Akalabhe 4
4
Litambiko kuhwalo gwa kupepulila uhakaho
1Bhambo Chapanga ngannobholila Mucha, 2Malobholele bhando bhu ku Ichilahele kubhehe, anda mundo atehi uhakaho changanamiye, kukuhenga kilebhe chikikanakilwe mu nhwilo gwa Bhambo Chapanga, mitenda naha,
3Anda mpiya litambiko jwamiminilwe mahuta atehi uhakaho na kwatenda bhange bhabha na malemwa, jwenio nannetela Bhambo Chapanga, litohe lya ng'ombi nkambako jwangalemala abhaha litambiko lya kupepulila uhakaho. 4Nanneta litohe lya nkambako lya ng'ombi jwenio mu Lihema lya Bhambo Chapanga, palonge jha Bhambo Chapanga, jwenio nabheka lubhoko lwake pa muto gwa ng'ombi jwenio nu kunchinja palonge jha Bhambo Chapanga. 5Peniya, mpiya litambiko jwamiminilwe mahuta jwenio, natola myahe jhandina nu kujhingii nako nkate jha Lihema lya Bhambo Chapanga. 6Nachwiya lukonji lwake mu myahe jhenie nu kumichi mala chaba palonge jha Bhambo Chapanga, upandi gwa nnonge gwa lipanjiya lya nyahinyahi lilighabhanicha chehemo jha nyahinyahi na pa nyahinyahi hake. 7Mpiya litambiko natola myahe jhandina nu kukilima mu manyelo ghighatengenichwe pa chehemo jha kututukiya ubane ghubhii na luhumba lwambone, palonge jha Bhambo Chapanga mu Lihema lya Bhambo Chapanga. Myahe jhipakuhighilika najhitila pahe kutindii chehemo jha kupiikiya litambiko lya kukomelekelwa lilibhii pahina na litangala lya Lihema lya Bhambo Chapanga. 8Peniya, mpiya litambiko nabhoha mahuta ghoha gha ng'ombi jwenio na mahuta ghighajhenii mu matumbo, 9Ndutumba ibhele na mahuta ghighabhii panane jhake na ghala ghighabhii mu kibhuno, na ghala ghighakamuline na ndutumba na kibhende, yene ndi chehemo jhelajhela jhighangitwe mu kinyama cha litambiko lya uteeke. 10Mpiya litambiko jwenio natola nu kukomelekeya pa chehemo jhitenganichwe jha kupiikiya litambiko lya kukomelekeya, ngita chatenda kwa mahuta ghala ghighapihwa kunhwalo gwa litambiko lya uteeke. 11Nambo limbendela lya ng'ombi jwenio na nyama na muto na magholo na matumbo na mahe ghake, 12yane chehemo jhoha jha nyama jhiihighilike naitola nukwipeleka panja jha kighono, chehemo ijheketelwa na Bhambo Chapanga, chehemo pukujhitii maliho, na kwenio nannyocha pa hanjo jhiijhaka mwotu.
13Anda bhando bhoha bhuku Ichilahele bhatei uhakaho changanamiye kukuhenga kilebhe chikikanikilwe mu mihilo jha Bhambo Chapanga, 14kipinde pibhamanya uhakaho gwenio, bhando bhoha nabhapiya litohe lya ng'ombi libhaha litambiko lya kupepulila uhakaho. Nabhaleta litohe lyenio ku Lihema lya Bhambo Chapanga. 15Ilongoche bha bhando bheniya nabhabheka mabhoko ghabhe pa muto gwa linkambako jwenio, nu kunchinja palonge jha Bhambo Chapanga. 16Mpiya litambiko jwahaghulilwe natola myahe jhandina jha ng'ombi lyankambako nkate jha Lihema lya Chapanga. 17Peniya, nachwiya lukonje lwake mu myahe jhenie, nu kumichii mala chaba nnonge jha lipanjiya lya nyahinyahi na panyahinyahi hake, palonge jha Bhambo Chapanga. 18Natola myahe jhandina nu kukilima mu manyelo gha chehemo jha kupiikiya litambiko lilibhii mu Lihema lya Chapanga palonge jha Bhambo Chapanga. Myahe jhipala kuhighala najhitila pahe kutindii chehemo jha kupiikiya litambiko lyu kukomelekeya pahina na nnyango gwa Lihema lya Chapanga. 19Natola mahuta ghoha gha kinyama chenie nu kughakomelekeya chehemo ichengitwe jha kupiikiya litambiko. 20Bhahe, nantenda litohe lya ng'ombi jwenie ngita chantendila litohe jwalongolila jhola jwa litambiko lya kupepulila uhakaho. Yene, mpiya litambiko jwenio nabhatendela bhando ujhopo gwa ujhelenicho kunhwalo gwa uhakaho, nabheniya nabhalekekelwa. 21Peniya, nantola linkambako jhola nu kumpeleka kukighono nu kunkomelekeya kwa mwotu ngita chantendila ng'ombi jhonge jhola. Lyenio ndi litambiko lya kupepulila uhakaho gwa bhando bhamahele.
22Anda kilongoche atehi uhakaho changanamiye ku kutenda kilebhe chikikanakilwe mu mihilo jha Bhambo Chapanga, Chapanga gwake, nu kutenda malemo, kilongoche jwenie changanamiye, 23kipinde papakulobholelwa uhakaho gwake, apiya litambiko lyake lya litohe lya mbuhe nkambako jwangalemala. 24Nabheka lubhoko lwake pa muto gwa mbuhe, na kunchinja chehemo jhu kuchinjila litambiko lya kukomelekeya palonge jha Bhambo Chapanga. Lyenie ndi litambiko lya kupepulila uhakaho. 25Mpiya litambiko nachwiya lukonje lwake mu myahe jha litambiko lya kupepulila uhakaho na kumichili mu manyelo chehemo jha kupiikiya litambiko lya kukomelekeya. Myahe jhiipala kuhighilika najhitila pahe kutindii chehemo jha kupiikiya litambiko lya kukomelekelwa. 26Peniya, mpiya litambiko natola mahuta ghoha gha mbuhe jwenio, naghakomelekeya chehemo jha kupiikiya litambiko, ngita chatehila mahuta gha kinyama cha litambiko lya uteeke. Kukutenda yene, mpiya litambiko nantendela kilongoche jwenio ujhopo gwa ujhelanicho ku nhwalo gwa uhakaho gwake, na jwenie nalekekelwa uhakaho gwake.
27Anda mundo jhojhoha atehi uhakaho changanamiye, ku kutenda kilebhe chikikanakiwe mu mihilo jha Bhambo Chapanga, nayene, kubhehe nu malemwa, 28papakulobholelwa kubhehe atehi uhakaho, naleta litambiko lya mbuhe jwankolo jwangalemala ku nhwalo gwa kupepulila uhakaho gwatehile. 29Mundo jwenie nabheka lubhoko lwake pa muto gwa mbuhe jwenio jwa litambiko lya kupepulila uhakaho, nu kuchinjila pa chehemo pibhachinjila inyama ya litambiko lyu kukomelekelwa. 30Mpiya litambiko nachwiya lukonje lwake mu myahe jha litambiko lya kupepulila uhakaho na kukilima mu manyelo chehemo jha kupiikiya litambiko lya kukomelekeya. Myahe jhiipala kuhighala naijhitila pahe kutindii chehemo jha kupiikiya litambiko. 31Peniya, mpiya litambiko nabhoha mahuta ghoha gha mbuhe ngita chighapihwa mahuta gha inyama henge ya litambiko lya uteeke, naghatiniya pa chehemo jha kupiikiya litambiko kupala ibhaha luhumba lwambone lulunhalalicha Bhambo Chapanga. Kukutenda yene, mpiya litambiko nantendela ujhopo mundo jwenio gwa ujhelanicho ku nhwalo gwa uhakaho gwake, na jwenie nalekekelwa uhakaho gwake.
32Anda mundo jwenio naleta litohe lya limbelele ku nhwalo gwa litambiko lya kupepulila uhakaho, impala aleta litohe lya limbelele lya nkolo lyangalemala. 33Na jwenie nabheka lubhoko lwake pamuto gwa litohe lya limbelele jwenio jwa litambiko lya kupepulila uhakaho, nu kunchinjii pa chehemo pibhachinjii inyama ya matambiko gha kukomelekeya. 34Mpiya litambiko nachwiya lukonje lwake mu myahe jha litambiko lya kupepulila uhakaho na kukilima mu manyelo chehemo jha kupiikiya litambiko lya kukomelekeya. Myahe jhiipala kuhighilika naijhitila pahe kutindii chehemo jha kupiikiya litambiko. 35Nabhoha mahuta ghoha, ngita chabhoita mahuta gha litohe lya limbelele ku nhwalo gwa litambiko lya uteeke, na mpiya litambiko naghatiniya pa chehemo jha kupiikiya litambiko, pamonga na matambiko ghange ghighapihwa kwa Bhambo Chapanga kwa mwotu. Kukutenda yene, mpiya litambiko nantendela ujhopo gwa ujhelanicho gha uhakaho gwake gwateile, na jwenie nalekekelwa uhakaho gwake.
ទើបបានជ្រើសរើសហើយ៖
Akalabhe 4: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Akalabhe 4
4
Litambiko kuhwalo gwa kupepulila uhakaho
1Bhambo Chapanga ngannobholila Mucha, 2Malobholele bhando bhu ku Ichilahele kubhehe, anda mundo atehi uhakaho changanamiye, kukuhenga kilebhe chikikanakilwe mu nhwilo gwa Bhambo Chapanga, mitenda naha,
3Anda mpiya litambiko jwamiminilwe mahuta atehi uhakaho na kwatenda bhange bhabha na malemwa, jwenio nannetela Bhambo Chapanga, litohe lya ng'ombi nkambako jwangalemala abhaha litambiko lya kupepulila uhakaho. 4Nanneta litohe lya nkambako lya ng'ombi jwenio mu Lihema lya Bhambo Chapanga, palonge jha Bhambo Chapanga, jwenio nabheka lubhoko lwake pa muto gwa ng'ombi jwenio nu kunchinja palonge jha Bhambo Chapanga. 5Peniya, mpiya litambiko jwamiminilwe mahuta jwenio, natola myahe jhandina nu kujhingii nako nkate jha Lihema lya Bhambo Chapanga. 6Nachwiya lukonji lwake mu myahe jhenie nu kumichi mala chaba palonge jha Bhambo Chapanga, upandi gwa nnonge gwa lipanjiya lya nyahinyahi lilighabhanicha chehemo jha nyahinyahi na pa nyahinyahi hake. 7Mpiya litambiko natola myahe jhandina nu kukilima mu manyelo ghighatengenichwe pa chehemo jha kututukiya ubane ghubhii na luhumba lwambone, palonge jha Bhambo Chapanga mu Lihema lya Bhambo Chapanga. Myahe jhipakuhighilika najhitila pahe kutindii chehemo jha kupiikiya litambiko lya kukomelekelwa lilibhii pahina na litangala lya Lihema lya Bhambo Chapanga. 8Peniya, mpiya litambiko nabhoha mahuta ghoha gha ng'ombi jwenio na mahuta ghighajhenii mu matumbo, 9Ndutumba ibhele na mahuta ghighabhii panane jhake na ghala ghighabhii mu kibhuno, na ghala ghighakamuline na ndutumba na kibhende, yene ndi chehemo jhelajhela jhighangitwe mu kinyama cha litambiko lya uteeke. 10Mpiya litambiko jwenio natola nu kukomelekeya pa chehemo jhitenganichwe jha kupiikiya litambiko lya kukomelekeya, ngita chatenda kwa mahuta ghala ghighapihwa kunhwalo gwa litambiko lya uteeke. 11Nambo limbendela lya ng'ombi jwenio na nyama na muto na magholo na matumbo na mahe ghake, 12yane chehemo jhoha jha nyama jhiihighilike naitola nukwipeleka panja jha kighono, chehemo ijheketelwa na Bhambo Chapanga, chehemo pukujhitii maliho, na kwenio nannyocha pa hanjo jhiijhaka mwotu.
13Anda bhando bhoha bhuku Ichilahele bhatei uhakaho changanamiye kukuhenga kilebhe chikikanikilwe mu mihilo jha Bhambo Chapanga, 14kipinde pibhamanya uhakaho gwenio, bhando bhoha nabhapiya litohe lya ng'ombi libhaha litambiko lya kupepulila uhakaho. Nabhaleta litohe lyenio ku Lihema lya Bhambo Chapanga. 15Ilongoche bha bhando bheniya nabhabheka mabhoko ghabhe pa muto gwa linkambako jwenio, nu kunchinja palonge jha Bhambo Chapanga. 16Mpiya litambiko jwahaghulilwe natola myahe jhandina jha ng'ombi lyankambako nkate jha Lihema lya Chapanga. 17Peniya, nachwiya lukonje lwake mu myahe jhenie, nu kumichii mala chaba nnonge jha lipanjiya lya nyahinyahi na panyahinyahi hake, palonge jha Bhambo Chapanga. 18Natola myahe jhandina nu kukilima mu manyelo gha chehemo jha kupiikiya litambiko lilibhii mu Lihema lya Chapanga palonge jha Bhambo Chapanga. Myahe jhipala kuhighala najhitila pahe kutindii chehemo jha kupiikiya litambiko lyu kukomelekeya pahina na nnyango gwa Lihema lya Chapanga. 19Natola mahuta ghoha gha kinyama chenie nu kughakomelekeya chehemo ichengitwe jha kupiikiya litambiko. 20Bhahe, nantenda litohe lya ng'ombi jwenie ngita chantendila litohe jwalongolila jhola jwa litambiko lya kupepulila uhakaho. Yene, mpiya litambiko jwenio nabhatendela bhando ujhopo gwa ujhelenicho kunhwalo gwa uhakaho, nabheniya nabhalekekelwa. 21Peniya, nantola linkambako jhola nu kumpeleka kukighono nu kunkomelekeya kwa mwotu ngita chantendila ng'ombi jhonge jhola. Lyenio ndi litambiko lya kupepulila uhakaho gwa bhando bhamahele.
22Anda kilongoche atehi uhakaho changanamiye ku kutenda kilebhe chikikanakilwe mu mihilo jha Bhambo Chapanga, Chapanga gwake, nu kutenda malemo, kilongoche jwenie changanamiye, 23kipinde papakulobholelwa uhakaho gwake, apiya litambiko lyake lya litohe lya mbuhe nkambako jwangalemala. 24Nabheka lubhoko lwake pa muto gwa mbuhe, na kunchinja chehemo jhu kuchinjila litambiko lya kukomelekeya palonge jha Bhambo Chapanga. Lyenie ndi litambiko lya kupepulila uhakaho. 25Mpiya litambiko nachwiya lukonje lwake mu myahe jha litambiko lya kupepulila uhakaho na kumichili mu manyelo chehemo jha kupiikiya litambiko lya kukomelekeya. Myahe jhiipala kuhighilika najhitila pahe kutindii chehemo jha kupiikiya litambiko lya kukomelekelwa. 26Peniya, mpiya litambiko natola mahuta ghoha gha mbuhe jwenio, naghakomelekeya chehemo jha kupiikiya litambiko, ngita chatehila mahuta gha kinyama cha litambiko lya uteeke. Kukutenda yene, mpiya litambiko nantendela kilongoche jwenio ujhopo gwa ujhelanicho ku nhwalo gwa uhakaho gwake, na jwenie nalekekelwa uhakaho gwake.
27Anda mundo jhojhoha atehi uhakaho changanamiye, ku kutenda kilebhe chikikanakiwe mu mihilo jha Bhambo Chapanga, nayene, kubhehe nu malemwa, 28papakulobholelwa kubhehe atehi uhakaho, naleta litambiko lya mbuhe jwankolo jwangalemala ku nhwalo gwa kupepulila uhakaho gwatehile. 29Mundo jwenie nabheka lubhoko lwake pa muto gwa mbuhe jwenio jwa litambiko lya kupepulila uhakaho, nu kuchinjila pa chehemo pibhachinjila inyama ya litambiko lyu kukomelekelwa. 30Mpiya litambiko nachwiya lukonje lwake mu myahe jha litambiko lya kupepulila uhakaho na kukilima mu manyelo chehemo jha kupiikiya litambiko lya kukomelekeya. Myahe jhiipala kuhighala naijhitila pahe kutindii chehemo jha kupiikiya litambiko. 31Peniya, mpiya litambiko nabhoha mahuta ghoha gha mbuhe ngita chighapihwa mahuta gha inyama henge ya litambiko lya uteeke, naghatiniya pa chehemo jha kupiikiya litambiko kupala ibhaha luhumba lwambone lulunhalalicha Bhambo Chapanga. Kukutenda yene, mpiya litambiko nantendela ujhopo mundo jwenio gwa ujhelanicho ku nhwalo gwa uhakaho gwake, na jwenie nalekekelwa uhakaho gwake.
32Anda mundo jwenio naleta litohe lya limbelele ku nhwalo gwa litambiko lya kupepulila uhakaho, impala aleta litohe lya limbelele lya nkolo lyangalemala. 33Na jwenie nabheka lubhoko lwake pamuto gwa litohe lya limbelele jwenio jwa litambiko lya kupepulila uhakaho, nu kunchinjii pa chehemo pibhachinjii inyama ya matambiko gha kukomelekeya. 34Mpiya litambiko nachwiya lukonje lwake mu myahe jha litambiko lya kupepulila uhakaho na kukilima mu manyelo chehemo jha kupiikiya litambiko lya kukomelekeya. Myahe jhiipala kuhighilika naijhitila pahe kutindii chehemo jha kupiikiya litambiko. 35Nabhoha mahuta ghoha, ngita chabhoita mahuta gha litohe lya limbelele ku nhwalo gwa litambiko lya uteeke, na mpiya litambiko naghatiniya pa chehemo jha kupiikiya litambiko, pamonga na matambiko ghange ghighapihwa kwa Bhambo Chapanga kwa mwotu. Kukutenda yene, mpiya litambiko nantendela ujhopo gwa ujhelanicho gha uhakaho gwake gwateile, na jwenie nalekekelwa uhakaho gwake.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved