Utumbuli 13
13
Abulamu na Lutu atenda kutalungana
1Abulamu jakelubuka kuhuma ku Misili, jajingala upandi uku Negebu. Jabiya na mali gaki goti pamu na Lutu. 2Kipindi se hesi, Abulamu jabiya jubii na mali gingi ngamaa. Jabiya ni mipugu lupija na zahabu. 3Jaendaliya kujenda kuhuma ku Negebu mbaka ku Beseli. Jahika pandu pajabia jubei kambi ji lihema pamwandi, pikilanda ja Beseli na Ai, 4papuje jabiya jusengiki mesa ja malibu jukupiki litambiku pala ndi pandu Abulamu anndumbaliya Bambu Sapanga kwi liina laki.
5Kabee Lutu jojalongini na Abulamu, jabii na makondoo na ng`ombi ni imbui na mahema. 6Kwa ndaba jukujonzukeka kwi mipugu jabu kwabii kukolongu ngani ngasebabii na pandu pukupugi kwaahenga Abulamu na Lutu biiwesa kutama pamu mu musi gola. 7Ndienu, jatumbukana milomu kati ja alimi baka Abulamu na alimi baka Lutu. Kipindi sehesi Akanani na Apelezi ndi bababii benei ba musi hogu.
8Ndienu, Abulamu ampwagila Lutu, “Twiikuba na ngondu kati jitu wala alimi baku na alimi bangu, ndaba twepani twaakilongu. 9Linga nndema gwoti gogubii palongi jaku hogu. Tutalukana. Anagwibia gujenda kwa mangega nepani nibiya nyenda ku malele ana gwiijenda upandi uku malele nepani niibia nyenda upandi uku mangega.”
10Lutu jalinga, julibona ligomba la losi luku Yoludani, jilibona libii na masi gagajagani kila pandu ngati kijongu saka Bambu Sapanga na ngati musi uku Misili upandi uku Soali. Jenze jabia kabula Bambu Sapanga ngase jwaakomiki bandu ba musi uku Sodoma na Gomola. 11Henu Lutu jilisaguliya ligomba loti la losi luku Yoludani jajenda ku upandi golipiti lyoba ndi kubaganyika na Abulamu. 12Abulamu jahigaliya Musi uku Kanani na Lutu jatama kati ja misi jejabii mu ligomba luku Yoludani nukubeka hema pambipi nuku Sodoma. 13Bandu buku Sodoma babii abaja na bahenga mahakau makolongu palongi jaka Bambu Sapanga.
Abulamu juhami ku Hebuloni
14Lutu ejabiya julekini na Abulamu, Bambu Sapanga ampwagila Abulamu, “Linga toka pagubii pani upandi uku kusini nuku kasikazini nuku upandi golipiti lyoba nuku upandi golijingi lyoba. 15Musi goni woti gougubona nagupekiya wehapa ni kibeleku saku gubiya gwinu masoba goti ganga na mwisu. 16Ibeleku yaku naihenga ibiya hingi yanga kubalangika, ngati luhombi lwa nndema elusindwa kubalangika! 17Ndienu, jumuka ugutembaliya musi gongo pandi yoka ndaba nagupekiya wehapa.” 18Henu, Abulamu jaboha lihema, jajenda kutama pambipi ni mialoni ja Mamule jejibii ku Hebuloni, hoku ansengila Bambu Sapanga mesa ja malibu jukupiiki matambiku.
ទើបបានជ្រើសរើសហើយ៖
Utumbuli 13: MaBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.
Utumbuli 13
13
Abulamu na Lutu atenda kutalungana
1Abulamu jakelubuka kuhuma ku Misili, jajingala upandi uku Negebu. Jabiya na mali gaki goti pamu na Lutu. 2Kipindi se hesi, Abulamu jabiya jubii na mali gingi ngamaa. Jabiya ni mipugu lupija na zahabu. 3Jaendaliya kujenda kuhuma ku Negebu mbaka ku Beseli. Jahika pandu pajabia jubei kambi ji lihema pamwandi, pikilanda ja Beseli na Ai, 4papuje jabiya jusengiki mesa ja malibu jukupiki litambiku pala ndi pandu Abulamu anndumbaliya Bambu Sapanga kwi liina laki.
5Kabee Lutu jojalongini na Abulamu, jabii na makondoo na ng`ombi ni imbui na mahema. 6Kwa ndaba jukujonzukeka kwi mipugu jabu kwabii kukolongu ngani ngasebabii na pandu pukupugi kwaahenga Abulamu na Lutu biiwesa kutama pamu mu musi gola. 7Ndienu, jatumbukana milomu kati ja alimi baka Abulamu na alimi baka Lutu. Kipindi sehesi Akanani na Apelezi ndi bababii benei ba musi hogu.
8Ndienu, Abulamu ampwagila Lutu, “Twiikuba na ngondu kati jitu wala alimi baku na alimi bangu, ndaba twepani twaakilongu. 9Linga nndema gwoti gogubii palongi jaku hogu. Tutalukana. Anagwibia gujenda kwa mangega nepani nibiya nyenda ku malele ana gwiijenda upandi uku malele nepani niibia nyenda upandi uku mangega.”
10Lutu jalinga, julibona ligomba la losi luku Yoludani, jilibona libii na masi gagajagani kila pandu ngati kijongu saka Bambu Sapanga na ngati musi uku Misili upandi uku Soali. Jenze jabia kabula Bambu Sapanga ngase jwaakomiki bandu ba musi uku Sodoma na Gomola. 11Henu Lutu jilisaguliya ligomba loti la losi luku Yoludani jajenda ku upandi golipiti lyoba ndi kubaganyika na Abulamu. 12Abulamu jahigaliya Musi uku Kanani na Lutu jatama kati ja misi jejabii mu ligomba luku Yoludani nukubeka hema pambipi nuku Sodoma. 13Bandu buku Sodoma babii abaja na bahenga mahakau makolongu palongi jaka Bambu Sapanga.
Abulamu juhami ku Hebuloni
14Lutu ejabiya julekini na Abulamu, Bambu Sapanga ampwagila Abulamu, “Linga toka pagubii pani upandi uku kusini nuku kasikazini nuku upandi golipiti lyoba nuku upandi golijingi lyoba. 15Musi goni woti gougubona nagupekiya wehapa ni kibeleku saku gubiya gwinu masoba goti ganga na mwisu. 16Ibeleku yaku naihenga ibiya hingi yanga kubalangika, ngati luhombi lwa nndema elusindwa kubalangika! 17Ndienu, jumuka ugutembaliya musi gongo pandi yoka ndaba nagupekiya wehapa.” 18Henu, Abulamu jaboha lihema, jajenda kutama pambipi ni mialoni ja Mamule jejibii ku Hebuloni, hoku ansengila Bambu Sapanga mesa ja malibu jukupiiki matambiku.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.