II Corinthiens 11
11
Paul na eekédi adiboe
1Singéa me navovo ga gégiô gôéakuméda memuene. Oôkôni édué. 2Me nakenea anye gakeneo tômbô ématetedu gô yômba, na ésangabongu na muene. Môkeneyi edi ookô mangongo vabonu angô na muene mômôgôô. Te gookô me mangongo gôndé anye. Na mangongome mangô maviga te gôndé Nzambé. Me nakenea anye ngu na vangaviga mômé anyô Jésus‐Christ gôénôbongo. 3Me nandé na mikebanganô gôndé anye kabaga matasa manyô mabunzéga na kabaga nôgéngôga gôékina Jésus‐Christ na kabaga nôbômu gamabômédu Eve n’oboe ômapata nyogo. 4Ane oma agésingiasingia nôyavôga ésinga nyene tsangô ééndô mbe éaJésus. Na éangô ésaba éapie. Nôsinga na sene gédidi gésaba saNzambé, na mavo mabégô masaba maNzambé. Metso mane masawanya na mane meekéda we anye. N’anye nôsamenya ésevoa.
5Anye nômenya mbe ane aviga gôénôékéda mabégôme mane te eekédie enyanga évôni. ?Tambô me Paul kaka môékédi môvôni‐a? ?Me tsitômu na Jésus‐a? 6Mavooe gôévovo nandéké inzua amaama. Géé gôémenya mabégô metso maNzambé tsaba inzua amaama. N’anye nôsabômu gamanigôa we mangô kuka yetso.
7Vameekéda me anye Tsangô Eamôsôba émakudéga Nzambé, tsinôduké ta na sôma. Namasugéa memuene gôétômba anye. Mavooe namabaka n’oési gôéénda nane. 8Asi mbumu éaNzambé gô dipo mbôka amawedéa me, géé anye, me tsinôduké sôma. Namagoomboo akanyô asi mbumu éaNzambé gô dipo mbôka gôédôngéda anye. 9Vamadigaa me n’anye gô Corinthe me tsikeneo n’anye kumu yambôka. Namakeneoko n’ana aTétee amaviga gô Macédoine amatsuéa me éetso émabuta me. Gôébégô me tsinyôngéô éba gôndé anye ga égumba. Ngu na deo noo éndé te mônongovo. 10Me tsoongôa épata gôébégô mane mapie maJésus‐Christ mandé n’ami. Nanôbeenda na gô pie mbe me neena buedi gô tsenge éaGrèce. Me nabôngôa te memuene gébone miso mami gôndé anye asi Grèce. 11?Me navovo nane gôndé¿ Tambô me tsanônyôngéô‐a? Esaba nane. Nzambé asabômu ganyôngéô me anye.
12Mane meenda me tsangatsika mangô. Neenda mangô gôékitsa makôdô mane adigaa n’anyô wene mônongo na aakuméda anguene akanéga mbe: We te eekédi ga Paul. 13Amôgôôe ane te eekédi adiboe. Apatéda éne éyanzahngô na abômédu anye mbe: We tômatômu na Jésus‐Christ. 14Tôsoongôa étsapéô gô mônongoe waô. Amuene Satan avéngôga aka ga môsi g’ôba n’obébayi ti eembe aNzambé, gôébôméda oma. 15Tambô na ayanzi edi eenda te mônongovo, ahngô abévani akanéga mane mamisôba. Esaba ébégô éatsapéô. V’ekôdéô angeetsô kuanakue n’ene éyanzahngô.
Panda dimeena Paul gô éyanzee édi émasevou angô na Nzambé
16Gô mane mavovo me nanôbeenda mbe me tsavovo sagôsagô ga tsôga asamenya mane mavovo angô. Okô nôtsumi paga mbe: Paul te tsôga, te buedi, vovokoni ganyôngéô anye. Me naakuméda memuene. 17Kumu Jésus asanyôngéô mbe naakuméda memuene te geenda me Paul mbe navovo ga tsôga gômbe anye nôngookô. 18Gôébégô avo eekédi aabatéda anguene gôéséngu n’oma ôséngu, tambô na me nangaabatéda dôta memuene te nane. 19Anye nôndé n’eodo na gétabé nôsadagéô môsi tsôga. 20Nôsabômu metso ?nayee nôsinga avo aviga na vandé anye gôénôtôma ga avéga? Na anôtsogeda bobo, na anôbôméda na anôbono va tsongo eeso gôédeta anye, na anôkunéga. N’anye nônyôngéô eekédi amônongo ône. 21Me môékédi abobo, tsibé na dienza gôénôénda nane. Tambô me nandé na tsoyi gôébégô anye nootéa ényôngéô oma adienza.
Ivô ôkô mbe gôndé môma andé ngu gôéabatéda amuene, te me Paul navovoni ôdôô. Navovo ti eembe, tsôga. 22?Ane asingana n’anye te asi ôgi aHébreu‐a? Me dôta tsavovo gémbéta, me to môsi ôgi aHébreu. ?Ahngô te asi éongo éaIsraël‐a? Me dôta te môsi éongo éaIsraël. ?Tétaô te Abraham‐a? Na me muetso, téta te Abraham. 23?Ahngô te ayanzi aNzambé‐a? Oôkôni édué, navovo ga môma amadinga g’ôtsôga. Me nootéa ahngô gôéyanzéa Nzambé. Namootéa éyanza n’ahngô asiyanzé. Kuka yetso namabaka gô eba atsôgôô gôékéda me mabégô maNzambé, n’ahngô asiengé. Namabômôu kuka yetso, n’ahngô asibômôu. Kuka diyekani namavétsu n’owa, n’ahngô asivétsu n’owa. 24Kuka ditayi namabitô na môbitô ôndé na Ajuif gandé ahngô na gésima saô sebita môma nzima ditatô na mibitô mitenaminayi kukepo. 25Kuka ditatô namabômôu na asi môsenge aRome. Kukepo namatumu na mataé mbe ayôha me. Mitôô mitatô mimakea me gô mubu, mbôngône ématondoméa. Na kukepo namabénza pitsi amôbongo gô mubu gôéenéa mbôngône n’ane amaviga gôébuta me. 26Gô mitôô miyekani mimakea me nameena panda na éningô, n’asi môkôbé. Nameena panda béyé n’Ajuif n’ami. Nameena panda n’ane asaba gô éongo éAjuif. Nameena panda gô misenge mivôni na gô tungu émagasani gôsaba oma. Nameena panda gô mubu. Nameena panda va gatse ane abévani apata mbe: Wa n’anyô muetso te oma aChrist. 27Namayanzédu mayanza madagani. Nameena maguga mamootéani. Pitsi diyekani oma asisingé me neeboga vio. Namookô nzaa na sôé. Kuka diyekani oma asidugédu me môyakô. Namookô sodi na tsibé na mikanda. 28Na va mbene éametso mane, nandé na mikebanganô gôékenea asi mbumu éaNzambé gô tungu yetso. 29Okô va gatse asi mbumu éaNzambé môvo abé vipôpéa na me dôta nangaba te vipôpéa. Okô movo akuéyi gô mabégô mabévani me nookô pievia gô môtémami.
30Okô nônyôngéyiô mbe me naakuméda memuene geenda avo, tambô naakuméda memuene gô mane masaba me na ngudi. 31Nzambé Tétene éaKumu Jésus te gémoni sami gésabômu mbe me tsapata. Te mbe inedi ékumédu môbô na môbô. 32Vamabaka me gô Damas môtômine amôsengee ameetsô ôtômu na kumu atsenge Arétas, amatôma migode gôéwema gô nzéaye yetso gôétsôpa me mbe kabaga nabusuga gô yangô. 33Ivô namawedéô n’akasô. Amakuséda me gô épôdéké gô ngongo amôgômbee. Amasutuméda me na gô tsina gô gésambi na vane namabusuga.
ទើបបានជ្រើសរើសហើយ៖
II Corinthiens 11: TSV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Alliance Biblique du Gabon (Bible Society in Gabon) 1983
II Corinthiens 11
11
Paul na eekédi adiboe
1Singéa me navovo ga gégiô gôéakuméda memuene. Oôkôni édué. 2Me nakenea anye gakeneo tômbô ématetedu gô yômba, na ésangabongu na muene. Môkeneyi edi ookô mangongo vabonu angô na muene mômôgôô. Te gookô me mangongo gôndé anye. Na mangongome mangô maviga te gôndé Nzambé. Me nakenea anye ngu na vangaviga mômé anyô Jésus‐Christ gôénôbongo. 3Me nandé na mikebanganô gôndé anye kabaga matasa manyô mabunzéga na kabaga nôgéngôga gôékina Jésus‐Christ na kabaga nôbômu gamabômédu Eve n’oboe ômapata nyogo. 4Ane oma agésingiasingia nôyavôga ésinga nyene tsangô ééndô mbe éaJésus. Na éangô ésaba éapie. Nôsinga na sene gédidi gésaba saNzambé, na mavo mabégô masaba maNzambé. Metso mane masawanya na mane meekéda we anye. N’anye nôsamenya ésevoa.
5Anye nômenya mbe ane aviga gôénôékéda mabégôme mane te eekédie enyanga évôni. ?Tambô me Paul kaka môékédi môvôni‐a? ?Me tsitômu na Jésus‐a? 6Mavooe gôévovo nandéké inzua amaama. Géé gôémenya mabégô metso maNzambé tsaba inzua amaama. N’anye nôsabômu gamanigôa we mangô kuka yetso.
7Vameekéda me anye Tsangô Eamôsôba émakudéga Nzambé, tsinôduké ta na sôma. Namasugéa memuene gôétômba anye. Mavooe namabaka n’oési gôéénda nane. 8Asi mbumu éaNzambé gô dipo mbôka amawedéa me, géé anye, me tsinôduké sôma. Namagoomboo akanyô asi mbumu éaNzambé gô dipo mbôka gôédôngéda anye. 9Vamadigaa me n’anye gô Corinthe me tsikeneo n’anye kumu yambôka. Namakeneoko n’ana aTétee amaviga gô Macédoine amatsuéa me éetso émabuta me. Gôébégô me tsinyôngéô éba gôndé anye ga égumba. Ngu na deo noo éndé te mônongovo. 10Me tsoongôa épata gôébégô mane mapie maJésus‐Christ mandé n’ami. Nanôbeenda na gô pie mbe me neena buedi gô tsenge éaGrèce. Me nabôngôa te memuene gébone miso mami gôndé anye asi Grèce. 11?Me navovo nane gôndé¿ Tambô me tsanônyôngéô‐a? Esaba nane. Nzambé asabômu ganyôngéô me anye.
12Mane meenda me tsangatsika mangô. Neenda mangô gôékitsa makôdô mane adigaa n’anyô wene mônongo na aakuméda anguene akanéga mbe: We te eekédi ga Paul. 13Amôgôôe ane te eekédi adiboe. Apatéda éne éyanzahngô na abômédu anye mbe: We tômatômu na Jésus‐Christ. 14Tôsoongôa étsapéô gô mônongoe waô. Amuene Satan avéngôga aka ga môsi g’ôba n’obébayi ti eembe aNzambé, gôébôméda oma. 15Tambô na ayanzi edi eenda te mônongovo, ahngô abévani akanéga mane mamisôba. Esaba ébégô éatsapéô. V’ekôdéô angeetsô kuanakue n’ene éyanzahngô.
Panda dimeena Paul gô éyanzee édi émasevou angô na Nzambé
16Gô mane mavovo me nanôbeenda mbe me tsavovo sagôsagô ga tsôga asamenya mane mavovo angô. Okô nôtsumi paga mbe: Paul te tsôga, te buedi, vovokoni ganyôngéô anye. Me naakuméda memuene. 17Kumu Jésus asanyôngéô mbe naakuméda memuene te geenda me Paul mbe navovo ga tsôga gômbe anye nôngookô. 18Gôébégô avo eekédi aabatéda anguene gôéséngu n’oma ôséngu, tambô na me nangaabatéda dôta memuene te nane. 19Anye nôndé n’eodo na gétabé nôsadagéô môsi tsôga. 20Nôsabômu metso ?nayee nôsinga avo aviga na vandé anye gôénôtôma ga avéga? Na anôtsogeda bobo, na anôbôméda na anôbono va tsongo eeso gôédeta anye, na anôkunéga. N’anye nônyôngéô eekédi amônongo ône. 21Me môékédi abobo, tsibé na dienza gôénôénda nane. Tambô me nandé na tsoyi gôébégô anye nootéa ényôngéô oma adienza.
Ivô ôkô mbe gôndé môma andé ngu gôéabatéda amuene, te me Paul navovoni ôdôô. Navovo ti eembe, tsôga. 22?Ane asingana n’anye te asi ôgi aHébreu‐a? Me dôta tsavovo gémbéta, me to môsi ôgi aHébreu. ?Ahngô te asi éongo éaIsraël‐a? Me dôta te môsi éongo éaIsraël. ?Tétaô te Abraham‐a? Na me muetso, téta te Abraham. 23?Ahngô te ayanzi aNzambé‐a? Oôkôni édué, navovo ga môma amadinga g’ôtsôga. Me nootéa ahngô gôéyanzéa Nzambé. Namootéa éyanza n’ahngô asiyanzé. Kuka yetso namabaka gô eba atsôgôô gôékéda me mabégô maNzambé, n’ahngô asiengé. Namabômôu kuka yetso, n’ahngô asibômôu. Kuka diyekani namavétsu n’owa, n’ahngô asivétsu n’owa. 24Kuka ditayi namabitô na môbitô ôndé na Ajuif gandé ahngô na gésima saô sebita môma nzima ditatô na mibitô mitenaminayi kukepo. 25Kuka ditatô namabômôu na asi môsenge aRome. Kukepo namatumu na mataé mbe ayôha me. Mitôô mitatô mimakea me gô mubu, mbôngône ématondoméa. Na kukepo namabénza pitsi amôbongo gô mubu gôéenéa mbôngône n’ane amaviga gôébuta me. 26Gô mitôô miyekani mimakea me nameena panda na éningô, n’asi môkôbé. Nameena panda béyé n’Ajuif n’ami. Nameena panda n’ane asaba gô éongo éAjuif. Nameena panda gô misenge mivôni na gô tungu émagasani gôsaba oma. Nameena panda gô mubu. Nameena panda va gatse ane abévani apata mbe: Wa n’anyô muetso te oma aChrist. 27Namayanzédu mayanza madagani. Nameena maguga mamootéani. Pitsi diyekani oma asisingé me neeboga vio. Namookô nzaa na sôé. Kuka diyekani oma asidugédu me môyakô. Namookô sodi na tsibé na mikanda. 28Na va mbene éametso mane, nandé na mikebanganô gôékenea asi mbumu éaNzambé gô tungu yetso. 29Okô va gatse asi mbumu éaNzambé môvo abé vipôpéa na me dôta nangaba te vipôpéa. Okô movo akuéyi gô mabégô mabévani me nookô pievia gô môtémami.
30Okô nônyôngéyiô mbe me naakuméda memuene geenda avo, tambô naakuméda memuene gô mane masaba me na ngudi. 31Nzambé Tétene éaKumu Jésus te gémoni sami gésabômu mbe me tsapata. Te mbe inedi ékumédu môbô na môbô. 32Vamabaka me gô Damas môtômine amôsengee ameetsô ôtômu na kumu atsenge Arétas, amatôma migode gôéwema gô nzéaye yetso gôétsôpa me mbe kabaga nabusuga gô yangô. 33Ivô namawedéô n’akasô. Amakuséda me gô épôdéké gô ngongo amôgômbee. Amasutuméda me na gô tsina gô gésambi na vane namabusuga.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Alliance Biblique du Gabon (Bible Society in Gabon) 1983