Kubhoka 5
5
Mucha na Alune palonge jha Falao
1Peniya, Mucha na Alune ngabhanyendela Falao munahota nkolongwa jwa ku Michile na kunnobholela, “Bhambo Chapanga jwa Akaichilahele ilonge naha, ‘Maleke bhando bhango bhabhoke, bhakahenge unyagho kunjenga.’” 2Falao ngalongila, “Jweno Bhambo Chapanga ndi ghane, ade nninyokanikiye, na kwaleka Akaichilahele bhabhoke? Ne nimanye jhe jwenio Bhambo Chapanga, hilu nalekeke jhe Akaichilahele bhabhoke.” 3Mucha na Alune ngabhannyangwila, “Chapanga jwa Akaebulaniya akongine natwenga. Tumpembekeya mutuleke tujhende mwanja gwa kunjenga kwa machiko matato, tukampikiye Chapanga litambiko, Chapanga gwito, nayene jhe natunkoma kwa malwalo amu kwa ngondo.”
4Nambo munanhota nkolongwa jwa ku Michile ngabhajhangwila, “Mwe ma Mucha na Alune kilebhe ghane chimikolobhecha bhando mu mahengo ghabhe? Nnyende kumahengo ghino.” 5Peniya Falao ngalongila kabhele, “Ngohe bhando bhino bhajholokine hake kupeta bhando na mangota mwahibhikiya kuhenga mahengo!”
6Lichiko lele munahota nkolongwa jwa ku Michile, ngabhalaghila akatumiche pamonga na bhibhajhemelela, kwa kulonge, 7“Kuhumii ngohe mangape ng'o manyahe gha kubhutuki matopwale ngita chimihenga, bhapalaha manyahe ghabhe bhene. 8Nambo bhabhutuha matopwale ghaghala kwa lichiko, lyangapongo jhe hilu limo, nhwalo bhando bhamba akatotoho na bhilonge, ‘Mutulekekeye tujhende tukampihi Chapanga gwito litambiko.’ 9Makundicha hake mulihengo kupala bhapita lihuke na bhaleke malobhe gha uwange.”
10Bhahe, akatumiche na bhibhajhemelela bhajhakujhenda na kwalobhole bhando, “Munanhota nkolongwa ilonge naha, na nimpeke ng'o manyahe. 11Nnyende kwokwoha kumipakupata, nambo lihengo lino nalitamila papa.” 12Yene, bhando ngabhapechengina mu kilambo choha kupalaha manyahe gha kupyatuli matopwale. 13Na akatumiche ngabhaghaghita kulonge, “Nnyomolela mahengo ghino gha kila lichiko ngita kipinde chela pinnetilwa manyahe.” 14Bhibhajhemelela bhuku Michile ngabhabula bhibhajhemelela bha Akaichilahele bhibhahaghulilwa kujhemelela mahengo, nu kulonge, “Nhwalo gwa nike mihenga yene na mihikicha jhe matopwale ghaghalaghala ngita chinteila putumbwila?”
15Peniya, bhibhajhemelela bha Akaichilahele ngabhanyendela Falao nu kulonge. “Kibhii nike kututende naha twenga? 16Nnekite kolya kutulete manyahe ghoghoha, na mutughaghalii tupyatula matopwale. Na akatumiche bhino bhatubula, kone lilemo lyene lya bhando bhino.”
17Nambo Falao ngalongila mangota makatotoho, ndi nhwalo milonge, mutulekekeye tujhende tukampikiye litambiko Bhambo Chapanga. 18Ngohe nnyende makahenge lihengo, nhwalo nampelwa jhe manyahe, na pamonga na gheniya mipalwa kupyatu matopwale ghimbangilwe ghangapongoka! 19Bhajhemelela bha Akaichilahele ngibhamanya kubhehe bhabhii mu mang'ahe pibhalobholilwa, “Matopwale ghino naghabhaha ghaghalaghala hilu limo nalipongochwa jhe.”
20Pubhabhokita kweno kwa Falao, ngabhakongana na Mucha na Alune bhibhakibha bhalendilila. 21Ngabhalobholila Mucha na Alune, “Bhambo Chapanga akilole kilebhe chenje nanhadabulwa mangota. Nhwalo mutubhekite mu maghonga kwa munahota nkolongwa Falao na akatumiche yake. Mangota ndi kihokola cha jwenio kutukoma twenga.”
Mucha ankokoleke Chapanga
22Peniya, Mucha ngang'alambwikila Chapanga na kulonge, “Mabhambo, kibhii nike kwang'aya bhando bhamba? Nike chundumila nenga? 23Nhwalo kuhumii pinnongila na Falao kwa liina lino, abhang'aya bhando bhamba. Mwenga mmii nuu hilu kwakombola pandina!”
ទើបបានជ្រើសរើសហើយ៖
Kubhoka 5: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Kubhoka 5
5
Mucha na Alune palonge jha Falao
1Peniya, Mucha na Alune ngabhanyendela Falao munahota nkolongwa jwa ku Michile na kunnobholela, “Bhambo Chapanga jwa Akaichilahele ilonge naha, ‘Maleke bhando bhango bhabhoke, bhakahenge unyagho kunjenga.’” 2Falao ngalongila, “Jweno Bhambo Chapanga ndi ghane, ade nninyokanikiye, na kwaleka Akaichilahele bhabhoke? Ne nimanye jhe jwenio Bhambo Chapanga, hilu nalekeke jhe Akaichilahele bhabhoke.” 3Mucha na Alune ngabhannyangwila, “Chapanga jwa Akaebulaniya akongine natwenga. Tumpembekeya mutuleke tujhende mwanja gwa kunjenga kwa machiko matato, tukampikiye Chapanga litambiko, Chapanga gwito, nayene jhe natunkoma kwa malwalo amu kwa ngondo.”
4Nambo munanhota nkolongwa jwa ku Michile ngabhajhangwila, “Mwe ma Mucha na Alune kilebhe ghane chimikolobhecha bhando mu mahengo ghabhe? Nnyende kumahengo ghino.” 5Peniya Falao ngalongila kabhele, “Ngohe bhando bhino bhajholokine hake kupeta bhando na mangota mwahibhikiya kuhenga mahengo!”
6Lichiko lele munahota nkolongwa jwa ku Michile, ngabhalaghila akatumiche pamonga na bhibhajhemelela, kwa kulonge, 7“Kuhumii ngohe mangape ng'o manyahe gha kubhutuki matopwale ngita chimihenga, bhapalaha manyahe ghabhe bhene. 8Nambo bhabhutuha matopwale ghaghala kwa lichiko, lyangapongo jhe hilu limo, nhwalo bhando bhamba akatotoho na bhilonge, ‘Mutulekekeye tujhende tukampihi Chapanga gwito litambiko.’ 9Makundicha hake mulihengo kupala bhapita lihuke na bhaleke malobhe gha uwange.”
10Bhahe, akatumiche na bhibhajhemelela bhajhakujhenda na kwalobhole bhando, “Munanhota nkolongwa ilonge naha, na nimpeke ng'o manyahe. 11Nnyende kwokwoha kumipakupata, nambo lihengo lino nalitamila papa.” 12Yene, bhando ngabhapechengina mu kilambo choha kupalaha manyahe gha kupyatuli matopwale. 13Na akatumiche ngabhaghaghita kulonge, “Nnyomolela mahengo ghino gha kila lichiko ngita kipinde chela pinnetilwa manyahe.” 14Bhibhajhemelela bhuku Michile ngabhabula bhibhajhemelela bha Akaichilahele bhibhahaghulilwa kujhemelela mahengo, nu kulonge, “Nhwalo gwa nike mihenga yene na mihikicha jhe matopwale ghaghalaghala ngita chinteila putumbwila?”
15Peniya, bhibhajhemelela bha Akaichilahele ngabhanyendela Falao nu kulonge. “Kibhii nike kututende naha twenga? 16Nnekite kolya kutulete manyahe ghoghoha, na mutughaghalii tupyatula matopwale. Na akatumiche bhino bhatubula, kone lilemo lyene lya bhando bhino.”
17Nambo Falao ngalongila mangota makatotoho, ndi nhwalo milonge, mutulekekeye tujhende tukampikiye litambiko Bhambo Chapanga. 18Ngohe nnyende makahenge lihengo, nhwalo nampelwa jhe manyahe, na pamonga na gheniya mipalwa kupyatu matopwale ghimbangilwe ghangapongoka! 19Bhajhemelela bha Akaichilahele ngibhamanya kubhehe bhabhii mu mang'ahe pibhalobholilwa, “Matopwale ghino naghabhaha ghaghalaghala hilu limo nalipongochwa jhe.”
20Pubhabhokita kweno kwa Falao, ngabhakongana na Mucha na Alune bhibhakibha bhalendilila. 21Ngabhalobholila Mucha na Alune, “Bhambo Chapanga akilole kilebhe chenje nanhadabulwa mangota. Nhwalo mutubhekite mu maghonga kwa munahota nkolongwa Falao na akatumiche yake. Mangota ndi kihokola cha jwenio kutukoma twenga.”
Mucha ankokoleke Chapanga
22Peniya, Mucha ngang'alambwikila Chapanga na kulonge, “Mabhambo, kibhii nike kwang'aya bhando bhamba? Nike chundumila nenga? 23Nhwalo kuhumii pinnongila na Falao kwa liina lino, abhang'aya bhando bhamba. Mwenga mmii nuu hilu kwakombola pandina!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved