Kubhoka 15
15
Nhwambo gwa Mucha
1Peniya, Mucha pamonga na Akaichilehele ngabhanyembe nhwambo ghongo Bhambo Chapanga,
Ninyembe nhwambo gwa kunnomba Bhambo Chapanga, nhwalo abhahotwi kwa kihindo Akamichile bhoha, Bhambo Chapanga abhakangii umbwane
falache na akakwela falache.
2Bhambo Chapanga ndi makakala ghango na uhotolo gwango,
na jwene ndi jwangombwila,
ndi Chapanga gwango naninnomba,
na Chapanga jwa tate gwango naninnyinamila.
3Bhambo Chapanga ijhoghopa jhe ku ngondo.
Na Bhambo Chapanga ndi liina lyake.
4“Mutuka na akakomana ngondo bha Falao abhataghi umbwane,
akatumiche bhake bhakahagwile bhamilitwe mu mbwane jha Chamu.
5Chehemo jhinyolike jhamilite,
bhamilitwe umbwane ngita lighanga.”
6Mwe ma Bhambo Chapanga lubhoko lwino lwalelo lumanyikina kwa makakala,
lwenio lwatimba akamakoko.
7Kwa ukolo gwino gwamahele makomelekeya akamakoko bhino,
makalekekiye lilaka lino na lyene lyatiniya akamakoko bhino ngita mapepetahe.
8Kwa uhuke gwa umbulo jhino mache ngaghalundikana,
matuhe gha mbwane ngaghajhema ngita lipamanda,
mache gha chehemo jhinyolike panakate jha mbwane ngaghaghanda.
9Likoko ngalongila, Chanakengima na kwapukila,
chamaghana ilebhe yabhe nu kutola chochoha chinikipala.
Naholomola upanga gwango,
na kwakomelekeya kwa lubhoko lwango.
10Nambo mwenga ngamupoghecha upepo gwino,
na mbwane ngajhamila ghina makakala,
ngabhadidimila ngita lighanga lina kutopa.
11Mwe Bhambo Chapanga,
ghane panakate jha ichapanga jwabhii tela na mwenga?
Ndi ghane jwabhii ngita mwenga jwa nyahinyahi hake?
Jhumijhoghoha kwa itendwa ya nyahinyahi,
ghane jwaitenda ikangacho ngita mwenga? 12Makatondobhii lubhoko lwino lwalelo,
na nnema ngagwamila akamakoko bhito.
13“Kwa upalo gwino nkolo mwalongwiye bhando bhamakombwi,
kwa makakala ghino mwalongwiye ade pa kitamo chino cha nyahinyahi.
14Bhando bha ilambo henge ngabhajhohine na kulendema,
Akafilichite ngabhabha na lipyanda hake.
15Ilongoche yuku Edomu nabhajhoghopa,
akatumiche bhuku Moabo ngibhalendima kwa bwoghohe hake,
na bhando bhoha bhu ku Kaanane ngabhahengelika miyojho hake.
16Iticho na mbwelelo yajhingilile.
Nhwalo gwa ukolo gwa makakala ghino,
bhabhii nuu ngita lighanga,
ade bhando bhino Mwe ma Bhambo Chapanga, bhapete,
hena, ade bhando bhino bhamwankombwile bhapete.
17Mwenga namwaleta bhando bhino na kwabheka bhatame pa kitombe chino,
pala panhagwila mwe ma Bhambo Chapanga pabhe matamo ghino.
Chehemo jha nyahinyahi ma Bhambo Chapanga panchengita kwa mabhoko ghino.
18Mwe ma Bhambo Chapanga,
milongocha machiko ghoha ghangapeta.”
Nhwambo gwa Miliamo
19Falache yake Falao na mutuka yake ya ngondo na akakwela falache bhake ngabhakengima na kuhika chehemo nnyomo mu mbwane, Bhambo Chapanga ngaghaleka mache gha umbwane ghakongane na kwamila. Nambo Akaichilahele ngabhatyanga pajhomo umbwane.
20Miliamo nnombo gwake Alune, jwakibha nnondole mwikeghe jwa Chapanga, ngatola kankole mu lubhoko lwake, na akakeghe bhoha ngabhakengima kongo bhihona ng'oma na kuhina. 21Miliamo ngabhalongwiya kujhemba,
“Munnyembele Bhambo Chapanga, nhwalo ahotwi kwa ukolo,
falache na akakwela fachache bhake abhataghii umbwane.”
Mache mabhabhaho
22Peniya, Mucha ngabhalongwiya Akaichilahele kubhoke ku mbwane jha ku Chamu ade kunjenga jha ku Chuli. Ngabhatyanga kwa machiko matato bhakaghabwe jhe mache.
23Pabhahikita chehemo jhikemwa Mala, ngabhaghakolila mache nambo bhakahotwi jhe kunywe mache gheniya nhwalo ghakibha mabhabhaho. Yene chehemo jhenie ikemwa Mala, mana jhake, “Kubhabha.” 24Bhahe, bhando bhoha ngabhankokilekela Mucha kulonge, “Ngohe natunywa nike?” 25Peniya, Mucha ngannelila Bhambo Chapanga, na Bhambo Chapanga ngannangiya kimbengembenge, Mucha ngakitumbukiya umache, papa mache ngaghabha ghambone.
Kwenio Bhambo Chapanga ngabhapela nhwilo na lilaghalikilo Akaichilahele, na kwajhigha, 26na Bhambo Chapanga ngabhalobholila, “Anda nnyokanakii mbone lilobhe lyango nenga Bhambo Chapanga gwino, na kutenda ghighabhi tela palonge jhango, na kuechimu nhwilo na malaghilo ghango, bhahe naninnete jhe malwalo ghoghoha ghinaletila Akamichile. Nhwalo nenga ndi Bhambo Chapanga jwaninnamicha mangota.”
27Peniya Akaichilahele ngabhahika chehemo jhikemwa Elimu kwenio kukibha na yembwe kome na ibhele na mikongo makome chaba jha mitende. Ngabhabheka kighono chabhe pahina na mache.
ទើបបានជ្រើសរើសហើយ៖
Kubhoka 15: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Kubhoka 15
15
Nhwambo gwa Mucha
1Peniya, Mucha pamonga na Akaichilehele ngabhanyembe nhwambo ghongo Bhambo Chapanga,
Ninyembe nhwambo gwa kunnomba Bhambo Chapanga, nhwalo abhahotwi kwa kihindo Akamichile bhoha, Bhambo Chapanga abhakangii umbwane
falache na akakwela falache.
2Bhambo Chapanga ndi makakala ghango na uhotolo gwango,
na jwene ndi jwangombwila,
ndi Chapanga gwango naninnomba,
na Chapanga jwa tate gwango naninnyinamila.
3Bhambo Chapanga ijhoghopa jhe ku ngondo.
Na Bhambo Chapanga ndi liina lyake.
4“Mutuka na akakomana ngondo bha Falao abhataghi umbwane,
akatumiche bhake bhakahagwile bhamilitwe mu mbwane jha Chamu.
5Chehemo jhinyolike jhamilite,
bhamilitwe umbwane ngita lighanga.”
6Mwe ma Bhambo Chapanga lubhoko lwino lwalelo lumanyikina kwa makakala,
lwenio lwatimba akamakoko.
7Kwa ukolo gwino gwamahele makomelekeya akamakoko bhino,
makalekekiye lilaka lino na lyene lyatiniya akamakoko bhino ngita mapepetahe.
8Kwa uhuke gwa umbulo jhino mache ngaghalundikana,
matuhe gha mbwane ngaghajhema ngita lipamanda,
mache gha chehemo jhinyolike panakate jha mbwane ngaghaghanda.
9Likoko ngalongila, Chanakengima na kwapukila,
chamaghana ilebhe yabhe nu kutola chochoha chinikipala.
Naholomola upanga gwango,
na kwakomelekeya kwa lubhoko lwango.
10Nambo mwenga ngamupoghecha upepo gwino,
na mbwane ngajhamila ghina makakala,
ngabhadidimila ngita lighanga lina kutopa.
11Mwe Bhambo Chapanga,
ghane panakate jha ichapanga jwabhii tela na mwenga?
Ndi ghane jwabhii ngita mwenga jwa nyahinyahi hake?
Jhumijhoghoha kwa itendwa ya nyahinyahi,
ghane jwaitenda ikangacho ngita mwenga? 12Makatondobhii lubhoko lwino lwalelo,
na nnema ngagwamila akamakoko bhito.
13“Kwa upalo gwino nkolo mwalongwiye bhando bhamakombwi,
kwa makakala ghino mwalongwiye ade pa kitamo chino cha nyahinyahi.
14Bhando bha ilambo henge ngabhajhohine na kulendema,
Akafilichite ngabhabha na lipyanda hake.
15Ilongoche yuku Edomu nabhajhoghopa,
akatumiche bhuku Moabo ngibhalendima kwa bwoghohe hake,
na bhando bhoha bhu ku Kaanane ngabhahengelika miyojho hake.
16Iticho na mbwelelo yajhingilile.
Nhwalo gwa ukolo gwa makakala ghino,
bhabhii nuu ngita lighanga,
ade bhando bhino Mwe ma Bhambo Chapanga, bhapete,
hena, ade bhando bhino bhamwankombwile bhapete.
17Mwenga namwaleta bhando bhino na kwabheka bhatame pa kitombe chino,
pala panhagwila mwe ma Bhambo Chapanga pabhe matamo ghino.
Chehemo jha nyahinyahi ma Bhambo Chapanga panchengita kwa mabhoko ghino.
18Mwe ma Bhambo Chapanga,
milongocha machiko ghoha ghangapeta.”
Nhwambo gwa Miliamo
19Falache yake Falao na mutuka yake ya ngondo na akakwela falache bhake ngabhakengima na kuhika chehemo nnyomo mu mbwane, Bhambo Chapanga ngaghaleka mache gha umbwane ghakongane na kwamila. Nambo Akaichilahele ngabhatyanga pajhomo umbwane.
20Miliamo nnombo gwake Alune, jwakibha nnondole mwikeghe jwa Chapanga, ngatola kankole mu lubhoko lwake, na akakeghe bhoha ngabhakengima kongo bhihona ng'oma na kuhina. 21Miliamo ngabhalongwiya kujhemba,
“Munnyembele Bhambo Chapanga, nhwalo ahotwi kwa ukolo,
falache na akakwela fachache bhake abhataghii umbwane.”
Mache mabhabhaho
22Peniya, Mucha ngabhalongwiya Akaichilahele kubhoke ku mbwane jha ku Chamu ade kunjenga jha ku Chuli. Ngabhatyanga kwa machiko matato bhakaghabwe jhe mache.
23Pabhahikita chehemo jhikemwa Mala, ngabhaghakolila mache nambo bhakahotwi jhe kunywe mache gheniya nhwalo ghakibha mabhabhaho. Yene chehemo jhenie ikemwa Mala, mana jhake, “Kubhabha.” 24Bhahe, bhando bhoha ngabhankokilekela Mucha kulonge, “Ngohe natunywa nike?” 25Peniya, Mucha ngannelila Bhambo Chapanga, na Bhambo Chapanga ngannangiya kimbengembenge, Mucha ngakitumbukiya umache, papa mache ngaghabha ghambone.
Kwenio Bhambo Chapanga ngabhapela nhwilo na lilaghalikilo Akaichilahele, na kwajhigha, 26na Bhambo Chapanga ngabhalobholila, “Anda nnyokanakii mbone lilobhe lyango nenga Bhambo Chapanga gwino, na kutenda ghighabhi tela palonge jhango, na kuechimu nhwilo na malaghilo ghango, bhahe naninnete jhe malwalo ghoghoha ghinaletila Akamichile. Nhwalo nenga ndi Bhambo Chapanga jwaninnamicha mangota.”
27Peniya Akaichilahele ngabhahika chehemo jhikemwa Elimu kwenio kukibha na yembwe kome na ibhele na mikongo makome chaba jha mitende. Ngabhabheka kighono chabhe pahina na mache.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved