Kubhoka 10:21-23

Peniya Bhambo Chapanga ngannobholila Mucha, “Jhinula lubhoko lwino kunane, kupala lubhendo tyoo lujhenele mu kilambo choha chuku Michile, bhando nabhatyanga kwa kupapakila.” Bhahe, Mucha ngajhinula lubhoko lwake kunane, ngalupitila lubhendo tyoo mu kilambo chuku Michile kwa machiko matato. Akibha jhe mundo kukilambo chuku Michile jwahotwila kummona mundo jhonge hilu bhakahotwi jhe kuheghele kwa machiko matato. Nambo kwabhatamita Akaichilahele kukibha na lumule ndaa.