Utumbuli 33
33
Yakobu juketangana na Esau
1Ndienu, Yakobu jalinga, ammbona Esau jihika na bandu mia nsesi. Hapa jaabaga bana baki kati jaka bana baka Lea na bana baka Laeli na atumisi abeli bala. 2Jaabeka atumisi na bana baki palongi, ndipala Lea na bana baki nu munyuma Laeli na mwana waki Josepu. 3Ndipala mweni jatenda kaalongule, jajinama mbaka pai kwi isima mala saba, mbaka pajahika pambipi nu nndongu mundu. 4Ndipala, Esau jajenda imbelu kunzopa Yakobu, anzobatiya nukumbusu munhingu, na boa abeli batenda kulela. 5Esau pajalinga na kwaabona akanyongo bala na bana, jalalukiya, “Boo, bamba akanyane?” Yakobu anzibua, “Bamba ndi bana bajumbeki Sapanga sukumbendale, jumbeki nepani nu ntumisi waku.” 6Ndipala atumisi bala bahegaliya pamu na bana babu, bajinama kwi isima. 7Kabee Lea jahika pamu na bana baki, jajinama kwi isima. Mwisu weni Laeli na Josepu bahika nukujinama kwi isima.
8Ndienu Esau jalalukiya, “Boo, likundi lengetangini naku mwiindela ale mana jaki kike?” Yakobu jajibua, “Nuguleti ndaba natokuliya gunyetakaliya kuhika kwaku wa bambu wango.”
9Lakini Esau japwaaga, “Mina mali gukutosa nndongu wangu. Mali gaku gabiya gaku wamwete.”
10Yakobu ampwagila, “Laa! Ana sakaka gujetaki kunyukua, ndienu nuguloba gujopa nhupi yangu. Kee kupabona pamihu jaku kubii ngati kupabona pamihu jaka Sapanga, kwa ndaba hegunyopiki kwa uamboni nkolongu. 11Henu nuguloba gujetakiya nhupi jenuguleti, ndaba hata nepani kabee Sapanga jutei kumbendale, nanepani mii na mali gingi.” Ndi Yakobu ankololua Esau, najombi jajopa nhupi jaki.
12Esau japwaaga, “Hena! Tuendaliya na sapwali jito, nepani mwiti ndenda kugulongulela.”
13Lakini Yakobu ampwaagila, “Bambu wangu, wehapa gumanyiki bana haba asoku ni mipugu jenze jitenda kujongesa nanepani nhwesa kujitunza ana inyama haye anawiibutuini imbelu kwi lisoba limu ngiti itenda kuwa yote. 14Henu nuguloba gulonguliya gunkolongu wangu, nanepani ntumisi waku ngiti mbwata mbolimboli kulengana ni inyama ahaye eijenda na bana mbaka enihika ku Seili.”
15Hapa Esau japwaaga, “Mbanga nugulekila bandu ba bangi.” Lakini Yakobu japwaaga, “Kubii na sababu boo, jukuhenga hela? Kutosi pagumbeki uamboni palongi jaku unkolongu wangu.” 16Ndienu, lisoba heli Esau jatumbuliya sapwali jukubuja ku Seili. 17Lakini Yakobu jaendaliya na sapwali kujenda ku musi uku Sukoti na hoku jasenga nyumba ni indamba ndaba ji inyama yaki. Kwa ndaba heji pandu je hapa bapakema pa Sukoti.
18Yakobu jahuma ku Padanilami jahika sapi ku musi uku Shekemu mu nndema uku Kanani jagonila pambipi na musi we hogu. 19Pandu pupunndema hapa papuje pajatemi japalomba kuhuma ku kibeleku saka Hamoli atati baka Shekemu, kwi ipandi mia jimu yu lupija. 20Hoku jasenga litambiku nukupakema Sapanga ndi Sapanga jwa Aizilaeli.
ទើបបានជ្រើសរើសហើយ៖
Utumbuli 33: MaBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.
Utumbuli 33
33
Yakobu juketangana na Esau
1Ndienu, Yakobu jalinga, ammbona Esau jihika na bandu mia nsesi. Hapa jaabaga bana baki kati jaka bana baka Lea na bana baka Laeli na atumisi abeli bala. 2Jaabeka atumisi na bana baki palongi, ndipala Lea na bana baki nu munyuma Laeli na mwana waki Josepu. 3Ndipala mweni jatenda kaalongule, jajinama mbaka pai kwi isima mala saba, mbaka pajahika pambipi nu nndongu mundu. 4Ndipala, Esau jajenda imbelu kunzopa Yakobu, anzobatiya nukumbusu munhingu, na boa abeli batenda kulela. 5Esau pajalinga na kwaabona akanyongo bala na bana, jalalukiya, “Boo, bamba akanyane?” Yakobu anzibua, “Bamba ndi bana bajumbeki Sapanga sukumbendale, jumbeki nepani nu ntumisi waku.” 6Ndipala atumisi bala bahegaliya pamu na bana babu, bajinama kwi isima. 7Kabee Lea jahika pamu na bana baki, jajinama kwi isima. Mwisu weni Laeli na Josepu bahika nukujinama kwi isima.
8Ndienu Esau jalalukiya, “Boo, likundi lengetangini naku mwiindela ale mana jaki kike?” Yakobu jajibua, “Nuguleti ndaba natokuliya gunyetakaliya kuhika kwaku wa bambu wango.”
9Lakini Esau japwaaga, “Mina mali gukutosa nndongu wangu. Mali gaku gabiya gaku wamwete.”
10Yakobu ampwagila, “Laa! Ana sakaka gujetaki kunyukua, ndienu nuguloba gujopa nhupi yangu. Kee kupabona pamihu jaku kubii ngati kupabona pamihu jaka Sapanga, kwa ndaba hegunyopiki kwa uamboni nkolongu. 11Henu nuguloba gujetakiya nhupi jenuguleti, ndaba hata nepani kabee Sapanga jutei kumbendale, nanepani mii na mali gingi.” Ndi Yakobu ankololua Esau, najombi jajopa nhupi jaki.
12Esau japwaaga, “Hena! Tuendaliya na sapwali jito, nepani mwiti ndenda kugulongulela.”
13Lakini Yakobu ampwaagila, “Bambu wangu, wehapa gumanyiki bana haba asoku ni mipugu jenze jitenda kujongesa nanepani nhwesa kujitunza ana inyama haye anawiibutuini imbelu kwi lisoba limu ngiti itenda kuwa yote. 14Henu nuguloba gulonguliya gunkolongu wangu, nanepani ntumisi waku ngiti mbwata mbolimboli kulengana ni inyama ahaye eijenda na bana mbaka enihika ku Seili.”
15Hapa Esau japwaaga, “Mbanga nugulekila bandu ba bangi.” Lakini Yakobu japwaaga, “Kubii na sababu boo, jukuhenga hela? Kutosi pagumbeki uamboni palongi jaku unkolongu wangu.” 16Ndienu, lisoba heli Esau jatumbuliya sapwali jukubuja ku Seili. 17Lakini Yakobu jaendaliya na sapwali kujenda ku musi uku Sukoti na hoku jasenga nyumba ni indamba ndaba ji inyama yaki. Kwa ndaba heji pandu je hapa bapakema pa Sukoti.
18Yakobu jahuma ku Padanilami jahika sapi ku musi uku Shekemu mu nndema uku Kanani jagonila pambipi na musi we hogu. 19Pandu pupunndema hapa papuje pajatemi japalomba kuhuma ku kibeleku saka Hamoli atati baka Shekemu, kwi ipandi mia jimu yu lupija. 20Hoku jasenga litambiku nukupakema Sapanga ndi Sapanga jwa Aizilaeli.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.