Utumbuli 11
11
Nnala uku Babeli
1Puutumbuli bandu boti punndema babiya na luga jimu na atumia malobi agalaga. 2Bandu pababiya ajenda kuhuma upandi golipiti lyoba, bahika mu musi gogubii ubamba uku Shinali, na batenda kutama. 3Ndipala bapwaganinya, “Henu! Tukembisa matopwali tugajosa sapi.” Babiya na matopwali badala ja malibu na lami badala ja chokaa. 4Bapwaaga, “Tusenga musi nu nnala goguwe lubekubeku lwaki lwiika kunani kwaka Sapanga ili tumanyikana, twiibokane nndema gwoti.”
5Ndienu, Bambu Sapanga jahuluka pai kugubona musi we hogu nu nnala gobugusengiki bandu. 6Bambu Sapanga japwaaga, “Bandu haba alonge luga jimu na atumbuli kutenda hela, henu awesa kuhenga sokapi seawesa kutenda. 7Henu tuelala pai na twakaangangana luga yabu ili biielewana beni na beni.” 8Ndienu, Bambu Sapanga jwaapesangana mu ndema gwoti na bakotuka kusenga musi we hogu. 9Musi we hogu bugukema Babeli, ndaba hoku ndi Bambu Sapanga pajahalabana luga ja bandu boti, nu kuhuma kokuje jwaapesangana bandu kila pandu punndema.
Ibeleku yaka Shemu
1Majambu gi Ipindi 1:24-27
10Bamba ndi ibeleku yaka Shemu. Yaka ibeli ekwapeta kutwele kwa masi punndema, Shemu jwabiya na yaka mia jimu, ammbelika Alipakasadi. 11Ejabiya ammbeliki Alipakasadi, Shemu jaatama yaka yengi mia nhwanu nu kupata bana bangi akanalomi na akambomba.
12Alipakasadi pajabiya na yaka selasini nu nhwanu, ammbelika mwana mwanalomi ankema Shela. 13Ejabiya ammbeliki Shela, Alipakasadi jatemi yaka yengi mia nnsesi ni mitatu nu kupata bana bangi akanalomi na akambomba.
14Shela pajabii na yaka selasini ammbelika Ebeli. 15Ejabiya ambeliki Ebeli, Shela jatemi yaka yengi mia nsesi ni mitatu kupata bana bangi akanalomi na akambomba.
16Ebeli pajabiya na yaka selasini nu nsesi ammbelika Pelegi. 17Ejabiya ammbeliki Pelegi, Ebeli jabiya jutemi yaka yengi mia nsesi na selasini nu kupata bana bangi akanalomi na akammbomba.
18Pelegi pajabiya na yaka selasini ammbelika Leu. 19Ejabiya ammbeliki Leu jatama yaka yengi mia mbili na tisa nu kupata bana bangi akanalomi na akambomba.
20Leu pajabiya na yaka selasini na mbili, ammbelika Selugi. 21Ejabiya ammbeliki Selugi, Leu jatama yaka yengi mia mbili na saba nu kupata bana bangi akanalomi na akambomba.
22Selugi pajabiya na yaka selasini ammbelika Naoli, 23Ejabiya ammbeliki Naoli, Selugi jatama yaka mia mbili nu kupata bana bangi akanalomi na akambomba.
24Naoli pajabii na yaka ishilini na tisa ammbelika Tela. 25Ejabiya ammbeliki Tela, Naoli jatama yaka yengi miya jimu na komi na tisa nu kupata bana bangi akanalomi na akambomba.
26Tela pajabiya na yaka yengi sabini, ammbelika Abulamu na Naoli na Alani.
Ibeleku yaka Tela
27Yenze ndi ibeleku yaka Tela, atati baka Abulamu na Naoli na Alani. Alani babiya atati baka Lutu. 28Alani jakuwa kipindi Tela atati baki babiya atama ku Uli kojasaliwa. 29Abulamu na Naoli batei kujukuu akambomba. Nhwanu waka Abulamu ankemika Salai. Nhwanu waka Naoli ankema Milika, jojabii kamwali waka Alani jojuwe kabee atati baki Isika. 30Salai jabii tasa, ngasejabii na mwana.
31Tela anzukua Ibulaimu mwana waki nu nsokoo waki Lutu mwana waka Alani na Salai nhwanu waka Abulamu, baboka boti pamu toka ku Uli, musi uku Kalidayu, bajenda mu musi uku Kanani. Lakini pabahika ku Halani batenda kutama. 32Tela jakuwa ku Halani koni jubii na yaka mia mbili nu nhwanu.
ទើបបានជ្រើសរើសហើយ៖
Utumbuli 11: MaBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.