Akalabhe 16
16
Lichiko lya kujhelenicha
1Bhambo Chapanga ngalongila na Mucha, kubhoke pukujhomoka yana ibhele ya Alune, pibhanheghelila Bhambo Chapanga. 2Ngannobholila, “Munnobholela nnongo gwino Alune angajhingii jhe Chehemo jha Nyahinyahi Hake kuhyeto jha lipanjiya, ngita chapala jwenie. Angajhingii jhe peniya nhwalo ndi pambakupitila mulihunde kunane jhi kiyekelelo chi Lichanduko lya Lilaghano hele kikemitwa chehemo pukulekekeya uhakaho. Anda nukujhoha jhe, nantenda kuwegha. 3Alune najhingila Chehemo Jha Nyahinyahi Hake, ipalwa apiya litohe lya likambako lya ng'ombi ku nhwalo gwa litambiko lya kupepulila uhakaho na likambako lya limbelele ku nhwalo gwa litambiko lya kukomelekeya.”
4“Najhogha yegha yoha kwa mache, kubhoke peniya, nawala ngobho yambone yu upiya litambiko. Najhingila chehemo jhenio kongo awalite ngobho yambone yu upiya litambiko, chuluale na likanjo nu kutabha luhunga lwa ngobho nhuo luna kuhalala luna malembelo.”
5Natola kubhoke mulungolo lwa bhando bhu ku Ichilahele, mankambako mabhele gha mbuhe ku nhwalo gwa litambiko lya kupepulila uhakaho na limbelele lyankambako limo kunhwalo gwa litambiko lya kukomelekeya. 6Alune nampiya linkambako lya ng'ombi libhaha litambiko lya kupepulila uhakaho, ku nhwalo gwake jwene, nu kutenda ujhelanicho gwake jwene na Chapanga helahela kwajhelenicha akalongo bhake na Chapanga. 7Kubhoke peniya, natola mankambako mabhele gha mbuhe, naghabheka pa litangala lya Lihema lya Chapanga. 8Naghatendela kiumbuumbu nnobhole makambako mabhele gha mbuhe, jhumo ku nhwalo gwa Bhambo Chapanga na mbuhe jhonge ku nhwalo gwa kugheghechwa uhakaho nukupelekwa ku njenga kwa Azazele. 9Alune naleta mbuhe jhankambo jhola jwahaghulilwe kwa kiumbuumbu nnobhole, ku nhwalo gwa kumpiikiya Bhambo Chapanga nu kumpiya litambiko lya kupepulila malemwa. 10Nambo mbuhe jwankambako jwahaghulilwe kwa kihumbuumbu nnobhole ku nhwalo gwa kumpeleka kwa Azazele, napiywa nnonge jha Bhambo Chapanga kongo abhii ghome kupala atenda lihengo lya kujhelanicha. Kubhoke peniya, mpiya litambiko nanneka ajhabhule kumanyahe abhii ngita jwatwekii malemwa gha bhando bhoha bhuku Ichilahele.
11“Alune nampiya likambako lya ng'ombi ku nhwalo gwa litambiko lya kupepulila uhakaho gwake jwenie, nu kutenda ujhelanicho na Bhambo Chapanga ku nhwalo gwake jwenie na ku nhwalo gwa akalongo mundo, peniya, nachinja likambako lya ng'ombi jwenio litambiko lya kupepulila uhakaho. 12Kabhele natola kitecho na makalakala gha mwotu kubhoke pa chehemo jhukupiikiya litambiko nnonge jha Bhambo Chapanga, nu ubane ngohi ibhele ghuyagwitwe mbone ghuna kunungilila petelele, nauleta nkate jha chehemo jha nyahinyahi hake. 13Nauleta ubane gwenio nnonge jha Bhambo Chapanga, kupala malyohe ghubane gwenio ghayekelela kiyekelelo cha Lichanduko lya Lilaghano, hele kwa liina lenge kikemwa kigoda cha umbone, kupala angawe jhe. 14Peniya, natola myahe jhandina jha linkambako lya ng'ombi mulukonje lwake nu kumichila chehemo jha kiyekelelo mala chaba na palonge jha Lichanduko lya Lilaghano mala chaba.
15“Peniya, nanchinja mbuhe jwa litambiko lya kupepulila uhakaho, kunhwalo gwa bhando bhoha. Myahe jha mbuhe jwenio naileta nkate jha lipanjiya nu kutenda ngita chatehila myahe jha ng'ombi nu kumichila mala chaba pa kiyekelelo na nnonge jha Lichanduko lya Lililaghano. 16Kukutenda yene, nabha ajhelewiye Chehemo jha Nyahinyahi Hake, ku nhwalo gwa kukanilwa palonge jha Bhambo Chapanga, kwa uhakaho gwabhe gwogwoha kwa bhando bhuku Ichilahele. Atenda yene, kunhwalo Lihema lya Chapanga libhii panakate jha bhando bheniya bhibhatenda ilebhe yangajheketelwa na Bhambo Chapanga. 17Kipinde Alune papakujhingii mwenio Chehemo jha Nyahinyahi Hake, kukijhelanicha kunhwalo gwake jwenio na akalongo mundo na bhando bhoha bhuku Ichilahele, pangabhe jhe mundo jhojhoha nkate jha Lihema lya Chapanga ade papakujhomolela nu kupita panja. 18Peniya, Alune ipalwa kupita panja jha lihema nu kukijhelanicha chehemo jhi kupiikiya litambiko lya kukomelekeya. Natola myahe jhandina jha ng'ombi jhola na myahe jha mbuhe jhola nu kupakaya mu manyelo gha chehemo jha kupiikiya litambiko. 19Kabhele, namichila chehemo jhenio jha kupiikiya litambiko myahe kwa lukonje lwake mala chaba, kukutenda yene naibha ijheketelwa ku nhwalo gwa uhakaho gwoha gwa bhando bhuku Ichilahele.
Mbuhe jwapelikwa kunjenga
20“Alune papakujhomolela kujhelebhuwa Chehemo jha Nyahinyahi na Lihema lya Chapanga, na chehemo jha kupiikiya litambiko, nanneta mbuhe jhukumpiya panja jha kighono, ku nhwalo gwa malemwa gha bhando, kongo abhii ghome. 21Na Alune abheka mabhoko ghake pa muto gwa mbuhe jwankambako jwenio jwabhii ghome, nu kulonge malemwa ghoha gha bhando bhuku Ichilahele na uhakaho gwabhe kupala ghabhe panane jha muto gwa mbuhe jwenio. Peniya, na mundo jhojhoha kukupala jwenie nampelika mbuhe jwenio kunjenga. 22Mundo jwenio nannekekeya mbuhe jwenio kunjenga kongo atoi malemwa gha bhando bhoha.
23“Peniya, Alune nakelebhuka nu kujhingii mu Lihema lya Chapanga, naula ngobho yake nhuu ya upiya Litambiko, yawalita pajhingii chehemo jha Nyahinyahi Hake, naileka momo mu Lihema, 24najhogha mache chehemo jhibhii mbone nu kuwala ngobho yake ya machiko ghoha. Peniya, napita panja nu kupiya litambiko lya kukomelekeya ku nhwalo gwake jwenio na litambiko lya kukomelekeya ku nhwalo jha bhando, kupala kujhelebhulwa jwenio na bhando bha ku Ichilahele. 25Na mahuta gha litambiko lya kupepulila uhakaho naghakomelekelwa panane chehemo jhakupiikiya litambiko lya kukomelekelwa. 26Mundo jwampelike mbuhe jwankambako jwatoi malemwa gha bhando jhola kunjenga, ipalwa kupula ngobho yake nu kujhogha mache, peniya najheketelwa kujhingii pakighono. 27Likambako lya ng'ombi na mbuhe ghighapiitwe litambiko lya kupepulila malemwa, yenie myahe jhake jhipelekwa Chehemo jha Nyahinyahi hake, kupala kukijhelebhula, mambendela ghabhe na nyama na mahe ghipalwa ipelekwa panja jha kighono kupala kujhochwa mwotu. 28Mundo jwapa kukomelekeya ilebhe yenie, ipalwa apula ngobho yake na kujhogha mache awala ngobho yake, kubhoke peniya, akelebhuka kukighono.”
Lichiko lya ujhelanicho
29“Nhwilo ghongo ubhaha nhwilo gwangapeta kwino, mu lichiko lya kome lya mwehe gwa chaba, mangota mabhene na akaghene bhibhatama pamonga na mangota, mipalwa kupunga lichiko lyenie na mangahenga jhe lihengo lyolyoha. 30Ndi lichiko lya ujhelanicho ku nhwalo gwino na malemwa ghino ghighajhelewike, mma njelembo nnonge jhango. 31Lichiko lyenie ndi lichiko li kupomolela na mangota mipunga. Nhwilo ghongo ndi gwa machiko ghoha ghangapeta. 32Mpiya litambiko jwapakitwe mahuta nu kubhekwa palonge jha Chapanga kwa lihengo lyake, natola pwache natenda ujhelanicho na Chapanga, kongo awalite ngobho inakuhalala kitambala kinhuo. 33Natenda lihengo lya ujhelanicho ku nhwalo jha nenga na kunhwalo jha Chehemo jha Nyahinyahi Hake na ku nhwalo jha Lihema lya Chapanga na chehemo jhi kupiikiya litambiko na mpiya litambiko na ku nhwalo gwa bhando bhoha bhuku Ichilahele. 34Bhahe, nhwilo ghongo ubhaha gwa machiko ghoha ghangapeta, kupala kubhehe lihengo lya kujhelanicha na ne Chapanga nhwalo gwa bhando bhu ku Ichilahele ku nhwalo gwa malemwa ghabhe ghoha, malajhimo kila chaka.”
Mucha ngateila yene ngita Bhambo Chapanga channaghalikiye.
ទើបបានជ្រើសរើសហើយ៖
Akalabhe 16: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Akalabhe 16
16
Lichiko lya kujhelenicha
1Bhambo Chapanga ngalongila na Mucha, kubhoke pukujhomoka yana ibhele ya Alune, pibhanheghelila Bhambo Chapanga. 2Ngannobholila, “Munnobholela nnongo gwino Alune angajhingii jhe Chehemo jha Nyahinyahi Hake kuhyeto jha lipanjiya, ngita chapala jwenie. Angajhingii jhe peniya nhwalo ndi pambakupitila mulihunde kunane jhi kiyekelelo chi Lichanduko lya Lilaghano hele kikemitwa chehemo pukulekekeya uhakaho. Anda nukujhoha jhe, nantenda kuwegha. 3Alune najhingila Chehemo Jha Nyahinyahi Hake, ipalwa apiya litohe lya likambako lya ng'ombi ku nhwalo gwa litambiko lya kupepulila uhakaho na likambako lya limbelele ku nhwalo gwa litambiko lya kukomelekeya.”
4“Najhogha yegha yoha kwa mache, kubhoke peniya, nawala ngobho yambone yu upiya litambiko. Najhingila chehemo jhenio kongo awalite ngobho yambone yu upiya litambiko, chuluale na likanjo nu kutabha luhunga lwa ngobho nhuo luna kuhalala luna malembelo.”
5Natola kubhoke mulungolo lwa bhando bhu ku Ichilahele, mankambako mabhele gha mbuhe ku nhwalo gwa litambiko lya kupepulila uhakaho na limbelele lyankambako limo kunhwalo gwa litambiko lya kukomelekeya. 6Alune nampiya linkambako lya ng'ombi libhaha litambiko lya kupepulila uhakaho, ku nhwalo gwake jwene, nu kutenda ujhelanicho gwake jwene na Chapanga helahela kwajhelenicha akalongo bhake na Chapanga. 7Kubhoke peniya, natola mankambako mabhele gha mbuhe, naghabheka pa litangala lya Lihema lya Chapanga. 8Naghatendela kiumbuumbu nnobhole makambako mabhele gha mbuhe, jhumo ku nhwalo gwa Bhambo Chapanga na mbuhe jhonge ku nhwalo gwa kugheghechwa uhakaho nukupelekwa ku njenga kwa Azazele. 9Alune naleta mbuhe jhankambo jhola jwahaghulilwe kwa kiumbuumbu nnobhole, ku nhwalo gwa kumpiikiya Bhambo Chapanga nu kumpiya litambiko lya kupepulila malemwa. 10Nambo mbuhe jwankambako jwahaghulilwe kwa kihumbuumbu nnobhole ku nhwalo gwa kumpeleka kwa Azazele, napiywa nnonge jha Bhambo Chapanga kongo abhii ghome kupala atenda lihengo lya kujhelanicha. Kubhoke peniya, mpiya litambiko nanneka ajhabhule kumanyahe abhii ngita jwatwekii malemwa gha bhando bhoha bhuku Ichilahele.
11“Alune nampiya likambako lya ng'ombi ku nhwalo gwa litambiko lya kupepulila uhakaho gwake jwenie, nu kutenda ujhelanicho na Bhambo Chapanga ku nhwalo gwake jwenie na ku nhwalo gwa akalongo mundo, peniya, nachinja likambako lya ng'ombi jwenio litambiko lya kupepulila uhakaho. 12Kabhele natola kitecho na makalakala gha mwotu kubhoke pa chehemo jhukupiikiya litambiko nnonge jha Bhambo Chapanga, nu ubane ngohi ibhele ghuyagwitwe mbone ghuna kunungilila petelele, nauleta nkate jha chehemo jha nyahinyahi hake. 13Nauleta ubane gwenio nnonge jha Bhambo Chapanga, kupala malyohe ghubane gwenio ghayekelela kiyekelelo cha Lichanduko lya Lilaghano, hele kwa liina lenge kikemwa kigoda cha umbone, kupala angawe jhe. 14Peniya, natola myahe jhandina jha linkambako lya ng'ombi mulukonje lwake nu kumichila chehemo jha kiyekelelo mala chaba na palonge jha Lichanduko lya Lilaghano mala chaba.
15“Peniya, nanchinja mbuhe jwa litambiko lya kupepulila uhakaho, kunhwalo gwa bhando bhoha. Myahe jha mbuhe jwenio naileta nkate jha lipanjiya nu kutenda ngita chatehila myahe jha ng'ombi nu kumichila mala chaba pa kiyekelelo na nnonge jha Lichanduko lya Lililaghano. 16Kukutenda yene, nabha ajhelewiye Chehemo jha Nyahinyahi Hake, ku nhwalo gwa kukanilwa palonge jha Bhambo Chapanga, kwa uhakaho gwabhe gwogwoha kwa bhando bhuku Ichilahele. Atenda yene, kunhwalo Lihema lya Chapanga libhii panakate jha bhando bheniya bhibhatenda ilebhe yangajheketelwa na Bhambo Chapanga. 17Kipinde Alune papakujhingii mwenio Chehemo jha Nyahinyahi Hake, kukijhelanicha kunhwalo gwake jwenio na akalongo mundo na bhando bhoha bhuku Ichilahele, pangabhe jhe mundo jhojhoha nkate jha Lihema lya Chapanga ade papakujhomolela nu kupita panja. 18Peniya, Alune ipalwa kupita panja jha lihema nu kukijhelanicha chehemo jhi kupiikiya litambiko lya kukomelekeya. Natola myahe jhandina jha ng'ombi jhola na myahe jha mbuhe jhola nu kupakaya mu manyelo gha chehemo jha kupiikiya litambiko. 19Kabhele, namichila chehemo jhenio jha kupiikiya litambiko myahe kwa lukonje lwake mala chaba, kukutenda yene naibha ijheketelwa ku nhwalo gwa uhakaho gwoha gwa bhando bhuku Ichilahele.
Mbuhe jwapelikwa kunjenga
20“Alune papakujhomolela kujhelebhuwa Chehemo jha Nyahinyahi na Lihema lya Chapanga, na chehemo jha kupiikiya litambiko, nanneta mbuhe jhukumpiya panja jha kighono, ku nhwalo gwa malemwa gha bhando, kongo abhii ghome. 21Na Alune abheka mabhoko ghake pa muto gwa mbuhe jwankambako jwenio jwabhii ghome, nu kulonge malemwa ghoha gha bhando bhuku Ichilahele na uhakaho gwabhe kupala ghabhe panane jha muto gwa mbuhe jwenio. Peniya, na mundo jhojhoha kukupala jwenie nampelika mbuhe jwenio kunjenga. 22Mundo jwenio nannekekeya mbuhe jwenio kunjenga kongo atoi malemwa gha bhando bhoha.
23“Peniya, Alune nakelebhuka nu kujhingii mu Lihema lya Chapanga, naula ngobho yake nhuu ya upiya Litambiko, yawalita pajhingii chehemo jha Nyahinyahi Hake, naileka momo mu Lihema, 24najhogha mache chehemo jhibhii mbone nu kuwala ngobho yake ya machiko ghoha. Peniya, napita panja nu kupiya litambiko lya kukomelekeya ku nhwalo gwake jwenio na litambiko lya kukomelekeya ku nhwalo jha bhando, kupala kujhelebhulwa jwenio na bhando bha ku Ichilahele. 25Na mahuta gha litambiko lya kupepulila uhakaho naghakomelekelwa panane chehemo jhakupiikiya litambiko lya kukomelekelwa. 26Mundo jwampelike mbuhe jwankambako jwatoi malemwa gha bhando jhola kunjenga, ipalwa kupula ngobho yake nu kujhogha mache, peniya najheketelwa kujhingii pakighono. 27Likambako lya ng'ombi na mbuhe ghighapiitwe litambiko lya kupepulila malemwa, yenie myahe jhake jhipelekwa Chehemo jha Nyahinyahi hake, kupala kukijhelebhula, mambendela ghabhe na nyama na mahe ghipalwa ipelekwa panja jha kighono kupala kujhochwa mwotu. 28Mundo jwapa kukomelekeya ilebhe yenie, ipalwa apula ngobho yake na kujhogha mache awala ngobho yake, kubhoke peniya, akelebhuka kukighono.”
Lichiko lya ujhelanicho
29“Nhwilo ghongo ubhaha nhwilo gwangapeta kwino, mu lichiko lya kome lya mwehe gwa chaba, mangota mabhene na akaghene bhibhatama pamonga na mangota, mipalwa kupunga lichiko lyenie na mangahenga jhe lihengo lyolyoha. 30Ndi lichiko lya ujhelanicho ku nhwalo gwino na malemwa ghino ghighajhelewike, mma njelembo nnonge jhango. 31Lichiko lyenie ndi lichiko li kupomolela na mangota mipunga. Nhwilo ghongo ndi gwa machiko ghoha ghangapeta. 32Mpiya litambiko jwapakitwe mahuta nu kubhekwa palonge jha Chapanga kwa lihengo lyake, natola pwache natenda ujhelanicho na Chapanga, kongo awalite ngobho inakuhalala kitambala kinhuo. 33Natenda lihengo lya ujhelanicho ku nhwalo jha nenga na kunhwalo jha Chehemo jha Nyahinyahi Hake na ku nhwalo jha Lihema lya Chapanga na chehemo jhi kupiikiya litambiko na mpiya litambiko na ku nhwalo gwa bhando bhoha bhuku Ichilahele. 34Bhahe, nhwilo ghongo ubhaha gwa machiko ghoha ghangapeta, kupala kubhehe lihengo lya kujhelanicha na ne Chapanga nhwalo gwa bhando bhu ku Ichilahele ku nhwalo gwa malemwa ghabhe ghoha, malajhimo kila chaka.”
Mucha ngateila yene ngita Bhambo Chapanga channaghalikiye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved