Kubhoka 23
23
Matendelo ghighapwa kuntende mundo na kinyama
1“Mangachimulila jhe mihalo jhuwange. Nkoto kuntangatila mundo mmoho kukupiya uchaide ghuwange. 2Mangahutilwa jhe na lilongo lya bhando bhanganandela na kuhenga ghanganandela, hilu mangautilwa jhe na lilongo lya bhando kukupiya uchaide ghuwange paudamo gwa mihalo kupala kuibhangana uchakaka. 3Mangahegheme jhe mundo nhwocho mu mihalo jhake.
4“Anda muiwene ng'ombi amu liponda lya likoko lino lihobhite, mupeleka kwa jwenie. 5Anda mulikolii liponda lya mundo jwanchimwa ligwile na nhwigho gwake, mtangatila mundo jwenio kulijhinula liponda lyake hilu mangalileka jhe nu kujhenda.
6“Mangayelangana jhe mu mihalo jha mundo nhwocho. 7Mangahadabu jhe mundo kuwange hilu mangakoma jhe bhando bhangalemwa amu bhambone, nhwalo nenga nanekekeya jhe mundo jwanganandela. 8Mangapoke jhe chwinda, nhwalo chwinda jhatenda bhando bhakoto kulola na kwatenda bhahadabula changapalwa.
9“Mangantende jhe gwanganandela nng'ene, nhwalo mangota mabhene umanye pimibhehe maghene, mana mikibha akaghene kukilambo chuku Michile.”
Yaka chaba na lichiko lya chaba.
10Kila chaka mu kipinde cha yaka chita, nampanda mu mighonda jhino nu kuhuna mahuno ghake. 11Nambo chaka cha chaba, mileka mighondo jhino changapanda mbejho, kupala akahocho bhibhabhii pakate jhino bhalokota chakulya chikiighalike mwenio. Na henge ipakuighala milekela inyama yukumanyahe ilya. Ntenda hele naha mu mighonda jha michabibo na micheitune.
12“Kwa machiko chita nhenga mahengo ghino, nambo lichiko lya chaba mpomolela, kupala akabhanda bhino na akatumiche akaghene bhapomolela na ng'ombi hino na maponda ghino ghapomolela hele.
13“Mughakamula ghoha ghininnobholile. Mangajhinamii ichapanga henge ata maina ghabhe mangaghalonge jhe. Peniya henga gheniya ghoha ghaninobholile, hilu mangailonge jhe.”
Minyagho mikolongwa mitato
Kubhoka 34:18-26; Kombokela 16:1-17
14“Kila chaka mmeka minyagho patato kupala umba ichima nenga. 15Mmeka unyagho gwa mabumunda ghangaleke ngedule ngita chininaghila. Milyangana mabumunda jhangangedule kwa kipinde cha machiko chaba ghighapangwitwe kwa mwehe gwa Abibo, yane mwehe gwa ncheche, nhwalo kwa mwehe gwenio ghummokita ku Michile. Mundo jhojhoha angaika jhe kunnyinamila changakilebhe mulubhoko.
16“Unyagho ghongo utendeka kubhoke mumahuno gha kutumbula kubhoke muilebhe jhimpatite munng'onda gwino.”
Na unyagho ghongo chautendika mu mahuno ghino gha kujhomolela kubhoke munng'onda gwino.
17Kila chaka patato akanalome nabhakongana nnonge jhango ne Nabhambo Chapanga, Chapanga gwino.
18“Pumpiya litambiko li kinyama mangaleta jhe pamonga na kabumunda kikalekwii ngedule. Na mahuta ntiniya mangahighaya jhe mahuta gha kinyama cha unyagho gwango ade lichiko lilikengama lukela.
19“Kila chaka nneta mahuno ghakutumbula kuhuma chehemo jhukunyinamii nenga Bhambo Chapanga, Chapanga gwino.”
Mangatutu jhe kinyama cha litohe li limbelele amu litohe lya mbuhe mu mabhele gha majhemundo.
Lilaghano na malaghilo
20“Jhokanikiya, nenga nintuma ntumiche jwa kunane kwa Chapanga annongolele umwanja kupala annonde nu kuntenda nhwikengane kukilambo chininenganikile. 21Mnyokanikiya nu kuntembekeya chimpakunnobholela, hilu mangankanii jhe, jwenio nannekeke jhe uhakaho gwino, nhwalo ne ndi jhunintumite. 22Nambo anda munyokanakiye nu kutenda ghoha ghannaghalikiye, nangomana na akamakoko bhino. 23Ntumiche jwango jwa kunane kwa Chapanga nannongoya nu kuntenda nhwika kukilambo cha Akaamole na Akaahite na Akaahive na Akayebuche, na nenga nanakoma bheniya bhoha. 24Kwenio mangalita jhe nnonge jha ichapanga yabhe nu kuijhinamila, hilu mangajhigha jhe ilebhe yabhe. Nambo namuikomelekeya njwe na kuhangabhana heke ibhajhinamila.
25“Unyinamila nenga tugha Bhambo Chapanga, Chapanga gwino, nannenga nanimpela mota ilebhe na mache namoya hele malwalo ghoha pakate jhino. 26Abhii jhe mwikeghe jhojhoha jwapakutengekela ndumbo hilu kubhehe ntonga mukilambo chino. Nane nanimpela machiko twe gha kulama.
27“Nameka bhando bhibhankana, bhanyoghope hake. Peniya, natenda akamakoko bhino bhaghalambuke nu kuntila. 28Nambeleka manyigwa palonge jhino kwabhenga akamakoko bhino, Akahive na Akakaanane na Akahite bhabhoke palonge jhino. 29Nambo nabhenga jhe bhando bheniya kwa chaka chimo, kupala kilambo changaigha jhe jhajhe na inyama yukumanyahe kujhonjeke kubhehe ndii hake nu kunyingilii mangota. 30Bheniya nanabhenga kachokokachoko ade pumpa kujhonjekeka nu kubhehe twe nukujhenela mukilambo chenio. 31Mipaka jha kilambo chino ibhaha kubhoke kumbwane jha Chamo ade kumbwane jha Meditelaniya, nu kubhoke kunjenga ade kulukemba Efulate, nhwalo nimpeke makakala kwahoto bhando bhikilambo chenio, na mangota namabhenga na bhene nabhantila. 32Mangabheka jhe lilaghano lyolyoha lela pamonga na bheniya, mangabheka jhe lilaghano lyolyoha na bheniya hilu ichapanga jhabhe. 33Mangaleka jhe bhatame mukilambo chino kupala bhajhingiye muhakaho, nhwalo anda mijhinamii ichapanga jhabhe, chakaka gwenio naubhaha ntambo ghukunkoma.”
ទើបបានជ្រើសរើសហើយ៖
Kubhoka 23: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Kubhoka 23
23
Matendelo ghighapwa kuntende mundo na kinyama
1“Mangachimulila jhe mihalo jhuwange. Nkoto kuntangatila mundo mmoho kukupiya uchaide ghuwange. 2Mangahutilwa jhe na lilongo lya bhando bhanganandela na kuhenga ghanganandela, hilu mangautilwa jhe na lilongo lya bhando kukupiya uchaide ghuwange paudamo gwa mihalo kupala kuibhangana uchakaka. 3Mangahegheme jhe mundo nhwocho mu mihalo jhake.
4“Anda muiwene ng'ombi amu liponda lya likoko lino lihobhite, mupeleka kwa jwenie. 5Anda mulikolii liponda lya mundo jwanchimwa ligwile na nhwigho gwake, mtangatila mundo jwenio kulijhinula liponda lyake hilu mangalileka jhe nu kujhenda.
6“Mangayelangana jhe mu mihalo jha mundo nhwocho. 7Mangahadabu jhe mundo kuwange hilu mangakoma jhe bhando bhangalemwa amu bhambone, nhwalo nenga nanekekeya jhe mundo jwanganandela. 8Mangapoke jhe chwinda, nhwalo chwinda jhatenda bhando bhakoto kulola na kwatenda bhahadabula changapalwa.
9“Mangantende jhe gwanganandela nng'ene, nhwalo mangota mabhene umanye pimibhehe maghene, mana mikibha akaghene kukilambo chuku Michile.”
Yaka chaba na lichiko lya chaba.
10Kila chaka mu kipinde cha yaka chita, nampanda mu mighonda jhino nu kuhuna mahuno ghake. 11Nambo chaka cha chaba, mileka mighondo jhino changapanda mbejho, kupala akahocho bhibhabhii pakate jhino bhalokota chakulya chikiighalike mwenio. Na henge ipakuighala milekela inyama yukumanyahe ilya. Ntenda hele naha mu mighonda jha michabibo na micheitune.
12“Kwa machiko chita nhenga mahengo ghino, nambo lichiko lya chaba mpomolela, kupala akabhanda bhino na akatumiche akaghene bhapomolela na ng'ombi hino na maponda ghino ghapomolela hele.
13“Mughakamula ghoha ghininnobholile. Mangajhinamii ichapanga henge ata maina ghabhe mangaghalonge jhe. Peniya henga gheniya ghoha ghaninobholile, hilu mangailonge jhe.”
Minyagho mikolongwa mitato
Kubhoka 34:18-26; Kombokela 16:1-17
14“Kila chaka mmeka minyagho patato kupala umba ichima nenga. 15Mmeka unyagho gwa mabumunda ghangaleke ngedule ngita chininaghila. Milyangana mabumunda jhangangedule kwa kipinde cha machiko chaba ghighapangwitwe kwa mwehe gwa Abibo, yane mwehe gwa ncheche, nhwalo kwa mwehe gwenio ghummokita ku Michile. Mundo jhojhoha angaika jhe kunnyinamila changakilebhe mulubhoko.
16“Unyagho ghongo utendeka kubhoke mumahuno gha kutumbula kubhoke muilebhe jhimpatite munng'onda gwino.”
Na unyagho ghongo chautendika mu mahuno ghino gha kujhomolela kubhoke munng'onda gwino.
17Kila chaka patato akanalome nabhakongana nnonge jhango ne Nabhambo Chapanga, Chapanga gwino.
18“Pumpiya litambiko li kinyama mangaleta jhe pamonga na kabumunda kikalekwii ngedule. Na mahuta ntiniya mangahighaya jhe mahuta gha kinyama cha unyagho gwango ade lichiko lilikengama lukela.
19“Kila chaka nneta mahuno ghakutumbula kuhuma chehemo jhukunyinamii nenga Bhambo Chapanga, Chapanga gwino.”
Mangatutu jhe kinyama cha litohe li limbelele amu litohe lya mbuhe mu mabhele gha majhemundo.
Lilaghano na malaghilo
20“Jhokanikiya, nenga nintuma ntumiche jwa kunane kwa Chapanga annongolele umwanja kupala annonde nu kuntenda nhwikengane kukilambo chininenganikile. 21Mnyokanikiya nu kuntembekeya chimpakunnobholela, hilu mangankanii jhe, jwenio nannekeke jhe uhakaho gwino, nhwalo ne ndi jhunintumite. 22Nambo anda munyokanakiye nu kutenda ghoha ghannaghalikiye, nangomana na akamakoko bhino. 23Ntumiche jwango jwa kunane kwa Chapanga nannongoya nu kuntenda nhwika kukilambo cha Akaamole na Akaahite na Akaahive na Akayebuche, na nenga nanakoma bheniya bhoha. 24Kwenio mangalita jhe nnonge jha ichapanga yabhe nu kuijhinamila, hilu mangajhigha jhe ilebhe yabhe. Nambo namuikomelekeya njwe na kuhangabhana heke ibhajhinamila.
25“Unyinamila nenga tugha Bhambo Chapanga, Chapanga gwino, nannenga nanimpela mota ilebhe na mache namoya hele malwalo ghoha pakate jhino. 26Abhii jhe mwikeghe jhojhoha jwapakutengekela ndumbo hilu kubhehe ntonga mukilambo chino. Nane nanimpela machiko twe gha kulama.
27“Nameka bhando bhibhankana, bhanyoghope hake. Peniya, natenda akamakoko bhino bhaghalambuke nu kuntila. 28Nambeleka manyigwa palonge jhino kwabhenga akamakoko bhino, Akahive na Akakaanane na Akahite bhabhoke palonge jhino. 29Nambo nabhenga jhe bhando bheniya kwa chaka chimo, kupala kilambo changaigha jhe jhajhe na inyama yukumanyahe kujhonjeke kubhehe ndii hake nu kunyingilii mangota. 30Bheniya nanabhenga kachokokachoko ade pumpa kujhonjekeka nu kubhehe twe nukujhenela mukilambo chenio. 31Mipaka jha kilambo chino ibhaha kubhoke kumbwane jha Chamo ade kumbwane jha Meditelaniya, nu kubhoke kunjenga ade kulukemba Efulate, nhwalo nimpeke makakala kwahoto bhando bhikilambo chenio, na mangota namabhenga na bhene nabhantila. 32Mangabheka jhe lilaghano lyolyoha lela pamonga na bheniya, mangabheka jhe lilaghano lyolyoha na bheniya hilu ichapanga jhabhe. 33Mangaleka jhe bhatame mukilambo chino kupala bhajhingiye muhakaho, nhwalo anda mijhinamii ichapanga jhabhe, chakaka gwenio naubhaha ntambo ghukunkoma.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved