Kubhoka 34
34
Ibao henge ijhandikwe mihilo
Kombokela 10:1-5
1Bhambo Chapanga ngannobholila Mucha, “Mmache ipande ibhele ya maghanga ngita yela yukutumbula, na nenga nanyandika malobhe ghagha ghighakibha muibao yukutumbula yela inkajhulina. 2Mukilenganikiye kupala kilabho lukela, nhwike kukongana na nenga panane jha kitombe chuku Chinae. 3Mangalongohana jhe na mundo jhojhoha hilu angabhonekane jhe popoha pala pikitombe hilu limbelele amu ng'ombi mangaluchi jhe pahina na kitombe.” 4Peniya, Mucha ngabhacha ibao ibhele ya maghanga ngita yukutumbula. Ngajhenda putepute, ngahobhoka pikitombe chuku Chinae, ngita Bhambo Chapanga channaghilikiya, kongo abhii na ibao ibhele mulubhoko lwake.
5Bhambo Chapanga ngahulwika mu lihunde, ngajhema pamonga na Mucha, ngalongila liina lyake, “Bhambo Chapanga.” 6Bhambo Chapanga, ngapetita nnonge jha Mucha ngalongila kabhele liina lyake, nenga ndi, “Bhambo Chapanga, nenga Bhambo Chapanga jhuna kiya na mota, nijhomboteka jhe kuyoma jhuna upalo na jhunihobholeka. 7Nenga napala bhando maelufo gha ibheluko na kwalekekeya gwanganandela nu kulemwa na uhakaho. Nambo ata ikabhii bhole naleka jhe kwahadabula bhibhalemwa na kwahadabula yana na ichokolo uhakaho gwa akatatemundo, ade kibheluko cha utato na cha ncheche.”
8Papa Mucha ngalitita makilikite ade pahe palonge jha Chapanga. 9Mucha ngalongila, “Mwe Mabhambo gwango, anda chakaka nihuanganiche, ninnyopa ntyanga pamonga na twenga. Bhando bhamba mitwe jhabhe mijhomo, nambo mutulekekeye uhakaho gwito na malemwa ghito, mutupokele ngita bhando bhino mabhene.”
Lilaghano libhekwa kabhele
Kubhoka 23:14-19; Kombokela 7:1-5; 16:1-17
10Bhambo Chapanga ngonnobholila Mucha, Ngohe nibheka lilaghano na bhando bhuku Ichilahele. Nitenda ikangacho nnonge jhabhe gheniya ghinatendwa jhe pannema poha, hilu kilambo chochoha. Nambo bhando bhoha bhimitama panakate jhabhe nabhaibhona itendwa yango ikolongwa. Nhwalo nandenda kilebhe chikukangacha kunhwalo gwino. 11Nkamula mihilo jhinimpe deleno. Mbakwabhenga nnonge jhino Akamole na Akakanane na Akahite na Akapeliche na Akahive na Akayebuche. 12Mukilolekeye mangabheka jhe lilaghano na bhando bhikilambo chikimijhendelela, nhwalo lyenio lipakubhehe ntambo kwino. 13Nambo mukatilulane chehemo jhabhe jhukupiikiya litambiko na kuhambughana heke yabhe yukujhinamila inyagho na kichapanga kikeghe kikemitwa, Ashela.
14“Manganyinamii jhe chapanga jhonge jhojhoha jhola, nhwalo nenga jhunimanyikina kwa liina lya, ‘Jhuna wiho,’ nhwalo anda munyinamii Chapanga jhonge nandenda kuyoma. 15Mangabheka jhe majheketeleno ghoghoha na bhando bha kilambo chenio, nhwalo nabhaijhinamila ichapanga jhabhe nu kuijhopa, pibhakongana, na mangota nabhanalika nu kwakoloya kulye yakulya jhiitambikwii ichapanga yabhe. 16Achikangombo bhino anda bhatolile achikabhale ya bhando bhena, bhibhajhinamii ichapanga jhabhe bhena nabhahuta achikangombo bhino, kukengama ichapanga jhabhe.
17“Mangatendekeya jhe ichapanga yuwange jha choma na kuijhinamila.
18“Kila chaka mmeka unyagho gwa mabumunda ghangalekelwa ngedule kwa machiko chaba kwa mwehi gwa Abibo. Namitenda yene ngita chininaghalikile, ipala kukomboka kubhehe mwehi gwenio ndi ghummokita ku Michile.
19“Kila mwana jhulitibho munalome ndi jwango, pamonga na mwana jhu litibho lya nkambako lya nyama ino yoha, jwa ng'ombi na jwa limbelele. 20Mwana jwa litibho jwa liponda namukombola kwa kumpiikiya limbelele. Anda kulinkombo jhe milikoma kukulitwekuu ntandala. Yana ino inalome yiilitibho mbakuikombola.
“Hele mundo jhojhoha angaika jhe nnonge jhango mabhoko matopo.
21“Namuhenga mahengo ghino machiko chita, nambo lichiko lya chaba mpomolela, ata ikabhii kipinde chukulema amu mahuno.
22“Mmeka Unyagho gwa majuma na mahuno pimpakutumbuu kuhuna ngano, na unyagho gwa ichimba pikijhomolela chaka.
23“Patato kila chaka, akanalome bhoha nabhakonganika nnonge jhango nu kunyinamila nenga Bhambo Chapanga, Chapanga jwa Akaichilahele. 24Nabhenga bhando bhibhatama mukilambo chenge nnonge jhino nu kujhonjekeya mipaka jhino. Abhii jhe mundo jwapakunoghelwa kilambo chino kipinde pimikongana kunyinamila nenga Bhambo Chapanga, Chapanga jwino patato kila chaka.
25“Mangambiikiya jhe litambiko lya myahe jha kinyama pamonga na mabumunda ghinekii ngedule, hilu matambiko gha Unyagho gwa Pachaka jhangaigha jhe ade lukela.
26“Mahuno ghino ghukutumbuu kuuna munng'onda gwino mileta kunyumba jhango nenga Bhambo Chapanga, Chapanga gwino.
“Mangatutu jhe litohe lya limbelele amu mbuhe kwa mabhele gha majhe mundo.”
27Bhambo Chapanga ngannobholila Mucha, “Jhandika malobhe ghanga, kunhwalo gwa malobhe ghanga, mekite lilaghano na mwenga na bhando bhuku Ichilahele.” 28Mucha ngatamita kukitombe kwenio pamonga na Bhambo Chapanga machiko alobaine, muhe na kilo, alila jhe hilu kunywe kilebhe chochoha. Ngajhandika malobhe ghoha gha Lilaghano na mihilo kome jhela.
Mucha ngahulwika kubhoka kukitombe cha Chinae.
Mucha ihuluka ku kitombe chuku Chinae
29Mucha pahulwika kuhuma kukitombe chuku Chinae kongo abhii na ibao ibhele ijhandikwe malobhe kome gha Lilaghano mulubhoko lwake, amanyii jhe kubhehe kumiho jhake kukibha kung'anyima hake, nhwalo akibha alongila na Bhambo Chapanga. 30Alune na bhando bhoha pibhamona ngabhajhogwipa kunheghelela, nhwalo kumiho jhake kukibha kung'anyima hake. 31Nambo Mucha ngankema Alune na ilongoche ya Akaichilahele bhajhende pahina na jwenio, peniya ngalonge nabho. 32Kubhoka peniya, Akaichilahele bhoha ngabhaika pahina na jwenio, na jwenio ngabhape mihilo jhoha jhapokii kwa Chapanga pakibha pakitombe chuku Chinae. 33Mucha pajhomolila kulonge na bhando ngayekelila kumiho kwa kitambala. 34Nambo ngaibhila yene, Mucha kila kipinde pajhenda kulonge na Bhambo Chapanga ku Lihema lyanyahinyahi, ngabhohita kitambala chela ade papita panja. Na papita panja ngabhalobholila Akaichilahele ilebhe yoha yalaghalikilwe, 35na Akaichilahele ngabhaubhona kumiho jhake kukang'ala. Peniya Mucha ngayekelila kabhele kumiho jhake ade kipinde pajhenda kulonge na Bhambo Chapanga.
ទើបបានជ្រើសរើសហើយ៖
Kubhoka 34: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Kubhoka 34
34
Ibao henge ijhandikwe mihilo
Kombokela 10:1-5
1Bhambo Chapanga ngannobholila Mucha, “Mmache ipande ibhele ya maghanga ngita yela yukutumbula, na nenga nanyandika malobhe ghagha ghighakibha muibao yukutumbula yela inkajhulina. 2Mukilenganikiye kupala kilabho lukela, nhwike kukongana na nenga panane jha kitombe chuku Chinae. 3Mangalongohana jhe na mundo jhojhoha hilu angabhonekane jhe popoha pala pikitombe hilu limbelele amu ng'ombi mangaluchi jhe pahina na kitombe.” 4Peniya, Mucha ngabhacha ibao ibhele ya maghanga ngita yukutumbula. Ngajhenda putepute, ngahobhoka pikitombe chuku Chinae, ngita Bhambo Chapanga channaghilikiya, kongo abhii na ibao ibhele mulubhoko lwake.
5Bhambo Chapanga ngahulwika mu lihunde, ngajhema pamonga na Mucha, ngalongila liina lyake, “Bhambo Chapanga.” 6Bhambo Chapanga, ngapetita nnonge jha Mucha ngalongila kabhele liina lyake, nenga ndi, “Bhambo Chapanga, nenga Bhambo Chapanga jhuna kiya na mota, nijhomboteka jhe kuyoma jhuna upalo na jhunihobholeka. 7Nenga napala bhando maelufo gha ibheluko na kwalekekeya gwanganandela nu kulemwa na uhakaho. Nambo ata ikabhii bhole naleka jhe kwahadabula bhibhalemwa na kwahadabula yana na ichokolo uhakaho gwa akatatemundo, ade kibheluko cha utato na cha ncheche.”
8Papa Mucha ngalitita makilikite ade pahe palonge jha Chapanga. 9Mucha ngalongila, “Mwe Mabhambo gwango, anda chakaka nihuanganiche, ninnyopa ntyanga pamonga na twenga. Bhando bhamba mitwe jhabhe mijhomo, nambo mutulekekeye uhakaho gwito na malemwa ghito, mutupokele ngita bhando bhino mabhene.”
Lilaghano libhekwa kabhele
Kubhoka 23:14-19; Kombokela 7:1-5; 16:1-17
10Bhambo Chapanga ngonnobholila Mucha, Ngohe nibheka lilaghano na bhando bhuku Ichilahele. Nitenda ikangacho nnonge jhabhe gheniya ghinatendwa jhe pannema poha, hilu kilambo chochoha. Nambo bhando bhoha bhimitama panakate jhabhe nabhaibhona itendwa yango ikolongwa. Nhwalo nandenda kilebhe chikukangacha kunhwalo gwino. 11Nkamula mihilo jhinimpe deleno. Mbakwabhenga nnonge jhino Akamole na Akakanane na Akahite na Akapeliche na Akahive na Akayebuche. 12Mukilolekeye mangabheka jhe lilaghano na bhando bhikilambo chikimijhendelela, nhwalo lyenio lipakubhehe ntambo kwino. 13Nambo mukatilulane chehemo jhabhe jhukupiikiya litambiko na kuhambughana heke yabhe yukujhinamila inyagho na kichapanga kikeghe kikemitwa, Ashela.
14“Manganyinamii jhe chapanga jhonge jhojhoha jhola, nhwalo nenga jhunimanyikina kwa liina lya, ‘Jhuna wiho,’ nhwalo anda munyinamii Chapanga jhonge nandenda kuyoma. 15Mangabheka jhe majheketeleno ghoghoha na bhando bha kilambo chenio, nhwalo nabhaijhinamila ichapanga jhabhe nu kuijhopa, pibhakongana, na mangota nabhanalika nu kwakoloya kulye yakulya jhiitambikwii ichapanga yabhe. 16Achikangombo bhino anda bhatolile achikabhale ya bhando bhena, bhibhajhinamii ichapanga jhabhe bhena nabhahuta achikangombo bhino, kukengama ichapanga jhabhe.
17“Mangatendekeya jhe ichapanga yuwange jha choma na kuijhinamila.
18“Kila chaka mmeka unyagho gwa mabumunda ghangalekelwa ngedule kwa machiko chaba kwa mwehi gwa Abibo. Namitenda yene ngita chininaghalikile, ipala kukomboka kubhehe mwehi gwenio ndi ghummokita ku Michile.
19“Kila mwana jhulitibho munalome ndi jwango, pamonga na mwana jhu litibho lya nkambako lya nyama ino yoha, jwa ng'ombi na jwa limbelele. 20Mwana jwa litibho jwa liponda namukombola kwa kumpiikiya limbelele. Anda kulinkombo jhe milikoma kukulitwekuu ntandala. Yana ino inalome yiilitibho mbakuikombola.
“Hele mundo jhojhoha angaika jhe nnonge jhango mabhoko matopo.
21“Namuhenga mahengo ghino machiko chita, nambo lichiko lya chaba mpomolela, ata ikabhii kipinde chukulema amu mahuno.
22“Mmeka Unyagho gwa majuma na mahuno pimpakutumbuu kuhuna ngano, na unyagho gwa ichimba pikijhomolela chaka.
23“Patato kila chaka, akanalome bhoha nabhakonganika nnonge jhango nu kunyinamila nenga Bhambo Chapanga, Chapanga jwa Akaichilahele. 24Nabhenga bhando bhibhatama mukilambo chenge nnonge jhino nu kujhonjekeya mipaka jhino. Abhii jhe mundo jwapakunoghelwa kilambo chino kipinde pimikongana kunyinamila nenga Bhambo Chapanga, Chapanga jwino patato kila chaka.
25“Mangambiikiya jhe litambiko lya myahe jha kinyama pamonga na mabumunda ghinekii ngedule, hilu matambiko gha Unyagho gwa Pachaka jhangaigha jhe ade lukela.
26“Mahuno ghino ghukutumbuu kuuna munng'onda gwino mileta kunyumba jhango nenga Bhambo Chapanga, Chapanga gwino.
“Mangatutu jhe litohe lya limbelele amu mbuhe kwa mabhele gha majhe mundo.”
27Bhambo Chapanga ngannobholila Mucha, “Jhandika malobhe ghanga, kunhwalo gwa malobhe ghanga, mekite lilaghano na mwenga na bhando bhuku Ichilahele.” 28Mucha ngatamita kukitombe kwenio pamonga na Bhambo Chapanga machiko alobaine, muhe na kilo, alila jhe hilu kunywe kilebhe chochoha. Ngajhandika malobhe ghoha gha Lilaghano na mihilo kome jhela.
Mucha ngahulwika kubhoka kukitombe cha Chinae.
Mucha ihuluka ku kitombe chuku Chinae
29Mucha pahulwika kuhuma kukitombe chuku Chinae kongo abhii na ibao ibhele ijhandikwe malobhe kome gha Lilaghano mulubhoko lwake, amanyii jhe kubhehe kumiho jhake kukibha kung'anyima hake, nhwalo akibha alongila na Bhambo Chapanga. 30Alune na bhando bhoha pibhamona ngabhajhogwipa kunheghelela, nhwalo kumiho jhake kukibha kung'anyima hake. 31Nambo Mucha ngankema Alune na ilongoche ya Akaichilahele bhajhende pahina na jwenio, peniya ngalonge nabho. 32Kubhoka peniya, Akaichilahele bhoha ngabhaika pahina na jwenio, na jwenio ngabhape mihilo jhoha jhapokii kwa Chapanga pakibha pakitombe chuku Chinae. 33Mucha pajhomolila kulonge na bhando ngayekelila kumiho kwa kitambala. 34Nambo ngaibhila yene, Mucha kila kipinde pajhenda kulonge na Bhambo Chapanga ku Lihema lyanyahinyahi, ngabhohita kitambala chela ade papita panja. Na papita panja ngabhalobholila Akaichilahele ilebhe yoha yalaghalikilwe, 35na Akaichilahele ngabhaubhona kumiho jhake kukang'ala. Peniya Mucha ngayekelila kabhele kumiho jhake ade kipinde pajhenda kulonge na Bhambo Chapanga.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved