Kubhoka 20
20
Mihilo kome
Kombokela 5:1-21
1Chapanga ngalongila na ghanga ndi ghalongila, 2“Nenga ndi Bhambo Chapanga, Chapanga gwino, jhunimohita ku kilambo chuku Michile, kwamikibha makabhanda.
3“Mangaijhinami jhe ichapanga henge nambo nenga tugha.
4“Manganandanikii jhe Chapanga na ichapanga yukubhacha amu chochoha chakibhii kunane kwa Chapanga, hilu chikibhii mu nnema amu umache pahe jha nnema. 5Mangaijhinamii jhe hilu kuitumikila ichapanga. Nhwalo nenga ndi Bhambo Chapanga gwino jwamii na wiho. Jhunihadabula yana kwa nhwalo gwa uhakaho gwa akatate gwabhe, ade kibheluko chuutato na cha ncheche. 6Nambo anda mimbala nakamula mihilo jhango, na nenga nanangiya upalo gwango nkolo kwa ibheluko elufo ya bhala bhibhambala, na kukamuu malaghilo ghango.”
7Mangalikema jhe jhajhe liina lya Bhambo Chapanga gwino. Nhwalo nenga Bhambo Chapanga naneka jhe kunhadabula mundo jwalikema liina lyango jhajhe.
8Mulikomboka Lichiko lya Kupomolela, na mulijhelebhula. 9Machiko chita nhenga mahengo na ghange. 10Nambo Lichiko lya chaba, ndi Lichiko lya Kupomolela lya nenga Bhambo Chapanga gwino. Lichiko lyene nkotoka kuhenga lihengo lyolyoha mwenga hilu mwana gwino, hilu kamwale gwino hilu ntumiche gwino munalome amu mwikeghe, hilu kinyama chino cha kukoleka hilu nng'ene jwabhii nkate jha miche jhino. 11Nhwalo machiko chita nenga Bhambo Chapanga nikapangine kunane kwa Chapanga na nnema na mbwane na yoha yaibhii, yene nikapomolii lichiko lya chaba. Peniya, Bhambo Chapanga ngalipela mota lichiko lya Kupomolela na ngalijhelewila.
12“Mwatembekeya tate gwino na majhe gwino, nantama machiko twe mu kilambo chinimpela nenga Bhambo Chapanga, Chapanga gwino.” 13“Mangakoma jhe.
14“Mangatenda jhe ngongola.
15“Mangajhibha jhe.
16“Mangalonge jhe uwange kwa nnyino.
17“Manganoghe jhe nyumba jha nnyino, hilu nhwana mundo, hilu ntumiche gwake munalome amu mwikeghe, hilu ng'ombi jwake hilu maponda ghake na chochoha chabhii nacho nnyino.”
Bhando bhipwelela
Kombokela 5:22-33
18Bhando ngabhajhogwipa na kulendema pibhajhohina nnindimilo na mbamba na lipenenga palihonitwa na pakitombe pahukita lyohe, peniya ngabhajhemita kutale. 19Ngabhannobholila Mucha, “Chonde nnongele na twenga natunyokanikiya, nambo nkotokunneka Chapanga alonge na twenga, anda nahi jhe natuwa.”
20Mucha ngabhalobholila, “Mangajhoghopa jhe, nhwalo Chapanga ahikite kunnyigha kupala nnyendelela kunnyokanikiya jwene machiko ghoha ghangapeta na nkotokutenda uhakaho.” 21Nambo bhando ngabhajhendilila kujhema kutale kipinde Mucha paliheghalila lihunde lela lyakibha Chapanga.
Lilaghalikilo lya chehemo pa kupiikiya litambiko
22Bhambo Chapanga ngannobholila Mucha, “Malobholela ghanga Akaichilahele, ‘Mabhene nnolite kubhehe nikalongii na mangota kuhumii kunane kwa Chapanga. 23Nenga ndi jwa kunnyinamila kanjika, hilu mangalenganiki jhe ichapanga ya madine gha feza hilu ichapanga ya chaabo. 24Mangota naunjengela chehemo jha kupiikiya litambiko ka mandope chehemo pa kupiikiya litambiko na panane jhake naundambikila mambelele ghino amu ng'ombi hino ngita litambiko lyukukomelekeya na lya uteeke. Ntenda yene kila chehemo pimbakuhaghula kupala mangota unnyinamila nenga, papa nahika na kwape mota. 25Anda chehemo jhenie nanchenga kwa maghanga, bhahe maghanga gheniya nkoto kubhacha. Nhwalo anda ntumii yombo ya kubhachila maghanga namuitenda ikoto kujheketelwa palonge jhango. 26Mangatengenecha jhe ngache chehemo pa kupiikiya litambiko, nhwalo mundo jwa pahe naghabhona makengele ghino.’ ”
ទើបបានជ្រើសរើសហើយ៖
Kubhoka 20: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Kubhoka 20
20
Mihilo kome
Kombokela 5:1-21
1Chapanga ngalongila na ghanga ndi ghalongila, 2“Nenga ndi Bhambo Chapanga, Chapanga gwino, jhunimohita ku kilambo chuku Michile, kwamikibha makabhanda.
3“Mangaijhinami jhe ichapanga henge nambo nenga tugha.
4“Manganandanikii jhe Chapanga na ichapanga yukubhacha amu chochoha chakibhii kunane kwa Chapanga, hilu chikibhii mu nnema amu umache pahe jha nnema. 5Mangaijhinamii jhe hilu kuitumikila ichapanga. Nhwalo nenga ndi Bhambo Chapanga gwino jwamii na wiho. Jhunihadabula yana kwa nhwalo gwa uhakaho gwa akatate gwabhe, ade kibheluko chuutato na cha ncheche. 6Nambo anda mimbala nakamula mihilo jhango, na nenga nanangiya upalo gwango nkolo kwa ibheluko elufo ya bhala bhibhambala, na kukamuu malaghilo ghango.”
7Mangalikema jhe jhajhe liina lya Bhambo Chapanga gwino. Nhwalo nenga Bhambo Chapanga naneka jhe kunhadabula mundo jwalikema liina lyango jhajhe.
8Mulikomboka Lichiko lya Kupomolela, na mulijhelebhula. 9Machiko chita nhenga mahengo na ghange. 10Nambo Lichiko lya chaba, ndi Lichiko lya Kupomolela lya nenga Bhambo Chapanga gwino. Lichiko lyene nkotoka kuhenga lihengo lyolyoha mwenga hilu mwana gwino, hilu kamwale gwino hilu ntumiche gwino munalome amu mwikeghe, hilu kinyama chino cha kukoleka hilu nng'ene jwabhii nkate jha miche jhino. 11Nhwalo machiko chita nenga Bhambo Chapanga nikapangine kunane kwa Chapanga na nnema na mbwane na yoha yaibhii, yene nikapomolii lichiko lya chaba. Peniya, Bhambo Chapanga ngalipela mota lichiko lya Kupomolela na ngalijhelewila.
12“Mwatembekeya tate gwino na majhe gwino, nantama machiko twe mu kilambo chinimpela nenga Bhambo Chapanga, Chapanga gwino.” 13“Mangakoma jhe.
14“Mangatenda jhe ngongola.
15“Mangajhibha jhe.
16“Mangalonge jhe uwange kwa nnyino.
17“Manganoghe jhe nyumba jha nnyino, hilu nhwana mundo, hilu ntumiche gwake munalome amu mwikeghe, hilu ng'ombi jwake hilu maponda ghake na chochoha chabhii nacho nnyino.”
Bhando bhipwelela
Kombokela 5:22-33
18Bhando ngabhajhogwipa na kulendema pibhajhohina nnindimilo na mbamba na lipenenga palihonitwa na pakitombe pahukita lyohe, peniya ngabhajhemita kutale. 19Ngabhannobholila Mucha, “Chonde nnongele na twenga natunyokanikiya, nambo nkotokunneka Chapanga alonge na twenga, anda nahi jhe natuwa.”
20Mucha ngabhalobholila, “Mangajhoghopa jhe, nhwalo Chapanga ahikite kunnyigha kupala nnyendelela kunnyokanikiya jwene machiko ghoha ghangapeta na nkotokutenda uhakaho.” 21Nambo bhando ngabhajhendilila kujhema kutale kipinde Mucha paliheghalila lihunde lela lyakibha Chapanga.
Lilaghalikilo lya chehemo pa kupiikiya litambiko
22Bhambo Chapanga ngannobholila Mucha, “Malobholela ghanga Akaichilahele, ‘Mabhene nnolite kubhehe nikalongii na mangota kuhumii kunane kwa Chapanga. 23Nenga ndi jwa kunnyinamila kanjika, hilu mangalenganiki jhe ichapanga ya madine gha feza hilu ichapanga ya chaabo. 24Mangota naunjengela chehemo jha kupiikiya litambiko ka mandope chehemo pa kupiikiya litambiko na panane jhake naundambikila mambelele ghino amu ng'ombi hino ngita litambiko lyukukomelekeya na lya uteeke. Ntenda yene kila chehemo pimbakuhaghula kupala mangota unnyinamila nenga, papa nahika na kwape mota. 25Anda chehemo jhenie nanchenga kwa maghanga, bhahe maghanga gheniya nkoto kubhacha. Nhwalo anda ntumii yombo ya kubhachila maghanga namuitenda ikoto kujheketelwa palonge jhango. 26Mangatengenecha jhe ngache chehemo pa kupiikiya litambiko, nhwalo mundo jwa pahe naghabhona makengele ghino.’ ”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved