Romains 9
9
Nzambé na omee amasevoa angô
1Ene évovo me Paul tsapata. Me te môma aJésus-Christ. Muanga amôtémami ôtsundéda me memuene na ôwanyéda moonga na Gédidi SaNzambé gôétubéda me mbe tsapata. 2Na pitsi n’omanda nookô pievia gô môtémami na gôsaba ékasôga. 3Nzambé mbe asingiki, me mbe naadeekedi memuene gôédoku na Nzambé na gôéaaganédu na Christ buta mbe ana aTétee n’ami asi éongo éAjuif oobou gô inami. 4Ebandôe yaô te tétaô Israël. Nzambé amasingéa ahngô mbe: Anami. Amabambana n’ahngô na ôbébayi ôtubéda ôndômbee wedi wetso. Amaba n’evamba évôni n’ahngô. Amakitséa ahngô mige miedi na amatôma ahngô mitôma miedi. Amatubéda ahngô mônongo ôneegedu amuene. Ameetsa ahngô divanga yedi. 5Peeye yaô te Abraham na Isaac na Jacob na Moïse n’avo oma avôni. Buéyé na Jésus-Christ, ône andé gôétôma na ngudiye yetso, amabôtu gô tsengene te gô éongoe yaô. Tôkumédéni Nzambé môbô na môbô. Amen.
6Tsangoongôa évovo mbe ôvangee ômavanga Nzambé ôsibôngamé. Menyani mbe muetso amabôtu gô mbumu éaIsraël, kaka muetso eenanô na Nzambé mbe ana aIsraël. 7Na ana amabôta Abraham asaba muetso anedi apie. Gôébégô Nzambé amavovo n’edi mbe: Ana aIsaac te ane angeendô mbe anoo. 8Tambô ane amasevoa Nzambé mbe omedi, kaka ane amabôtu gô étondo éamôma étévo. Ivô ane amabôtu gôédugéda ôvangee aNzambé te omedi apie. 9Nzambé amavangana n’Abraham mbe: Gô ndéône évangani me n’ewe nangaviga. Môgayoo, Sara angabôta muanamômôgôô.
10Esakôdéa vane. Rebecca amabôta anamôgôô abaé. Tétaô te tétene éasô n’anyô Isaac. 11-12Ivô Nzambé andé na étasa éedi gô éne évangangô gôésevoa omedi. Abambéa oma ganyôngéô amuene géboné mane mayanzahngô. Tasani gamavovo Nzambé na Rebecca na vane nôngamenya mbe Nzambé asapenganéda gô éne évangangô. Amavovo na Rebecca, anedi madeo asibôtu na madeo asiyanza mamisôba na mabévani. Nzambé amavovo mbe: Pene angayanzéa môdimine. 13Matendeo maNzambé matônigôa mbe:
Me nanyôngéô te Jacob. Ivô tsanyôngéô Esaü.
14?Tôngavovo mbe ndé? ?Tôngeenda mbe Nzambé apenganéda mayanza medi-a? Aé, kaka nane. 15Gôébégô Nzambé amavovo na Moïse mbe: Gôndé ône anyôngéô me éena ngeba, nangamôena te ngeba. Gôndé ône anyôngéô me éena gényônga, nangamôéna te gényônga. 16Tambô Nzambé asabono ényapa éamôma na mayanza medi, ivô amuene asevoa gô ngeba yedi ône anyôngéô angô mbe amôena ngeba. 17Tôtanga gô Matendeo MaNzambé mane mamavovo Nzambé na môtômi atsenge éEgypte. Nzambé angô mbe: Me namagôsevoa gôéba môtômi atsenge gômbe ngudi yami dingeenanô na inami éngookanô gô tsinane nyetso. 18Vane tôena mbe Nzambé eena oma ngeba te ganyôngéô angô. Na oodeda mitéma miavo ganyôngéô amuene.
Opisa na ngeba yaNzambé
19Nôngeevôa me Paul mbe: ?Okô mbe te amuene Nzambé ayanza nane nayee angô atsundéda môma? ?One angoongôa ékina éne ényôngéô Nzambé indaa? 20Ovénga éwe ndaa ômavangôni? ?Ewe ôsemba Nzambé nayee? Gépedee sakiekie géyanzô na môma géngasemba môyanzine atotone mbe: ?Oyanzi me nane nayee? 21Aé. Gésangamôsemba. Kumu atotone andé n’enyangee gôéyanza éne ényôngéô angô na totone éebôô. Na gébuké gévo satoto oongôa ésaa na saté gévo gépedee gényepani. Na gévo saté asaa gétséké sasôma gébuétéô setutu.
22?Gô éne éyanza Nzambé tôngamôsemba nayee? Nzambéamabibéda ti bibéda ane agono n’epedee ébônda ôpisedi gô minongo miaô miebungana. Tambô Nzambé andé na mitayi gôétubéda ôpisedi na ngudi yedi gôndé ahngô. 23Amatubéda dôta ôkitie wetso ôndé g’ôndômbee wedi gôndé wa n’anyô tôgono n’epedee tôbônda ngeba yedi. Te wa n’anyô tômasevou n’edi gôédigaa n’edi vavo gô géneega sondômbedi. 24Endé te nane. Wa n’anyô tôndéké tômbambéôni, kaka Ajuif atévo buéyé n’ane asaba gô éongo éAjuif. 25Te éne émavovo Nzambé gatôtanga gô môganda aOsée. Angô mbe:
Ane asibaké géômbé sami, nangabambéa ahngô gôéba omami.
Na éongo ésibé n’ami n’evamba, nangateta ahngô mbe: Omami amôtéma.
26Gô tungune émabeendu oma mbe anye kaka oma aNzambé, te gô tungu nene éngookô ahngô dôta mbe:
Anye nôndé ti ana aNzambé, angô Kumu amonyo.
27Esaïe, môpandôédi amatasa maNzambé amatenda gôébégô éana aIsraël mbe: Buéyé mbe géômbé sana aIsraël géyeka gayeka misige gô mbéyi, ane angoobouni asangayeka. 28Gôébégô amuene Kumu angadugéda va tsina pitapita metso mamavovo angô. 29Na Esaïe amoomba évovo mbe:
Mbeka amuene Kumu angudi yetso amatôtsikéa avo anasô,
We mbe tôka gékômbô gétévo gandé Sodom.
We mbe tôka gékômbô gétévo gandé Gomorrhe.
Ana aIsraël na Tsangô Eamôsôba éaJésus-Christ
30?Tôngeendani vita nayee? Ekegea te nane. Ane asaba gô éongo éAjuif na asibuta étsimama ényôngéô Nzambé, ahmatsimamédu vameetsahngô Nzambé mitéma miaô gébé na buétsé, gôéenanô n’edi ti eembe ahsaba n’oési. 31Géé ana aIsraël, amakanéga ékenea mige na mitôma miaNzambé gôétsimamédu va mbene edi. Na ahsiôngôé étsimamédu. 32?Gôndé? Gôébégô ahsimenye éwesea na gôndé Nzambé gôémôétsa mitéma miaô gébé na buétsé. Ahmakanéga éanyepeda anguene va mbene aNzambé gô mayanzame. Amooka ébaku étaé épôngéda oma. Te gatônigôu na Matendeo MaNzambé mbe:
33Nôeni, gô Sion nadigédi étaé éngapôngéda oma.
Te ôbobo ôngakuéséda oma.
Ivô ône angamôétsa môtémedi asangabômédu.
ទើបបានជ្រើសរើសហើយ៖
Romains 9: TSV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Alliance Biblique du Gabon (Bible Society in Gabon) 1983
Romains 9
9
Nzambé na omee amasevoa angô
1Ene évovo me Paul tsapata. Me te môma aJésus-Christ. Muanga amôtémami ôtsundéda me memuene na ôwanyéda moonga na Gédidi SaNzambé gôétubéda me mbe tsapata. 2Na pitsi n’omanda nookô pievia gô môtémami na gôsaba ékasôga. 3Nzambé mbe asingiki, me mbe naadeekedi memuene gôédoku na Nzambé na gôéaaganédu na Christ buta mbe ana aTétee n’ami asi éongo éAjuif oobou gô inami. 4Ebandôe yaô te tétaô Israël. Nzambé amasingéa ahngô mbe: Anami. Amabambana n’ahngô na ôbébayi ôtubéda ôndômbee wedi wetso. Amaba n’evamba évôni n’ahngô. Amakitséa ahngô mige miedi na amatôma ahngô mitôma miedi. Amatubéda ahngô mônongo ôneegedu amuene. Ameetsa ahngô divanga yedi. 5Peeye yaô te Abraham na Isaac na Jacob na Moïse n’avo oma avôni. Buéyé na Jésus-Christ, ône andé gôétôma na ngudiye yetso, amabôtu gô tsengene te gô éongoe yaô. Tôkumédéni Nzambé môbô na môbô. Amen.
6Tsangoongôa évovo mbe ôvangee ômavanga Nzambé ôsibôngamé. Menyani mbe muetso amabôtu gô mbumu éaIsraël, kaka muetso eenanô na Nzambé mbe ana aIsraël. 7Na ana amabôta Abraham asaba muetso anedi apie. Gôébégô Nzambé amavovo n’edi mbe: Ana aIsaac te ane angeendô mbe anoo. 8Tambô ane amasevoa Nzambé mbe omedi, kaka ane amabôtu gô étondo éamôma étévo. Ivô ane amabôtu gôédugéda ôvangee aNzambé te omedi apie. 9Nzambé amavangana n’Abraham mbe: Gô ndéône évangani me n’ewe nangaviga. Môgayoo, Sara angabôta muanamômôgôô.
10Esakôdéa vane. Rebecca amabôta anamôgôô abaé. Tétaô te tétene éasô n’anyô Isaac. 11-12Ivô Nzambé andé na étasa éedi gô éne évangangô gôésevoa omedi. Abambéa oma ganyôngéô amuene géboné mane mayanzahngô. Tasani gamavovo Nzambé na Rebecca na vane nôngamenya mbe Nzambé asapenganéda gô éne évangangô. Amavovo na Rebecca, anedi madeo asibôtu na madeo asiyanza mamisôba na mabévani. Nzambé amavovo mbe: Pene angayanzéa môdimine. 13Matendeo maNzambé matônigôa mbe:
Me nanyôngéô te Jacob. Ivô tsanyôngéô Esaü.
14?Tôngavovo mbe ndé? ?Tôngeenda mbe Nzambé apenganéda mayanza medi-a? Aé, kaka nane. 15Gôébégô Nzambé amavovo na Moïse mbe: Gôndé ône anyôngéô me éena ngeba, nangamôena te ngeba. Gôndé ône anyôngéô me éena gényônga, nangamôéna te gényônga. 16Tambô Nzambé asabono ényapa éamôma na mayanza medi, ivô amuene asevoa gô ngeba yedi ône anyôngéô angô mbe amôena ngeba. 17Tôtanga gô Matendeo MaNzambé mane mamavovo Nzambé na môtômi atsenge éEgypte. Nzambé angô mbe: Me namagôsevoa gôéba môtômi atsenge gômbe ngudi yami dingeenanô na inami éngookanô gô tsinane nyetso. 18Vane tôena mbe Nzambé eena oma ngeba te ganyôngéô angô. Na oodeda mitéma miavo ganyôngéô amuene.
Opisa na ngeba yaNzambé
19Nôngeevôa me Paul mbe: ?Okô mbe te amuene Nzambé ayanza nane nayee angô atsundéda môma? ?One angoongôa ékina éne ényôngéô Nzambé indaa? 20Ovénga éwe ndaa ômavangôni? ?Ewe ôsemba Nzambé nayee? Gépedee sakiekie géyanzô na môma géngasemba môyanzine atotone mbe: ?Oyanzi me nane nayee? 21Aé. Gésangamôsemba. Kumu atotone andé n’enyangee gôéyanza éne ényôngéô angô na totone éebôô. Na gébuké gévo satoto oongôa ésaa na saté gévo gépedee gényepani. Na gévo saté asaa gétséké sasôma gébuétéô setutu.
22?Gô éne éyanza Nzambé tôngamôsemba nayee? Nzambéamabibéda ti bibéda ane agono n’epedee ébônda ôpisedi gô minongo miaô miebungana. Tambô Nzambé andé na mitayi gôétubéda ôpisedi na ngudi yedi gôndé ahngô. 23Amatubéda dôta ôkitie wetso ôndé g’ôndômbee wedi gôndé wa n’anyô tôgono n’epedee tôbônda ngeba yedi. Te wa n’anyô tômasevou n’edi gôédigaa n’edi vavo gô géneega sondômbedi. 24Endé te nane. Wa n’anyô tôndéké tômbambéôni, kaka Ajuif atévo buéyé n’ane asaba gô éongo éAjuif. 25Te éne émavovo Nzambé gatôtanga gô môganda aOsée. Angô mbe:
Ane asibaké géômbé sami, nangabambéa ahngô gôéba omami.
Na éongo ésibé n’ami n’evamba, nangateta ahngô mbe: Omami amôtéma.
26Gô tungune émabeendu oma mbe anye kaka oma aNzambé, te gô tungu nene éngookô ahngô dôta mbe:
Anye nôndé ti ana aNzambé, angô Kumu amonyo.
27Esaïe, môpandôédi amatasa maNzambé amatenda gôébégô éana aIsraël mbe: Buéyé mbe géômbé sana aIsraël géyeka gayeka misige gô mbéyi, ane angoobouni asangayeka. 28Gôébégô amuene Kumu angadugéda va tsina pitapita metso mamavovo angô. 29Na Esaïe amoomba évovo mbe:
Mbeka amuene Kumu angudi yetso amatôtsikéa avo anasô,
We mbe tôka gékômbô gétévo gandé Sodom.
We mbe tôka gékômbô gétévo gandé Gomorrhe.
Ana aIsraël na Tsangô Eamôsôba éaJésus-Christ
30?Tôngeendani vita nayee? Ekegea te nane. Ane asaba gô éongo éAjuif na asibuta étsimama ényôngéô Nzambé, ahmatsimamédu vameetsahngô Nzambé mitéma miaô gébé na buétsé, gôéenanô n’edi ti eembe ahsaba n’oési. 31Géé ana aIsraël, amakanéga ékenea mige na mitôma miaNzambé gôétsimamédu va mbene edi. Na ahsiôngôé étsimamédu. 32?Gôndé? Gôébégô ahsimenye éwesea na gôndé Nzambé gôémôétsa mitéma miaô gébé na buétsé. Ahmakanéga éanyepeda anguene va mbene aNzambé gô mayanzame. Amooka ébaku étaé épôngéda oma. Te gatônigôu na Matendeo MaNzambé mbe:
33Nôeni, gô Sion nadigédi étaé éngapôngéda oma.
Te ôbobo ôngakuéséda oma.
Ivô ône angamôétsa môtémedi asangabômédu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Alliance Biblique du Gabon (Bible Society in Gabon) 1983