Romains 13
13
Gobedani atômi atsenge
1Buedi mbe môma muetso agobede ane atômani gô tsenge édigaangô. Menyani mbe gôsaba ôtômue ôsaviga gôndé Nzambé. Na ane atômani ameetsô ôtômue waô, te na Nzambé. 2Gôndé ône akékôa atômie atsenge, akékôa ôtômue ômakônzéa Nzambé wa n’anyô oma. Môkékôene akôva ôési. 3Endé te nane. Agobedi amitômamie miatsenge asaba na mikebanganô gôndé atômi. Ane andé na mikebanganô te ane akékôani. Ewe ôsanyôngéô édigaa na mikebanganô, buedi gôégobeda atômie na ôngakumédu. 4Gôébégô atômie ayanzéa Nzambé vadékédangô éwe gô mane mabévani mbe ôénda mane mamisôba. Ivô ôkô ôyanzi ébégô ébévani, tatéa atômie. Gôébégô ngudiye disisédangô oma, kaka yanguene. Atômie ahyanzéa Nzambé gôétubéda oma ôpisa ôndé n’edi gôésiséda abévie. 5Gôndé mabégô mabaé matinda môma gôégobeda atômie. Ebégôe éamapanga te kabaga akôva ôpisa aNzambé. Na ébégô éamôbaé te ganyôngéô môma édigaa, angô géesédu na muanga amôtémedi.
6T’ebandô anye nôvana depuye yanyô. Nzambé amakônza ayanzie avôni gôébongo depuye n’ekena. 7Vanakani mitete mindé n’anyô, môma te môma. Vanani depu gôndé môbongi adepu, na môtete gôndé môbongi amôtete. Vanani n’egobeda. Neegeda ône adigédiô gô gétungu sokumaka.
Nyôngéô môkoo
8Nômbiasombonéa mitete, buétsé te môtete asô n’anyô ôvôni gôényônganéô wa n’anyôene na wa n’anyôene na étondo éapie. One anyôngéô môkedi amani égobeda migemie na mitômamie mietso miaNzambé. 9Migemie miaNzambé midékéda mbe ômbiakea gésasô, na ômbiayôha, na ômbieesua, na ômbianyima sôma sagébé soo. Menyani mbe migemie mine na gôndé na miene, miwanya gô môtôma ôvo mbe: Nyôngéô môkoo ganyôngéô éwe ôtô omuene. 10One anyôngéô akedi aseenda ahngô ébégô ébévani. Okô ônyôngéô akoo ômani égobeda migemie mietso.
Bakani kuanakue gôéenéa génikéô saChrist
11Oôtéani éénda nane gô ndéô nedué étôndéni. Timôgakani gô viovie vindé anye. Géôbogeo sasô n’anyô gésabadô gôdagôda gamabaka sangô vamasinga wa n’anyô. Géka vapévapé. 12Evitsi éapitsi éôta. Nyee ôgiia. Tôkinékéni mane mayanzô gô tsina evitsi. Tôaaténi ékeeyi éamigode gôégenya ébadi nyee ômaagiia. 13Tôdigékéni gô ésima ésapenganani, wa n’anyô asi gô gévede. Tônôtôgéni gô évitsi na ésimee yedi éasagô, na édangi, na éagésasô, na éamasaganédana na éangusu. 14Bandôa gô matambé na gô môtsé tôaatékéni monyo aKumu asô n’anyô Jésus-Christ gatôaata maduani. Nômbiasingana na manyima mabévani mayôtô yasô n’anyô gôédugéda mangô.
ទើបបានជ្រើសរើសហើយ៖
Romains 13: TSV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Alliance Biblique du Gabon (Bible Society in Gabon) 1983
Romains 13
13
Gobedani atômi atsenge
1Buedi mbe môma muetso agobede ane atômani gô tsenge édigaangô. Menyani mbe gôsaba ôtômue ôsaviga gôndé Nzambé. Na ane atômani ameetsô ôtômue waô, te na Nzambé. 2Gôndé ône akékôa atômie atsenge, akékôa ôtômue ômakônzéa Nzambé wa n’anyô oma. Môkékôene akôva ôési. 3Endé te nane. Agobedi amitômamie miatsenge asaba na mikebanganô gôndé atômi. Ane andé na mikebanganô te ane akékôani. Ewe ôsanyôngéô édigaa na mikebanganô, buedi gôégobeda atômie na ôngakumédu. 4Gôébégô atômie ayanzéa Nzambé vadékédangô éwe gô mane mabévani mbe ôénda mane mamisôba. Ivô ôkô ôyanzi ébégô ébévani, tatéa atômie. Gôébégô ngudiye disisédangô oma, kaka yanguene. Atômie ahyanzéa Nzambé gôétubéda oma ôpisa ôndé n’edi gôésiséda abévie. 5Gôndé mabégô mabaé matinda môma gôégobeda atômie. Ebégôe éamapanga te kabaga akôva ôpisa aNzambé. Na ébégô éamôbaé te ganyôngéô môma édigaa, angô géesédu na muanga amôtémedi.
6T’ebandô anye nôvana depuye yanyô. Nzambé amakônza ayanzie avôni gôébongo depuye n’ekena. 7Vanakani mitete mindé n’anyô, môma te môma. Vanani depu gôndé môbongi adepu, na môtete gôndé môbongi amôtete. Vanani n’egobeda. Neegeda ône adigédiô gô gétungu sokumaka.
Nyôngéô môkoo
8Nômbiasombonéa mitete, buétsé te môtete asô n’anyô ôvôni gôényônganéô wa n’anyôene na wa n’anyôene na étondo éapie. One anyôngéô môkedi amani égobeda migemie na mitômamie mietso miaNzambé. 9Migemie miaNzambé midékéda mbe ômbiakea gésasô, na ômbiayôha, na ômbieesua, na ômbianyima sôma sagébé soo. Menyani mbe migemie mine na gôndé na miene, miwanya gô môtôma ôvo mbe: Nyôngéô môkoo ganyôngéô éwe ôtô omuene. 10One anyôngéô akedi aseenda ahngô ébégô ébévani. Okô ônyôngéô akoo ômani égobeda migemie mietso.
Bakani kuanakue gôéenéa génikéô saChrist
11Oôtéani éénda nane gô ndéô nedué étôndéni. Timôgakani gô viovie vindé anye. Géôbogeo sasô n’anyô gésabadô gôdagôda gamabaka sangô vamasinga wa n’anyô. Géka vapévapé. 12Evitsi éapitsi éôta. Nyee ôgiia. Tôkinékéni mane mayanzô gô tsina evitsi. Tôaaténi ékeeyi éamigode gôégenya ébadi nyee ômaagiia. 13Tôdigékéni gô ésima ésapenganani, wa n’anyô asi gô gévede. Tônôtôgéni gô évitsi na ésimee yedi éasagô, na édangi, na éagésasô, na éamasaganédana na éangusu. 14Bandôa gô matambé na gô môtsé tôaatékéni monyo aKumu asô n’anyô Jésus-Christ gatôaata maduani. Nômbiasingana na manyima mabévani mayôtô yasô n’anyô gôédugéda mangô.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Alliance Biblique du Gabon (Bible Society in Gabon) 1983