Kubhoka 13
13
Lilaghilo lya kupiwa litambiko kwa yana ya litibho palonge jha Bhambo Chapanga
1Bhambo Chapanga ngannobholila Mucha, 2“Mabhohe yana ya litibho yoha inalome, nhwalo akabhelukwa bhoha akanalome bha litibho bha Akaichilahele na kila kinyama chankambako chukutumbuu kubhelukwa ndi chango.”
Unyagho gwa mabumunda ghangalekelwa ngedule
3Mucha ngabhalobholila bhando, “Mulikomboke lichiko lende lyamokita ku Michile kwamakibha akabhanda. Nhwalo lende ndi lichiko lya Bhambo Chapanga lyamoita mwenio kwa lubhoko lulubhii na makakala. Lichiko lende, nanyakila ng'o mabumunda ghighalekilwe ngedule. 4Mangota nammoka mu kilambo chuku Michile, lichiko lya kutumbula lya mwehe gwa Abibu yane mwehe gwa kutumbula. 5Bhambo Chapanga papakunhikicha ku kilambo cha Akaanane na Akaahite na Akaamole na Akaahive na Akayebuche, kilambo chalaghila akahoko bhino kubhehe nampela mangota. Kilambo china undope ghubholile na chamaha kukoleka, chakaka mipalwa kukomboka unyagho ghongo mu mwehe gwa kutumbula, mu kila chaka. 6Milya mabumunda ghangalekelwa ngedule kwa machiko chaba, na lichiko lele lya chaba, nantenda unyagho kwa ichima jha Bhambo Chapanga. 7Kwa machiko chaba nalya mabumunda ghangalekelwa ngedule. Pangabhehe jhe na mabumunda ghighalekilwe ngedule, amu ngedule jhojhoha panakate jhino na mu kilambo chino choha. 8Lichiko lyene namuilobholela yana hino, kubhehe, ndenda naha nhwalo gwa ilebhe yandendi Bhambo Chapanga pamoita ku kilambo chuku Michile. 9Ukombocho ghongo ubhaha nginyililo mu mabhoko ghino na muibhonge hino ya kumiho, kupala inkombocha lilaghilo lya Bhambo Chapanga munnomo gwino machiko ghoha. Nhwalo Bhambo Chapanga ammohite mu kilambo chuku Michile kwa lubhoko lwake lulubhii na makakala. 10Yene, mipalwa nkomboka unyagho ghongo kwa kipinde chikibhekitwe kwa kila chaka.”
Malaghilo kwa mwana jwa litibho
11Mucha ngajhendilila kwalobhole bhando, “Bhambo Chapanga papakuhikicha mu kilambo chuku Kaanane na kumpe mangota kilambo chenie ngita chalapila kwa akahoko bhino, 12ipalwa mupiikiya litambiko Bhambo Chapanga kila mwana munalome jwa litibho. Na kubhoka muipugho hino kinyama chukutumbula kubhelukwa chankambako nakibha cha Bhambo Chapanga. 13Nambo liponda lyankambako lilitumbwi kubhelukwa namulinkombola kwa kulepa litohe lya limbelele, anda naijhe natwekula ntandala. Na kila mwana munalome jwa litibho namunkombola. 14Machiko ghighahika mwana gwino anda ankonyite nike mana jha lende? Munnobholela kubhehe, ‘Tukomboka Bhambo Chapanga kwa lubhoko lwake lubhiii na makalala akatubhohite ku kilambo chuku Michile na kwenio twakibha akabhanda. 15Falao kwa lighoho lyake ngakana kutulekekeya, pena Bhambo Chapanga ngakoma kila mwana jwa litibho ku kilambo chuku Michile, mwana jwa mundo na inyama. Yene nenga nimpikiya litambiko Bhambo Chapanga kila mwana jwankambako jwa litibho lya ipugho yango, na kila mwana jwa litibho jwa yanango nanakombola. 16Kilebhe chenje nakibha ngita nginyililo mu mabhoko ghino na pa kibhonge chino, kubhehe Bhambo Chapanga akatubhohite ku kilambo chuku Michile kwa lubhoko lwake lulubhii na makakala.’ ”
Luheke lwa lihunde na luheke lwa mwotu
17Falao pabhalekekiya Akaichilahele bhajhende, Chapanga akalongwii jhe ndela jhipetela ku kilambo cha Akafiliche, pamonga na ndela jhenie kubhe nyipe hake. Bhambo Chapanga akalongi, “Anda pabhii na ngondo, bhakoto kuhengeleka miojho na kubhujha ku Michile.” 18Bhahe, Chapanga ngabhapeticha Akaichilahele mu ndela jha kutindila kupete kunjenga, kujhenda ku mbwane jha Chamu. Akaichilahele ngabhabhoka ku kukilambo chuku Michile kongo bhikilenganiki kwa ngondo.
19Mucha ngatoila ihupa ya Uchupo ngita Uchupo chalaghila nukuwe jhe. Akalapanikiye Akaichilahele, kukulonge, “Chakaka Chapanga papakuhika kummoha mu kilambo chenje, ipalwa mmoka pamba na ihupa yango.”
20Peniya, Akaichilahele ngabhabhoka ku Sukosi, ngabhabheka kighono kwenio ku Etamu, muupela jha kunjenga. 21Kipinde cha muhe Bhambo Chapanga ngabhalongwicha kwa luheke lwa lihunde mu ndela jhabhe, na kilo ngabhalongwicha kwa luheke lwa mwotu kwamulikila, kupala bhatyanga kilo na muhe. 22Luheke lwa lihunde kwalongoya kipinde cha muhe na gwa mwotu kwalongoya kipinde cha kilo, yene ikalekite ng'o kwalongoya Akaichilahele.
ទើបបានជ្រើសរើសហើយ៖
Kubhoka 13: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Kubhoka 13
13
Lilaghilo lya kupiwa litambiko kwa yana ya litibho palonge jha Bhambo Chapanga
1Bhambo Chapanga ngannobholila Mucha, 2“Mabhohe yana ya litibho yoha inalome, nhwalo akabhelukwa bhoha akanalome bha litibho bha Akaichilahele na kila kinyama chankambako chukutumbuu kubhelukwa ndi chango.”
Unyagho gwa mabumunda ghangalekelwa ngedule
3Mucha ngabhalobholila bhando, “Mulikomboke lichiko lende lyamokita ku Michile kwamakibha akabhanda. Nhwalo lende ndi lichiko lya Bhambo Chapanga lyamoita mwenio kwa lubhoko lulubhii na makakala. Lichiko lende, nanyakila ng'o mabumunda ghighalekilwe ngedule. 4Mangota nammoka mu kilambo chuku Michile, lichiko lya kutumbula lya mwehe gwa Abibu yane mwehe gwa kutumbula. 5Bhambo Chapanga papakunhikicha ku kilambo cha Akaanane na Akaahite na Akaamole na Akaahive na Akayebuche, kilambo chalaghila akahoko bhino kubhehe nampela mangota. Kilambo china undope ghubholile na chamaha kukoleka, chakaka mipalwa kukomboka unyagho ghongo mu mwehe gwa kutumbula, mu kila chaka. 6Milya mabumunda ghangalekelwa ngedule kwa machiko chaba, na lichiko lele lya chaba, nantenda unyagho kwa ichima jha Bhambo Chapanga. 7Kwa machiko chaba nalya mabumunda ghangalekelwa ngedule. Pangabhehe jhe na mabumunda ghighalekilwe ngedule, amu ngedule jhojhoha panakate jhino na mu kilambo chino choha. 8Lichiko lyene namuilobholela yana hino, kubhehe, ndenda naha nhwalo gwa ilebhe yandendi Bhambo Chapanga pamoita ku kilambo chuku Michile. 9Ukombocho ghongo ubhaha nginyililo mu mabhoko ghino na muibhonge hino ya kumiho, kupala inkombocha lilaghilo lya Bhambo Chapanga munnomo gwino machiko ghoha. Nhwalo Bhambo Chapanga ammohite mu kilambo chuku Michile kwa lubhoko lwake lulubhii na makakala. 10Yene, mipalwa nkomboka unyagho ghongo kwa kipinde chikibhekitwe kwa kila chaka.”
Malaghilo kwa mwana jwa litibho
11Mucha ngajhendilila kwalobhole bhando, “Bhambo Chapanga papakuhikicha mu kilambo chuku Kaanane na kumpe mangota kilambo chenie ngita chalapila kwa akahoko bhino, 12ipalwa mupiikiya litambiko Bhambo Chapanga kila mwana munalome jwa litibho. Na kubhoka muipugho hino kinyama chukutumbula kubhelukwa chankambako nakibha cha Bhambo Chapanga. 13Nambo liponda lyankambako lilitumbwi kubhelukwa namulinkombola kwa kulepa litohe lya limbelele, anda naijhe natwekula ntandala. Na kila mwana munalome jwa litibho namunkombola. 14Machiko ghighahika mwana gwino anda ankonyite nike mana jha lende? Munnobholela kubhehe, ‘Tukomboka Bhambo Chapanga kwa lubhoko lwake lubhiii na makalala akatubhohite ku kilambo chuku Michile na kwenio twakibha akabhanda. 15Falao kwa lighoho lyake ngakana kutulekekeya, pena Bhambo Chapanga ngakoma kila mwana jwa litibho ku kilambo chuku Michile, mwana jwa mundo na inyama. Yene nenga nimpikiya litambiko Bhambo Chapanga kila mwana jwankambako jwa litibho lya ipugho yango, na kila mwana jwa litibho jwa yanango nanakombola. 16Kilebhe chenje nakibha ngita nginyililo mu mabhoko ghino na pa kibhonge chino, kubhehe Bhambo Chapanga akatubhohite ku kilambo chuku Michile kwa lubhoko lwake lulubhii na makakala.’ ”
Luheke lwa lihunde na luheke lwa mwotu
17Falao pabhalekekiya Akaichilahele bhajhende, Chapanga akalongwii jhe ndela jhipetela ku kilambo cha Akafiliche, pamonga na ndela jhenie kubhe nyipe hake. Bhambo Chapanga akalongi, “Anda pabhii na ngondo, bhakoto kuhengeleka miojho na kubhujha ku Michile.” 18Bhahe, Chapanga ngabhapeticha Akaichilahele mu ndela jha kutindila kupete kunjenga, kujhenda ku mbwane jha Chamu. Akaichilahele ngabhabhoka ku kukilambo chuku Michile kongo bhikilenganiki kwa ngondo.
19Mucha ngatoila ihupa ya Uchupo ngita Uchupo chalaghila nukuwe jhe. Akalapanikiye Akaichilahele, kukulonge, “Chakaka Chapanga papakuhika kummoha mu kilambo chenje, ipalwa mmoka pamba na ihupa yango.”
20Peniya, Akaichilahele ngabhabhoka ku Sukosi, ngabhabheka kighono kwenio ku Etamu, muupela jha kunjenga. 21Kipinde cha muhe Bhambo Chapanga ngabhalongwicha kwa luheke lwa lihunde mu ndela jhabhe, na kilo ngabhalongwicha kwa luheke lwa mwotu kwamulikila, kupala bhatyanga kilo na muhe. 22Luheke lwa lihunde kwalongoya kipinde cha muhe na gwa mwotu kwalongoya kipinde cha kilo, yene ikalekite ng'o kwalongoya Akaichilahele.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved