Kubhoka 26
26
Lihema lyukunyinamila Chapanga
Kubhoka 36:8-38
1“Pamonga na ghenia ntendekeya Lihema li Nyahinyahi kwa mapanjiya kome gha ngobho nhuo ghina kuhalala ghibhachonite kukulembelekeya kwa luche ya lange jha buluu na chambalau na ngele. Mapanjiya gheniya nnemba kwa kuchonelela micholo ya ihumbe ina mapapanilo ikemwa makelube, lihengo lyenio ahenga jwamanyii kutendekeya. 2Kila lipanjiya libhaha nu utandamaho gwake mita kome niibhele na upana gwake mita ibhele. Mapanjiya gheniya ghabhaha na kipimo chimo. 3Na nnombanicha mapanjiya nhwano ghabhaha kipande chimo, na mapanjiya nhwano ghabhaha kipande chenge. 4Nchonelela kikamulilo cha lange ya buluu miniko jha lipanjiya likujhomolela pikipande chukutumbula, hele nchonelela kumwicho jha miniko jha panja jha lipanjiya. 5Mmeka ikamulilo amchine mulipanjiya limo na ikamulilo henge amchine mulipanjiya lenge, ikamulilo jhenie iloleyana. 6Peniya, ntendekeya ibanilo amchine ya chaabo yukutabhila kupala kulombanicha ipande ibhele ya mapanjiya gheniya, yene Lihema libhaha kilebhe chimo.
7“Kabhele tendekeya kiyekelelo chi Lihema lya mapanjiya kome na limo kwa mangoma gha mbuhe. 8Mapanjiya kome na limo gheniya, naghabhaha na kipimo chimo utandamaho gwake mita kome niitato na upana gwake mita ibhele. 9Maghalombanicha pamonga mapanjiya gheniya nhwano, na mapanjiya chita pamonga. Lipanjiya lya chita lela milibhilinga mala pabhele nnonge jha Lihema. 10Peniya, mitendekeya ikamulilo amchine mulipanjiya likujhomolela na kipande chukutumbula, na ikamulilo amchine mulipanjiya likujhomolela lya mu kipande chuubhele. 11Ntendekeya ibanilo amchine ya shaba yukutabhila nu kujhingiya muikamulilo amchine gheniya kupala kilombwa ipande ibhele mapanjiya, yene kukitenda Lihema libhaha na lipanjiya limo. 12Nucho jha kipande cha lipanjiya chela chikihighilike mikikobheka kunyuma jha Lihema. 13Mapanjiya gha lihema ghabhaha na utandamaho gwa mita jhimo na lipanjiya lilihighilile lining'inila pande yoha mulubhaho lwa Lihema kupala kuyekelela.”
14Hele ntendekeya iyekelelo ibhele ya Lihema, chimo chilimbendela lijhebhejhalo lya limbelele lyankambako na chenge chilimbendela lijhebhejhelo lya kinyama chumache na nkilima lange ngele.
15“Ntendekeya felemu ya mbau ya nkongo gwa nchita nu kujhemeka kupala kujhinuli gwema Lihema li Nyahinyahi.” 16Kila luheke lubhaha nutandamaho gwa mita ncheche, upana gwake nnombanicha kipande cha sentimita chitine na chita. 17Kila luheke mmacha pahe jhake anda nnombaniche ibhaha makongono mabhele kupala ijhema mbone. 18Heke makome mabhele mitendekeya upande gwa kuchine mwa lihema, 19na itamilo yake makome ncheche itendekewa kwa madine gha feza ipakubhekwa pahe jha heke yenio. Kila heke ibhaha na yukutamila ibhele. Mbanda itendekewa kupala kubhonekana maha ni itamilo yenie. 20Upande gwa kachikachine gwa Lihema, ntendekeya heke henge makome mabhele, 21itamilo yake makome ncheche ntendekeya kwa madine gha feza, kila heke itamilo ibhele ya pahe. 22Upande ghukunyuma ghubhii kulitipikii lyobha jha Lihema, ntendekeya heke chita. 23Helahela ntendekeya heke ibhele yu muimbokotole. 24Heke ibhele yenie ya muupele ilombana pahe na kunane ikobhokelo yukutumbula yumuupele yoha itendwa hele kupala ilengane. 25Yene ibhaha na heke nane na makongono ghake kome na chita gha madine gha feza. Makongono mabhele kila pahe jha heke.
26Helahela ntendekeya mighomba nhwano jha nkongo gwa nchita, kupala kulombanicha heke mukila upande gwa Lihema, 27na mighomba nhwano kunhwalo gwa kulombanicha upande ghonge gwa Lihema, na mighomba nhwano jhenge nhwalo gwa heke ibhii upande gwa kunyuma gwa Lihema lilibhii upande kulitipikii lyobha. 28Nng'omba gwa pakate ubhaha nucho jha Lihema upeta pakate kubhoke kumwicho ade kumwicho jha Lihema. 29Heke yoha muikilima chaabo nu kubheka ikobhekelo ya chaabo ipakukamulila mighomba jhenie, hele mikilima chaabo. 30Yene mikitendekeya Lihema lyenio ngita chininangiya kola kukitombe. 31“Ntendekeya lipanjiya lenge lina kuhalala kwa ngobho nhuo. Lipanjiya lyenio nnoka ihumbe ina mapapanilo kuupunde panane jhake, nnoka kwa luche ya lange ya buluu na chambalau na ngele. 32Nkobheka lipanjiya muheke ncheche ya nkongo gwa nchita yankilime chaabo, ikobhekelo ibhaha ya chaabo na mmeka itamilo ncheche gha madine gha feza. 33Anda milikobike lipanjiya lyenio mwikobhekelo nkate jha Lihema lyenio, peniya milileta Lichanduko lya Lilaghano kongo mmekite ibao ibhele ya maghanga nkate jhake, na kulibheka kunyuma jhi lipanjiya lyenio. Lipanjiya lyenio libhaghanicha Chehemo jha Nyahinyahi na Chehemo jha Nyahinyahi Hake. 34Peniya mmeka kiyekelelo panane jha Lichanduko lya Lilaghano. 35Mmeke mecha panja jha lipanjiya upandi gwa kachikachine na lumule upandi gwa kuchine mwa Lihema.
36“Munnyango gwa Lihema li Nyahinyahi ntendekeya lipanjiya likendao lilitengenichwe kwa ngobho nhuo lilokwitwe kwa luche ya lange ya buluu na chambalau na ngele, nu kulembelekelwa kwa upunde hake. 37Helehela ntendekeya heke nhwano ya nkongo gwa nchita nu kukilima chaabo. Heke yene ibhaha na kikobhakelo cha chaabo, kila luheke lubhaha nikitamilo cha shaba.
ទើបបានជ្រើសរើសហើយ៖
Kubhoka 26: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Kubhoka 26
26
Lihema lyukunyinamila Chapanga
Kubhoka 36:8-38
1“Pamonga na ghenia ntendekeya Lihema li Nyahinyahi kwa mapanjiya kome gha ngobho nhuo ghina kuhalala ghibhachonite kukulembelekeya kwa luche ya lange jha buluu na chambalau na ngele. Mapanjiya gheniya nnemba kwa kuchonelela micholo ya ihumbe ina mapapanilo ikemwa makelube, lihengo lyenio ahenga jwamanyii kutendekeya. 2Kila lipanjiya libhaha nu utandamaho gwake mita kome niibhele na upana gwake mita ibhele. Mapanjiya gheniya ghabhaha na kipimo chimo. 3Na nnombanicha mapanjiya nhwano ghabhaha kipande chimo, na mapanjiya nhwano ghabhaha kipande chenge. 4Nchonelela kikamulilo cha lange ya buluu miniko jha lipanjiya likujhomolela pikipande chukutumbula, hele nchonelela kumwicho jha miniko jha panja jha lipanjiya. 5Mmeka ikamulilo amchine mulipanjiya limo na ikamulilo henge amchine mulipanjiya lenge, ikamulilo jhenie iloleyana. 6Peniya, ntendekeya ibanilo amchine ya chaabo yukutabhila kupala kulombanicha ipande ibhele ya mapanjiya gheniya, yene Lihema libhaha kilebhe chimo.
7“Kabhele tendekeya kiyekelelo chi Lihema lya mapanjiya kome na limo kwa mangoma gha mbuhe. 8Mapanjiya kome na limo gheniya, naghabhaha na kipimo chimo utandamaho gwake mita kome niitato na upana gwake mita ibhele. 9Maghalombanicha pamonga mapanjiya gheniya nhwano, na mapanjiya chita pamonga. Lipanjiya lya chita lela milibhilinga mala pabhele nnonge jha Lihema. 10Peniya, mitendekeya ikamulilo amchine mulipanjiya likujhomolela na kipande chukutumbula, na ikamulilo amchine mulipanjiya likujhomolela lya mu kipande chuubhele. 11Ntendekeya ibanilo amchine ya shaba yukutabhila nu kujhingiya muikamulilo amchine gheniya kupala kilombwa ipande ibhele mapanjiya, yene kukitenda Lihema libhaha na lipanjiya limo. 12Nucho jha kipande cha lipanjiya chela chikihighilike mikikobheka kunyuma jha Lihema. 13Mapanjiya gha lihema ghabhaha na utandamaho gwa mita jhimo na lipanjiya lilihighilile lining'inila pande yoha mulubhaho lwa Lihema kupala kuyekelela.”
14Hele ntendekeya iyekelelo ibhele ya Lihema, chimo chilimbendela lijhebhejhalo lya limbelele lyankambako na chenge chilimbendela lijhebhejhelo lya kinyama chumache na nkilima lange ngele.
15“Ntendekeya felemu ya mbau ya nkongo gwa nchita nu kujhemeka kupala kujhinuli gwema Lihema li Nyahinyahi.” 16Kila luheke lubhaha nutandamaho gwa mita ncheche, upana gwake nnombanicha kipande cha sentimita chitine na chita. 17Kila luheke mmacha pahe jhake anda nnombaniche ibhaha makongono mabhele kupala ijhema mbone. 18Heke makome mabhele mitendekeya upande gwa kuchine mwa lihema, 19na itamilo yake makome ncheche itendekewa kwa madine gha feza ipakubhekwa pahe jha heke yenio. Kila heke ibhaha na yukutamila ibhele. Mbanda itendekewa kupala kubhonekana maha ni itamilo yenie. 20Upande gwa kachikachine gwa Lihema, ntendekeya heke henge makome mabhele, 21itamilo yake makome ncheche ntendekeya kwa madine gha feza, kila heke itamilo ibhele ya pahe. 22Upande ghukunyuma ghubhii kulitipikii lyobha jha Lihema, ntendekeya heke chita. 23Helahela ntendekeya heke ibhele yu muimbokotole. 24Heke ibhele yenie ya muupele ilombana pahe na kunane ikobhokelo yukutumbula yumuupele yoha itendwa hele kupala ilengane. 25Yene ibhaha na heke nane na makongono ghake kome na chita gha madine gha feza. Makongono mabhele kila pahe jha heke.
26Helahela ntendekeya mighomba nhwano jha nkongo gwa nchita, kupala kulombanicha heke mukila upande gwa Lihema, 27na mighomba nhwano kunhwalo gwa kulombanicha upande ghonge gwa Lihema, na mighomba nhwano jhenge nhwalo gwa heke ibhii upande gwa kunyuma gwa Lihema lilibhii upande kulitipikii lyobha. 28Nng'omba gwa pakate ubhaha nucho jha Lihema upeta pakate kubhoke kumwicho ade kumwicho jha Lihema. 29Heke yoha muikilima chaabo nu kubheka ikobhekelo ya chaabo ipakukamulila mighomba jhenie, hele mikilima chaabo. 30Yene mikitendekeya Lihema lyenio ngita chininangiya kola kukitombe. 31“Ntendekeya lipanjiya lenge lina kuhalala kwa ngobho nhuo. Lipanjiya lyenio nnoka ihumbe ina mapapanilo kuupunde panane jhake, nnoka kwa luche ya lange ya buluu na chambalau na ngele. 32Nkobheka lipanjiya muheke ncheche ya nkongo gwa nchita yankilime chaabo, ikobhekelo ibhaha ya chaabo na mmeka itamilo ncheche gha madine gha feza. 33Anda milikobike lipanjiya lyenio mwikobhekelo nkate jha Lihema lyenio, peniya milileta Lichanduko lya Lilaghano kongo mmekite ibao ibhele ya maghanga nkate jhake, na kulibheka kunyuma jhi lipanjiya lyenio. Lipanjiya lyenio libhaghanicha Chehemo jha Nyahinyahi na Chehemo jha Nyahinyahi Hake. 34Peniya mmeka kiyekelelo panane jha Lichanduko lya Lilaghano. 35Mmeke mecha panja jha lipanjiya upandi gwa kachikachine na lumule upandi gwa kuchine mwa Lihema.
36“Munnyango gwa Lihema li Nyahinyahi ntendekeya lipanjiya likendao lilitengenichwe kwa ngobho nhuo lilokwitwe kwa luche ya lange ya buluu na chambalau na ngele, nu kulembelekelwa kwa upunde hake. 37Helehela ntendekeya heke nhwano ya nkongo gwa nchita nu kukilima chaabo. Heke yene ibhaha na kikobhakelo cha chaabo, kila luheke lubhaha nikitamilo cha shaba.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved