Utumbuli 4
4
Kaini na Abeli
1Ndienu, Adamu jagonila nu nhwanamundu Eva, na Eva japata kitumbu, ambelika mwana. Eva japwaaga, “Bambu Sapanga junyangati mbatiki mwana mwanalomi.” Henu ankema liina Kaini. 2Kabee Eva ambelika mwana jongi ankema Abeli. Abeli jabia jojupuga makondoo na Kaini jabia nndemi. 3Lisoba limu, Kaini ampikia Bambu Sapanga matambiku kuhuma mu ilebi yu mu litui. 4Najombi Abeli ampikia Sapanga litambiku. Jakoma kibeleku simu su utumbuli kati ji ibeleku ya makondoo gaki nukumpeke Bambu Sapanga inyama ja sapi ji likondoo heli. Bambu Sapanga jalenganiwi na Abeli ni litambiku laki kabee, 5lakini Sapanga ngase jalenganiwi na Kaini wala litambiku laki. Ndienu Kaini jayomiki ngamaa na pamihu jaki patenda kutulana. 6Bambu Sapanga anndalukiya Kaini, “Ndaba jaki gutei kuyoma, na ndaba jakii pamihu jaku patulini hela? 7Boo, anaguhengiki saamboni nga wijetakalewe? Ana nga seguhengiki gaamboni, ngawikubi nu uwesu ukugapenga mahakau.”
8Kaini ampwagila nndongu waki Abeli, “Tuboka kulungwenza.” Henu, pababia kulungwenza Kaini antukaliya Abeli nu kunkoma.
9Bambu Sapanga andalukiya Kaini, “Boo nndongu waku Abeli jubii kwako?”
Kaini jajibua, “Nepani ngasemanyiki! Boo, nepani ndi nu nndonda uku nndongu wango?”
10Bambu Sapanga japwaaga, “Guhengiki kike? Mwai uku nndongu waku gunele kuhuma puluombi. 11Henu wehapa gupatiki yaambamba! Bagubenga mu luombi lolubii na mbolea lolulwe lunywelali mwai uku nndongu waku joukomiki. 12Anagulemiki mu luombi nga jagupeke kabee ilebi yaki. Wibiya wa mundu ukutangatanga, jwanga nu pukutama pani punndema.”
13Kaini ampwagila Bambu Sapanga, “Azabu jangu ndi ngolongu ngani, nganhwesi kujitotola. 14Lelenu gumengiki kuhuma mu luombi lolubii na mbolea nu kuba kutali nawehapa. Ndienu nibiya na mundu ukutangatanga, jwanga na pukutama pa pamanyakini pani punndema, na jokapi jojwiimona jwiitenda kungoma.”
15Lakini Bambu Sapanga jajibua, “Ngahela! Jojagukoma wehapa wa Kaini nanndepisa mala saba.” Ndienu Bambu Sapanga ammbeka alama jukulakali, ili jokapi joammbona jaankoma. 16Ndienu, Kaini jaboka palongi jaka Bambu Sapanga, jabiya jutama mu musi wa Nodi mana jaki kutangatanga, upandi golipiti lyoba uku Edeni.
Kibeleku saka Kaini
17Pagapeta masoba haga, Kaini nu nhwanamundu bapata mwana mwanalomi na ankema liina Enoki. Kaini jasenga musi jugukema Enoki liina laka mwanamundu. 18Enoki ammbelika Iladi na najombi Iladi ammbelika Meuyaeli na Meuyaeli ammbelika Metushaeli na Metushaeli ammbelika Lameki. 19Lameki jajukwi akammbomba abeli, jumu ankemika Ada na jongi ankema Sila. 20Ada ammbelika Yabali jojuwe jabii ahoku jwa bandu bababiya baapuga inyama na atama ku maema. 21Nndongu waki jabiya Yabali, hoju jabiya ahoku ba bandu boti baapega ilimba na pyelembi. 22Najombi Sila ammbelika Tubali Kaini, jojuwe jakabii jojuponda hindu ya shaba na yiisomasoma. Nu nndombu waka Tubali Kaini jabiya Naama.
23Lameki jaapwagila aka ahanamundu,
“Ada na Sila nnzoaninya sauti jangu! Nzoaninya gambwaaga mwaka ahanu baka Lameki.
Nepani nakomiki mundu ndaba jandei kunhumisa, helo nunkoma nkombu hoju ndaba jandei kunhumisa. 24Ana joankoma Kaini jwiilepiswa mala saba,
nala sakaka joankoma Lameki jwiilepiswa mala sabini na saba.”
Seti na Enoshi
25Adamu jagonila kabe nu nhwanamundu Eva, najombi ammbelika mwana mwanalomi ankema Seti japwaaga, “Sapanga jumbeki mwana jongi badala jaka Abeli jojakomika na Kaini.” 26Najombi Seti japata mwana mwanalomi, ankema Enoshi. Papuje ndi bandu pabatumbuliya kunndoba Bambu Sapanga ku liina laki.
ទើបបានជ្រើសរើសហើយ៖
Utumbuli 4: MaBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.
Utumbuli 4
4
Kaini na Abeli
1Ndienu, Adamu jagonila nu nhwanamundu Eva, na Eva japata kitumbu, ambelika mwana. Eva japwaaga, “Bambu Sapanga junyangati mbatiki mwana mwanalomi.” Henu ankema liina Kaini. 2Kabee Eva ambelika mwana jongi ankema Abeli. Abeli jabia jojupuga makondoo na Kaini jabia nndemi. 3Lisoba limu, Kaini ampikia Bambu Sapanga matambiku kuhuma mu ilebi yu mu litui. 4Najombi Abeli ampikia Sapanga litambiku. Jakoma kibeleku simu su utumbuli kati ji ibeleku ya makondoo gaki nukumpeke Bambu Sapanga inyama ja sapi ji likondoo heli. Bambu Sapanga jalenganiwi na Abeli ni litambiku laki kabee, 5lakini Sapanga ngase jalenganiwi na Kaini wala litambiku laki. Ndienu Kaini jayomiki ngamaa na pamihu jaki patenda kutulana. 6Bambu Sapanga anndalukiya Kaini, “Ndaba jaki gutei kuyoma, na ndaba jakii pamihu jaku patulini hela? 7Boo, anaguhengiki saamboni nga wijetakalewe? Ana nga seguhengiki gaamboni, ngawikubi nu uwesu ukugapenga mahakau.”
8Kaini ampwagila nndongu waki Abeli, “Tuboka kulungwenza.” Henu, pababia kulungwenza Kaini antukaliya Abeli nu kunkoma.
9Bambu Sapanga andalukiya Kaini, “Boo nndongu waku Abeli jubii kwako?”
Kaini jajibua, “Nepani ngasemanyiki! Boo, nepani ndi nu nndonda uku nndongu wango?”
10Bambu Sapanga japwaaga, “Guhengiki kike? Mwai uku nndongu waku gunele kuhuma puluombi. 11Henu wehapa gupatiki yaambamba! Bagubenga mu luombi lolubii na mbolea lolulwe lunywelali mwai uku nndongu waku joukomiki. 12Anagulemiki mu luombi nga jagupeke kabee ilebi yaki. Wibiya wa mundu ukutangatanga, jwanga nu pukutama pani punndema.”
13Kaini ampwagila Bambu Sapanga, “Azabu jangu ndi ngolongu ngani, nganhwesi kujitotola. 14Lelenu gumengiki kuhuma mu luombi lolubii na mbolea nu kuba kutali nawehapa. Ndienu nibiya na mundu ukutangatanga, jwanga na pukutama pa pamanyakini pani punndema, na jokapi jojwiimona jwiitenda kungoma.”
15Lakini Bambu Sapanga jajibua, “Ngahela! Jojagukoma wehapa wa Kaini nanndepisa mala saba.” Ndienu Bambu Sapanga ammbeka alama jukulakali, ili jokapi joammbona jaankoma. 16Ndienu, Kaini jaboka palongi jaka Bambu Sapanga, jabiya jutama mu musi wa Nodi mana jaki kutangatanga, upandi golipiti lyoba uku Edeni.
Kibeleku saka Kaini
17Pagapeta masoba haga, Kaini nu nhwanamundu bapata mwana mwanalomi na ankema liina Enoki. Kaini jasenga musi jugukema Enoki liina laka mwanamundu. 18Enoki ammbelika Iladi na najombi Iladi ammbelika Meuyaeli na Meuyaeli ammbelika Metushaeli na Metushaeli ammbelika Lameki. 19Lameki jajukwi akammbomba abeli, jumu ankemika Ada na jongi ankema Sila. 20Ada ammbelika Yabali jojuwe jabii ahoku jwa bandu bababiya baapuga inyama na atama ku maema. 21Nndongu waki jabiya Yabali, hoju jabiya ahoku ba bandu boti baapega ilimba na pyelembi. 22Najombi Sila ammbelika Tubali Kaini, jojuwe jakabii jojuponda hindu ya shaba na yiisomasoma. Nu nndombu waka Tubali Kaini jabiya Naama.
23Lameki jaapwagila aka ahanamundu,
“Ada na Sila nnzoaninya sauti jangu! Nzoaninya gambwaaga mwaka ahanu baka Lameki.
Nepani nakomiki mundu ndaba jandei kunhumisa, helo nunkoma nkombu hoju ndaba jandei kunhumisa. 24Ana joankoma Kaini jwiilepiswa mala saba,
nala sakaka joankoma Lameki jwiilepiswa mala sabini na saba.”
Seti na Enoshi
25Adamu jagonila kabe nu nhwanamundu Eva, najombi ammbelika mwana mwanalomi ankema Seti japwaaga, “Sapanga jumbeki mwana jongi badala jaka Abeli jojakomika na Kaini.” 26Najombi Seti japata mwana mwanalomi, ankema Enoshi. Papuje ndi bandu pabatumbuliya kunndoba Bambu Sapanga ku liina laki.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.