Utumbuli 31
31
Yakobu antila Labani
1Ndienu, Yakobu jaajoana bana akanalomi baka Labani bapwaaga, “Yakobu jujukwi kila sindu sa atati bitu, hela ndi ejawesa kuba na mali gingi kuhuma mu mali ga atati bitu.” 2Yakobu jamanya ana kujongana kwabu na Labani ngasekubii ngati puutumbuli. 3Ndipala Bambu Sapanga ampwagila Yakobu, “Kelubuka mu nndema wa aseja baku na kwaka alongu baku, nanepani niibiya pamu nawehapa.”
4Ndienu, Yakobu jaatuma bandu kwaakema Laeli na Lea, aketangana naku kukioli kojabiya julima inyama. 5Yakobu ampwagila, “Mona atati binu na nepani ngasetujongana kabeti ngati puutumbuli. Lakini Sapanga wa atati bangu jubii pamu na nepani. 6Mmanyiki ana, naantumaki atati binu kwa makili gangu goti. 7Hata hela jombi jutei kungonga nu kung`anambu malepu gangu mala komi. Lakini Sapanga ngaseanzetakali junhumisa. 8Kila kipindi atati bii apwagika, ‘Inyama yeibii na mabakamabaka ndi babibiya na malipu gaku,’ ndienu likundi loti labelika inyama yeibii na mabakamabaka. Na kila pajupwaaga, ‘inyama yeibii ni misitali ndi yeibiya malipu gaku,’ ndienu, likundi loti labelika inyama yeibii na misitali. 9Ndienu, Sapanga ejijukua inyama ya atati binu, jumbekiya nepani.
10“Masoba gi inyama kupata lubeli nalota ndotu, na mu ndotu heji nagabona mapongu goti gagakwela mikolu gagabii ni misitali na madoamadoa na mabakamabaka. 11Ntumi waka Sapanga ju kunani kumaundi jalongila nanepani mu ndotu heji, jangema, ‘Yakobu’ nanepani najetika, ‘Ee!’ 12Najombi jambwagila, linga, mapongu goti gabii ni misitali na madoadoa na mabakamabaka gagakwela mikolu. Lijambu le heli libii hela ndaba nikibweni seejugunhengi Labani. 13Nepani ndi Sapanga jojugupitila ku Beseli, pandu apalapa pawabeka lilibu nu kulijakanii mahuta panani jaki na papuje walapa ndaba jangu nepani. Henu boka mu nndema gongo gukelubuka mu nndema waku gowasaliwa.”
14Laeli na Lea bunzibua Yakobu, “Twepani ngasetubii kabee na pandu au ulisi wokapi mu nyumba ja atati bitu! 15Kabee jombi jutubweni twepani ngati twaageni, jutulombisi nukutumii lupija lwitu lwoti. 16Mali goti gaguge Sapanga jujukwi kuhuma kwa atati bitu ndi jitu twepani na bana bitu. Henu henga majambu goti gajugulagalaki Sapanga!”
17Ndienu, Yakobu jijiandiya kujenda sapwali, jakweika bana baki na akahanamundu panani ja ngamia. 18Jajukua inyama yaki yoti pamu na mali gaki gajupatiki ku Padani alamu, jatumbuliya sapwali kukelabuki ku Kanani kwaka Isaka Atati baki. 19Kipindi sehesi Labani jabiya jupiti kwiiseku mangoma inyama yaki. Henu Laeli japata napwasi jukujiba imongumongu yi isapanga ya atati baki. 20Yakobu ankonga Labani juku Alami sukutila sanga kulitabuka. 21Ndienu, Yakobu jajukua mali gaki goti, nukutila. Ejabiya julombwiki pe losi luku Eufulati, jajenda ku nndema wiitombi yuku Gileadi.
Labani ankagu Yakobu
22Masoba matatu mwenikatai, Labani bumpwagila kubanga Yakobu jutei kutila. 23Ndienu, Labani jaajukua akalongu mundu, ampwata Yakobu kwa masoba saba, bunketaninya kukitombi ku nndema uku Gileadi. 24Lakini ikilu, Sapanga ampitila Labani juku Mwalamu mu ndoto ampwagila, “Ulilingaliya! Wampwagi Yakobu lilobi lokapi liliya.” 25Ndienu, Labani anhikila Yakobu. Kipindi sehesi Yakobu jabiya jugone kukitombi. Labani pamu na akalongu mundu jagonila kwi itombi yu nndema uku Gileadi.
26Ndipala Labani ampwagila Yakobu, “Guhengiki kyane? Mbona gungongike, wajukua akakamwali bangu ngati mateka kungondo? 27Ndaba jakii watila kwa sile? Boo, ndaba jakii gwatenda kungonga? Boo, ndaba jakii ngasewandabwike? Ana wakambwagi nukugutabuka sukutogule na kwa nyembo ni ing`oma ni kilimba? 28Mbona ngasewambeki napwasi jakwaatabuka sakwaajobate akamwali bangu na asoko bangu? Ajaku guhengiki ung`ang`a. 29Mii nu uwesu ukugughumisa, lakini Sapanga wa atati baku ambitila ikilu jukujumukii lelenu jumbwagi, ‘Lilingaliya! Wampwagi Yakobu lilobi lokapi la sapi au liliya.’ 30Manyiki gundila ndaba ja hamu ngolongu jukubuja kunyumba jaku. Lakini ndaba jakii wajiba imong`umong`u yiisapanga yango?”
31Yakobu anzibua, “Najogupa ndaba naholaliya wakanyaga akakamwali baku kuhuma kwangu nepani. 32Lakini jowammbona ni imongumongu yi isapanga yaku jwiitama! Palongi ja alongu bitu, langiya sokapi sekibii saku, ukikijukua.” Yakobu ngasejamanyiki ngati Laeli jujibiki imong`umong`u yiisapanga yaka Labani.
33Ndienu, Labani jataputa imong`umong`u heyi yi isapanga yaki mu lihema laka Yakobu, laka Lea na la atumisi baki abeli bala, lakini ngasejiipataje. Japita kunza ji lihema laka Lea nukujingi mu lihema laka Laeli. 34Laeli jabiya jujukwi imong`umong`u ye heyi, jiihiya pai ja matandiku ga ngamia nukutama panani jaki. Labani jiitaputa mu lihema loti lakini ngasejiipataje. 35Ndipala Laeli jaapwagila atati baki, “Mpepa koku atati, mwiiyoma, ngasenhwesa kujema palongi jino ndaba mi mu masoba gango.” Ndienu, Yakobu jataputa imong`umong`u yaki, lakini ngasejiipataje.
36Ndi Yakobu jatenda kuyoma andaumwa Labani koni jupwaaga, “Likosa lane lako?” Anndalukiya Labani, ndei lihakau bole mbaka kutenda kundaputa? 37Gupatiki kyane sesikuba sako baada jukulingalaki misigu jangu jote? Beka palongi ja akalongu bangu boti na akaalongu bako, ili aamua kati jitu twepani twaabeli. 38Ndamiki nawehapa kwa yaka ishilini, na masoba goti gehaga makondoo gaku wala imbui yaku ngasenhwaiki kuhalabana kitumbu, wala ngasenhwaiki kula likondoo likambaku lilikundi laku. 39Nepani ngasenhwaiki kugulete hata mala jimu kinyama sakusekikomeka ni kinyama sumukioli, ila mbidia hasala je heji namweti. Wehapa gupalika neepa sanga kulinga ajibika muhi au ikilu. 40Henu, muhi libabalika lyoba likali ni ikilu kipogila kipepu kikali ngasenhwesiki hata kupata lugonu hata kasokopi. 41Kwa yaka ishilini heji joti ndamika panyumba jaku. Nugutumii yaka komi nu nsesi ndaba jaka kamwali baku abeli, na yaka sita nimika inyama yaku. Lakini wehapa wang`anambula malepu gangu. 42Ana Sapanga wa atati bangu Ibulaimu, Sapanga jojaahenga atati bangu Aisaka kubagaja, ngabakabii pamu nanepani, sakaka ukabiya gunei moka bila sindu sokapi. Lakini Sapanga jagabweni mang`aliku gangu ni lihengu lenhengika kwa maboku gangu, jugulakaliya ikilu jukujumuki lelenu.
Lilaganu laka Yakobu na Labani
43Hapa Labani anzibua Yakobu, “Akamwali haba ndi akakamwali bangu, bana haba bana bangu, inyama haye ndi inyama yangu, na yoti yewiibona hapa ndi yangu. Lakini nepani nhwesa kuhenga kyani lelenu kwa akakamwali bangu na bana babu baabeliki haba ili awesa kuhigila? 44Henu tuhenga lilaganu wehapa na nepani, libiya ushahidi kati jaku na nepani.”
45Ndienu, Yakobu jatola lilibu, jilijemika ngati mpengo gukukombuke. 46Kabee Yakobu japwagila akaalongu mundu, “Nntondula malibu.” Nabombi batondula malibu nukulihenga lilundu. Ndipala bakula posu pambipi ni lilundu la malibu leheli. 47Labani jilikema lilibu leheli Yegali sahaduta, lakini Yakobu jilikema Galeedi. 48Labani japwaaga, “Lilundu ale ndi usaidi kati jaku na nepani lelenu.” Henu Labani jilikema Galeedi. 49Henu Labani kabee japwaaga, “Bambu Sapanga jutulinga patwiibiya kutali sanga kubonana.” Ndienu jijikema mpengu gola Misipa. 50Ana waang`alisi akakamwali bangu, au anagujukwi akammbomba bangi kabee ja aba, ndienu gumanya kabee nga usaidi kati jitu ila Sapanga mweni. 51Kabee Labani ampwagila Yakobu, “Linga lilundu la malibu ale na mpengu ago nugujemiki kati jaku na nepani. 52Lilundu ale nu mpengu ago jenze ndi lilangi nepani nganaipeti lilundu hale kuhika kuguhumisa, na wala wehapa nganalipeti lilundu hale kuhika kwangu nepani kuguhumisa. 53Sapanga waka Ibulaimu na Sapanga waka Naoli na Sapanga wa atati babu, jwiamua kati jitu.” Ndienu Yakobu jalaapa kwa Sapanga jojabiya anhengi atati baki Isaka kubagaja. 54Ndipala, japia litambiku kukitombi kola na kwaakoka akalongu baki akulaninya posu. Ebajomula kula bahigaliya hoku ikilu kelukelu. 55Pulukela ngani Labani jajumuka, jajobatiya asoko baki na akakamwali baki nakwaapenge. Ndipala nukuboka kubuja kunyumba jaki.
ទើបបានជ្រើសរើសហើយ៖
Utumbuli 31: MaBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.
Utumbuli 31
31
Yakobu antila Labani
1Ndienu, Yakobu jaajoana bana akanalomi baka Labani bapwaaga, “Yakobu jujukwi kila sindu sa atati bitu, hela ndi ejawesa kuba na mali gingi kuhuma mu mali ga atati bitu.” 2Yakobu jamanya ana kujongana kwabu na Labani ngasekubii ngati puutumbuli. 3Ndipala Bambu Sapanga ampwagila Yakobu, “Kelubuka mu nndema wa aseja baku na kwaka alongu baku, nanepani niibiya pamu nawehapa.”
4Ndienu, Yakobu jaatuma bandu kwaakema Laeli na Lea, aketangana naku kukioli kojabiya julima inyama. 5Yakobu ampwagila, “Mona atati binu na nepani ngasetujongana kabeti ngati puutumbuli. Lakini Sapanga wa atati bangu jubii pamu na nepani. 6Mmanyiki ana, naantumaki atati binu kwa makili gangu goti. 7Hata hela jombi jutei kungonga nu kung`anambu malepu gangu mala komi. Lakini Sapanga ngaseanzetakali junhumisa. 8Kila kipindi atati bii apwagika, ‘Inyama yeibii na mabakamabaka ndi babibiya na malipu gaku,’ ndienu likundi loti labelika inyama yeibii na mabakamabaka. Na kila pajupwaaga, ‘inyama yeibii ni misitali ndi yeibiya malipu gaku,’ ndienu, likundi loti labelika inyama yeibii na misitali. 9Ndienu, Sapanga ejijukua inyama ya atati binu, jumbekiya nepani.
10“Masoba gi inyama kupata lubeli nalota ndotu, na mu ndotu heji nagabona mapongu goti gagakwela mikolu gagabii ni misitali na madoamadoa na mabakamabaka. 11Ntumi waka Sapanga ju kunani kumaundi jalongila nanepani mu ndotu heji, jangema, ‘Yakobu’ nanepani najetika, ‘Ee!’ 12Najombi jambwagila, linga, mapongu goti gabii ni misitali na madoadoa na mabakamabaka gagakwela mikolu. Lijambu le heli libii hela ndaba nikibweni seejugunhengi Labani. 13Nepani ndi Sapanga jojugupitila ku Beseli, pandu apalapa pawabeka lilibu nu kulijakanii mahuta panani jaki na papuje walapa ndaba jangu nepani. Henu boka mu nndema gongo gukelubuka mu nndema waku gowasaliwa.”
14Laeli na Lea bunzibua Yakobu, “Twepani ngasetubii kabee na pandu au ulisi wokapi mu nyumba ja atati bitu! 15Kabee jombi jutubweni twepani ngati twaageni, jutulombisi nukutumii lupija lwitu lwoti. 16Mali goti gaguge Sapanga jujukwi kuhuma kwa atati bitu ndi jitu twepani na bana bitu. Henu henga majambu goti gajugulagalaki Sapanga!”
17Ndienu, Yakobu jijiandiya kujenda sapwali, jakweika bana baki na akahanamundu panani ja ngamia. 18Jajukua inyama yaki yoti pamu na mali gaki gajupatiki ku Padani alamu, jatumbuliya sapwali kukelabuki ku Kanani kwaka Isaka Atati baki. 19Kipindi sehesi Labani jabiya jupiti kwiiseku mangoma inyama yaki. Henu Laeli japata napwasi jukujiba imongumongu yi isapanga ya atati baki. 20Yakobu ankonga Labani juku Alami sukutila sanga kulitabuka. 21Ndienu, Yakobu jajukua mali gaki goti, nukutila. Ejabiya julombwiki pe losi luku Eufulati, jajenda ku nndema wiitombi yuku Gileadi.
Labani ankagu Yakobu
22Masoba matatu mwenikatai, Labani bumpwagila kubanga Yakobu jutei kutila. 23Ndienu, Labani jaajukua akalongu mundu, ampwata Yakobu kwa masoba saba, bunketaninya kukitombi ku nndema uku Gileadi. 24Lakini ikilu, Sapanga ampitila Labani juku Mwalamu mu ndoto ampwagila, “Ulilingaliya! Wampwagi Yakobu lilobi lokapi liliya.” 25Ndienu, Labani anhikila Yakobu. Kipindi sehesi Yakobu jabiya jugone kukitombi. Labani pamu na akalongu mundu jagonila kwi itombi yu nndema uku Gileadi.
26Ndipala Labani ampwagila Yakobu, “Guhengiki kyane? Mbona gungongike, wajukua akakamwali bangu ngati mateka kungondo? 27Ndaba jakii watila kwa sile? Boo, ndaba jakii gwatenda kungonga? Boo, ndaba jakii ngasewandabwike? Ana wakambwagi nukugutabuka sukutogule na kwa nyembo ni ing`oma ni kilimba? 28Mbona ngasewambeki napwasi jakwaatabuka sakwaajobate akamwali bangu na asoko bangu? Ajaku guhengiki ung`ang`a. 29Mii nu uwesu ukugughumisa, lakini Sapanga wa atati baku ambitila ikilu jukujumukii lelenu jumbwagi, ‘Lilingaliya! Wampwagi Yakobu lilobi lokapi la sapi au liliya.’ 30Manyiki gundila ndaba ja hamu ngolongu jukubuja kunyumba jaku. Lakini ndaba jakii wajiba imong`umong`u yiisapanga yango?”
31Yakobu anzibua, “Najogupa ndaba naholaliya wakanyaga akakamwali baku kuhuma kwangu nepani. 32Lakini jowammbona ni imongumongu yi isapanga yaku jwiitama! Palongi ja alongu bitu, langiya sokapi sekibii saku, ukikijukua.” Yakobu ngasejamanyiki ngati Laeli jujibiki imong`umong`u yiisapanga yaka Labani.
33Ndienu, Labani jataputa imong`umong`u heyi yi isapanga yaki mu lihema laka Yakobu, laka Lea na la atumisi baki abeli bala, lakini ngasejiipataje. Japita kunza ji lihema laka Lea nukujingi mu lihema laka Laeli. 34Laeli jabiya jujukwi imong`umong`u ye heyi, jiihiya pai ja matandiku ga ngamia nukutama panani jaki. Labani jiitaputa mu lihema loti lakini ngasejiipataje. 35Ndipala Laeli jaapwagila atati baki, “Mpepa koku atati, mwiiyoma, ngasenhwesa kujema palongi jino ndaba mi mu masoba gango.” Ndienu, Yakobu jataputa imong`umong`u yaki, lakini ngasejiipataje.
36Ndi Yakobu jatenda kuyoma andaumwa Labani koni jupwaaga, “Likosa lane lako?” Anndalukiya Labani, ndei lihakau bole mbaka kutenda kundaputa? 37Gupatiki kyane sesikuba sako baada jukulingalaki misigu jangu jote? Beka palongi ja akalongu bangu boti na akaalongu bako, ili aamua kati jitu twepani twaabeli. 38Ndamiki nawehapa kwa yaka ishilini, na masoba goti gehaga makondoo gaku wala imbui yaku ngasenhwaiki kuhalabana kitumbu, wala ngasenhwaiki kula likondoo likambaku lilikundi laku. 39Nepani ngasenhwaiki kugulete hata mala jimu kinyama sakusekikomeka ni kinyama sumukioli, ila mbidia hasala je heji namweti. Wehapa gupalika neepa sanga kulinga ajibika muhi au ikilu. 40Henu, muhi libabalika lyoba likali ni ikilu kipogila kipepu kikali ngasenhwesiki hata kupata lugonu hata kasokopi. 41Kwa yaka ishilini heji joti ndamika panyumba jaku. Nugutumii yaka komi nu nsesi ndaba jaka kamwali baku abeli, na yaka sita nimika inyama yaku. Lakini wehapa wang`anambula malepu gangu. 42Ana Sapanga wa atati bangu Ibulaimu, Sapanga jojaahenga atati bangu Aisaka kubagaja, ngabakabii pamu nanepani, sakaka ukabiya gunei moka bila sindu sokapi. Lakini Sapanga jagabweni mang`aliku gangu ni lihengu lenhengika kwa maboku gangu, jugulakaliya ikilu jukujumuki lelenu.
Lilaganu laka Yakobu na Labani
43Hapa Labani anzibua Yakobu, “Akamwali haba ndi akakamwali bangu, bana haba bana bangu, inyama haye ndi inyama yangu, na yoti yewiibona hapa ndi yangu. Lakini nepani nhwesa kuhenga kyani lelenu kwa akakamwali bangu na bana babu baabeliki haba ili awesa kuhigila? 44Henu tuhenga lilaganu wehapa na nepani, libiya ushahidi kati jaku na nepani.”
45Ndienu, Yakobu jatola lilibu, jilijemika ngati mpengo gukukombuke. 46Kabee Yakobu japwagila akaalongu mundu, “Nntondula malibu.” Nabombi batondula malibu nukulihenga lilundu. Ndipala bakula posu pambipi ni lilundu la malibu leheli. 47Labani jilikema lilibu leheli Yegali sahaduta, lakini Yakobu jilikema Galeedi. 48Labani japwaaga, “Lilundu ale ndi usaidi kati jaku na nepani lelenu.” Henu Labani jilikema Galeedi. 49Henu Labani kabee japwaaga, “Bambu Sapanga jutulinga patwiibiya kutali sanga kubonana.” Ndienu jijikema mpengu gola Misipa. 50Ana waang`alisi akakamwali bangu, au anagujukwi akammbomba bangi kabee ja aba, ndienu gumanya kabee nga usaidi kati jitu ila Sapanga mweni. 51Kabee Labani ampwagila Yakobu, “Linga lilundu la malibu ale na mpengu ago nugujemiki kati jaku na nepani. 52Lilundu ale nu mpengu ago jenze ndi lilangi nepani nganaipeti lilundu hale kuhika kuguhumisa, na wala wehapa nganalipeti lilundu hale kuhika kwangu nepani kuguhumisa. 53Sapanga waka Ibulaimu na Sapanga waka Naoli na Sapanga wa atati babu, jwiamua kati jitu.” Ndienu Yakobu jalaapa kwa Sapanga jojabiya anhengi atati baki Isaka kubagaja. 54Ndipala, japia litambiku kukitombi kola na kwaakoka akalongu baki akulaninya posu. Ebajomula kula bahigaliya hoku ikilu kelukelu. 55Pulukela ngani Labani jajumuka, jajobatiya asoko baki na akakamwali baki nakwaapenge. Ndipala nukuboka kubuja kunyumba jaki.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.