Romains 16
16
Paul akômbôa ana aTétee n’edi agô mbumu éaNzambé
1Nanôbeenda mbe nôngaba na môgenda, te Phoebé, kadine éasô n’anyô agô mbumu éaNzambé. Ayanzéa#16:1 Eyanzee éne, gô suada mbe diaconesse Nzambé gô mbumu éedi gô Cenchrées. 2Vangatsigangô na gôndé anye, keneani angô gô ina aKumu geenda wa n’anyô gô mbumu éaNzambé. Wedéani angô gô mabégô metso manganyôngeô angô. Amuene amawedéa oma ayekani, ti gandé me.
3Kômbôani gô inami Priscille na Aquilas wee yami ahndé éyanzevo n’ami éaKumu Jésus. 4Ahngô abaé amavétsu éwa gôéyuua me vamabaka me mbe nawa. Me nakuméda ahngô ti pepe, ivô kaka me môtévo, buéyé n’asi mbumu éaNzambé muetso gô tsengeye yetso ane asaba Ajuif akuméda ahngô mbe: Mbeka ahngô, we mbe tôsaba na Tsangô éaJésus. 5Kômbôani dôta gô inami asi mbumu éaNzambé muetso môwanya gô eba aPriscille na Aquilas. Kômbôani wee ami Epaïnète gô tsenge éAsie. Te angô amapanga éétsa Christ môtémedi gô tsenge nene. 6Kômbôani Marie gô inami. Amayanzéa anye pepe. 7Kômbôani gô inami dôta kindami Andronicus na Junias. Ahmadigaa n’ami gô eba atsôgôô. Me madeo tsisinga Christ te ahngô aka oma aChrist na ootéa éneegedu va gatse ane amasevou na amatôkuku na Jésus-Christ.
8Kômbôani na wee ami Ampliatus gô ina aKumu. 9Kômbôani gô inami Urbain, wa n’edi ayanzi aChrist na dôta kômbôani wee ami Stachys. 10Kômbôani Apelles, te ône amatubéda ga ootéa angô ényôngéô Christ. Kômbôani dôta géômbé sAristobule. 11Kômbôani tétene éami Hérodion na géômbé saNarcisse, ane ameetsa Kumu mitéma miaô. 12Kômbôani Tryphène na Tryphose ayanzi aKumu na dôta wee ami Perside, ône asagogo gôéyanzéa Kumu. 13Kômbôani gô inami môyanzi môvôni aKumu eendô mbe Rufus, na yeedi gôébégô angô te iyami dôta. 14Kômbôani dôta Asyncrite, na Phlégon, na Hermès, na Patrobas, na Hermas na ana aTétee muetso andé n’ahngô. 15Kômbôani gô inami Philologue na Julie, na Nérée na kayedi Olympas, na asi mbumu éaNzambé andé vavo n’ahngô.
16Sambanéani anyene n’anyene ana aTéta na kômbô étsimama. Mbumuye yetso yaNzambé, oma aChrist dinôkômbôa.
Géevedéôge samôyusumédue
17Me Paul nanôkeneda mbe wemani gôndé ane anyôngéô étatôa anye. Ayungéda meekédume mamookô anye. Anyôngéô ébôméda anye nômeetsa Jésus mitémamie. Aaganani n’ahngô. 18Gôébégô mônongoe oma ane, asayanzéa Kumu asô n’anyô Jésus-Christ. Ayanzéa te mabuyi maô. Gô mavoviame maô na buembee waô abômédu oma andé na mitéma miagésingiasingia. 19Oma muetso amani éôkô gagobedanye Kumu Jésus. Me nanôtsôkéa. Nanyôngéô mbe nôba n’eodo gôéénda mane mamisôba na nôgônga mane mabévani va kôbangô kabaga nôdengu n’evindô. 20Tôsabômu mbe amuene Nzambé, môétsi agétabé, n’atsatsee angayetéda Satan gô makôdô manyô gôémôniga.
Te mbe mate maKumu éasô nanyô Jésus mabaké gôndé anye.
21Môwedine wami Timothée anôkômbôa. Kindami Lucius, Jason, na Sosipater anôkômbôa.
22Na me Tertius môtendine agésangô gegé, nanôkudéga gô ina aKumu Jésus yami kômbô.
23Gaïus, kumu eba ôdigaa me, na ôwanya we asi mbumu éaNzambé anôkômbôa. Na Eraste môkenene adodeye yamôsenge ôdôô anôkômbôa. Na dôta muana aTétee Quartus anôkômbôa.
[ 24Te mbe mate maKumu éasô n’anyô Jésus-Christ mabaké gôndé anye muetso. Amen.]
Gékumédéô samôyusumédu
25Tôkumédéni Nzambé. Angô andé na ngudi gôétôsipéda gô nzéane éamonyo edi étôkéani. Atôsipéda gô Tsangô Eamôsôba éékéda me, na gô meekédume mami metso maJésus-Christ. Na dôta atôodeda gômanigôgéô wa n’anyô matasa maNzambé mamabaka ga mamasuégu. Ene émavanga Nazmbé gôndé wa n’anyô oma ésinigôganéô n’oma va mbeego. 26Ivô ndéô nedué ématsutsuu na v’ekanga va miso moma gô mane mamatenda apandôédi amatasa maNzambé. Na vane Nzambé Amôbô na Môbô ameetsa ôtômu mbe éne émavanga angô gôndé oma éngatsuaô na gô tsenge yetso gômbe oma muetso angookô na angeetsa mitéma miaô gôégôbeda Nzambé gémôtsumé paga.
27Tôkumédéni Nzambé, Kumu éodo na ôndômbee wetso, gô ina aJésus-Christ, môbô na môbô, amen.
ទើបបានជ្រើសរើសហើយ៖
Romains 16: TSV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Alliance Biblique du Gabon (Bible Society in Gabon) 1983
Romains 16
16
Paul akômbôa ana aTétee n’edi agô mbumu éaNzambé
1Nanôbeenda mbe nôngaba na môgenda, te Phoebé, kadine éasô n’anyô agô mbumu éaNzambé. Ayanzéa#16:1 Eyanzee éne, gô suada mbe diaconesse Nzambé gô mbumu éedi gô Cenchrées. 2Vangatsigangô na gôndé anye, keneani angô gô ina aKumu geenda wa n’anyô gô mbumu éaNzambé. Wedéani angô gô mabégô metso manganyôngeô angô. Amuene amawedéa oma ayekani, ti gandé me.
3Kômbôani gô inami Priscille na Aquilas wee yami ahndé éyanzevo n’ami éaKumu Jésus. 4Ahngô abaé amavétsu éwa gôéyuua me vamabaka me mbe nawa. Me nakuméda ahngô ti pepe, ivô kaka me môtévo, buéyé n’asi mbumu éaNzambé muetso gô tsengeye yetso ane asaba Ajuif akuméda ahngô mbe: Mbeka ahngô, we mbe tôsaba na Tsangô éaJésus. 5Kômbôani dôta gô inami asi mbumu éaNzambé muetso môwanya gô eba aPriscille na Aquilas. Kômbôani wee ami Epaïnète gô tsenge éAsie. Te angô amapanga éétsa Christ môtémedi gô tsenge nene. 6Kômbôani Marie gô inami. Amayanzéa anye pepe. 7Kômbôani gô inami dôta kindami Andronicus na Junias. Ahmadigaa n’ami gô eba atsôgôô. Me madeo tsisinga Christ te ahngô aka oma aChrist na ootéa éneegedu va gatse ane amasevou na amatôkuku na Jésus-Christ.
8Kômbôani na wee ami Ampliatus gô ina aKumu. 9Kômbôani gô inami Urbain, wa n’edi ayanzi aChrist na dôta kômbôani wee ami Stachys. 10Kômbôani Apelles, te ône amatubéda ga ootéa angô ényôngéô Christ. Kômbôani dôta géômbé sAristobule. 11Kômbôani tétene éami Hérodion na géômbé saNarcisse, ane ameetsa Kumu mitéma miaô. 12Kômbôani Tryphène na Tryphose ayanzi aKumu na dôta wee ami Perside, ône asagogo gôéyanzéa Kumu. 13Kômbôani gô inami môyanzi môvôni aKumu eendô mbe Rufus, na yeedi gôébégô angô te iyami dôta. 14Kômbôani dôta Asyncrite, na Phlégon, na Hermès, na Patrobas, na Hermas na ana aTétee muetso andé n’ahngô. 15Kômbôani gô inami Philologue na Julie, na Nérée na kayedi Olympas, na asi mbumu éaNzambé andé vavo n’ahngô.
16Sambanéani anyene n’anyene ana aTéta na kômbô étsimama. Mbumuye yetso yaNzambé, oma aChrist dinôkômbôa.
Géevedéôge samôyusumédue
17Me Paul nanôkeneda mbe wemani gôndé ane anyôngéô étatôa anye. Ayungéda meekédume mamookô anye. Anyôngéô ébôméda anye nômeetsa Jésus mitémamie. Aaganani n’ahngô. 18Gôébégô mônongoe oma ane, asayanzéa Kumu asô n’anyô Jésus-Christ. Ayanzéa te mabuyi maô. Gô mavoviame maô na buembee waô abômédu oma andé na mitéma miagésingiasingia. 19Oma muetso amani éôkô gagobedanye Kumu Jésus. Me nanôtsôkéa. Nanyôngéô mbe nôba n’eodo gôéénda mane mamisôba na nôgônga mane mabévani va kôbangô kabaga nôdengu n’evindô. 20Tôsabômu mbe amuene Nzambé, môétsi agétabé, n’atsatsee angayetéda Satan gô makôdô manyô gôémôniga.
Te mbe mate maKumu éasô nanyô Jésus mabaké gôndé anye.
21Môwedine wami Timothée anôkômbôa. Kindami Lucius, Jason, na Sosipater anôkômbôa.
22Na me Tertius môtendine agésangô gegé, nanôkudéga gô ina aKumu Jésus yami kômbô.
23Gaïus, kumu eba ôdigaa me, na ôwanya we asi mbumu éaNzambé anôkômbôa. Na Eraste môkenene adodeye yamôsenge ôdôô anôkômbôa. Na dôta muana aTétee Quartus anôkômbôa.
[ 24Te mbe mate maKumu éasô n’anyô Jésus-Christ mabaké gôndé anye muetso. Amen.]
Gékumédéô samôyusumédu
25Tôkumédéni Nzambé. Angô andé na ngudi gôétôsipéda gô nzéane éamonyo edi étôkéani. Atôsipéda gô Tsangô Eamôsôba éékéda me, na gô meekédume mami metso maJésus-Christ. Na dôta atôodeda gômanigôgéô wa n’anyô matasa maNzambé mamabaka ga mamasuégu. Ene émavanga Nazmbé gôndé wa n’anyô oma ésinigôganéô n’oma va mbeego. 26Ivô ndéô nedué ématsutsuu na v’ekanga va miso moma gô mane mamatenda apandôédi amatasa maNzambé. Na vane Nzambé Amôbô na Môbô ameetsa ôtômu mbe éne émavanga angô gôndé oma éngatsuaô na gô tsenge yetso gômbe oma muetso angookô na angeetsa mitéma miaô gôégôbeda Nzambé gémôtsumé paga.
27Tôkumédéni Nzambé, Kumu éodo na ôndômbee wetso, gô ina aJésus-Christ, môbô na môbô, amen.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Alliance Biblique du Gabon (Bible Society in Gabon) 1983