II Corinthiens 9
9
Dode diitsanye na gôndé asi mbumu éaNzambé
1Anye nôsabutadô meekédu meetsa dode yewedéa asi mbumu éaNzambé andé gô Judée gôébégô anye nôsabômu mangô. 2Na me tsabômu gényônga géndé n’anye gôékabéa n’akanyô. Akanyô gô tsenge éaMacédoine amookô kumane yanyô ématsua me mbe: Ana aTétee gô Grèce amavanga gô môpuma ômootani mbe tôngeetsa. Gényôngage sanyô seetsa gékasôgéda akanyô. 3Buéyé mbe nane, nanôkudégéa amôgôôe adua gôénôbeenda mbe kôkégani dibiia yanyô kabaga kumane éagéenzage sanyô éba éabobo. 4Vangaviga we n’asi Macédoine na gôndé anye ôkô tsidenga dodeye dimakôkégu nangooba na tsoyi gô kumane éanyô ématsua me na gôndé ahngô. Tasani dôta tsoene éngaba n’anyô. 5T’ebandô namatôma Tite n’akedi oombenee gôépanga ébuéa gôndé anye mbe nangadenga nômakônza dibiia diyekani dimavanganye mbeego. Vangaviga me nôngasuméa te eetsaga na gényônga. Me dôta nangasuméa te bongogo gémenye éne édagéô anye éétsa.
6Bangôani ébégô édué mbe gô môyakô, ône agaaba vipesu, angadiia te vipesu. Na ône agaaba ôyekani angadiia te ôyekani. 7Buedi mbe môma na môma eetsé gamavangangô gô môtémedi gébakégu na gégiangané. Gôébégô Nzambé anyôngéô ône eetsa na gényônga. 8Nzambé andé na ngudi gôénôétsa ôkiti ôyekani gô minongo mietso gômbe nôsangabuta sôma gôédônga anyene gô tsengene, na dôta gôédôngéda akanyô gô mane mamisôba. 9Te gatônigôu na Matendeo MaNzambé mbe:
Nzambé eetsa misuga gébé na guma
Géenza sedi gésakôdéaka.
10Nzambé asabômu eetsa mbôtô gôndé môgaabi na môyakô gôémôbôngôa. N’angô dôta asabômu eetsa anye nyene mbôtô éne ényôngéô anye égaaba gôndé akanyô. Na Nzambé ayekeda éne émagaabôni gômbe géenzage géngeetsanye géngayeka gayeka miônda mibôta géétété. 11Gô ndéô yetso Nzambé anganôdugéda ôkitie ôngoongôa anye ékabanéa n’akanyô gébé na guma. Vane ayekani angakuméda Nzambé gô dibiiaye dimeetsa wa n’anyô. 12Endé te nane. Anye nôétsani, éne éyanzanye ékuséda mabégô mabaé mamisôba. Ebégôe éamapanga te asi mbumu éaNzambé awedeô gô panda yaô na dibiiaye yanyô. Na ébégô éamôbaé te disambô diyekani disambéduni gôékuméda Nzambé gô dibiiaye yanyô. 13Ene éyanzanye étubéda éne éndé gô mitéma mianyô. Ayekani angakuméda Nzambé gôndé anye nôgobeda ôgi aNzambé na nôtubéda akanyô gameetsanye mitémamie mianyô gô Tsangô Eamôsôba éaJésus‐Christ. Angakuméda Nzambé dôta gôsikiné anye ékabéa ôkitie wanyô n’akanyô muetso. 14Ahngô angaba na gényônga gôndé anye na ahngateta mina manyô va mbene aNzambé na gényônga gôébégô mate maNzambé meenanô gôndé anye. 15Tôkumédéni Nzambé gô éne étôétsiô n’edi géenza ésaba matangôéô.
ទើបបានជ្រើសរើសហើយ៖
II Corinthiens 9: TSV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Alliance Biblique du Gabon (Bible Society in Gabon) 1983
II Corinthiens 9
9
Dode diitsanye na gôndé asi mbumu éaNzambé
1Anye nôsabutadô meekédu meetsa dode yewedéa asi mbumu éaNzambé andé gô Judée gôébégô anye nôsabômu mangô. 2Na me tsabômu gényônga géndé n’anye gôékabéa n’akanyô. Akanyô gô tsenge éaMacédoine amookô kumane yanyô ématsua me mbe: Ana aTétee gô Grèce amavanga gô môpuma ômootani mbe tôngeetsa. Gényôngage sanyô seetsa gékasôgéda akanyô. 3Buéyé mbe nane, nanôkudégéa amôgôôe adua gôénôbeenda mbe kôkégani dibiia yanyô kabaga kumane éagéenzage sanyô éba éabobo. 4Vangaviga we n’asi Macédoine na gôndé anye ôkô tsidenga dodeye dimakôkégu nangooba na tsoyi gô kumane éanyô ématsua me na gôndé ahngô. Tasani dôta tsoene éngaba n’anyô. 5T’ebandô namatôma Tite n’akedi oombenee gôépanga ébuéa gôndé anye mbe nangadenga nômakônza dibiia diyekani dimavanganye mbeego. Vangaviga me nôngasuméa te eetsaga na gényônga. Me dôta nangasuméa te bongogo gémenye éne édagéô anye éétsa.
6Bangôani ébégô édué mbe gô môyakô, ône agaaba vipesu, angadiia te vipesu. Na ône agaaba ôyekani angadiia te ôyekani. 7Buedi mbe môma na môma eetsé gamavangangô gô môtémedi gébakégu na gégiangané. Gôébégô Nzambé anyôngéô ône eetsa na gényônga. 8Nzambé andé na ngudi gôénôétsa ôkiti ôyekani gô minongo mietso gômbe nôsangabuta sôma gôédônga anyene gô tsengene, na dôta gôédôngéda akanyô gô mane mamisôba. 9Te gatônigôu na Matendeo MaNzambé mbe:
Nzambé eetsa misuga gébé na guma
Géenza sedi gésakôdéaka.
10Nzambé asabômu eetsa mbôtô gôndé môgaabi na môyakô gôémôbôngôa. N’angô dôta asabômu eetsa anye nyene mbôtô éne ényôngéô anye égaaba gôndé akanyô. Na Nzambé ayekeda éne émagaabôni gômbe géenzage géngeetsanye géngayeka gayeka miônda mibôta géétété. 11Gô ndéô yetso Nzambé anganôdugéda ôkitie ôngoongôa anye ékabanéa n’akanyô gébé na guma. Vane ayekani angakuméda Nzambé gô dibiiaye dimeetsa wa n’anyô. 12Endé te nane. Anye nôétsani, éne éyanzanye ékuséda mabégô mabaé mamisôba. Ebégôe éamapanga te asi mbumu éaNzambé awedeô gô panda yaô na dibiiaye yanyô. Na ébégô éamôbaé te disambô diyekani disambéduni gôékuméda Nzambé gô dibiiaye yanyô. 13Ene éyanzanye étubéda éne éndé gô mitéma mianyô. Ayekani angakuméda Nzambé gôndé anye nôgobeda ôgi aNzambé na nôtubéda akanyô gameetsanye mitémamie mianyô gô Tsangô Eamôsôba éaJésus‐Christ. Angakuméda Nzambé dôta gôsikiné anye ékabéa ôkitie wanyô n’akanyô muetso. 14Ahngô angaba na gényônga gôndé anye na ahngateta mina manyô va mbene aNzambé na gényônga gôébégô mate maNzambé meenanô gôndé anye. 15Tôkumédéni Nzambé gô éne étôétsiô n’edi géenza ésaba matangôéô.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Alliance Biblique du Gabon (Bible Society in Gabon) 1983