Matiyo 16
16
Ya pagsekat na manga Parisiyo aw Sadusiyo sa pangilala
1Aw sa talana pa ni Jisus dun, awun dyumulud kanan na manga Parisiyo aw manga Sadusiyo kay kaliman nilan tanda-en si Jisus. Yanagaw migsekat silan kanan sa pangilala na magmatinaw kun yan ya pigpadala na Tyumanem. 2Manang miglong si Jisus kanilan, “Sa agpet da sumallep ya sega, maglong kamu, ‘Madyaw ya lupaꞌ kunallaw kay mapula ya langit adun.’ 3Aw pagkamaselem da uman, kun magkapula ya langit aw maglugaytem ya manga labun, maglong kamu, ‘Mulan adun na allaw.’ Matadeng kamu mag-ubad sa timpu, manang diliꞌ mayu mabatug ubaden ya kakawasan na manga nyangka-imoꞌ adun na manga allaw yeiy! 4Tay sa kalatay na manga utaw adun na allaw yeiy! Pigtalikudan nilan ya Tyumanem, aw kasiling silan na ka͡ubayan na miglakadenen. Gayed silan migsekat sa pangilala, manang yan da oloꞌ ya pangilala na atag ku kanilan ya kasiling na nya-imoꞌ kan Jonas.” Aw pig-indegan silan ni Jisus aw nyanaw da sakanan.
Ya pagpa-edeꞌ ni Jisus sa bet na manga Parisiyo aw Sadusiyo
5Aw sa pagpakatalipag da na manga umagakan ni Jisus sa danaw, kya-anenganengan nilan na kyalingawan nilan ya dyumala sa pan. 6Pagkatigkas yan, miglong si Jisus kanilan, “Magpakatadeng kamu sa manga Parisiyo aw Sadusiyo pagaw katapunan kamu na kanilan bet na kasiling na patulinay sa pan!” 7Aw migpansibalawbalaw ya manga umagakan nan, miglong silan, “Yeiy gya ya du-an na piglong nan, kay walaꞌ kitadun pakadala sa pan.” 8Manang kya-ede-an ni Jisus ya pigbalawbalawan nilan. Yanagaw miglong sakanan adti kanilan, “Anangaꞌ mayu balawbalawan na walaꞌ kamu pakadala sa pan? Katagbiꞌ na pagpangintu-u mayu! 9Unu, walaꞌ mayu kalabeti? Unu kaꞌ, kyalingawlingawan da mayu ya pagpakan ku sa limammalalan (5,000) ya manga utaw sa limallapid oloꞌ ya pan? Aw pila ya be-en na nyatmuꞌ sa pigpan-imun mayu? 10Aw walaꞌ da mayu uman ka-anenganengi ya pagpakan ku sa upatemmalalan (4,000) ya utaw sa pitullapid ya pan? Aw pila ya mabaklaꞌ na be-en na nyasamaꞌ na nyatmuꞌ sa pigpan-imun mayu? 11Aw ya pundinganan na piglong ku kakayna, anangaꞌ walaꞌ mayu kalabeti na bekeꞌ na tengteng pan ya pyalabet ku? Magpakatadeng kamu pagaw katapunan kamu na palangad patulinay na manga Parisiyo aw Sadusiyo!” 12Aw dun da na manga umagakan nan kalabeti ya piglong ni Jisus na magpakatadeng silan sa baluk na palna-u na manga Parisiyo aw manga Sadusiyo. Kay ya palna-u nilan gayed migkadakulaꞌ aw tyumapun adti madég na manga utaw.
Ya tubag ni Pédro na si Jisus ya Misiyas
13Na, dyumateng da si Jisus aw manga eped nan adti banwa na Césariya Pilipos. Aw sambuk na allaw pig-usip nan ya kanan manga umagakan, “Aku na Iseꞌ na Utaw, dun ni pagbalawbalaw na manga utaw, singalan kunu aku adti kanilan?” 14Aw tyumubag silan, “Ya eped miglong na ikaw kunu si Juan na Magba͡utismuway, aw awun eped na miglong na ikaw kunu si Éliyas, aw awun pa eped na miglong na ikaw si Jérémiyas aw sambuk baling na propita.” 15Pagkatigkas yan, nyusip si Jisus kanilan, “Manang adti kamayu, singalan aku?” 16Aw tyumubag si Simon Pédro, “Ikaw saba ya Misiyas! Ikaw ya tengteng Iseꞌ na Tyumanem na Gayed Awun!”
17Aw miglong si Jisus kanan, “Madyaw ya kanmu, kay Simon na iseꞌ ni Jonas. Kay bekeꞌ na utaw ya migbukas kanmu seiy, manang ya kanak Ama na awun ni tas na langit yan ya migbukas adti kanmu. 18Aw asuntu sa piglong mu, lekat adun tawagen da kaw na Pédro na ya kakawasan: batu na sumalem. Aw dun ni batu yeiy, ya kadég na manga mangintu-uway imo-un ku na kanak kasakupan. Aw diliꞌ yeiy degen na katulus na kamatayen.#16:18 Asini birsikulu, pangkay piglongan ni Jisus si Simon Pédro na batu manang ya tengteng Batu yan si Jisus. Mabasa adti 1 Pédro 2:4. 19Un ku atag kanmu ya manga lyabi sa Kasakupan na Pighari-an na Tyumanem. Kun unu ya pigpigil mu asini tas na lupaꞌ, yan uman ya pigpigil dadan na Tyumanem adti tas na langit. Aw kun unu ya pigtumbay mu asini tas na lupaꞌ, yan uman ya pigtumbay dadan na Tyumanem adti tas na langit.” 20Pagkatigkas yan, piglongan ni Jisus ya kanan manga umagakan, “Diliꞌ mayu pagpa-edeꞌ adti pangkay singalan utawa na aku ya Misiyas.”
Ya tagnaꞌ na pagpa-edeꞌ ni Jisus sa pagkamatay aw pagkataw nan
21Lekat dun ni allaw yan, pigpalekat ni Jisus ya pagpa-edeꞌ adti manga umagakan nan na ka-ilangan sakanan madtu ni Jérusalim kay yeiy ya pigpalpa dadan na Tyumanem. Aw dun ni Jérusalim, kele͡an sakanan aw ti-isen nan ya pamulayam na manga magdadumala͡ay sa manga Judiyu aw manga mangkatas na magdadugsu-ay aw manga magpalna-uway sa Uldin. Aw un sakanan patayen, manang pagkatlu na allaw mataw sakanan. 22Manang piggagad ni Pédro si Jisus adti diliꞌ to-o mawat sa manga eped nilan, aw pigpalekat nan ya pagsagda kanan, “Kay Magpalna-uway, diliꞌ yan tumbay na Tyumanem na apeten mu ya pagti-is! Diliꞌ yan mabatug!” 23Manang nyatubang si Jisus kan Pédro aw pigsagda nan, “Ya piglong mu lekat saba adti kan Satanas na yan ya un magbalabag sa palpa na Tyumanem. Yanagaw pagpakawat kaw! Walaꞌ mu betangan adti kanmu anenganeng ya kana Tyumanem pagkaliman. Yan oloꞌ ya pig-anenganeng mu ya kana utaw.”
24Pagkatigkas yan, miglong si Jisus adti manga umagakan nan, “Pangkay singalan ya malim ma-imoꞌ kanak umagakan, ka-ilangan ayawan nan ya kanan pagkaliman aw pisanen nan ya kanan krus aw dumalug kanak. 25Kay pangkay singalan ya gyuminawa sa kanan pag-eyaꞌ asini tas na lupaꞌ, kalagakan baling sa ginawa na walaꞌ ya katigkasan. Manang kun singalan ya magtibulluk dumalug kanak pangkay pa adti pagkamatay, matagtun nan ya ginawa na walaꞌ ya katigkasan. 26Unu kaꞌ ya un ma-untung na utaw kun matagtun nan ya kadakulaꞌ na banwa manang kalagakan baling sa ginawa na walaꞌ ya katigkasan? Aw unu uman ya nyatagtun na utaw na umbaꞌ nan pagliwan sa ginawa na walaꞌ ya katigkasan? 27Kay madi pa aku na Iseꞌ na Utaw, aw sa paglikuꞌ ku, ka-agadan aku na dakulaꞌ na kalalamdag na pagka Tyumanem na kanak Ama, aw eped ku ya manga anghil. Aw atagan ku ya tagsambuksambuk na utaw sa umbaꞌ sa kadég na pigpan-imoꞌ nilan pangkay madyaw aw pangkay malatay. 28Aw matinaw ya un ku paglongun kamayu: Awun manga eped asini kamayu na diliꞌ nilan apeten ya pagkamatay mendaꞌ na kita-en nilan ya paghariꞌ ku na Iseꞌ na Utaw.”
ទើបបានជ្រើសរើសហើយ៖
Matiyo 16: klgv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.
Matiyo 16
16
Ya pagsekat na manga Parisiyo aw Sadusiyo sa pangilala
1Aw sa talana pa ni Jisus dun, awun dyumulud kanan na manga Parisiyo aw manga Sadusiyo kay kaliman nilan tanda-en si Jisus. Yanagaw migsekat silan kanan sa pangilala na magmatinaw kun yan ya pigpadala na Tyumanem. 2Manang miglong si Jisus kanilan, “Sa agpet da sumallep ya sega, maglong kamu, ‘Madyaw ya lupaꞌ kunallaw kay mapula ya langit adun.’ 3Aw pagkamaselem da uman, kun magkapula ya langit aw maglugaytem ya manga labun, maglong kamu, ‘Mulan adun na allaw.’ Matadeng kamu mag-ubad sa timpu, manang diliꞌ mayu mabatug ubaden ya kakawasan na manga nyangka-imoꞌ adun na manga allaw yeiy! 4Tay sa kalatay na manga utaw adun na allaw yeiy! Pigtalikudan nilan ya Tyumanem, aw kasiling silan na ka͡ubayan na miglakadenen. Gayed silan migsekat sa pangilala, manang yan da oloꞌ ya pangilala na atag ku kanilan ya kasiling na nya-imoꞌ kan Jonas.” Aw pig-indegan silan ni Jisus aw nyanaw da sakanan.
Ya pagpa-edeꞌ ni Jisus sa bet na manga Parisiyo aw Sadusiyo
5Aw sa pagpakatalipag da na manga umagakan ni Jisus sa danaw, kya-anenganengan nilan na kyalingawan nilan ya dyumala sa pan. 6Pagkatigkas yan, miglong si Jisus kanilan, “Magpakatadeng kamu sa manga Parisiyo aw Sadusiyo pagaw katapunan kamu na kanilan bet na kasiling na patulinay sa pan!” 7Aw migpansibalawbalaw ya manga umagakan nan, miglong silan, “Yeiy gya ya du-an na piglong nan, kay walaꞌ kitadun pakadala sa pan.” 8Manang kya-ede-an ni Jisus ya pigbalawbalawan nilan. Yanagaw miglong sakanan adti kanilan, “Anangaꞌ mayu balawbalawan na walaꞌ kamu pakadala sa pan? Katagbiꞌ na pagpangintu-u mayu! 9Unu, walaꞌ mayu kalabeti? Unu kaꞌ, kyalingawlingawan da mayu ya pagpakan ku sa limammalalan (5,000) ya manga utaw sa limallapid oloꞌ ya pan? Aw pila ya be-en na nyatmuꞌ sa pigpan-imun mayu? 10Aw walaꞌ da mayu uman ka-anenganengi ya pagpakan ku sa upatemmalalan (4,000) ya utaw sa pitullapid ya pan? Aw pila ya mabaklaꞌ na be-en na nyasamaꞌ na nyatmuꞌ sa pigpan-imun mayu? 11Aw ya pundinganan na piglong ku kakayna, anangaꞌ walaꞌ mayu kalabeti na bekeꞌ na tengteng pan ya pyalabet ku? Magpakatadeng kamu pagaw katapunan kamu na palangad patulinay na manga Parisiyo aw Sadusiyo!” 12Aw dun da na manga umagakan nan kalabeti ya piglong ni Jisus na magpakatadeng silan sa baluk na palna-u na manga Parisiyo aw manga Sadusiyo. Kay ya palna-u nilan gayed migkadakulaꞌ aw tyumapun adti madég na manga utaw.
Ya tubag ni Pédro na si Jisus ya Misiyas
13Na, dyumateng da si Jisus aw manga eped nan adti banwa na Césariya Pilipos. Aw sambuk na allaw pig-usip nan ya kanan manga umagakan, “Aku na Iseꞌ na Utaw, dun ni pagbalawbalaw na manga utaw, singalan kunu aku adti kanilan?” 14Aw tyumubag silan, “Ya eped miglong na ikaw kunu si Juan na Magba͡utismuway, aw awun eped na miglong na ikaw kunu si Éliyas, aw awun pa eped na miglong na ikaw si Jérémiyas aw sambuk baling na propita.” 15Pagkatigkas yan, nyusip si Jisus kanilan, “Manang adti kamayu, singalan aku?” 16Aw tyumubag si Simon Pédro, “Ikaw saba ya Misiyas! Ikaw ya tengteng Iseꞌ na Tyumanem na Gayed Awun!”
17Aw miglong si Jisus kanan, “Madyaw ya kanmu, kay Simon na iseꞌ ni Jonas. Kay bekeꞌ na utaw ya migbukas kanmu seiy, manang ya kanak Ama na awun ni tas na langit yan ya migbukas adti kanmu. 18Aw asuntu sa piglong mu, lekat adun tawagen da kaw na Pédro na ya kakawasan: batu na sumalem. Aw dun ni batu yeiy, ya kadég na manga mangintu-uway imo-un ku na kanak kasakupan. Aw diliꞌ yeiy degen na katulus na kamatayen.#16:18 Asini birsikulu, pangkay piglongan ni Jisus si Simon Pédro na batu manang ya tengteng Batu yan si Jisus. Mabasa adti 1 Pédro 2:4. 19Un ku atag kanmu ya manga lyabi sa Kasakupan na Pighari-an na Tyumanem. Kun unu ya pigpigil mu asini tas na lupaꞌ, yan uman ya pigpigil dadan na Tyumanem adti tas na langit. Aw kun unu ya pigtumbay mu asini tas na lupaꞌ, yan uman ya pigtumbay dadan na Tyumanem adti tas na langit.” 20Pagkatigkas yan, piglongan ni Jisus ya kanan manga umagakan, “Diliꞌ mayu pagpa-edeꞌ adti pangkay singalan utawa na aku ya Misiyas.”
Ya tagnaꞌ na pagpa-edeꞌ ni Jisus sa pagkamatay aw pagkataw nan
21Lekat dun ni allaw yan, pigpalekat ni Jisus ya pagpa-edeꞌ adti manga umagakan nan na ka-ilangan sakanan madtu ni Jérusalim kay yeiy ya pigpalpa dadan na Tyumanem. Aw dun ni Jérusalim, kele͡an sakanan aw ti-isen nan ya pamulayam na manga magdadumala͡ay sa manga Judiyu aw manga mangkatas na magdadugsu-ay aw manga magpalna-uway sa Uldin. Aw un sakanan patayen, manang pagkatlu na allaw mataw sakanan. 22Manang piggagad ni Pédro si Jisus adti diliꞌ to-o mawat sa manga eped nilan, aw pigpalekat nan ya pagsagda kanan, “Kay Magpalna-uway, diliꞌ yan tumbay na Tyumanem na apeten mu ya pagti-is! Diliꞌ yan mabatug!” 23Manang nyatubang si Jisus kan Pédro aw pigsagda nan, “Ya piglong mu lekat saba adti kan Satanas na yan ya un magbalabag sa palpa na Tyumanem. Yanagaw pagpakawat kaw! Walaꞌ mu betangan adti kanmu anenganeng ya kana Tyumanem pagkaliman. Yan oloꞌ ya pig-anenganeng mu ya kana utaw.”
24Pagkatigkas yan, miglong si Jisus adti manga umagakan nan, “Pangkay singalan ya malim ma-imoꞌ kanak umagakan, ka-ilangan ayawan nan ya kanan pagkaliman aw pisanen nan ya kanan krus aw dumalug kanak. 25Kay pangkay singalan ya gyuminawa sa kanan pag-eyaꞌ asini tas na lupaꞌ, kalagakan baling sa ginawa na walaꞌ ya katigkasan. Manang kun singalan ya magtibulluk dumalug kanak pangkay pa adti pagkamatay, matagtun nan ya ginawa na walaꞌ ya katigkasan. 26Unu kaꞌ ya un ma-untung na utaw kun matagtun nan ya kadakulaꞌ na banwa manang kalagakan baling sa ginawa na walaꞌ ya katigkasan? Aw unu uman ya nyatagtun na utaw na umbaꞌ nan pagliwan sa ginawa na walaꞌ ya katigkasan? 27Kay madi pa aku na Iseꞌ na Utaw, aw sa paglikuꞌ ku, ka-agadan aku na dakulaꞌ na kalalamdag na pagka Tyumanem na kanak Ama, aw eped ku ya manga anghil. Aw atagan ku ya tagsambuksambuk na utaw sa umbaꞌ sa kadég na pigpan-imoꞌ nilan pangkay madyaw aw pangkay malatay. 28Aw matinaw ya un ku paglongun kamayu: Awun manga eped asini kamayu na diliꞌ nilan apeten ya pagkamatay mendaꞌ na kita-en nilan ya paghariꞌ ku na Iseꞌ na Utaw.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.