Utumbuli 2
2
1Hela ndi Sapanga ejajomula kubomba kunani nu nndema pamu na hindu yoti yeibii momu. 2Lisoba la saba Sapanga jatenda kupomule n daba jabiya jujomuli lihengu laki loti. 3Sapanga jilipengila lisoba la saba nu kulibagu libiya lisoba laki mweni ndaba lisoba le heli Sapanga jatenda kupomulela pajajomula lihengu laki loti lu kubomba. 4Hela ndi kunani nu nndema ewabombika.
Kijongu suku Edeni
Masoba gala Sapanga ejabomba kunani kwaka Sapanga nu nndema, 5ngasejabii ni mimea mu nndema wala mikongu jabiya ngase jitundulii ndaba Bambu Sapanga ngasejijilei iyula jinelila pu nndema na wala ngasepabii na mundu jukujilema. 6Lakini mu masoba haga masi gagabii pai gahika panani ju luombi nukupemesa nndema woti. 7Ndienu, Bambu Sapanga annhenga mwanalomi ku kutumi luombi, ampulaliya mwiimbulu mbomu ja womi, na mwanalomi hoju jabia mundu mwomi.
8Ndipala, Bambu Sapanga jabeka kijongu upandi golipiti lyoba uku Edeni, momuje ammbeka mwanalomi hoju joammbombiki. 9Bambu Sapanga jamelisa kuhuma mu nndema kila aina ji mikongu jejinyambiki ngani jejipapa matunda gagapalika kwa posu. Pikilanda ji kijongu se hapa kwabiya nu nnkongu wa matunda gwa womi nu nkongu gowahenga bandu baakula matunda gaki amanya majambu gaamboni na majambu mabaja.
10Kwabii na losi lolupia masi mu kijongu sa Edeni, lolulwe lwabaganisa kuba losi nsesi. 11Liina la losi lu utumbuli ndi Pisoni losi lwe holu luyongolota musi uku Havila kokuje kojibii zahabu.
12Zahabu ju nndema heji ndi sapi ngani. Kokuje kabee gabii mahuta gaganungi gabagakema bedola na malibu ga bei ngolongu gabagakema Sholamu. 13Liina la losi lwa pili ndi Gioni, hogu guyongalota nndema woti gwa Kushi. 14Liina la losi lwa tatu ndi Tigi, nagwombi gusembaleka upandi wa golipiti lyoba ku nndema uku Ashulu. Liina la losi lu nnsesi ndi Eupulati.
15Ndienu Bambu Sapanga anzukua mwanalomi we hoju, ammbeka mu kijongu suku Edeni, julema nu kukitunza. 16Bambu Sapanga ampwagila mwanalomi we hoju, “Guwesa kula matunda gu nkongu wokapi gola mu kijongu suku Edeni, 17ila matunda gi mikongu gu umanyi waamboni nu ubaja, wiikula, ndaba lisoba pawikula matunda gu nkongu hogu gwitenda kuwa.”
18Ndienu, Bambu Sapanga japwaaga, “Nga sapi mwanalomi hoju kuba kajika jaki. Nandenganakiya mundu jukunzangatii jojilengana naku.” 19Henu, kuhuma mu luhombi Bambu Sapanga jabiya jwiilenganaki inyama imwikioli na kila ijuni yu kunani, andetila Adamu julinga juipekiya mahina na mahina gajwaipekiya iumbi ye heyi gabiya ndi mahina gabu. 20Ndienu, Adamu jiipekiya mahina inyama yoti yeipugwa, ni inyama yoti imwikioli ni ijuni yoti yu kunani. Lakini kati ji inyama hei ni ijuni yoti ngasejabona sukunzangati.
21Ndienu, Bambu Sapanga anhenga mwanalomi we hoju jubiya nu lugonu lwingi, na pajabiya mu lugonu, jajukua luteta lwaki lumu nukuyekale pandu pala kwi inyama. 22Bambu Sapanga anndenganakiya mmbomba sukutumii luteta gojahuma naku kwaka mwanaloni jola, ndienu ampelika kwaka mwanalomi we hoju. 23Ndienu, Adamu japwaaga,
“Ooho! Jonzo ndi lihupa kuhuma mu mahupa gango,
ni inyama kuhuma mwiinyama jango.
Jonioju ngiti nunkema ‘Mbomba,’
ndaba juhumiki mu yega jaka mwanalomi.” 24Kwa ndaba heji, mwanalomi jaaleka ahengo na anyongo baki, najombi jwiijongana nu mmbomba, nabombi bibiya yega jimu.
25Mwanalomi nu nhwanamundu boti babii heu, lakini ngasebabona iyone.
ទើបបានជ្រើសរើសហើយ៖
Utumbuli 2: MaBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.