1 Akanahota Akakolongwa 16
16
1Lilobhe lya Bhambo Chapanga ngiliikila Yehu, mwana jwa Hanane kunhwalo jha Baasha kulonge, 2“Mwenga ma Baasha makibha mamundo mangamanyikana, ne nganimpila ulongoche malongoche bhando bhango ku Ichilahele, mwe ntehi uhakaho ghogholaghola gwatenda Yeloboamo na matehi bhando bhango bhatende uhakaho. Uhakaho gwabhe undehi mme nililaka. 3Deleno, mbala kunkomelekeya mwenga na bhando bhu lukolo lwino bhoha, ngita chindehila kwa Yeloboamo mwana jwa Nebate. 4Nnongo gwino jhojhoha jwapa kujhomoke pabomane, nalegwa na ghimbwa na nnongo gwino jhojhoha jwapa kujhomoke ku mighonda, nahonyolelwa ni ijhune yu kunane.”
5Itendwa henge ya Baasha ni ilebhe yake imakakala ghakajhandikwe mu kitabo cha Kombokela ya Akanahota Akakolongwa bhuku Ichilahele. 6Yene, Baasha ngajhomwika ngabhanchika kwenio ku Tiliza. Ela mwanamundo ngalongwicha pwache jha tatemundo.
7Kabhele, lilobhe lya Bhambo Chapanga ngiliikilila nnondole Yehu, mwana jwa Hanane panane jha Baasha pamonga na akalongo mundo, ku nhwalo ghu ubhoho ghubhantendila Bhambo Chapanga. Yene, Baasha ngantenda Bhambo Chapanga ahyome kuitendwa yake, na ngabhakomalikiya akalongo mundo ngita pibhakomilikilwa akalongo mundo Yeloboamo.
Ela ilongocha ku Ichilahele
8Piika chaka cha makome mabhele na chita kulongocha kwa Asa munahato nkolongwa jhuku Yuda, Ela mwana jwa Baasha, ngatumbu kulongocha kwenio ku Ichilahele, kuhumii ku Tiliza, na ngalongwicha ku kipinde cha yaka ibhele. 9Ntumiche jwake jhumo jwakemitwa Zimolii jwakibha kilongoche jwa nucho kikunde cha mutuka jhihutwa na falache ngantendela nginyika munahaota nkolongwa Ela. Lichiko limo, munahota nkolongwa Ela pakibha ku Tiliza, kajhake Alisa jwakibha ajhemilila nyumba ya kinahota nkolongwa, nganywila ughembe ngalobhila titilii. 10Zimolii ngajhingii unyumba ngambula nu kunkoma Ela na ngakitenda kubhehe munahota nkolongwa chehemo jhake. Kilebhe chenie kitendika chaka chi makome mabhele na chaba chu ulongoche gwa Asa, munahota nkolongwa jhuku Yuda.
11Kipinde tugha Zimolii patumbwila kulongocha, Zimili ngabhakoma kinyongolo choha cha Baasha, kila nnongo amu nkoche munalome jwa Baasha, bhoha ngabhakoma. 12Yene, Zimili ngakomilikiya lukolo lwoha lwa Baasha, tela na lilobhe lyalongila Bhambo Chapanga kupete nnondole Yehu. 13Ku nhwalo gwa uhakaho gwatenda Baasha na mwana mundo Ela, bheniya ngabhatenda bhando bhuku Ichilahele bhatende uhakaho ghu kujhinamii ichapanga yabhe, ngaintenda Bhambo Chapanga, Chapanga jhuku Ichilahele ayome hake. 14Itendwa henge ya munahota nkolongwa Ela na ghoha ghateila mulongoche gwake, ghajhandikwe Mu kitabo cha Kombokela ya Akanahota akakolongwa bhuku Ichilahele.
Zimli ilongocha ku Ichilahele
15Piika chaka cha makome mabhele na chaba mulongoche gwa Asa munahota nkolongwa jhuku Yuda, Zimoli ngabhila munahota nkolongwa jhuku Ichilahele, ahumila ku Tiliza, na jwenio ngalongwicha kwa machiko chaba tugha. Akakomana ngondo ngabhabheka kighono pahina na Gibetone mu kilambo cha aka Filichite. 16Kipinde aka Ichilahele pibhakibha mu kighono, pibhang'amwila Zimolii atehi nginyika jhukupala kunkoma munahota nkolongwa Ela, ngabhantangicha Omile nkolongwa jwa akakomana ngondo gwabhe kubhehe munahota nkolongwa jhuku Ichilahele, lichiko lele. 17Omile pamonga na akakomana ngondo bhake ngabhabhoka ku Gibetone, nu kujhenda kuijhingilila muche ghuku Tiliza. 18Zimolii palola kubhehe muche upukilwe kwa makakala, ngajhingii mu nyumba jhi kinahota na ngaijhocha mwotu na jwenie ngawelela momo. 19Kilebhe chenie litendika kunhwalo gwa uhakaho yateila Zimili palonge jha Bhambo Chapanga, ku kunnyigha Yeloboamo jwatehila uhakaho na kwatenda bhando bhuku Ichilahele bhatende uhakaho. 20Itendwa henge ya Zimolii nu kughaluka kwake ikajhandikwe Mukitabo cha Kombokela ya akanahota Akakolongwa bhuku Ichilahele.
Omile ilongocha ku Ichilahele
21Bhando bhuku Ichilahele kipinde chenie ngibhapechingina ikunde ibhele, kikunde chimo ngikimpala Tibine mwana jwa Ginate kubhehe munahota nkolongwa, na kikunde chenge ngikimpala Omile abhehe munahota nkolongwa. 22Nambo kikunde chikinkengima Omile kikibha na makakala kupeta bhibhankengima Tibine. Yene, Tibine ngajhomwika na Omile ngabhila munahota nkolongwa. 23Omile ngatumbwila kulongocha chaka cha makome matato na limo chu longoche gwa Asa, munahota nkolongwa jhuku Yuda na ngalongwicha yaka kome niibhele, na yaka chita ngalongwicha kwenio ku Tiliza. 24Pughapetita gheniya, Omile ngahemila kitombe cha Samaliya kwa mundo jhumo jwakemitwa Shemele ku ipande elufo chita ya madine gha feza, na ngachenge majhumba panane jhi kitombe chenie. Ngautina liina lya Samaliya, kunhwalo jha Shemele, nkolo kitombe chenio, kuhumii makacho.
25Nambo Omile ngatenda mabhoho nnonge jha Bhambo Chapanga, Chapanga jhuku Ichilahele, kupeta bhoha bhibhannongolile. 26Nhwalo akannyigha Yeloboamo mwana jwa Nebate, ngantenda Bhambo Chapanga, Chapanga jhuku Ichilahele achimwe, ku kwatenda bhando bhuku Ichilahele bhatende uhakaho ku kuijhinamila inyagho. 27Itendwa henge ya munahota nkolongwa Omile na makakala ghake ghajhandikwe mukitabo cha Kombokela ya Akanahota Akakolongwa bhuku Ichilahele. 28Peniya, Omile ngajhomwika na ngabhanchika ku Samaliya. Na mwana mundo Ahabo, ngalongwicha chehemo jha tatemundo.
Ahabo ilongocha ku Ichilahele.
29Piika chaka cha makome matato na nane ghu ulongoche gwa Asa munahota nkolongwa jhuku Yuda, Ahabo mwana jwa omile, ngatumbwila kulongocha ku Ichilahele. Ngalongwicha ku Samaliya kwa yaka makome mabhele ni mabhele 30Ahabo mwana gwa Omili ngatenda uhakaho nnonge jha Bhambo Chapanga kupeta akanahota akakolongwa bhoha bhibhalongolile. 31Kuchocha kwa gheniya, nganyigha Yeloboamo mwana jwa Nebate, helahela Ahabo ngantolila mwikeghe jwakemitwa Yezebele mwana jwa Etebaale, munahota nkolongwa jhuku Sidone, na ngatumbwila kuntumikila nu kunnyinamila kichapanga Baale. 32Ngabhanchenge nyumba kichapanga Baale kwenio ku Samaliya, na nkate jhake ngabhantendekeya chehemo jhu kupiikiya matambiko. 33Helahela ngatendekeya kinyagho cha Ashela, kichapanga mwikeghe. Ahabo ngatenda mabhoho twe ghakuntenda Bhambo Chapanga, Chapanga jhuku Ichilahele ayome, kupeta akanahota akakolongwa bhoha bhuku Ichilahele bhibhannongolile. 34Kipinde chulongoche gwake Ahabo, Hele kuhumii ku Betele, ngachenga kabhele muche ghuku Yeliko. Nambo pakibha achengita nchinge gwa muche ghuku Yeliko, mwana mundo jwa litibho ngajhomwika, helahela pachengelila matangala gha muche, mwana mundo Segubo ngajhomwika, ghanga ghapetila kupete lilobhe lya Bhambo Chapanga kupete Yochuwa, mwana jwa Nune.
ទើបបានជ្រើសរើសហើយ៖
1 Akanahota Akakolongwa 16: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
1 Akanahota Akakolongwa 16
16
1Lilobhe lya Bhambo Chapanga ngiliikila Yehu, mwana jwa Hanane kunhwalo jha Baasha kulonge, 2“Mwenga ma Baasha makibha mamundo mangamanyikana, ne nganimpila ulongoche malongoche bhando bhango ku Ichilahele, mwe ntehi uhakaho ghogholaghola gwatenda Yeloboamo na matehi bhando bhango bhatende uhakaho. Uhakaho gwabhe undehi mme nililaka. 3Deleno, mbala kunkomelekeya mwenga na bhando bhu lukolo lwino bhoha, ngita chindehila kwa Yeloboamo mwana jwa Nebate. 4Nnongo gwino jhojhoha jwapa kujhomoke pabomane, nalegwa na ghimbwa na nnongo gwino jhojhoha jwapa kujhomoke ku mighonda, nahonyolelwa ni ijhune yu kunane.”
5Itendwa henge ya Baasha ni ilebhe yake imakakala ghakajhandikwe mu kitabo cha Kombokela ya Akanahota Akakolongwa bhuku Ichilahele. 6Yene, Baasha ngajhomwika ngabhanchika kwenio ku Tiliza. Ela mwanamundo ngalongwicha pwache jha tatemundo.
7Kabhele, lilobhe lya Bhambo Chapanga ngiliikilila nnondole Yehu, mwana jwa Hanane panane jha Baasha pamonga na akalongo mundo, ku nhwalo ghu ubhoho ghubhantendila Bhambo Chapanga. Yene, Baasha ngantenda Bhambo Chapanga ahyome kuitendwa yake, na ngabhakomalikiya akalongo mundo ngita pibhakomilikilwa akalongo mundo Yeloboamo.
Ela ilongocha ku Ichilahele
8Piika chaka cha makome mabhele na chita kulongocha kwa Asa munahato nkolongwa jhuku Yuda, Ela mwana jwa Baasha, ngatumbu kulongocha kwenio ku Ichilahele, kuhumii ku Tiliza, na ngalongwicha ku kipinde cha yaka ibhele. 9Ntumiche jwake jhumo jwakemitwa Zimolii jwakibha kilongoche jwa nucho kikunde cha mutuka jhihutwa na falache ngantendela nginyika munahaota nkolongwa Ela. Lichiko limo, munahota nkolongwa Ela pakibha ku Tiliza, kajhake Alisa jwakibha ajhemilila nyumba ya kinahota nkolongwa, nganywila ughembe ngalobhila titilii. 10Zimolii ngajhingii unyumba ngambula nu kunkoma Ela na ngakitenda kubhehe munahota nkolongwa chehemo jhake. Kilebhe chenie kitendika chaka chi makome mabhele na chaba chu ulongoche gwa Asa, munahota nkolongwa jhuku Yuda.
11Kipinde tugha Zimolii patumbwila kulongocha, Zimili ngabhakoma kinyongolo choha cha Baasha, kila nnongo amu nkoche munalome jwa Baasha, bhoha ngabhakoma. 12Yene, Zimili ngakomilikiya lukolo lwoha lwa Baasha, tela na lilobhe lyalongila Bhambo Chapanga kupete nnondole Yehu. 13Ku nhwalo gwa uhakaho gwatenda Baasha na mwana mundo Ela, bheniya ngabhatenda bhando bhuku Ichilahele bhatende uhakaho ghu kujhinamii ichapanga yabhe, ngaintenda Bhambo Chapanga, Chapanga jhuku Ichilahele ayome hake. 14Itendwa henge ya munahota nkolongwa Ela na ghoha ghateila mulongoche gwake, ghajhandikwe Mu kitabo cha Kombokela ya Akanahota akakolongwa bhuku Ichilahele.
Zimli ilongocha ku Ichilahele
15Piika chaka cha makome mabhele na chaba mulongoche gwa Asa munahota nkolongwa jhuku Yuda, Zimoli ngabhila munahota nkolongwa jhuku Ichilahele, ahumila ku Tiliza, na jwenio ngalongwicha kwa machiko chaba tugha. Akakomana ngondo ngabhabheka kighono pahina na Gibetone mu kilambo cha aka Filichite. 16Kipinde aka Ichilahele pibhakibha mu kighono, pibhang'amwila Zimolii atehi nginyika jhukupala kunkoma munahota nkolongwa Ela, ngabhantangicha Omile nkolongwa jwa akakomana ngondo gwabhe kubhehe munahota nkolongwa jhuku Ichilahele, lichiko lele. 17Omile pamonga na akakomana ngondo bhake ngabhabhoka ku Gibetone, nu kujhenda kuijhingilila muche ghuku Tiliza. 18Zimolii palola kubhehe muche upukilwe kwa makakala, ngajhingii mu nyumba jhi kinahota na ngaijhocha mwotu na jwenie ngawelela momo. 19Kilebhe chenie litendika kunhwalo gwa uhakaho yateila Zimili palonge jha Bhambo Chapanga, ku kunnyigha Yeloboamo jwatehila uhakaho na kwatenda bhando bhuku Ichilahele bhatende uhakaho. 20Itendwa henge ya Zimolii nu kughaluka kwake ikajhandikwe Mukitabo cha Kombokela ya akanahota Akakolongwa bhuku Ichilahele.
Omile ilongocha ku Ichilahele
21Bhando bhuku Ichilahele kipinde chenie ngibhapechingina ikunde ibhele, kikunde chimo ngikimpala Tibine mwana jwa Ginate kubhehe munahota nkolongwa, na kikunde chenge ngikimpala Omile abhehe munahota nkolongwa. 22Nambo kikunde chikinkengima Omile kikibha na makakala kupeta bhibhankengima Tibine. Yene, Tibine ngajhomwika na Omile ngabhila munahota nkolongwa. 23Omile ngatumbwila kulongocha chaka cha makome matato na limo chu longoche gwa Asa, munahota nkolongwa jhuku Yuda na ngalongwicha yaka kome niibhele, na yaka chita ngalongwicha kwenio ku Tiliza. 24Pughapetita gheniya, Omile ngahemila kitombe cha Samaliya kwa mundo jhumo jwakemitwa Shemele ku ipande elufo chita ya madine gha feza, na ngachenge majhumba panane jhi kitombe chenie. Ngautina liina lya Samaliya, kunhwalo jha Shemele, nkolo kitombe chenio, kuhumii makacho.
25Nambo Omile ngatenda mabhoho nnonge jha Bhambo Chapanga, Chapanga jhuku Ichilahele, kupeta bhoha bhibhannongolile. 26Nhwalo akannyigha Yeloboamo mwana jwa Nebate, ngantenda Bhambo Chapanga, Chapanga jhuku Ichilahele achimwe, ku kwatenda bhando bhuku Ichilahele bhatende uhakaho ku kuijhinamila inyagho. 27Itendwa henge ya munahota nkolongwa Omile na makakala ghake ghajhandikwe mukitabo cha Kombokela ya Akanahota Akakolongwa bhuku Ichilahele. 28Peniya, Omile ngajhomwika na ngabhanchika ku Samaliya. Na mwana mundo Ahabo, ngalongwicha chehemo jha tatemundo.
Ahabo ilongocha ku Ichilahele.
29Piika chaka cha makome matato na nane ghu ulongoche gwa Asa munahota nkolongwa jhuku Yuda, Ahabo mwana jwa omile, ngatumbwila kulongocha ku Ichilahele. Ngalongwicha ku Samaliya kwa yaka makome mabhele ni mabhele 30Ahabo mwana gwa Omili ngatenda uhakaho nnonge jha Bhambo Chapanga kupeta akanahota akakolongwa bhoha bhibhalongolile. 31Kuchocha kwa gheniya, nganyigha Yeloboamo mwana jwa Nebate, helahela Ahabo ngantolila mwikeghe jwakemitwa Yezebele mwana jwa Etebaale, munahota nkolongwa jhuku Sidone, na ngatumbwila kuntumikila nu kunnyinamila kichapanga Baale. 32Ngabhanchenge nyumba kichapanga Baale kwenio ku Samaliya, na nkate jhake ngabhantendekeya chehemo jhu kupiikiya matambiko. 33Helahela ngatendekeya kinyagho cha Ashela, kichapanga mwikeghe. Ahabo ngatenda mabhoho twe ghakuntenda Bhambo Chapanga, Chapanga jhuku Ichilahele ayome, kupeta akanahota akakolongwa bhoha bhuku Ichilahele bhibhannongolile. 34Kipinde chulongoche gwake Ahabo, Hele kuhumii ku Betele, ngachenga kabhele muche ghuku Yeliko. Nambo pakibha achengita nchinge gwa muche ghuku Yeliko, mwana mundo jwa litibho ngajhomwika, helahela pachengelila matangala gha muche, mwana mundo Segubo ngajhomwika, ghanga ghapetila kupete lilobhe lya Bhambo Chapanga kupete Yochuwa, mwana jwa Nune.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved