaꞌ na nyatagtun nan pada makabayad. 26Yanagaw lyumuhud ya sugu-anen adti asdangan na hariꞌ aw to-o nyangilalat kanan, aw miglong sakanan, ‘Kay Hariꞌ, kallati beg aku! Kun makatagad pa kaw beg, bayadan ta kaw sa kadakulaꞌ!’ 27Yanagaw pigkallatan sakanan na hariꞌ aw walaꞌ da nan pabayada, aw pigpapanaw da sakanan.
28“Manang sa pagluwaꞌ da nan, pig-isungun nan ya eped nan na sugu-anen na nyakabeles kanan sa tagbiꞌ na kuwalta. Aw pigtigel nan ya utaw yan aw piglongan nan, ‘Bayadi aku adun sa beles mu kanak!’ 29“Aw to-o nyangilalat ya eped nan, law nan, ‘Kay Lew, kallati aku beg! Kun makatagad pa kaw, bayadan ta kaw sa kadakulaꞌ na beles ku kanmu!’ 30Manang walaꞌ sakanan kalim na madugay bayadan. Pigpakalabusu nan baling ya eped nan mendaꞌ na makabayad sakanan. 31Pagkitaꞌ na manga eped nilan na sugu-anen sa nya-imoꞌ, to-o migkalat ya ginawa nilan. Yanagaw nyadtu silan adti asdangan na hariꞌ aw pig-ubat nilan kanan ya kadég na nya-imoꞌ. 32Pagkatigkas yan, pigpatawag na hariꞌ ya sugu-anen na walaꞌ pakabayad kanan, aw miglong ya hariꞌ, ‘To-o malatay ya pig-imoꞌ mu! Walaꞌ da ta kaw pabayada sa utang mu kanak asuntu na to-o kaw nyangilalat kanak. 33Anangaꞌ walaꞌ mu kallati ya eped mu kasiling na pagkallat ku kanmu?’ 34Aw to-o nyadaman ya hariꞌ kanan, aw ya syampetan yan, pigpakalabusu sakanan aw pigpamulayaman na manga magtatunggu-ay mendaꞌ na kabayadan nan ya kadakulaꞌ na beles nan. 35Maynan uman ya imo-un na Ama ku na awun ni tas na langit adti tagsambuksambuk kamayu, kun diliꞌ mayu tengteng pasinsiya͡an ya salaꞌ na manga eped mayu na mangintu-uway.”
ទើបបានជ្រើសរើសហើយ៖
Matiyo 18: klgv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.
Matiyo 18
18
Singalan ya matas dun ni Kasakupan na Tyumanem?
1Aw yan uman na allaw, dyumulud kan Jisus ya kanan manga umagakan aw pig-usip nilan sakanan, “Singalan ya to-o matas dun ni Kasakupan na Pighari-an na Tyumanem?” 2Aw migtawag si Jisus sa sambuk na tagbiꞌ na iseꞌ aw pigpa-indeg nan adti tengaꞌ nilan. 3Aw piglongan nan ya kanan manga umagakan, “Matinaw saba ya un ku paglongun kamayu: Kun diliꞌ ma-uman ya anenganeng mayu aw diliꞌ kamu magpadalem kasiling na tagbiꞌ na iseꞌ, diliꞌ kamu makaseled adti Kasakupan na Pighari-an na Tyumanem. 4Manang pangkay singalan ya magpadalem kasiling na iseꞌ ini, yan ya utaw na to-o matas dun ni Kasakupan na Pighari-an na Tyumanem. 5Aw pangkay singalan kamayu ya dumawat sa utaw na madalem kasiling na iseꞌ ini asuntu sa pagdalug mayu kanak, dun da aku nan uman dawata.
6“Manang kun awun utaw na migpadalem na nyangintu-u kanak, aw kun buyuwun sakanan adti pagpakasalaꞌ, ya utaw na magbuyu madyaw pa baling kanan kun tati-an ya liyeg nan na dakulaꞌ na gilingan na batu aw ulugun sakanan adti kalaleman na dagat. 7Magpakatadeng ya kadég mayu! Kay awun saba madég na magpasungkul adti pag-imoꞌ sa salaꞌ. Manang to-o malatay ya un datengan na utaw na maggagad sa eped nan adti pag-imoꞌ sa salaꞌ.
8“Yanagaw kun ya pig-imoꞌ na kanmu tulluꞌ aw kanmu siki ya du-an na makasalaꞌ kaw, madyaw pa na magpakawat kaw adti pangkay unu na makapabuyu kanmu adti pag-imoꞌ sa salaꞌ. Pangkay pa utudun ya kanmu tulluꞌ, madyaw pa na awun malagak dun ni kanmu lawas aw matagtun mu ya ginawa na walaꞌ ya katigkasan, kay sa awun duwa ya tulluꞌ mu aw duwa ya siki mu manang agbel kaw baling adti atulun na diliꞌ pagkapatayan. 9Aw maynan uman, kun ya pag-inunu mu ya du-an na makasalaꞌ kaw, madyaw pa na magpakawat kaw adti pangkay unu na makapabuyu kanmu sa pag-imoꞌ sa salaꞌ. Pangkay pa lugiten ya kanmu mata, madyaw pa na mabuta ya mata mu aw matagtun mu ya ginawa na walaꞌ ya katigkasan kay sa awun duwa ya mata mu manang agbel kaw baling adti atulun na diliꞌ pagkapatayan.
Ya pundinganan sa karniro na nyakasuway
10“Magpakatadeng kamu na diliꞌ mayu mana-naꞌ ya manga migpadalem na nyangintu-u kanak. Kay paglongun ta kamu na adti asdangan na Ama ku, awun manga anghil na gayed nyakatanaw sa pagpakabetang nilan. 11[Aw nyadi aku na Iseꞌ na Utaw pada paliku-un adti Tyumanem ya kadég na nyakasuway.]
12“Unu ya anenganeng mayu sa ini? Alimbawaꞌ, kun awun utaw na nyakatagtun sa sanggatus (100) ya karniro, aw awun sambuk na nyakasuway, unu ya un nan imo-un? Endaꞌ! Ayawan nan saba dagawdagaw ya kasiyaman tag siyam (99) dun ni panabtabanan aw paninawun nan ya sambuk na nyakasuway. 13Matinaw ya un ku paglongun kamayu: Kun kita-en da nan ya karniro na nyakasuway, to-o pa sakanan magleya sa sambuk na kyinitaꞌ nan kay sa kasiyaman tag siyam (99) na adti panabtabanan na walaꞌ pakasuway. 14Yanagaw maynan uman ya Ama mayu na awun ni tas na langit, diliꞌ nan kaliman na ka-eletan lekat adti kanan ya pangkay sambuk na migpadalem na nyangintu-u kanan.
Ya pag-iyuliꞌ sa inulug na nyakasalaꞌ adti kanmu
15“Kun awun eped mu na mangintu-uway na nyakasalaꞌ adti kanmu, na, kadtuwi sakanan aw paglonga sa salaꞌ nan na oloꞌ kamu duwa. Kun magpakanyeg sakanan kanmu aw magselsel, na, magkasambuk da ya ginawa mayu. 16Manang kun diliꞌ sakanan tumandeꞌ kanmu na awun salaꞌ nan, pagpa-agad kaw sa sambuk aw kun duwa ya eped mu na mangintu-uway. Kay dun ni pagbalawbalaw mayu, duwa kun tulu ya magmatinaw sa salaꞌ nan.#18:16 Ya lyekatan sa palna-u yeiy, Déutéronomiyo 19:15. 17Manang kun diliꞌ sakanan magpakanyeg kamayu, ubat-ubatan mayu adti katipun na manga mangintu-uway. Aw kun diliꞌ sakanan tumandeꞌ, na, pabaya-i la ya utaw yan, aw diliꞌ da kaw mag-ubaybay kanan. Silinga la sakanan na utaw na walaꞌ ya pagpangintu-u sa tengteng Tyumanem aw mangungubla͡ay sa buwis na diliꞌ kasaligan.
Ya pigtumbay aw ya pigpigil
18“Matinaw ya un ku paglongun kamayu: Kun unu ya pigpigil mayu asini tas na lupaꞌ, yan uman ya pigpigil dadan na Tyumanem adti tas na langit. Kun unu ya pigtumbay mayu asini tas na lupaꞌ, yan uman ya pigtumbay dadan na Tyumanem adti tas na langit.
19“Aw matinaw uman ya un ku paglongun kamayu: Kun duwa kamayu asini tas na lupaꞌ ya magkasambuk ya ginawa sa pangkay unu ya sekaten mayu dun ni panawagtawag, atag saba na Ama ku na awun ni tas na langit. 20Kay kun awun duwa aw tulu ya mangintu-uway na magkatipun dun ni kanak ngalan, awun saba aku ni tampid nilan.”
Ya sugu-anen na walaꞌ ya pasinsiya
21Pagkatigkas yan, dyumulud si Pédro kan Jisus aw nyusip kanan, “Kay Magpalna-uway, kun gayed makasalaꞌ adi kanak ya eped ku na mangintu-uway, makapila ku sakanan pasinsiyayi? Unu, makapitu oloꞌ?”
22Aw tyumubag si Jisus kanan, “Paglongun ta kaw na bekeꞌ oloꞌ na makapitu, manang kapituwan (70) ka pitu ka piluꞌ. 23Kamangan ta sa alimbawaꞌ. Ya Kasakupan na Pighari-an na Tyumanem, kasiling na maynini: Awun sambuk na hariꞌ na migpatawag sa manga sugu-anen nan pada usayen ya manga pigtaligu nan adti kanilan. 24Sa pagpalekat da na hariꞌ mig-usay, pigpa-agad adti kanan ya sambuk na sugu-anen nan na nyaka-utang sa minélyun na kuwalta. 25Aw asuntu na walaꞌ nan kabatug bayadi, migsuguꞌ ya hariꞌ na galinen ya sugu-anen yan dala ya kanan ka͡ubayan aw kadég na mangayseꞌ nan. Aw panggalinen uman ya kadakulaꞌ na nyatagtun nan pada makabayad. 26Yanagaw lyumuhud ya sugu-anen adti asdangan na hariꞌ aw to-o nyangilalat kanan, aw miglong sakanan, ‘Kay Hariꞌ, kallati beg aku! Kun makatagad pa kaw beg, bayadan ta kaw sa kadakulaꞌ!’ 27Yanagaw pigkallatan sakanan na hariꞌ aw walaꞌ da nan pabayada, aw pigpapanaw da sakanan.
28“Manang sa pagluwaꞌ da nan, pig-isungun nan ya eped nan na sugu-anen na nyakabeles kanan sa tagbiꞌ na kuwalta. Aw pigtigel nan ya utaw yan aw piglongan nan, ‘Bayadi aku adun sa beles mu kanak!’ 29“Aw to-o nyangilalat ya eped nan, law nan, ‘Kay Lew, kallati aku beg! Kun makatagad pa kaw, bayadan ta kaw sa kadakulaꞌ na beles ku kanmu!’ 30Manang walaꞌ sakanan kalim na madugay bayadan. Pigpakalabusu nan baling ya eped nan mendaꞌ na makabayad sakanan. 31Pagkitaꞌ na manga eped nilan na sugu-anen sa nya-imoꞌ, to-o migkalat ya ginawa nilan. Yanagaw nyadtu silan adti asdangan na hariꞌ aw pig-ubat nilan kanan ya kadég na nya-imoꞌ. 32Pagkatigkas yan, pigpatawag na hariꞌ ya sugu-anen na walaꞌ pakabayad kanan, aw miglong ya hariꞌ, ‘To-o malatay ya pig-imoꞌ mu! Walaꞌ da ta kaw pabayada sa utang mu kanak asuntu na to-o kaw nyangilalat kanak. 33Anangaꞌ walaꞌ mu kallati ya eped mu kasiling na pagkallat ku kanmu?’ 34Aw to-o nyadaman ya hariꞌ kanan, aw ya syampetan yan, pigpakalabusu sakanan aw pigpamulayaman na manga magtatunggu-ay mendaꞌ na kabayadan nan ya kadakulaꞌ na beles nan. 35Maynan uman ya imo-un na Ama ku na awun ni tas na langit adti tagsambuksambuk kamayu, kun diliꞌ mayu tengteng pasinsiya͡an ya salaꞌ na manga eped mayu na mangintu-uway.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.