Ephésiens 5
5
Tôdigéni gô gévede saNzambé
1Anye nôndéké ana anyônganéô na Nzambé tambô putugani gôédigaa mônongovo gandé muana amôtéma anyôngéô égono na tétedi. 2Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.
3Anye asi mbumu éaNzambé, nônasinga mbe gésasô n’esima éasangô na onzôô okiti éôkanô va gatse anyô. 4Na dôta ésanyepa gôndé anye gôévovo mabégô madibuanya, na mavovia masagô. Ivô vovoni te disambô ditévo gôékuméda Nzambé. 5Votanganôni ébégô édué. G’ôkumu aChrist na aNzambé gôsaba môma agésasô na môma esima éasagô na môsi ônzôô. Gôébégô ône andé n’onzôô te môneegedi ambumba.
6Nôkenea kabaga môma anôbômédu na mavovia maô mabueme. Te gô mônongo oési ône ôngeenanô ôpisa aNzambé ôéséda ane asamôgobedani. 7Nômbiakanéga évamba n’omee ane. 8Va mbeego nômabaka gô évitsi. Ivô ndéô nedué nômani étsiga gô gévede gômagésangananye na Kumu Jésus. Tambô digaakani gôémenyanganô mbe nôndé oma andé gô gévede saNzambé. 9Va tungune éndé gévede veenanô ésima éetso éamisôba, n’etsimama, na mabégô metso mapie. 10Tôtônegede éne éamôsôba gôésevoa mane manyôngéô Kumu Jésus. 11Nônakanéga évamba n’ane eenda ésima ésaba na tsoongo va mbene aNzambé. Tsigéda ésima éaô éevitsi na gô gévede mbe éenanô. 12Tôena tsoyi gôévovo mane mayanza omeaa v’esooe. 13Vatsigédu ésima na mayanza maô mevitsi na v’ekanga, gévedege gétubéda mônongoe waô. 14Ene étsutsuu gô évitsi na gô gévede, ékoga éka éagévede. T’ebandô tôôkô mbe’
Timôgaka éwe ôebogani
Kunduga va gatse ane amawani
Amuene Christ angagôtanédéa gévede sedi.
15Bakani n’ekana gô môdigédie wanyô. Nônadigaa gadigaa ane asamenya ébégô n’ebégô. Digaani gô éodo éndé n’anyô. 16Gô ndéô nedué édagani étôdigaa va tsina nôéni ômanda nôsiia poso.#5:16 G’ôgi aGrec ameenda mbe, putugani eenda mane mamisôba kabaga ndéô éôta. Pitsi yasô n’anyô diôta te ôtaga. 17Nônaba n’odungé ivô gémbôgani gôémenya éne ényôngéô Kumu Jésus mbe nôénda éangô.
18Nômbiaba n’edangi éamaduku. Nzéane éamaduku éndéké te éadiyunga. Ivô bakani nômayuésédu mitémamie na Gédidi SaNzambé. 19Kasôgédanani anyene n’anyene gô mavovia maMatendeo MaNzambé na gô mimbô, na gô kônda na géembi gôéneegeda Nzambé. Buéyé mbe gô tsina amitéma mianyô tôani mimbô maKumu Jésus mabuéa gô matô medi. 20Kumédani Tétasô n’anyô Nzambé ndéô yetso na gô mabégô metso gô ina aKumu asô n’anyô Jésus‐Christ.
Ndongi gôndé môgadi na mômé
21Anye nôneegeda Christ vagobedana anye anyene n’anyene.
22Anye ageto digaani gô tsina otômu omée anyô ti eembe te ôtômu aKumu Jésus. 23Menyani mbe mômôgôô te tsesu amôgayedi mônongovo gandé Christ te tsesu asi mbumu éedi. Amuene Christ te Mooboyi asi mbumu éedi, yangô te ôtô edi. 24Te nane. Anye ageto gobedani omée anyô na gényônga mônongovo gagobeda asi mbumu éaNzambé agobeda Christ na gényônga.
25Anye amôgôô nyôngéôni agayanyô n’etondo évôni mônongovo ganyôngéô Christ asi mbumu éedi, na ameetsa monyo edi gôéwa gôndé yangô. 26Christ ameenda nane gôékoa mbumune yedi mbe éviia mane matsengene ngima gôéba môvo n’amuene Nzambé. Amamigôgéda na meba na ôgie wedi. 27Vane gô miso medi mbumune yedi éndéké n’ondômba ôvôni, n’etsimama na gébé n’oési. Egono na môkanda ôsaba n’etodi, na ôsaba na minyunya, na ôsaba na patie yeebéva. 28Buedi mbe mômôgôô anyôngéô môgayedi ganyôngéô angô ôtôe wedi amuene. One anyôngéô môgayedi andé gôéyôngéô buéyé n’amuene. 29Endé te nane. Gôsaba môma adudu ôtôe wedi amuene. Ivô môma aôbôngôa te bôngôa na akenea angô pepe. Te geenda Christ na mbumune yedi. 30Gôébégô tôndé éeyo éotôe wedi. 31Te gatôbeendu gô Matendeo MaNzambé mbe: T’ebandô mômôgôô anôtôga gôndé yeedi na tétedi gôédigaa na môgayedi. Ahngô abaé aka ôtô ôvo. 32Me Paul nanônigôa mbe ébégô édué éapie éndéké ébégô évôni ésinigôganéôkô na mbeego. Na étôékéda mônongovo gandé Christ na mbumune yedi. 33Ewanya dôta na mane manyô. Buedi mbe mômôgôô anyôngéô môgayedi ganyôngéô angô amuene. Môgeto na môgeto dôta agobede mômiedi na géneega.
ទើបបានជ្រើសរើសហើយ៖
Ephésiens 5: TSV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Alliance Biblique du Gabon (Bible Society in Gabon) 1983
Ephésiens 5
5
Tôdigéni gô gévede saNzambé
1Anye nôndéké ana anyônganéô na Nzambé tambô putugani gôédigaa mônongovo gandé muana amôtéma anyôngéô égono na tétedi. 2Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.
3Anye asi mbumu éaNzambé, nônasinga mbe gésasô n’esima éasangô na onzôô okiti éôkanô va gatse anyô. 4Na dôta ésanyepa gôndé anye gôévovo mabégô madibuanya, na mavovia masagô. Ivô vovoni te disambô ditévo gôékuméda Nzambé. 5Votanganôni ébégô édué. G’ôkumu aChrist na aNzambé gôsaba môma agésasô na môma esima éasagô na môsi ônzôô. Gôébégô ône andé n’onzôô te môneegedi ambumba.
6Nôkenea kabaga môma anôbômédu na mavovia maô mabueme. Te gô mônongo oési ône ôngeenanô ôpisa aNzambé ôéséda ane asamôgobedani. 7Nômbiakanéga évamba n’omee ane. 8Va mbeego nômabaka gô évitsi. Ivô ndéô nedué nômani étsiga gô gévede gômagésangananye na Kumu Jésus. Tambô digaakani gôémenyanganô mbe nôndé oma andé gô gévede saNzambé. 9Va tungune éndé gévede veenanô ésima éetso éamisôba, n’etsimama, na mabégô metso mapie. 10Tôtônegede éne éamôsôba gôésevoa mane manyôngéô Kumu Jésus. 11Nônakanéga évamba n’ane eenda ésima ésaba na tsoongo va mbene aNzambé. Tsigéda ésima éaô éevitsi na gô gévede mbe éenanô. 12Tôena tsoyi gôévovo mane mayanza omeaa v’esooe. 13Vatsigédu ésima na mayanza maô mevitsi na v’ekanga, gévedege gétubéda mônongoe waô. 14Ene étsutsuu gô évitsi na gô gévede, ékoga éka éagévede. T’ebandô tôôkô mbe’
Timôgaka éwe ôebogani
Kunduga va gatse ane amawani
Amuene Christ angagôtanédéa gévede sedi.
15Bakani n’ekana gô môdigédie wanyô. Nônadigaa gadigaa ane asamenya ébégô n’ebégô. Digaani gô éodo éndé n’anyô. 16Gô ndéô nedué édagani étôdigaa va tsina nôéni ômanda nôsiia poso.#5:16 G’ôgi aGrec ameenda mbe, putugani eenda mane mamisôba kabaga ndéô éôta. Pitsi yasô n’anyô diôta te ôtaga. 17Nônaba n’odungé ivô gémbôgani gôémenya éne ényôngéô Kumu Jésus mbe nôénda éangô.
18Nômbiaba n’edangi éamaduku. Nzéane éamaduku éndéké te éadiyunga. Ivô bakani nômayuésédu mitémamie na Gédidi SaNzambé. 19Kasôgédanani anyene n’anyene gô mavovia maMatendeo MaNzambé na gô mimbô, na gô kônda na géembi gôéneegeda Nzambé. Buéyé mbe gô tsina amitéma mianyô tôani mimbô maKumu Jésus mabuéa gô matô medi. 20Kumédani Tétasô n’anyô Nzambé ndéô yetso na gô mabégô metso gô ina aKumu asô n’anyô Jésus‐Christ.
Ndongi gôndé môgadi na mômé
21Anye nôneegeda Christ vagobedana anye anyene n’anyene.
22Anye ageto digaani gô tsina otômu omée anyô ti eembe te ôtômu aKumu Jésus. 23Menyani mbe mômôgôô te tsesu amôgayedi mônongovo gandé Christ te tsesu asi mbumu éedi. Amuene Christ te Mooboyi asi mbumu éedi, yangô te ôtô edi. 24Te nane. Anye ageto gobedani omée anyô na gényônga mônongovo gagobeda asi mbumu éaNzambé agobeda Christ na gényônga.
25Anye amôgôô nyôngéôni agayanyô n’etondo évôni mônongovo ganyôngéô Christ asi mbumu éedi, na ameetsa monyo edi gôéwa gôndé yangô. 26Christ ameenda nane gôékoa mbumune yedi mbe éviia mane matsengene ngima gôéba môvo n’amuene Nzambé. Amamigôgéda na meba na ôgie wedi. 27Vane gô miso medi mbumune yedi éndéké n’ondômba ôvôni, n’etsimama na gébé n’oési. Egono na môkanda ôsaba n’etodi, na ôsaba na minyunya, na ôsaba na patie yeebéva. 28Buedi mbe mômôgôô anyôngéô môgayedi ganyôngéô angô ôtôe wedi amuene. One anyôngéô môgayedi andé gôéyôngéô buéyé n’amuene. 29Endé te nane. Gôsaba môma adudu ôtôe wedi amuene. Ivô môma aôbôngôa te bôngôa na akenea angô pepe. Te geenda Christ na mbumune yedi. 30Gôébégô tôndé éeyo éotôe wedi. 31Te gatôbeendu gô Matendeo MaNzambé mbe: T’ebandô mômôgôô anôtôga gôndé yeedi na tétedi gôédigaa na môgayedi. Ahngô abaé aka ôtô ôvo. 32Me Paul nanônigôa mbe ébégô édué éapie éndéké ébégô évôni ésinigôganéôkô na mbeego. Na étôékéda mônongovo gandé Christ na mbumune yedi. 33Ewanya dôta na mane manyô. Buedi mbe mômôgôô anyôngéô môgayedi ganyôngéô angô amuene. Môgeto na môgeto dôta agobede mômiedi na géneega.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Alliance Biblique du Gabon (Bible Society in Gabon) 1983