Kubhoka 18
18
Yetulo ityangii Mucha
1Bhahe, Yetulo, nkoano mundo Mucha, jwakibha mpiya litambiko jwa ku Mediane, ngajhoha ilebhe ya Chapanga ya ntendela Mucha na Akaichilahele pibhabhoha mu kilambo chuku Michile. 2Yene, Yetulo ngajhenda kwa Mucha abhii na Chipulo nhwana gwa Mucha kwa Mucha. Nhwalo Mucha akannekite kwa tatemundo Yetulo nkoano mundo, 3pamonga na yana ibhele ya Mucha. Mwana jwa litibho akemitwa Gelishomu. Mucha akampeki liina lende nhwalo akalongii, “Ndilile mu kilambo cha kighene.” 4Jwaubhele akemitwa Eliezeli, kwa nhwalo Mucha akalongi, “Chapanga jwa tate gwango ndi jwandangatii nenga, ngotoka kukomwa na Falao.” 5Bhahe, Yetulo ngahika pamonga na nhwana mundo Mucha na yana ibhele, ngakolila Mucha kunjenga pabhekite kighono pahina na kitombe cha Chapanga. 6Mucha palobholilwa kubhehe nkoano gwake pamonga na nhwana gwake na yana yake ibhele bhihika, 7ngabhoka na kujhenda kumpoke nkoano mundo, ngalita na kunkumbatila. Ngibhajhambuchina na peniya ngabhajhingila mu Lihema lya Mucha. 8Mucha nganchimulila nkoano mundo ilebhe yoha Bhambo Chapanga yabhatendila Falao na Akamichile nhwalo gwa Akaichilahele. Hele nganobholila malagho ghoha ghighapitii mu mwanja na Bhambo Chapanga chabhakombwila. 9Yetulo ngahanganichwa hake kwa ghoha ghatei Bhambo Chapanga nhwalo gwa Akaichilahele, kwa kwakombola mu mabhoko gha Akamichile. 10Peniya Yetulo ngalongila, “Alombwe Bhambo Chapanga jwankombwila mu mabhoko gha Akamichile na kubhoka muubhanda gwa Falao. Alombe Bhambo Chapanga jwakombwile bhando kubhoka mu mabhoko gha Akamichile. 11Ngohe nimanya kubhehe Bhambo Chapanga ndi nkolongwa kupeta ichapanga yoha, nhwalo abhakombwile bhando bhamba mu mabhoko gha Akamichile, bhando bheniya bhantendila ilebhe yangandango. 12Peniya, nkoano gwa Mucha, ngannetila Chapanga litambiko lya kukomelekeya na matambiko ghange. Alune ngahika na ighogholo ya Akaichilahele na kulye pamonga na Yetulo kunhwalo jha kunnomba Bhambo Chapanga.”
Kuhaghulilwa kwa akakenga
Kombokela 1:9-18
13Lichiko lyalikengima, Mucha ngatama kuhadabula malola gha Akaichilahele, na bhene bhajhakuntindikiya kongo bhajhemita kuhumi lukela ade kimiye. 14Yetulo nkoano gwa Mucha palolita ilebhe yoha yatendita Mucha kwa Akaichilahele, ngakonyita, “Kilebhe ghane mwatende bhando yene? Kilebhe ghane chimitemu kanjika kongo bhando bhanyemilii kuhumi lukela ade kimiye?”
15Mucha nganyangwila, “Nhwalo bhando bhihika kwa nenga kupala bhamanye chakipala Chapanga. 16Nhwalo, anda bhabhii na bhulo ghoghoha bhihika kwa nenga, nanenga nahadabula na kwabhola mihilo na malaghalikilo gha Chapanga.”
17Bhahe, Yetulo ngannobholila Mucha, “Mwe majhoghana bhando. 18Mwenga mikitoto jhajhe, lihengo lyene linonoho mihoto jhe kuhenga kanjika. 19Ngohe unyokanakiye chinongela, na Chapanga atangatila, mwenga nnyendelela kulonge na Chapanga na kunnobholela Chapanga malola ghabhe. 20Mabhola mihilo na malaghalikilo gha Chapanga na kwalangi chibhipalwa kutama na kuhenga. 21Kabhele nhaghula bhando bhubhabhii na uhotolo panakate jhabhe, bhando bhubhinyinami Chapanga na bhibhahobholeka na bhubhikana chwinda, bheniya ndi bhipalwa kulongocha malongo gha bhando maelufo na makunde gha bhando makome kome na makunde gha bhando makome nhwano na likunde lya bhando likome limo. 22Bheniya, ndi nabhatemula malagho gha bhando kila lichiko. Ghighalimba nabhannetela mwenga, nambo majhojhoho nabhatemula bhene. Kukutenda naha, lihengo lino nalibha lijhojhoho kwa kwakutangatila nabho. 23Anda ndehi naha, ngita Chapanga chaalaghii pena mwe nantokelela jhe na bhando bhoha nabhahotola kubhujha ukajhabhe njelembo.”
24Bhahe, Mucha ngateila ngita nkoano mundo chalongila. 25Mucha ngahaghula bhando bhubhabhii na uhotolo panakate jha Akaichilahele, ngabhatenda kubhe akatumiche bha nchambe bha bhando maelufo na bhando mamiyamamiya na bhando makome nhwano na bhando makome kome na likome. 26Bheniya ngabhatemulina bhando kila lichiko. nambo ghighalimba bhannetila Mucha na majhojhoho ngabhatemulina bhene.
27Yene, Mucha ngabhatabhukina na Yetulo nkoano mundo, na jwene nkoano mundo ngabhujhita ku kilambo chake.
ទើបបានជ្រើសរើសហើយ៖
Kubhoka 18: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Kubhoka 18
18
Yetulo ityangii Mucha
1Bhahe, Yetulo, nkoano mundo Mucha, jwakibha mpiya litambiko jwa ku Mediane, ngajhoha ilebhe ya Chapanga ya ntendela Mucha na Akaichilahele pibhabhoha mu kilambo chuku Michile. 2Yene, Yetulo ngajhenda kwa Mucha abhii na Chipulo nhwana gwa Mucha kwa Mucha. Nhwalo Mucha akannekite kwa tatemundo Yetulo nkoano mundo, 3pamonga na yana ibhele ya Mucha. Mwana jwa litibho akemitwa Gelishomu. Mucha akampeki liina lende nhwalo akalongii, “Ndilile mu kilambo cha kighene.” 4Jwaubhele akemitwa Eliezeli, kwa nhwalo Mucha akalongi, “Chapanga jwa tate gwango ndi jwandangatii nenga, ngotoka kukomwa na Falao.” 5Bhahe, Yetulo ngahika pamonga na nhwana mundo Mucha na yana ibhele, ngakolila Mucha kunjenga pabhekite kighono pahina na kitombe cha Chapanga. 6Mucha palobholilwa kubhehe nkoano gwake pamonga na nhwana gwake na yana yake ibhele bhihika, 7ngabhoka na kujhenda kumpoke nkoano mundo, ngalita na kunkumbatila. Ngibhajhambuchina na peniya ngabhajhingila mu Lihema lya Mucha. 8Mucha nganchimulila nkoano mundo ilebhe yoha Bhambo Chapanga yabhatendila Falao na Akamichile nhwalo gwa Akaichilahele. Hele nganobholila malagho ghoha ghighapitii mu mwanja na Bhambo Chapanga chabhakombwila. 9Yetulo ngahanganichwa hake kwa ghoha ghatei Bhambo Chapanga nhwalo gwa Akaichilahele, kwa kwakombola mu mabhoko gha Akamichile. 10Peniya Yetulo ngalongila, “Alombwe Bhambo Chapanga jwankombwila mu mabhoko gha Akamichile na kubhoka muubhanda gwa Falao. Alombe Bhambo Chapanga jwakombwile bhando kubhoka mu mabhoko gha Akamichile. 11Ngohe nimanya kubhehe Bhambo Chapanga ndi nkolongwa kupeta ichapanga yoha, nhwalo abhakombwile bhando bhamba mu mabhoko gha Akamichile, bhando bheniya bhantendila ilebhe yangandango. 12Peniya, nkoano gwa Mucha, ngannetila Chapanga litambiko lya kukomelekeya na matambiko ghange. Alune ngahika na ighogholo ya Akaichilahele na kulye pamonga na Yetulo kunhwalo jha kunnomba Bhambo Chapanga.”
Kuhaghulilwa kwa akakenga
Kombokela 1:9-18
13Lichiko lyalikengima, Mucha ngatama kuhadabula malola gha Akaichilahele, na bhene bhajhakuntindikiya kongo bhajhemita kuhumi lukela ade kimiye. 14Yetulo nkoano gwa Mucha palolita ilebhe yoha yatendita Mucha kwa Akaichilahele, ngakonyita, “Kilebhe ghane mwatende bhando yene? Kilebhe ghane chimitemu kanjika kongo bhando bhanyemilii kuhumi lukela ade kimiye?”
15Mucha nganyangwila, “Nhwalo bhando bhihika kwa nenga kupala bhamanye chakipala Chapanga. 16Nhwalo, anda bhabhii na bhulo ghoghoha bhihika kwa nenga, nanenga nahadabula na kwabhola mihilo na malaghalikilo gha Chapanga.”
17Bhahe, Yetulo ngannobholila Mucha, “Mwe majhoghana bhando. 18Mwenga mikitoto jhajhe, lihengo lyene linonoho mihoto jhe kuhenga kanjika. 19Ngohe unyokanakiye chinongela, na Chapanga atangatila, mwenga nnyendelela kulonge na Chapanga na kunnobholela Chapanga malola ghabhe. 20Mabhola mihilo na malaghalikilo gha Chapanga na kwalangi chibhipalwa kutama na kuhenga. 21Kabhele nhaghula bhando bhubhabhii na uhotolo panakate jhabhe, bhando bhubhinyinami Chapanga na bhibhahobholeka na bhubhikana chwinda, bheniya ndi bhipalwa kulongocha malongo gha bhando maelufo na makunde gha bhando makome kome na makunde gha bhando makome nhwano na likunde lya bhando likome limo. 22Bheniya, ndi nabhatemula malagho gha bhando kila lichiko. Ghighalimba nabhannetela mwenga, nambo majhojhoho nabhatemula bhene. Kukutenda naha, lihengo lino nalibha lijhojhoho kwa kwakutangatila nabho. 23Anda ndehi naha, ngita Chapanga chaalaghii pena mwe nantokelela jhe na bhando bhoha nabhahotola kubhujha ukajhabhe njelembo.”
24Bhahe, Mucha ngateila ngita nkoano mundo chalongila. 25Mucha ngahaghula bhando bhubhabhii na uhotolo panakate jha Akaichilahele, ngabhatenda kubhe akatumiche bha nchambe bha bhando maelufo na bhando mamiyamamiya na bhando makome nhwano na bhando makome kome na likome. 26Bheniya ngabhatemulina bhando kila lichiko. nambo ghighalimba bhannetila Mucha na majhojhoho ngabhatemulina bhene.
27Yene, Mucha ngabhatabhukina na Yetulo nkoano mundo, na jwene nkoano mundo ngabhujhita ku kilambo chake.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved